Wed. Nov 18th, 2026

ಊರ್ದ ಸುದ್ದಿ Regional News

10 ನೇ ಕ್ಲಾಸ್ ದ ಸಮಾಜ ವಿಜ್ಞಾನೊಡೇ ನಾರಾಯಣ ಗುರುಕ್ಲೆನ ಪಾಠ ಸೇರ್ಸಾವೊಡು: ಇಜ್ಜಿಡ ರಾಜ್ಯ ಇಡೀಯ ಪ್ರತಿಭಟನೆದ ಎಚ್ಚೆರ್ಗೆ ಕೊರಿನ ಬಿಲ್ಲವ ಸಮಾಜ

ಕುಡ್ಲ: ರಾಜ್ಯದ ಪಠ್ಯ ಪರಿಷ್ಕರಣೆ ಸಮಿತಿದಕುಲು 10ನೇ ಕ್ಲಾಸ್ ದ ಸಮಾಜ ವಿಜ್ಞಾನ ಪಠ್ಯ ಪುಸ್ತಕರ್ದ್ ಕೈ ಬುಡ್ತಿನ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಪಾಠೊನು ಪಿರ ಅವ್ವೇ ಪಠ್ಯ ಪುಸ್ತಕೊಗು ಸೇರ್ಸಾವೊಡು. ಇಜ್ಜಿಡ ಈ ಇಚಾರೊಡ್ ಬಿಲ್ಲವ ಸಮುದಾಯದ 26 ಪಂಗಡೊಲು ಸೇರ್ದ್ ರಾಜ್ಯ ಇಡೀಯ ಪ್ರತಿಭಟನೆ ಮಲ್ಪುವ ಪಂದ್ ಬಿಲ್ಲವ ಸಮಾಜ ಸರಕಾರೊಗು ಎಚ್ಚೆರ್ಗೆ ಕೊರ್ತುಂಡು.

ಬಿಲ್ಲವ ಸಮಾಜದ ಬೇತೆ ಬೇತೆ ಸಂಘಟನೆದಕುಲು, ಮುಖಂಡೆರ್ ಕುಡ್ಲದ ಕಂಕನಾಡಿ ಗರೋಡಿಡ್ ಗುರುವಾರ ಅಟ್ಟನೆ ಮಲ್ತಿನ ಸುದ್ದಿಗೋಷ್ಠಿಡ್ ಈ ವಿಚಾರೊನು ತೆರಿಪಾಯೆರ್.

ನಾರಾಯಣಗುರು ವಿಚಾರ ವೇದಿಕೆದ ರಾಜ್ಯಾಧ್ಯಕ್ಷೆರ್ ಸತ್ಯಜಿತ್ ಸುರತ್ಕಲ್ ಪಾತೆರ್ದ್, ಮಿತ್ತ್ ದ ವರ್ಗದಕ್ಲೆನ್ ಖುಷಿಟ್ಟ್ ದೀದ್ ಹಿಂದುಳಿದ ವರ್ಗದಕ್ಲೆನ್ ತಿರ್ತ್ ನೂಕುನ ಬೇಲೆ ಇತ್ತೆಲ ನಡತೊಂದು ಉಂಡು.

ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆರ್ದ್ ಇನಿ ಹಿಂದೂ ಸಮಾಜ, ಹಿಂದುತ್ವ ಒರಿದ್ಂಡ್. ಆಂಡ ಇತ್ತೆ ಸರಕಾರ ಅರೆನ ವಿಚಾರೊನು ತಿರ್ತ್ ನೂಕುನ ಬೇಲೆ ಮಲ್ತೊಂದುಂಡು. ಒಂಜಿ ತಿಂಗೊಲ್ ದ ಪಿರವು ನಾರಾಯಣ ಗುರು ಪಠ್ಯನ್ 10ನೇ ತರಗತಿದ ಸಮಾಜ ವಿಜ್ಞಾನ ಪಠ್ಯ ಪುಸ್ತಕರ್ದ್ ಕೈ ಬುಡ್ತಿನ ಬಗೆಟ್ಟ್ ಸಮುದಾಯದ ನಾಯಕೆರ್ ಸ್ವರ ಲಕ್ಕಾದಿತ್ತೆರ್. ಉಂದುವೇ ಪೊರ್ತುಡ್ ಪೆರಿಯಾರ್, ಬಸವಣ್ಣ, ಕುವೆಂಪು, ಡಾ. ಅಂಬೇಡ್ಕರ್, ಭಗತ್ ಸಿಂಗ್ ಇಚಾರಲು ದುಂಬು ಬತ್ತ್ಂಡ್. ಈ ಪೊರ್ತುಡ್ ಜನಪ್ರತಿನಿಧಿಲೆನ ಪೊರ್ಂಬಾಟ, ವಿರೋಧ ವ್ಯಕ್ತವಾದಿತ್ತ್ಂಡ್. ಅಪಗ ಮಂತ್ರಿಲು ಕೂಡ ಪಾಠದ ಬೂಕುಡ್ ನಾರಾಯಣ ಗುರು ಪಾಠೊನು ಕೈ ಬುಡ್ತಿಜ ಪಂದ್ ಹೇಳಿಕೆ ಕೊರ್ದಿತ್ತೆರ್. ಬೊಕ್ಕ 7ನೇ ಕ್ಲಾಸ್ ದ ಪಠ್ಯ ಪುಸ್ತಕಡ್ ಸೇರ್ಸಾವ ಪಂದ್ ಪನ್ದಿತ್ತೆರ್ . ಸರ್ಕಾರದ ಪಾತೆರನ್ಲ ನಂಬುದಿತ್ತ. ಆಂಡ ಇತ್ತೆ ಪಠ್ಯ ಪುಸ್ತಕ ಪರಿಷ್ಕರಣೆ ಸಮಿತಿದಕುಲು ಗುರುಕ್ಲೆನ ಪಾಠೊನು 10ನೇತ್ತ ಸಮಾಜ ವಿಜ್ಞಾನೊರ್ದು ದೆತ್ತ್ ದ್ ಕನ್ನಡ ಓದುನ ಕೆಲವೇ ಜೋಕುಲೆಗ್ ಸೀಮಿತವಾದುಪ್ಪುನ ಕನ್ನಡ ಪಾಠ ಬೂಕುಡು ಸೇರ್ಸಾದೆರ್. ಅಂಚಾದ್ ಶೇ.60 ರ್ದ್ ಲ ಎಚ್ಚದ ಇಂಗ್ಲೀಷ್ ಮೀಡಿಯಂದ ಜೋಕ್ಲೆಗ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಸಂದೇಶ ತತ್ವನ್ ಓದುನ ಅವಕಾಶ ತತ್ತ್ ದ್ ಪೋಪುಂಡು . ಉಂದು ನಾರಾಯಣ ಗುರುಕ್ಲೆಗ್, ಅಂಚೆನೆ ಬಿಲ್ಲವ ಸಮುದಾಯಗ್ ಸರಕಾರ ಮಲ್ತೊಂದಿಪ್ಪುನ ಅನ್ಯಾಯ ಪಂದ್ ಪಂಡೆರ್.

ಬಜ್ಪೆ ಏರ್ ಪೋರ್ಟುಗು ಕೋಟಿ ಚೆನ್ನಯೆರ್ನ ಪುದರ್ ದೀಪಿನವು , ಗಣರಾಜ್ಯೋತ್ಸವದ ಪರೇಡ್ ಡ್ ನಾರಾಯಣ ಗುರುಕ್ಲೆನ ಸ್ತಬ್ಧ ಚಿತ್ರ ಕೈ ಬುಡ್ತಿನವ್ ಸೇರಿನಂಚನೆ ಮಸ್ತ್ ವಿಷಯಡ್ ಸಮುದಾಯಗ್ ಅನ್ಯಾಯ ಆನಗ ಸ್ವರ ಲಕ್ಕಾಂಡ ಅವು ರಾಜಕೀಯ ಪಿತೂರಿ ಪಂದ್ ಸಮುದಾಯನ್ ಬಾಯಿ ಮುಚ್ಚಾದೆರ್. ಆಂಡ ಈ ವಿಷಯನ್ ಸಮುದಾಯ ಗಂಭೀರವಾದ್ ದೆತೊಂದುಂಡು. ಸರಕಾರದ ಈ ಬಗೆಟ್ಟ್ ಸರಿಯಾಯಿನ ಕ್ರಮ ದೆತೊನೊಡು ಪಂದ್ ಒತ್ತಾಯ ಮಲ್ತೆರ್.

ಸಮಾಜ ವಿಜ್ಞಾನ ಪಾಠ ಪುಸ್ತಕೊಡೆ ನಾರಾಯಣ ಗುರುಕ್ಲೆನ ವಿಚಾರನ್ ಪಾಡೊಡು. ಪಠ್ಯ ಪುಸ್ತಕ ಪ್ರಿಂಟ್ ಆದ್ ಇತ್ತ್ಂಡ ಕುಡೊರ ಪ್ರಿಂಟ್ ಮಲ್ತ್ ದ್, ಸೇರ್ಸಾಲೆ. ಇಜ್ಜಿಂಡ ಇತ್ತಿನ ಪುಸ್ತಕದ ಒಟ್ಟುಗ್ ನನೊಂಜಿ ಈ ವಿಷಯಡ್ ಎಲ್ಯ ಪುಸ್ತಕ ಮಲ್ಪುಲೆ. ಇಂಚ ಮಲ್ತ್ ಜಿಂಡ ಗುರುಕ್ಲೆನ ಸಮಾಜದ 26 ಪಂಗಡನ್ ಸೇರ್ಸಾದ್ ಮಲ್ಲ ಮಟ್ಟ್ ಡ್ ರಾಜ್ಯಡ್ ಪ್ರತಿಭಟನೆ ಮಲ್ಪುವ ಪಂದ್ ಸತ್ಯಜಿತ್ ಸುರತ್ಕಲ್ ಪಂಡೆರ್.

ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಕೋಶಾಧಿಕಾರಿಲು ಪದ್ಮರಾಜ್ ಮೇರ್ ಪಾತೆರ್ದ್, 10ನೇ ತರಗತಿದ ಸಮಾಜ ವಿಜ್ಞಾನ ಪಠ್ಯರ್ದ್ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ವಿಷಯ ಕೈ ಬುಡ್ತ್ಂಡ್ ಪಂದ್ ಸುರುಟ್ಟ್ ಸ್ವರ ಲಕ್ಕಾನಗ ರಾಜಕೀಯ ಮಲ್ತೊಂದುಲ್ಲೆರ್, ಪಠ್ಯನ್ ಕೈ ಬುಡ್ತ್ ಜ. ಪಠ್ಯ ಪುಸ್ತಕ ಬತ್ತಿ ಬೊಕ್ಕ ತೂಲೆ, ತೂವಂದೆ ದಾಯೆ ಪಾತೊರೊಂದ್ ಉಲ್ಲರ್ ಪಂದ್ ಶಿಕ್ಷಣ ಸಚಿವೆರ್ ಪಂಡ್ ದಿತ್ತೆರ್. ಆಂಡ ಇತ್ತೆ ಸಮಾಜ ವಿಜ್ಞಾನ ಪಠ್ಯ ಪುಸ್ತಕಡ್ ಈ ಇಚಾರ ಓಲುಂಡು..? ದಾಖಲೆದೊಟ್ಟುಗ್ ಪಾತೆರ್ಲೆ.. ಕೆಲವೆರ್ ಬಿಲ್ಲವ ಸಮುದಾಯನ್ ರಾಜಕೀಯವಾದ್ ತಪ್ಪು ಸಾದಿಗ್ ಕೊನಪಿನ ಪ್ರಯತ್ನ ಮಲ್ತೊಂದುಲ್ಲೆರ್ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಕಂಕನಾಡಿ ಗರೋಡಿ ಆಡಳಿತ ಮಂಡಳಿದ ಅಧ್ಯಕ್ಷೆರ್ ಚಿತ್ತರಂಜನ್ ಗರೋಡಿ, ಪುತ್ತೂರು ಬಿಲ್ಲವ ಸಂಘದ ಅಧ್ಯಕ್ಷೆರ್ ಸತೀಶ್ , ಮುಖಂಡೆರ್ ಆಯಿನ ಶೈಲೇಂದ್ರ, ಮಹಾಬಲ ಪೂಜಾರಿ, ದಿನೇಶ್ ಅಂಚನ್, ರಾಜೇಂದ್ರ ಚಿಲಿಂಬಿ ಇತ್ತೆರ್.

The tenth standard syllabus must include lessons on Narayana Guru: Or we will organise protests all over the state—-Billava Samaja

Mangalore: The text book review committee have done away with lessons on Sri Narayan Guru in the tenth standard social science text books ; this must be revised and included in the text books or the 26 sub sects of the Billava Samaj will come together and organise protests all over the state warned the Billava Samaj to the government.

The leaders of the different associations of the Billava Samaj had gathered for a press meet in Kankanady, Mangalore and disclosed this issue to the public.

The state president of Narayan Guru Vichara Vedike Satyajit Suratkal said that there is a trend to encourage the upper strata in the society and ignore the lower classes.It is people like Narayan Guru who brought about a change in society with his preaching and outlook.His lessons which were included in the social science text of the tenth class has now been included in the Kannada language text books of the tenth class. With 60% of the students studying in the English medium, including it in Kannada lessons will make it reach lesser number of students. His teachings must reach a large number of people. This decision of the government has hurt the sentiments of the Billava Samaj. Now there have been a series of incidents that has antoganised the Billavas.So this time the community is going to take things seriously if their demands are not met.

Padmaraj the treasurer of Kudroli Sri Gokarnateshwara kshetra shared the same sentiments and added that though their demands were genuine,some people were trying to politicalise the issue.

The president of the managing committee of Kankanady Garodi Sri Sri Chittaranjan Garodi, Puttur Billava Sangha president Satish, Shailendra, Mahabal Poojary,Dinesh Anchan, Rajendra Chilimbi were present at the meet.

ತಿಗಲೆ ಬೇನೆಡ್ ಆಸ್ಪತ್ರೆ ಸೇರಿನ ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿ ಎಂಆರ್ ಶಾ

ತಿಗಲೆ ಬೇನೆಡ್ ಆಸ್ಪತ್ರೆ ಸೇರಿನ ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿ ಎಂಆರ್ ಶಾ

ನವದೆಹಲಿ: ಹಿಮಾಚಲ ಪ್ರದೇಶಡ್ ಇನಿ ಸುಪ್ರೀಂ ಕೋರ್ಟ್ ನ್ಯಾಯಮೂರ್ತಿ ಎಂಆರ್ ಶಾ ಮೆರೆಗ್ ತಿಗಲೆ ಬೇನೆ ಆದ್ ಚಿಕಿತ್ಸೆಗಾದ್ ದೆಹಲಿಗ್ ಶಿಫ್ಟ್ ಮಲ್ತೊಂದು ಉಲ್ಲೆರ್ ಪಂದ್ ತೆರಿದ್ ಬೈದುಂಡು.

ಸುಪ್ರೀಂ ಕೋರ್ಟ್ ಅಧಿಕಾರಿಲು ಸಚಿವಾಲಯದೊಟ್ಟುಗು ಸಂಪರ್ಕಡ್ ಉಲ್ಲೆರ್ . ಅಂಚನೆ ಮರ್ದ್ ಗಾದ್ ಏರ್ ಆಂಬುಲೆನ್ಸ್ ಮುಖೇನ ದೆಹಲಿಗ್ ನ್ಯಾಯಮೂರ್ತಿನ್ ಲೆತೊಂದು ಪೋವೊಂದು ಉಲ್ಲೆರ್.

ನ್ಯಾಯಮೂರ್ತಿ ಶಾ ಮೇರ್ ಪಾಟ್ನಾ ಹೈಕೋರ್ಟ್‌ದ ಮಾಜಿ ಮುಖ್ಯ ನ್ಯಾಯಮೂರ್ತಿಯಾದ್ ಉಲ್ಲೆರ್ . ಮೇರ್ ಗುಜರಾತ್‌ ಹೈಕೋರ್ಟ್‌ದ ಮಾಜಿ ನ್ಯಾಯಾಧೀಶೆರ್ಲಾ ಅಂದ್ . ಮೇ 15, 2023ಕ್ಕ್ ಮೆರ್ನ ನಿವೃತ್ತಿ ಆಯೆರೆ ಉಂಡು . ಮೇರ್ ನವೆಂಬರ್ 2, 2018 ಗ್ ಭಾರತದ ಸುಪ್ರೀಂ ಕೋರ್ಟ್‌ದ್ ನ್ಯಾಯಾಧೀಶೆ ಆದ್ ನೇಮಕ ಆತೆರ್ .

ಜೂ.19-26: ಬೊಂಬಾಯಿದ ಶ್ರೀ ಗುರುನಾರಾಯಣ ಯಕ್ಷಗಾನ ಮಂಡಳಿಡ್ 8 ದಿನತ್ತ ಯಕ್ಷೋತ್ಸವ

ಜೂ.19-26: ಬೊಂಬಾಯಿದ ಶ್ರೀ ಗುರುನಾರಾಯಣ ಯಕ್ಷಗಾನ ಮಂಡಳಿಡ್ 8 ದಿನತ್ತ ಯಕ್ಷೋತ್ಸವ

ಬೊಂಬಾಯಿ : ಜೂ.19 ರ್ದ್ ಜೂ 26 ಮುಟ್ಟ ಬೊಂಬಾಯಿದ
ಬಿಲ್ಲವರ ಅಸೋಸಿಯೇಷನ್ ಮುತಾಲಿಕೆದ
ಶ್ರೀ ಗುರುನಾರಾಯಣ ಯಕ್ಷಗಾನ ಮಂಡಳಿ ಬೊಕ್ಕ ಅತಿಥಿ ಕಲಾವಿದೆರೆರ್ದ್ ಎಡ್ಮ ದಿನತ್ತ ಯಕ್ಷೋತ್ಸವ “ಯಕ್ಷಗಾನ ಅಷ್ಟಕ ಸರಣಿ ” ನಡಪರೆ ಉಂಡು.
ಜೂ. 19ಗ್ ಮದ್ದೆನ 3 ಗಂಟೆರ್ದ್ ರಾತ್ರಿ 9.30 ಗಂಟೆ ಮುಟ್ಟ ” ಅಮ್ಮಾ ಭ್ರಾಮರಿ” ಪ್ರಸಂಗ, ಜೂ.20 ಬಯ್ಯಗ್ 5 ಗಂಟೆರ್ದ್ ರಾತ್ರಿ 9.30 ಗಂಟೆ ಮುಟ್ಟ” ಭೃಗು ಶಾಪ – ಭಾರ್ಗವ ವಿಜಯ” ಪ್ರಸಂಗ, ಜೂ.21 ಬಯ್ಯಗ್ 5 ಗಂಟೆರ್ದ್ ರಾತ್ರಿ 9.30 ಮುಟ್ಟ “ಹರಿ ದರ್ಶನ” ಜೂ.23 ಬಯ್ಯ 5 ಗಂಟೆರ್ದ್ ರಾತ್ರಿ 9.30 ಮುಟ್ಟ ದ್ರೌಪದಿ ವಸ್ತ್ರಾ ಪಹಾರ-ಗದಾಯುದ್ಧ, ಜೂ. 24 ಬಯ್ಯಗ್ 5 ಗಂಟೆರ್ದ್ ರಾತ್ರಿ 9.30 ಮುಟ್ಟ ಭೀಷ್ಮ ವಿಜಯ
ಜೂ. 25 ಮದ್ದೆನ 3 ಗಂಟೆರ್ದ್ ರಾತ್ರಿ 9.30 ಗಂಟೆ ಮುಟ್ಟ ಶ್ರೀರಾಮ ಕಾರುಣ್ಯ ಪ್ರಸಂಗ, ಜೂ.26 ಮದ್ದೆನ 1 ಗಂಟೆರ್ದ್ ರಾತ್ರಿ 9.30 ಮುಟ್ಟ
ಸಂಪೂರ್ಣ ದೇವಿ ಮಹಾತ್ಮೆ ಯಕ್ಷಗಾನ ನಡಪರೆ ಉಂಡು ಪಂದ್ ಮಂಡಳಿದ ಲೆಪ್ಪೋಲೆಡ್ ತೆರಿಪಾದೆರ್.

ಚಾರ್ಮಾಡಿಡ್ ಮಿನಿ ಗೂಡ್ಸ್ ಗಾಡಿ ಪಲ್ಟಿ : ಮೂಜಿ ಜನಕ್ ಗಾಯ

ಚಾರ್ಮಾಡಿಡ್ ಮಿನಿ ಗೂಡ್ಸ್ ಗಾಡಿ ಪಲ್ಟಿ : ಮೂಜಿ ಜನಕ್ ಗಾಯ

ಬೊಲ್ತೆರ್ , ಜೂನ್ 16: ಬೇಲೆಗ್ ಜನಕ್ಲೆನ್ ಲೆತೊಂದು ಪೋವೊಂದು ಇತ್ತಿನ ಮಿನಿ ಗೂಡ್ಸ್ ಗಾಡಿ ಒಂಜಿ ಚಾಲಕೆನ ನಿಯಂತ್ರಣ ತತ್ತ್ ದ್ ಪಲ್ಟಿಯಾದ್ ಮೂಜಿ ಜನ ಗಾಯ ಆಯಿನ ಘಟನೆ ಚಾರ್ಮಾಡಿ ಘಾಟ್ ಡ್ ನಡತುಂಡು.

ಗಾಯಾ ಆಯಿನಕ್ಲೆನ್ ಕುಡ್ಲದ ಆಸ್ಪತ್ರೆಗ್ ದಾಖಲ್ ಮಲ್ದೆರ್ .ಅಕುಲು ಉತ್ತರ ಪ್ರದೇಶ ಮೂಲದಕುಲು ಪಂದ್ ತೆರಿದ್ ಬೈದುಂಡು.

ಚಿಕ್ಕಮಗಳೂರು ಜಿಲ್ಲೆದ ಮೂಡಿಗೆರೆ ತಾಲ್ಲೂಕುದ ಬಣಕಲ್ ಠಾಣೆ ವ್ಯಾಪ್ತಿಡ್ ಘಟನೆ ನಡತುಂಡು , ಈ ಬಗ್ಗೆ ಪೊಲೀಸ್‌ ಠಾಣೆಡ್ ದೂರು ದಾಖಲಾತುಂಡು .

Goods vehicle upturns in Charmadi Ghat: Three persons injured.

Bheltangady: June 16th: A mini goods vehicle carrying workers upturned in Charmadi Ghat injuring three persons.

The injured have been admitted to hospitals in Mangalore.They are said to be originally from Uttar Pradesh.
A case has been registered at Banakal police station at Mudigere in Chickmanglore district.

 

ಕುಡ್ಲ : ನಿಷೇಧಿತ ಅಮಲ್ ದ ವಸ್ತು ಸಾಗಾಟ -ನಾಲ್ ಜನ ಅರೆಸ್ಟ್

ಕುಡ್ಲ : ನಿಷೇಧಿತ ಅಮಲ್ ದ ವಸ್ತು ಸಾಗಾಟ -ನಾಲ್ ಜನ ಅರೆಸ್ಟ್

ಕುಡ್ಲ : ನಿಷೇಧಿತ ಅಮಲ್ ದ ವಸ್ತು ಎಂಡಿಎಂಎನ್ ಸಾಗಾಟ ಮಲ್ತೊಂದು ಇತ್ತಿನ ಪೊಂಜೊವ್ ಸೇರಿನoಚ ನಾಲ್ ಜನನ್ ಕುಡ್ಲ ಸಿಸಿಬಿ ಪೊಲೀಸೆರ್ ಕಾರ್ಯಾಚರಣೆ ಮಲ್ತ್ ಅರೆಸ್ಟ್ ಮಲ್ದೆರ್.

ಕೇರಳ ರಾಜ್ಯದ ಕಾಸರಗೋಡು ದ ಉಪ್ಪಳ ನಿವಾಸಿ ಮಹಮ್ಮದ್ ರಮೀಝ್(24), ಶಿರಿಯಾ, ಕುನ್ನಿಲ್ ಶಿರಿಯಾ ನಿವಾಸಿ ಮೊಹಿದ್ದೀನ್ ರಾಶೀದ್(24), ಉಪ್ಪಳದ ಮುಳಿಂಜ ನಿವಾಸಿ ಅಬ್ದುಲ್ ರವೂಫ್(35) ಬೊಕ್ಕ ಬೆಂಗ್ಳೂರುದ ಮಡಿವಾಳ‌ ನಿವಾಸಿ ಸಬಿತಾ ಅಲಿಯಾಸ್ ಚಿಂಚು ಅಲಿಯಾಸ್ ಸಮೀರಾ(25) ಬಂಧಿತ ಆರೋಪಿಲು .

ಈ ಕಲ್ವೆರ್ ನೆರ್ದ್ ಒಟ್ಟು 125 ಗ್ರಾಂ ತೂಕದ 6 ಲಕ್ಷ ರೂ. ಪನವುದ ಎಂಡಿಎಂಎ ಅಮಲ್ ವಸ್ತು ದೊಟ್ಟುಗು 6 ಮೊಬೈಲ್ ಫೋನ್ , ಡಿಜಿಟಲ್ ತೂಕ ಮಾಪಕ ಬೊಕ್ಕ ಸಾಗಾಟಕ್ಕೆ ಮಾರುತಿ ರಿಡ್ಜ್ ಕಾರ್ ವಶಕ್ ದೆತೊನ್ದೆರ್.

Mangalore Four persons arrested for trafficking drugs.

Mangalore: Four persons including an woman was arrested for carrying MDMN an abusive substance by the CCB police after investigation.

The arrested have been identified as Ramiz(24) ; Mohideen Rashid (24); Abdul Rauf (35) ,all from Uppala in Kasaragod, Kerala.Sabita alias Chinchi alias Samira (25) is from Madivala in Bangalore.

Drugs wort six lakh rupees,six mobiles, digital weighing machine and a transport vehicle has been confiscated by the police.

 

ಆ.11 ರ್ದ್ 15 ತಾರೀಖ್ ಮುಟ ಪ್ರತಿ ಇಲ್ಲಡ್ಲಾ ರಾಷ್ಟ್ರ ಧ್ವಜ

ಆ.11 ರ್ದ್ 15 ತಾರೀಖ್ ಮುಟ ಪ್ರತಿ ಇಲ್ಲಡ್ಲಾ ರಾಷ್ಟ್ರ ಧ್ವಜ

ಹಳೆಯಂಗಡಿ: ಸ್ವಾತಂತ್ರ್ಯದ ಅಮೃತ ಉಚ್ಚಯದ ನೆಲೆಟ್ಟ್ ಆಗಸ್ಟ್‌ 11ರ್ದ್ 15 ಮುಟ ಗ್ರಾಮೀಣ ಭಾಗದ ಪ್ರತೀ ಇಲ್ಲಡ್ ಲಾ (ಹರ್‌ ಘರ್‌ ಝಂಡಾ) ರಾಷ್ಟ್ರ ಧ್ವಜನ್ ಪಾರಾವುನ ಬಗೆಟ್ ಕೈತಲ್ ದ ಸಮುದಾಯಗ್ , ಸರಕಾರ ಬೊಕ್ಕ ಸರಕಾರೇತರ ಕೈತಲ್ ದ ಸಂಸ್ಥೆಗ್ ರಾಜ್ಯ ಸರಕಾರದ ಪಂಚಾಯತ್‌ ರಾಜ್‌ ಇಲಾಖೆ ಸೂಚಿನೆ ಕೊರ್ತುಂಡು .

ಪಾಲಿಸ್ಟರ್‌, ಪರ್ತಿ , ಉಣ್ಣೆ, ರೇಷ್ಮೆ, ಖಾದಿ ಕುಂಟುಡು 20-30 ಅಳತೆದ ಅತ್ತುಂಡ ಐತ ಅರ್ಧದ ಅಳತೆದ ಧ್ವಜ ಗಲಸೊಡು , ಪ್ಲಾಸ್ಟಿಕ್‌ ಧ್ವಜಕ್ ಅವಕಾಶ ಇಜ್ಜಿ ಪಂದ್ ಪಂತೆರ್.

ಗ್ರಾಮೀಣ ಭಾಗದ ಕೈತಲ್ ದ ಸಂಸ್ಥೆ ಆಯಿನ ಪಂಚಾಯತ್‌ ರಾಜ್‌ ಸಂಸ್ಥೆಲು , ಸ್ವ ಸಹಾಯ ಸಂಘ-ಒಕ್ಕೂಟ, ಅಂಗನವಾಡಿ, ಪ್ರಾಥಮಿಕ ಆರೋಗ್ಯ ಕೇಂದ್ರ, ಉಪ ಕೇಂದ್ರ, ಸಹಕಾರ ಸಂಘ, ಉಪ ಅಂಚೆ ಕಚೇರಿ, ಆಶಾ, ಅಂಗನವಾಡಿ ಕಾರ್ಯಕರ್ತೆರ್ , ಗ್ರಾಮ ರೋಜ್‌ಗಾರ್‌ ಸೇವಕೆರ್ ಶಿಕ್ಷಕೆರ್ ಈ ಬಗ್ಗೆ ಬೆನ್ನಿ ಬೆನೊಡು ಪಂದ್ ಪ್ರಸನ್ನ ಎಚ್‌., ಜಿ.ಪಂ. ಸಿಇಒ, ಒಡಿಪು ಪಂಡೆರ್.

All houses to hoist the national flag from August 11 to 15 th.

Haleangadi: On the occassion of India marking 75 years of independence this August the government wants all houses across the country to hoist the national flag.A notice to this effect has been given to all government,non government organisations and societies by the panchayat raj department of the government.

The government has launched a campaign Har Ghar Janda to encourage indian citizens to hoist the national flag.

The material of the flag can be of cotton, polyster,silk or kadhi .But a plastic flag must be avoided at all costs.

Rural institutions like Panchayat Raj, Cooperative society, Anganwadi, Primary health centre, Self help association, Post office, Asha workers, Gram Rojgar workers and teachers must create awareness about this campaign in the rural areas said Prassanna H J P, CEO .

 

ಜೂ.21 ಕುಡ್ಲದ 3 ಕಡೆಟ್ ಯೋಗ ದಿನ

ಜೂ.21 ಕುಡ್ಲದ 3 ಕಡೆಟ್ ಯೋಗ ದಿನ

ಕುಡ್ಲ : ಕುಡ್ಲದ ಕೆಲವು ಸಂಘ-ಸಂಸ್ಥೆ ಬೊಕ್ಕ ಶಾಲಾ ಕಾಲೇಜುಡು ಯೋಗ ದಿನಾಚರಣೆ ಜೂ. 21ಕ್ಕ್ ನಡಪೆರೆ ಉಂಡು , ಈ ನೆಲೆಟ್ಟ್ ಮೂಜಿ ಕಡೆಟ್ ಜಿಲ್ಲಾ ಮಟ್ಟದ ಯೋಗ ದಿನಾಚರಣೆನ್ ಅಟ್ಟನೆ ಮಲ್ದೆರ್ .

ಈ ನೆಲೆಟ್ಟ್ ದಕ್ಷಿಣ ಕನ್ನಡ ಜಿಲ್ಲೆದ ಆಯುಷ್‌ ಮಹಾವಿದ್ಯಾಲಯ, ಎನ್‌ಎಸ್‌ಎಸ್‌, ಎನ್‌ಸಿಸಿ ಕೋ ಆರ್ಡಿನೇಟರ್, ವಿವಿಧ ಯೋಗ ಸಂಘಟನೆದ ವತಿರ್ದ್ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಕಚೇರಿಡ್ ಪೂರ್ವಭಾವಿ ಸಭೆ ನಡತುಂಡು .

June 21st Yoga day celebration
District level program at 3 places.

Mangalore: Many organisations and schools have made arrangements to celebrate yoga day on June 21st. Celebrations at district level will be done at three places.

The DK district Ayush University, NSS, NCC coordinator, various yoga associations had a high level meeting in this regard at the DC office.

 

ರಾಜ್ ನ್ ಕೆರಿನ ಪ್ರಕರಣ : ಪ್ರಮುಖ ಆರೋಪಿ ನವೀನ್ ನ್ ಅರೆಸ್ಟ್ ಮಲ್ತಿನ ಪೋಲಿಸೆರ್

ರಾಜ್ ನ್ ಕೆರಿನ ಪ್ರಕರಣ : ಪ್ರಮುಖ ಆರೋಪಿ ನವೀನ್ ನ್ ಅರೆಸ್ಟ್ ಮಲ್ತಿನ ಪೋಲಿಸೆರ್

ಕುಡ್ಲ : ಬೈಕಂಪಾಡಿ ಮೀನಕಳಿದ ಮಾರ್ಗದ ಬರಿಟ್ ರೌಡಿ ಶೀಟರ್‌ ರಾಜಾ ಯಾನೆ ರಾಘವೇಂದ್ರ ಕೊಲೆ ಪ್ರಕರಣದ ಪ್ರಮುಖ ಆರೋಪಿ ನವೀನ್‌ ಯಾನೆ ಮೈಕೆಲ್‌ ನವೀನ್‌ ನ್ ಪೊಲೀಸೆರ್ ಅರೆಸ್ಟ್ ಮಲ್ತ್ ನ್ಯಾಯಾಯಲಯಗ್ ಲೆತೊಂದು ಪೋತೆರ್ .

ಇಂಬೆನ ವಿರುದ್ಧ ಮೂಜಿ ಕೆರ್ತಿನ ಪ್ರಕರಣ ಸೇರಿನಂಚ ಒಟ್ಟು 8 ಕ್ರಿಮಿನಲ್‌ ಪ್ರಕರಣ ಉಂಡು.

ರಾಜಾನ್ ಕೆರಿನ ಪ್ರಮುಖ ಸಂಚು ಮಲ್ತ್ ಮಾರಕಾಯುಧದ ಒಟ್ಟುಗು ಹಲ್ಲೆ ಮಲ್ತ್ ಕೆರ್ದ್ ಬಲ್ತಿತ್ತೆ ಪಂದ್ ಪೊಲೀಸ್ ದಕುಲು ಪಂಡೆರ್ . ಈ ಕೆರ್ತಿನ ಪ್ರಕರಣಡ್ ಇತ್ತೆ ಮುಟ 12 ಜನನ್ ಅರೆಸ್ಟ್ ಮಲ್ದೆರ್ .

 

Raj murder case: Police arrest the main accused–Naveen:

Mangalore: In the murder case of rowdy sheeter Raj alias Raghavendra at Baikampady ; the main accused Naveen has been arrested by the police.

He has 8 criminal cases registered against him including 3 murder cases.

Naveen is said to be the mastermind who planned the murder and attacked him with weapons resulting in murder .More than 12 persons have been arrested in connection with this case.

ಘನತ್ಯಾಜ್ಯ ವಿಲೇವಾರಿಡ್ ಪೈಪ್ ಕಾಂಪೋಸ್ಟ್ ಬಗ್ಗೆ ಪ್ರಾತ್ಯಕ್ಷಿಕೆ

ಘನತ್ಯಾಜ್ಯ ವಿಲೇವಾರಿಡ್ ಪೈಪ್ ಕಾಂಪೋಸ್ಟ್ ಬಗ್ಗೆ ಪ್ರಾತ್ಯಕ್ಷಿಕೆ

ಮುಲ್ಕಿ : ಮುಲ್ಕಿ ಸುಂದರ್ ರಾಮ್ ಶೆಟ್ಟಿ ಕಾಲೇಜು ಶಿರ್ವ ಮುಲ್ಪ ನಡತಿನ ಘನ ತ್ಯಾಜ್ಯ ವಿಲೇವಾರಿಡ್ ಪೈಪ್ ಕಾಂಪೋಸ್ಟ್ ಪಾತ್ರ ಪನ್ಪಿನ ವಿಷಯದ ಬಗ್ಗೆ ಸಂಪನ್ಮೂಲ ವ್ಯಕ್ತಿ ಜೆಸಿ ದೀಪಕ್ ಕಾಮತ್ ಸಾಲಿಡ್ ವೇಸ್ಟ್ ಮ್ಯಾನೇಜ್ಮೆಂಟ್ ತರಬೇತುದಾರೆರ್ ಕಾರ್ಲ ಮೇರ್ ಪರಿಸರ ಸಂರಕ್ಷಣೆಡ್ ಮಲ್ಪುನೆಟ್ಟ್ ಘನತ್ಯಾಜ್ಯ ವಿಲೇವಾರಿದ ಮಹತ್ವದ ಬಗ್ಗೆ ಪಾತೆರ್ದ್ ಪಜಿ ಕಜವುನು ಸಾವಯವ ಗೊಬ್ಬರ ಪೈಪ್ ಕಾಂಪೋಸ್ಟ್ ಮುಖೇನ ಎಂಚ ಮಳ್ಪೋಲಿ ಪಂದ್ ಜೋಕ್ಲೆಗ್ ಪ್ರಾತ್ಯಕ್ಷಿತೆದ ಮುಖೇನ ತೋಜಾಯೆರ್.

.

ಈ ಪೊರ್ತುಡು ಪ್ರಾಂಶುಪಾಲೆರಾಯಿನ ಡಾ‌. ನಯನ ಎಂ. ಪಕ್ಕಳ ಮೇರ್ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್. ಕಾಲೇಜ್ದ ಉಪನ್ಯಾಸಕೇರಾಯಿನ ಶ್ರೀ ಗಣೇಶ್ ಆಚಾರ್ , ಶ್ರೀ ವಾಸುದೇವ ಭಟ್ , ಶ್ರೀಮತಿ ವರಮಹಾಲಕ್ಷ್ಮಿ ಬೊಕ್ಕ ಬೋಧಕೇತರ ವೃಂದದಕುಲು ಪಾಲ್ ಪಡೆದಿತ್ತೆರ್.

Demonstration on waste management through pipe composting.

Mulki : At a demonstration organised at Mulki Sunderam Shetty college, Shirva , resource person Deepak Kamath spoke about how important it is for proper management of waste to protect our environment.
He also gave a live demonstration on biodegradable waste management and it’s transportation as compost through pipelines.

Principal of the college Dr Nayana M Pakkala presided over the program. Lecturers Ganesh Achar, Sri Vasudev Bhat, Smt Varalakshmi and other non teaching staff were present.

 

ಪಂಜ ಶಶಿಕಲಾ ಕುಟುಂಬೊಗು ಪಣವುದ ಸಕಾಯ

ಪಂಜ ಕೊಯಿಕುಡೆ : ಪಂಜ ಮಡಿವಾಳಬೆಟ್ಟುದ ಶಶಿಕಲಾ ಮೇರ್ ಇಂಚೊಗು ಕಂಡನಿ ಅಂಚೆನೆ ಮಗನ್ ಕಳೆವೊಂದು ಸ್ವಂತ ಇಲ್ಲ್ ದಾಂತೆ ಮಗಲ್ನ ಇಲ್ಲಡ್ ಇಪ್ಪುನ ಪೊರ್ತುಡು ಅರೆನ ಮಗಲ್ನ ಕಂಡನಿಲ ಇಂಚೊಗು ದೇವೆರ್ನ ಪಾದ ಸೇರ್ದೆರ್.

ಇಂಚಿನ ಪರಿಸ್ಥಿತಿ ಡ್ ಶಶಿಕಲಾ ಮೇರ್ ತನ್ನ ಕುಡೊರಿ ಮಗೆ ಅಂಚೆನೆ ಮಗಲ್ ಜಯಶ್ರೀ ಬೊಕ್ಕ ಅರೆನ ರಡ್ಡ್ ಆಣ್ ಜೋಕುಲೆನ ಒಟ್ಟುಗು ಜೀವನ ದೆಪ್ಪರೆ ಬಾರಿ ಕಷ್ಟ ಬುಡೊಂದುಲ್ಲೆರ್. ಇಂಚಿನ ಪೊರ್ತುಡು ಸಮಾಜ ಸೇವೆ ಡ್ ಪುದರ್ ಪಡೆಯಿನ ಸೇವಾ ಭಾರತ್, ಪಂಜ ಕೊಯಿಕುಡೆ ಬೊಕ್ಕ ಶ್ರೀ ಪಾಂಡುರಂಗ ವಿಠ್ಠಲ ವಾಟ್ಸಾಪ್ ಗ್ರೂಪ್ ದ ಸದಸ್ಯೆರ್, ಊರು ಪರವೂರುದ ದಾನಿಲೆನ ಸಾಕಾರೊಡು 50,000 ರೂ. ಪಣವು ಒಟ್ಟು ಮಲ್ತ್ ದ್ ಶಶಿಕಲಾ ಮೇರ್ನ ಕುಟುಂಬೊಗು ಇಂಚೊಗು ಕೊರಿಯೆರ್.

ಈ ಪೊರ್ತುಡು ದ.ಕ. ಜಿಲ್ಲಾ ಪಂಚಾಯತ್ ಮಾಜಿ ಉಪಾಧ್ಯಕ್ಷೆ ರ್ ಕಸ್ತೂರಿ ಪಂಜ, ಉಮೇಶ್ ಪಂಜ, ರಾಜೇಶ್ ಶೆಟ್ಟಿ, ಯಾದವ ಅಂಚನ್, ಸುನಿಲ್ ಶೆಟ್ಟಿ, ರೋಹನ್ ಪಂಜ , ಶೇಖರ್ ಶೆಟ್ಟಿ ಮೊಕುಲು ಮಾತ ಇತ್ತೆರ್.

Monatary aid to the family members of Shashikala:

Punja Koikuday: The family of Shashikala from Punja Madivalabetta went through a lot of hardships after losing her husband and son- in-law.

Day to day activities were difficult for the family with two young children in tow.

At this critical time Seva Bharath organisation well known for social service and Punja Koikuday and Sri Pandurang Vittal whatsapp group members and donation from people far and near collected Rs 50,000 gad handed it over to the family of Sashikala.

Former vice president of DK zilla panchayat Kasturi Punja, Umesh Punja, Rajesh Shetty Yadav Anchan, Sunil Shetty , Rohan Punja and Shekhar Shetty were present on the occasion.