Tue. Nov 17th, 2026

ಊರ್ದ ಸುದ್ದಿ Regional News

ನಾಯಿ ತುಚ್ಚಿದ್ ರೇಬಿಸ್ ಸೀಕ್ ರ್ದ್ ತೀರ್ ಪೋಯಿನ ಕಾಲೇಜ್ ದ ಕಲ್ಪಾರ್ಥಿ

ಪಾಲಕ್ಕಾಡ್: ನಾಯಿ ತುಚ್ಚಿದ್ ರೇಬಿಸ್ ಸೀಕ್ ಬತ್ತ್ ದ್ ಬಂಗ ಬರೊಂದು ಇತ್ತಿನ ಕಾಲೇಜ್ ದ ಕಲ್ಪಾರ್ಥಿ ತೀರ್ ಪೋಯಿನ್ ಘಟನೆ ಕೇರಳಡ್ ನಡತ್ ದುಂಡು.

ಶ್ರೀಲಕ್ಷ್ಮೀ (19) ತೀರ್ ಪೋಯಿನ ಕಲ್ಪಾರ್ಥಿ. ಮೇರ್ ಪಾಲಕ್ಕಾಡ್ ದ ಸುಗುಣನ್ ಬೊಕ್ಕ ಸಿಂಧು ದಂಪತಿಲೆನ ಮಗಲ್.

ಮೇ 30ಗ್ ಶ್ರೀ ಲಕ್ಷ್ಮೀ ಕಾಲೇಜ್ ಗ್ ಪೋವೊಂದಿಪ್ಪುನಗ ಬರಿತ್ತ ಇಲ್ಲದ ನಾಯಿ ತುಚ್ಚಿದಿತ್ತಂಡ್ . ಆಯಿಬೊಕ್ಕ ಆರೋಗ್ಯ ಇಲಾಖೆದ ಸೂಚನೆದಂಚನೆ ಲಸಿಕೆನ್ ಪಾಡ್ದಿತ್ತೆರ್. ಆಂಡ ರಡ್ಡ್ ದಿನತ್ತ ಪಿರವು ರೇಬಿಸ್ ಸೀಕ್ ದ ಲಕ್ಷಣಲು ತೋಜಿದ್ ಬತ್ತುಂಡ್. ತ್ರಿಸ್ಸೂರ್ ವೈದ್ಯಕೀಯ ಆಸ್ಪತ್ರೆಡ್ ಚಿಕಿತ್ಸೆ ಸಮ ಆವಂದೆ ಇನಿ ತೀರ್ ಪೋಯೆರ್. ಶ್ರೀಲಕ್ಷ್ಮೀ ಕೊಯಮತ್ತೂರ್ ಡ್ ಸುರುತ್ತ ವರ್ಸದ ಬಿಸಿಎ ನ್ ಕಲ್ತೊಂದಿತ್ತೆರ್.

A college student dies after being bit by a rabid dog:

Palakkad: An incident of a student being bit by a rabid dog ; who breathed her last after a lot of suffering was reported from here.

The deceased Sri Lakshmi (19)was the daughter of Sugunan and Sindhu. She was bit by a neighborhood dog when she was on her way to college on May 30th. She had been vaccinated as per the health department rules.Two days back she developed symptoms of rabies disease and was admitted to Thrissur medical college but breathed her last today.

She was a first BSc student at a college in Coimbatore.

ಹರೇಕಳ ಗ್ರಾಮ ಪಂಚಾಯತಿ ವ್ಯಾಪ್ತಿಡ್ ಬರ್ಸರ್ದಾತ್ರ ನಷ್ಟ ಆಯಿನ ಜಾಗೆಗ್ ಅಧ್ಯಕ್ಷೆರ್ ಭೇಟಿ

ಹರೇಕಳ ಗ್ರಾಮ ಪಂಚಾಯತಿ ವ್ಯಾಪ್ತಿಡ್ 2 ದಿನರ್ದ್ ಭಾರೀ ಬರ್ಸ ಬತ್ತಿನೆಡ್ದಾವರ ಮಸ್ತ್ ಕಡೆಟ್ಟ್ ಗುಡ್ಡೆ ಜರಿದ್ಂಡ್. ಅತ್ತಂದೆ ಇಲ್ಲ್ ಲೆಗ್ ಹಾನಿ, ಕರೆಂಟ್ ದ ಕಂಬಲೆಗ್ ಹಾನಿಯಾತ್ಂಡ್.

ಆ ಜಾಗೆಗ್ ಪಂಚಾಯತ್ ಅಧ್ಯಕ್ಷೆರ್ ಬದ್ರುದ್ದೀನ್ ಹರೇಕಳ ಬೊಕ್ಕ ಸದಸ್ಯೆರ್, ಅಭಿವೃದ್ದಿ ಅಧಿಕಾರಿಲು ಭೇಟಿ ಕೊರ್ದ್ ಸಂಬಂಧ ಪಟ್ಟಿನ ಇಲಾಖೆದಕಲ್ನೊಟ್ಟುಗು ಚರ್ಚೆ ಮಲ್ತ್ ದ್, ಪರಿಹಾರ ಕೊರ್ಪಿನ ಭರವಸೆ ಕೊರಿಯೆರ್.

ಮಣಿಪುರಡ್ ಗುಡ್ಡೆ ಜರಿದ್ ತೀರ್ ಪೋಯೆರ್ 14 ಜನ

ನೋನಿ: ಮಣಿಪುರದ ನೋನಿ ಜಿಲ್ಲೆಡ್ ಗುಡ್ಡೆ ಜರಿದ್ 14 ಜನ ತೀರ್ ಪೋತೆರ್.ನನಲ ಕೆಲವೆರ್ ತಿಕ್ಕ್ ದ್ ಬೂರ್ದೆರ್ ಪಂದ್ ತೆರಿದ್ ಬೈದ್ಂಡ್.

ಗುಡ್ಡೆ ಜರಿನ ಜಾಗೆಡ್ದ್ 23 ಜನನ್ ಪಿದಯ್ ದೆತ್ತ್ ದೆರ್. ಆಯಿಟ್ಟ್ 14 ಜನ ತೀರ್ ಪೋತೆರ್. ಒರಿನಕುಲೆಗ್ ಪಿದಯಿ ದೆಪ್ಪುನ ಬೇಲೆ ನಡತ್ತೊಂದ್ ಉಂಡು. ಗ್ರಾಮಸ್ಥೆರ್, ಸೇನೆ ಬೊಕ್ಕ ರೈಲ್ವೆ ಸಿಬ್ಬಂದಿ, ಕಾರ್ಮಿಕೆರ್ ಸೇರಿನಂಚನೆ 60 ಜನ ಆ ಜಾಗೆಡ್ ಉಲ್ಲೆರ್ ಪಂದ್ ಡಿಜಿಪಿ ಪಿ ಡೌಂಗಲ್ ತೆರಿಪಾದೆರ್.

ದಕ್ಷಿಣ ಕನ್ನಡ, ಕೊಡಗುಡ್ ಕುಡ ಭೂಕಂಪ

ದಕ್ಷಿಣ ಕನ್ನಡ/ಕೊಡಗು: ಸುಕ್ರಾರ ಪುಲ್ಯಕಾಂಡೆ 1.15 ಗಂಟೆದ ಪೊರ್ತುಗು ಕುಡ ದಕ್ಷಿಣ ಕನ್ನಡ ಬೊಕ್ಕ ಕೊಡಗು ಜಿಲ್ಲೆದ ಕೆಲವು ಕಡೆಟ್ಟ್ ಭೂಮಿ ನಡುಗ್ ದುಂಡು.

ಸುಳ್ಯದ ಸಂಪಾಜೆ, ಚೆಂಬು, ಕಲ್ಲುಗುಂಡಿ ಗಡಿಭಾಗ ಅಂಚನೆ ಕೊಡಗುದ ಗಡಿಭಾಗಲು ಸೆರಿನಂಚನೆ ಸುಳ್ಯ ತಾಲೂಕ್ ದ ಮಸ್ತ್ ಕಡೆಟ್ಟ್ ಎಲ್ಯ ಭೂಕಂಪದ ಆತಿಲೆಕ್ಕ ಆತುಂಡು.

ಕರಿನ ವಾರಡ್ ಕೊಡಗು ಅಂಚನೆ ಸುಳ್ಯ ತಾಲೂಕ್ ದ ಮಸ್ತ್ ಕಡೆಟ್ಟ್ ನಾಲನೇ ಸರ್ತಿ ಭೂಮಿ ನಡ್ ಗ್ ದ್ ಜನಕುಲು ಪೋಡಿಗೆಡ್ ಬದುಕೊಂದುಲ್ಲೆರ್.

DK district/ Kodagu experience earth tremors again

DK/ Kodagu: On Friday at around 1.15 a.m earth tremors were felt again in certain places around DK/Kodagu district.Tremors were felt at Sampaje,Chembu,Kallugundi and many places around here.

This is the fourth time that people are experiencing earth tremors this week and people are living in constant fear.

ಸುಳ್ಯ: ಭೂಕಂಪ ಆಯಿನ ಗ್ರಾಮಗ್ ಸಚಿವೆರ್ ಅಂಗಾರ ಭೇಟಿ

ಸುಳ್ಯ: ಇಂಚಿಪ್ಪಗ್ ಕೊಡಗು ಜಿಲ್ಲೆದ ಚೆಂಬುಡ್ ಆಯಿನ ಭೂಕಂಪರ್ದ್ ಸುಳ್ಯ ತಾಲೂಕ್ ದ ಮಸ್ತ್ ಕಡೆಟ್ಟ್ ಭೂಮಿ ನಡುಗೊಂದ್ ಇಪ್ಪುಲೆಕ್ಕ ಆದಿತ್ತ್ ದ್, ಉಂದೆಡ್ದಾವರ ತಾಲೂಕ್ ದ ಸಂಪಾಜೆ ಗ್ರಾಮ ವ್ಯಾಪ್ತಿಡ್ ನಷ್ಟ ಆಯಿನ ಪ್ರದೇಶದ ಇಲ್ಲಗ್ ಸಚಿವೆರ್ ಆಯಿನ ಎಸ್.ಅಂಗಾರ ಭೇಟಿ ಕೊರ್ದ್ ಪರಿಶೀಲನೆ ಮಲ್ತೆರ್.

ಸಂಪಾಜೆ ಗ್ರಾಮದ ನಾಗೇಶ್ ಪೇರಾಲು, ಕಲ್ಲುಗುಂಡಿ ಅಂಚನೆ ಅಬುಸಾಲಿ ಮೇರ್ನ ಇಲ್ಲಗ್ ಭೇಟಿ ಕೊರಿಯೆರ್.

ಈ ಬಗೆಟ್ಟ್ ಪಾತೆರ್ದಿನ ಸಚಿವೆರ್, ರಾಜ್ಯ ನೈಸರ್ಗಿಕ ವಿಕೋಪ ಉಸ್ತುವಾರಿ ಕೇಂದ್ರದ ತಜ್ಞೆರೆಡ ಭೂಮಿ ನಡುಗೊಂದ್ ಇತ್ತಿನ ಪ್ರದೇಶಗ್ ಭೇಟಿ ಮಲ್ಪರೆ ಪನ್ತ. ಸರಿಯಾಯಿನ ವರದಿ ತಯಾರ್ ಮಲ್ಪರೆ ತಹಶೀಲ್ದಾರ್ ಬೊಕ್ಕ ಜಿಲ್ಲಾ ಪಂಚಾಯತ್ ಇಂಜಿನಿಯರ್ ನಕ್ಲೆಗ್ ಪಂತ ಪಂದ್ ಪಂಡೆರ್.

ಈ ಪೊರ್ತುಡ್ ಮಂಡಲ ಬಿ.ಜೆ.ಪಿ. ಅಧ್ಯಕ್ಷೆರ್ ಹರೀಶ್ ಕಂಜಿಪಿಲಿ, ತಾ.ಪಂ. ಇ.ಓ. ಭವಾನಿಶಂಕರ್ ಎನ್, ಕಂದಾಯ ನಿರೀಕ್ಷಕೆರ್ ಕೊರಗಪ್ಪ ಹೆಗ್ಡೆ, ಗ್ರಾ.ಪಂ. ಅಧ್ಯಕ್ಷೆರ್ ಹಮೀದ್, ಪಿ.ಡಿ.ಓ. ಸರಿತಾ ಡಿಸೋಜಾ, ಪ್ರಮುಖೆರ್ ಆಯಿನ ಶಿವಾನಂದ ಕುಕ್ಕಂಬಳ, ಗಣಪತಿ ಭಟ್, ವಿಜಯ್ ಆಲಡ್ಕ, ಎ.ಜಿ.ಸುಧಾಕರ, ವರದ ಸಂಪಾಜೆ, ಎಸ್.ಪಿ. ಲೋಕನಾಥ್, ಕೇಶವ ಕಲ್ಲುಗುಂಡಿ, ಜಗದೀಶ್ ಕಲ್ಲುಗುಂಡಿ ಇತ್ತೆರ್.

Sullia: Minister S.Angar visits villages affected by earthquake

Sullia: As an after effect of the earthquake that was experienced in Chembu in Kodagu district; earth tremors were felt in a few places in Sullia taluk.Minister S Angar visited places in Sampaje in Sullia taluk to inspect the damages.

He visited the house of Nagesh Peralu,Kallagundi and Abusali.

Talking to newspersons he said that experts from the state natural disaster management center would visit these places soon who would send reports in coordination with the tashlidar and panchayat engineers .

He was accompanied by government officials from the associated departments.

ಕುಕ್ಕೆ ಸುಬ್ರಹ್ಮಣ್ಯಗ್ ರಾಜ್ಯಪಾಲೆರ್ ಥಾವರ್ ಚಂದ್ ಗೆಹ್ಲೋಟ್ ಭೇಟಿ

ಕರ್ನಾಟಕದ ರಾಜ್ಯಪಾಲೆರ್ ಥಾವರ್ ಚಂದ್ ಗೆಹ್ಲೋಟ್ ಮೇರ್ ಗುರುವಾರ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ಭೇಟಿ ಕೊರ್ದ್, ಶ್ರೀ ದೇವೆರ್ನ ದರ್ಶನ ಪಡೆದ್ ಸರ್ಪ ಸಂಸ್ಕಾರ ಸೇವೆನ್ ಕೊರಿಯೆರ್.

ಮಧ್ಯಾಹ್ನ ಕ್ಷೇತ್ರಗ್ ಬತ್ತಿನ ಮೆರೆನ್ ದೇವಸ್ಥಾನದ ಅಂಚನೆ ಜಿಲ್ಲಾಡಳಿತದ ಮುತಾಲಿಕೆಡ್ ಎದ್ಕೊನಿಯೆರ್. ಆಯಿಬೊಕ್ಕ ಆರ್ ಸರಕಾರದ ಬೇತೆ ಬೇತೆ ಯೋಜನೆದ ಫಲಾನುಭವಿ ನಕ್ಲೊಟ್ಟ್ ದ್ ಸಂವಾದನ ಮಲ್ತೆರ್.

ಮೀನುಗಾರಿಕೆ, ಬಂದರು ಬೊಕ್ಕ ಒಳನಾಡು ಜಲಸಾರಿಗೆ ಸಚಿವೆರ್ ಎಸ್.ಅಂಗಾರ, ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ., ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ.ಕುಮಾರ್, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಭಗವಾನ್ ಋಷಿಕೇಶ್ ಸೋನಾವಣೆ, ಪುತ್ತೂರ್ ಎಸಿ ಗಿರೀಶ್ ನಂದನ್, ಕಡಬ ಇಒ ನವೀನ್ ಭಂಡಾರಿ, ಸುಬ್ರಹ್ಮಣ್ಯ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ಮೋಹನ್ ರಾಂ ಕಾರ್ಯನಿರ್ವಹಣಾಧಿಕಾರಿ ಡಾ.ನಿಂಗಯ್ಯ, ಅಧಿಕಾರಿಲು, ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್, ಸುಬ್ರಹ್ಮಣ್ಯ ಗ್ರಾ.ಪಂ. ಚುನಾಯಿತೆರ್ ಈ ಪೊರ್ತುಡ್ ಇತ್ತೆರ್.

ವರದಿ : ಗೋಪಿಚಂದನ್ ಕೆ.ಎಸ್.

Governor Tavarchand Gehlot visits Kukke Subramanya temple

The Governer of Karnataka state Tavarchand Gehlot visited Kukke Subramanya temple on Thursday ,took dharshan of the Lord and performed sarpasamskara rituals at the temple.

He was welcomed to the temple by the district officials and the temple management.He also interacted with the benificiaries of some schemes of the government.

He was accompanied ny Fisheries,ports and inland water transport minister S Angar, DC Dr Rajendra KV, Dr Kumar Zilla panchayat chief operating officer, Bagwan Rishikesh Sonavane District senior police officer, Puttur AC Girish Nandan and other associated officials were also present.

ಮರವೂರು ಸಂಕದ ಕೈತಲ್ ಜರಿದ್ ಬೂರಿನ ಮಾರ್ಗ

ಕುಡ್ಲ: ಕಾಂಡೆರ್ದ್ ದಕ್ಷಿಣ ಕನ್ನಡ ಜಿಲ್ಲೆಡ್ ಭಾರೀ ಬರ್ಸ ಬರೊಂದಿತ್ತ್ ದ್, ಮರವೂರು ಸಂಕದ ಕೈತಲ್ ಮಾರ್ಗ ಜರಿದ್ ಬೂರ್ದ್ ಗಾಡಿಲು ಪೋಯರೆ ಮಸ್ತ್ ಬಂಗ ಆವೊಂದುಂಡು.

ಮಾರ್ಗ ಡ್ ಅದ್ ರ್ ಬುಡ್ತಿನ ಬಗೆಟ್ಟ್ ಅವೆನ್ ತೂಯರೆ ಪಿಡಬ್ಲ್ಯುಡಿ ಕಾರ್ಯನಿರ್ವಹಕ ಇಂಜಿನಿಯರ್ ನಕ್ಲೆನ್ ಜಾಗೆಗ್ ಕಡಪಾದ ಪಂದ್ ದ.ಕ ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ತೆರಿಪಾಯೆರ್.

ವರದಿ: ಪವಿತ್

Mangalore: Landslide near Maravoor bridge:

Mangalore: Heavy rains that lashed DK district from yesterday has caused a landslide and damaged road near Maravoor bridge.Vehicular movement has also become difficult here

The DC has said that PWD engineers have been sent to inspect cracks and the damaged roads.

ರಿಕ್ಷಾದ ಮಿತ್ತ್ ಕರೆಂಟ್ ವಯರ್ ಬೂರ್ದು ತೀರ್ ಪೋಯೆರ್ 8 ಜನ ಕೂಲಿ ಬೇಲೆದಕುಲು

ಪೋವೊಂದಿತ್ತಿನ ರಿಕ್ಷಾದ ಮಿತ್ತ್ ಕರೆಂಟ್ ವಯರ್ ಬೂರ್ದ್ 8 ಜನ ಕೂಲಿ ಬೇಲೆದಕುಲು ತೀರ್ ಪೋಯಿನ ಘಟನೆ ಆಂಧ್ರಪ್ರದೇಶದ ಶ್ರೀ ಸತ್ಯಸಾಯಿ ಜಿಲ್ಲೆದ ಚಿಲ್ಲಕೊಂಡಯ್ಯ ಪಲ್ಲಿಡ್ ನಡತ್ ದ್ಂಡ್.

ಬೆನ್ನಿದ ಬೇಲೆಗ್ ಕೂಲಿ ಬೇಲೆದಕ್ಲೆನ್ ಲೆತೊಂದು ಪೋವೊಂದಿತ್ತಿನ ರಿಕ್ಷಾದ ಮಿತ್ತ್ ಕರೆಂಟ್ ವಯರ್ ತುಂಡಾದ್ ಬೂರ್ ದುಂಡು. ಒಂತೆ ಪೊರ್ತು ಆನಗ ರಿಕ್ಷಾನೆ ಪೊತ್ತ್ ದ್ ಪೋತುಂಡು. 7 ಜನ ರಿಕ್ಷಾಡೆ ತೀರ್ ಪೋದಿತ್ತ್ ದ್, ಮೂಜಿ ಜನಕ್ಕ್ ಮಸ್ತ್ ಗಾಯ ಆತುಂಡು. ಅಕುಲೆನ್ ಆಸ್ಪತ್ರೆಗ್ ಕೊನನಗ ಒಂಜಿ ಪೊಂಜೋವ್ ಸಾದಿಡೆ ತೀರ್ ಪೋತೆರ್.

A live electricity wire falls on an autorickshaw and kills eight persons

In an incident reported from Sri Satya Sai district in Andhra Pradesh,eight labourers were killed when a live electric wire fell on a moving autorickshaw.

The labourers were returning home after work when the wire cut off and fell on the auto.The autorickshaw caught fire and seven persons were killed.Three were seriously injuried and shifted to hospital when one person breathed his last on the way.

ದ.ಕ ಜಿಲ್ಲೆಡ್ ಭಾರೀ ಬರ್ಸ: ಆರೆಂಜ್ ಅಲರ್ಟ್

ಕುಡ್ಲ: ಕುಡ್ಲ ಪೇoಟೆದ ಮಸ್ತ್ ಕಡೆಟ್ಟ್ ಇನಿ ಕಾಂಡೆರ್ದ್ ಭಾರೀ ಬರ್ಸ ಬರೊoದುಂಡು. ರಾಷ್ಟ್ರೀಯ ಹೆದ್ದಾರಿ ಆಂಚನೆ ಪ್ರಮುಖ ಮಾರ್ಗಡ್ ನೀರ್ ಉಂತು ದಿತ್ತ್ ದ್, ಗಾಡಿ ಪೋಯರೆ ಮಸ್ತ್ ಬಂಗ ಆವೊoದುಂಡು. ಜೋಕುಲೆಗ್ ಕಾಲೇಜಿಗ್ ಬರ್ರೆ ಬಂಗ ಆತಿನ ಜಾಗೆಡ್ ಜಿಲ್ಲಾಧಿಕಾರಿ ರಾಜೇಂದ್ರ ಕೆ.ವಿ ರಜೆ ಘೋಷಣೆ ಮಲ್ತ್ ದೆರ್.

ಪೇಂಟೆದ ಪಡೀಲ್ ರೈಲ್ವೆ ಅಂಡರ್ ಪಾಸ್ ಬ್ರಿಡ್ಜ್, ಪಂಪ್ ವೆಲ್, ತೊಕ್ಕೊಟ್ಟು, ಕೊಟ್ಟಾರ ಚೌಕಿ, ಅಂಚನೇ ಬೇತೆ ಬೇತೆ ಜಂಕ್ಷನ್ ಡ್ ನೀರ್ ಉಂತುದ್ ಗಾಡಿಲು ಪೋಯರೆ ಬಂಗ ಅತ್ಂಡ್.

ಪಂಪ್ವೆಲ್ ಡ್ ಪೈಪ್ ಪುಡಾದ್ ಪೋತಿನ ಕಾರಣ ಆಯಿತ್ತ ಬೇಲೆ ಅವೊಂದಿತ್ತ್ ದ್, ಭಾರೀ ಬಂಗಡ್ ಗಾಡಿಲು ಪೋವೊoದುಂಡು. ರಾ.ಹೆ.75 ತ್ತ ಅಡ್ಯಾರ್ ದ ಕಣ್ಣೂರು ಬೊಕ್ಕ ತೊಕ್ಕೊಟ್ಟು – ಮೆಲ್ಕಾರ್ ಡ್ ಮಾರ್ಗ ಡ್ ಪೋಪಿನಲ್ಪ ಮಸ್ತ್ ಕಡೆಟ್ಟ್ ನೀರ್ ಉಂತುದುಂಡು.

Heavy rains in DK district: Orange alert declared

Mangalore: Heavy rains lashed DK district ; with the national highway and main roads in Mangalore city filled with rain water bringing life here to a standstill.The DC Rajendra K.V has declared a holiday to schools in places inundated with water

Padil railway under pass bridge, Pumpwell ,Tokuottu , Kottara Chowki and other junction areas are filled with water making the movement of vehicles difficult.

Pipeline work was also going on in Pumpwell area making things worse for vehicular movement.

ಪಾಠ ಪುಸ್ತಕರ್ದ್ ಕಯ್ಯಾರ ಕಿಂಞಣ್ಣ ರೈ ಮೆರ್ನ ಪುದರ್ ನ್ ಕೈ ಬುಡ್ತಿನವ್ ಸರ್ಕಾರ ಬಂಟ ಸಮಾಜಗ್ ಮಲ್ತಿನ ಅವಮಾನ: ಅಜಿತ್ ಕುಮಾರ್ ರೈ

ಕುಡ್ಲ: ಏಳನೇ ಕ್ಲಾಸ್ ದ ಸಮಾಜ ವಿಜ್ಞಾನ ಪಾಠ ಪುಸ್ತಕಡ್ ಇತ್ತಿನ ಕರ್ನಾಟಕ ಏಕೀಕರಣ ಬೊಕ್ಕ ಗಡಿ ವಿವಾದಲು ಪನ್ಪಿನ ಪಠ್ಯರ್ದ್ ಕಯ್ಯಾರ ಕಿಂಞಣ್ಣ ರೈ ಮೆರ್ನ ಪುದರ್ ನ್ ಕೈ ಬುಡ್ತಿನವ್ ಬಂಟ ಸಮಾಜಗ್ ಮಲ್ತಿನ ಅವಮಾನ ಪಂದ್ ಬಂಟರ ಯಾನೆ ನಾಡವರ ಮಾತೃ ಸಂಘದ ಅಧ್ಯಕ್ಷೆರ್ ಮಾಲಾಡಿ ಅಜಿತ್ ಕುಮಾರ್ ರೈ ಸ್ವರ ಲಕ್ಕಾದೆರ್.

ಈ ಬೆಗೆಟ್ ಸುದ್ದಿಗೋಷ್ಠಿಡ್ ಪಾತೆರ್ದಿನ ಆರ್, ಕಿಂಞಣ್ಣ ರೈ ಮೇರ್ ಬಂಟ ಸಮುದಾಯ ದ ಪೆರ್ಮೆಯಾದಿತ್ತ್ ದ್, ಆರ್ ಇಡೀ ತುಳುನಾಡ್ ದ ಪ್ರತೀಕ ಆತೆರ್. ಏಕೀಕರಣ ಪ್ರಶಸ್ತಿನ್ ಪಡೆತ್ತೆರ್. ಅಂಚಿಪ್ಪುನಗ ಆರ್ನ ಪುದರ್ ನ್ ಏಳನೇ ಕ್ಲಾಸ್ ದ ಪಾಠ ಪುಸ್ತಕೊರ್ದು ದೆಪ್ಪುನ ಅವಶ್ಯಕತೆ ದಾದ ಇತ್ತ್ಂಡ್ ಪಂದ್ ಕೇಂಡೆರ್. ಅವ್ವೆ ಅತ್ತಂದೆ ಕುಡ್ಲದ ಎ.ಬಿ.ಶೆಟ್ಟಿ ಸರ್ಕಲ್ ದ ಪುದರ್ ನ್ ಲ ಬದಲ್ ಮಲ್ಪುನ ವಿಷಯ ತೆರಿದ್ ಬೈದ್oಡ್. ಈ ವಿಚಾರೊಡ್ಲ ಬಂಟ ಸಮಾಜಗ್ ಅವಮಾನ ಆತ್ಂಡ್ ಪಂದ್ ಪಂಡೆರ್.

ಕರ್ನಾಟಕ ಏಕೀಕರಣ ಅಂಚನೆ ಗಡಿ ವಿವಾದಲು” ಪನ್ಪಿನ ಪಠ್ಯಡ್ ಕಯ್ಯಾರ ಕಿಂಞಣ್ಣ ರೈಕುಲು ಕರ್ನಾಟಕನ್ ಒಂಜಿ ಮಲ್ಪುನೆಕ್ಕಾದ್ ಆರ್ನ ಕಡೆತ್ತ ಉಸುಲ್ ಇಪ್ಪುನ ಮುಟ್ಟ ಪೊರ್ಂಬಾಟ ಮಲ್ತ್ ದಿತ್ತೆರ್ ಪಂದ್ ಪಾಠೊಡು ಇತ್ತ್ಂಡ್. ಇತ್ತೆ ಆ ವಾಕ್ಯನ್ ದೆತ್ತ್ ದ್, ಮಂಜೇಶ್ವರ ಗೋವಿಂದ ಪೈ ಮೆರ್ನ ಪುದರ್ ನ್ ಸೇರ್ಸಾದೆರ್. ಗೋವಿಂದ ಪೈ ಮೆರ್ನ ಪುದರ್ ಸೇರ್ಸಾಯಿನೆಕ್ಕ್ ಎಂಕ್ಲೆಗ್ ಒವ್ವೆ ರೀತಿದ ಆಕ್ಷೇಪ ಇಜ್ಜಿ. ಆಂಡ ಕವಿ ಕಯ್ಯಾರೆರ್ನ ಪುದರ್ ನ್ ದೆತ್ತಿನವ್ ಇಡೀ ಬಂಟ ಸಮುದಾಯಗ್ ಅಪಮಾನ ಮಲ್ತಿಲೆಕ್ಕ ಆತ್ಂಡ್. ಅಂಚಾದ್ ಆರ್ನ ಪುದರ್ ನ್ ಕೂಡ್ಲೆ ಪಠ್ಯಡ್ ಸೇರ್ಸಾವುನ ಕ್ರಮ ದೆತೊನೊಡ್. ಇಜ್ಜಿಂಡ ಮಲ್ಲ ಮಟ್ಟಡ್ ಬಂಟೆರ್ ಮಾತ ಸೇರ್ದ್ ಪೊರ್ಂಬಾಟ ಮಲ್ಪುವ ಪಂದ್ ಅಜಿತ್ ಕುಮಾರ್ ಮೇರ್ ಪಂಡೆರ್.

ಕಯ್ಯಾರ ಕಿಂಞಣ್ಣ ರೈ ಮೇರೆಗ್ ಒವ್ವೆ ಪ್ರಶಸ್ತಿ ಪೊಸತ್ತಾದ್ ಬರೊಡುಂದ್ ಇಜ್ಜಿ. ಆಂಡ ಆ ಪುದರ್ ದೆತ್ತಿನವ್ ಬಂಟ ಸಮಾಜಗ್ ಮಲ್ತಿನವ್ ಅವಮಾನ ಪಂದ್ ಪಂಡೆರ್.

ಎ. ಬಿ ಶೆಟ್ಟಿ ಮೇರ್ ಸ್ವಾತಂತ್ರ್ಯ ಪೊರ್ಂಬಾಟ ಮಲ್ತ್ ದಿತ್ತೆರ್. ರಾಜಕೀಯಡ್ ಮಸ್ತ್ ಸಾಧನೆ ಮಲ್ತಿನಾರ್. ಮಂತ್ರಿಯಾದ್ ಸೇವೆ ಮಲ್ತ್ ದಿತ್ತೆರ್. ಬಂಟರ ಸಂಘ ಸ್ಥಾಪನೆ ಆಪುನೆಟ್ ಲ ಆರ್ನ ಪಾತ್ರ ಉಂಡು. ಅಂಚಿನ ಪೊರ್ಲ ಸರ್ಕಲ್ ದ ಪುದರ್ ನ್ ಬದಲ್ ಮಲ್ಪಿನವ್ ಬೇಚಾರ್ ದ ವಿಷಯ ಆತ್oಡ್.ಈ ವಿಚಾರೊಡು ಸಮುದಾಯ ಬೆಚ್ಚ ಆಪಿಲೆಕ್ಕ ಮಲ್ತ್ ದ್oಡ್ ಪoದ್ ಪಂಡೆರ್.

ಎ. ಬಿ. ಶೆಟ್ಟಿ ಮೆರ್ನ ಪುಲ್ಲಿ ಲಕ್ಷ್ಮಿ ಎಸ್ ಶೆಟ್ಟಿ ಪಾತೆರ್ದ್, ಯನ್ನ ಅಜ್ಜೆರ್, ಇಡೀ ರಾಜ್ಯ ಅತ್ತಂದೆ ದೇಶ ಮಟ್ಟಡ್ ಲ ಸೇವೆ ಮಲ್ತಿನಾರ್. ಆರ್ನ ಪುದರ್ ನ್ ಸರ್ಕಲ್ ರ್ದ್ ದೆತ್ತಿನವ್ ನಮಕ್ ಮಾತ ಬೇಜಾರ್ ಕನತ್oಡ್ ಪಂದ್ ಪಂಡೆರ್.

ಪತ್ರಿಕಾಗೋಷ್ಠಿಡ್ ಸಂಘದ ಟ್ರೆಶರರ್ ಕೃಷ್ಣ ಪ್ರಸಾದ್ ರೈ, ವಸಂತ ಶೆಟ್ಟಿ, ರವೀಂದ್ರನಾಥ ಶೆಟ್ಟಿ, ಸಿದ್ದಾರ್ಥ್ ಇತ್ತೆರ್.

Removal of Kayyara Kinyanna Rai’s name in text books is demeaning to the Bunt community itself–Ajith Kumar Rai

Mangalore: Poet Kayyara Kinyanna Rai’s name which had been mentioned in the seven class social science text books in the topic Karnataka integration and border dispute has now been deleted which is as good as humiliating the bunt community said president of the Bunt alais Nadavara Sangha Ajith Kumar Rai.

Speaking at a press meet that Kinyanna Rai was a senior respected member of the community and represented Tulunadu.He had also won the integration award for his relentless services for the consolidation of Tulunadu.So it is unnecessary to remove his name from the text books.
Moreover the are also rumours that the name of A B Shetty circle will be changed.These instances have hurt the sentiments of the bunt community he said.

He added that in the above mentioned lessons ; now Rai’s name has been taken out and Manjeshwar Govind Pai’s name has been put .Though they had no issues with the inclusion of the name, Rai’s name should not have been excluded.

He informed that the community will not take things lightly if the name was not included again ; and warned of an agitation if things were not set right. A B Shetty was a freedom fighter and had also rendered services as a political personality.So the changing of his name from the circle has been a thing of concern to the community he said

A B Shetty’s granddaughter Lakshmi S Shetty also attended the meet and spoke on the topic.

Members of the Bantara Sangha attended the meet.

You Missed