Tue. Nov 17th, 2026

ಊರ್ದ ಸುದ್ದಿ Regional News

ಮುದಲೆ ದೊಟ್ಟುಗು ಮೇಯರ್ ಮದಿಮೆ

ಮೆಕ್ಸಿಕೋ ಸಿಟಿ: ಮುಲ್ಪದ ಮೇಯರ್ ಒರಿ ಮುದಲೆನ್ ಮದಿಮೆಯಾತೆರ್ ! ಸ್ಯಾನ್ ಪೆಡ್ರೋ ಹ್ವಾಮೆಲುಲಾ ಪೇಂಟೆದ ಮೇಯರ್ ವಿಕ್ಟರ್ ಹ್ಯೂಗೊ ಸೊಸಾ ಒಂಜಿ ಪೊಣ್ಣು ಮುದಲೆನ್ ಮದಿಮಾಲ್ ಐತ ಮಲ್ತ್ ದ್ ಏರೆಗ್ಲ ಅಗ್ಗಿಯಂದಿಲೆಕ್ಕ ಅಯಿತ್ತ ಬಾಯಿಗ್ ಪ್ಲಾಸ್ಟರ್ ಪಾಡ್ದ್ ಅಯಿತ ಮೋನೆಗ್ ಮುತ್ತು ಕೊರ್ಪಿನ ಮುಖೇನ ಸಾಂಕೇತಿಕವಾದ್ ಮದಿಮೆಯಾತೆರ್.

ವಾದ್ಯ ಬ್ಯಾಂಡ್‌ ದ ಸ್ವರಟ್ ಮುದಲೆನ್ ಕೈಟ್ಟ್ ದೆರ್ತೊಂದ್ ಪೇಂಟೆಡ್ ಮೆರವಣಿಗೆ ಮಲ್ತ್ ದ್, ಗೌಜಿ ಮಲ್ತೆರ್. ಲಿಟಲ್ ಪ್ರಿನ್ಸೆಸ್ ಪಂದ್ ಪುದರ್ ಡ್ ಲೆತ್ತೊಂದಿತ್ತಿನ ಆ ಮುದಲೆನ್ ಭೂಮಿಯಪ್ಪೆನ ರೂಪದ ದೇವತೆ ಪಂದ್ ಅಲ್ಪದ ಜನಕುಲು ನಂಬುದೆರ್. ಆ ನಂಬಿಕೆದ ಪ್ರಕಾರ ಮೇಯರ್ ಮುದಲೆನ್ ಮದಿಮೆ ಆತೆರ್.

Mayor marries a Crocodile !!!

Mexico City: The Mayor of of of San Pedro Haumaylula ; Victor Hugo Sosa married a crocodile in an indigenous ceremony; and bent to kiss the crocodile bride whose snout was tightly tied and shut!!!

It is an age old tradition for bounty and abundance and as the belief goes the crocodile represents mother earth in that place.

So the crocodile Little Princess becomes a bride of the mayor!!!

ದಕ್ಷಿಣ ಇರಾನ್ ಡ್ ಭೂಕಂಪ ರ್ದ್ ಮೂಜಿ ಜನ ತೀರ್ ಪೋಯೆರ್; ಯುಎಇ ಡ್ ಲ ನಡ್ ಗ್ಂಡ್ ಭೂಮಿ

ಟೆಹರಾನ್: ದಕ್ಷಿಣ ಇರಾನ್ ಡ್ ಸುಕ್ರಾರ ನಡು ಕತ್ತಲೆಗ್ ಭೂಕಂಪ ಆದಿತ್ತ್ ದ್, ಉಂದೆಟ್ಟ್ ಮೂಜಿ ಜನ ತೀರ್ ಪೋತೆರ್.

ಉಂದು ಆತ್ತಂದೆ ಯುಎಇ ದ ಏಳ್ ದೇಶಲೆಡ್ ಭೂಕಂಪ ಆತಿನ ಸುದ್ದಿ ತೆರಿದ್ ಬೈದ್ಂಡ್.
ದಕ್ಷಿಣ ಇರಾನ್ ಡ್ ಆಯಿನ ಭೂಕಂಪದ ಮಟ್ಟ ರಿಕ್ಟರ್ ಮಾಪಕಡ್ 6.3 ಪ್ರಮಾಣಡ್ ಇತ್ತುಂಡು. ಭೂಮಿದ ಸುಮಾರ್ 10 ಕಿಲೋ ಮೀಟರ್ ಅಡಿಟ್ಟ್ ಭೂಕಂಪ ಆತ್ಂಡ್ ಪಂದ್ ಯುರೋಪಿಯನ್ ಮೆಡಿಟರೇನಿಯನ್ ಭೂಕಂಪ ಮಾಪನ ಕೇಂದ್ರಡ್ ಮಾಹಿತಿ ತೆರಿದ್ ಬೈದ್ಂಡ್. ನಡುರಾತ್ರಿ 1.32 ಗಂಟೆಗ್ ಭೂಕಂಪ ಆತಿನ ಅನುಭವ ಆತ್ಂಡ್.

Three persons dead in South Iran due to earthquake ; The whole of UAE shakes

Teheran: There was an earthquake in South Iran on Friday midnight that left three dead.
There are reports that about seven countries in UAE have experienced earth tremors.The earthquake in South Iran measured 6.3 on the Richter scale and was said to be ten kilometres inside the earth’s crust said sources from the European Mediterranean earthquake measuring organization.The earthquake occurred at around 1.32 a .m midnight.

ಶಿವಮೊಗ್ಗ: ಸೈಕಲ್ ಗ್ ಕೆ ಎಸ್ ಆರ್ ಟಿ ಸಿ ಬಸ್ ತಾಂಟ್ ದ್ ತೀರ್ ಪೋಯೆರ್ ಪೇಪರ್ ಪಾಡುನಾರ್

ಶಿವಮೊಗ್ಗ: ಸೈಕಲ್ ಗ್ ಕೆ ಎಸ್ ಆರ್ ಟಿ ಸಿ ಬಸ್ ತಾಂಟ್ ದ್ ಸೈಕಲ್ ಡ್ ನ್ಯೂಸ್ ಪೇಪರ್ ಪಾಡುನಾರ್ ತೀರ್ ಪೋಯಿನ ಘಟನೆ ಸಾಗರದ ಪ್ರವಾಸಿ ಮಂದಿರದಲ್ಪ ಪುಲ್ಯ ಕಾಂಡೆ ನಡತ್ ದ್ಂಡ್ .

25 ವರ್ಸ ಪ್ರಾಯದ ಬೆಳಲಮಕ್ಕಿದ ಗಣೇಶ್ ತೀರ್ ಪೋಯಿನಾರ್. ಬೆಂಗ್ಳೂರ್ ರ್ದ್ ಸಾಗರ ಮಾರ್ಗ ಆದ್ ಯಲ್ಲಾಪುರಗ್ ಪೋವೊಂದಿತ್ತಿನ ಕೆ ಎಸ್ ಆರ್ ಟಿ ಸಿ ಬಸ್ ಸೈಕಲ್ ಡ್ ಪೋವೊಂದಿತ್ತಿನ ಗಣೇಶ್ ಗ್ ತಾಂಟ್ ದ್ಂಡ್. ಆರ್ ಅವ್ವೇ ಜಾಗೆಡ್ ತೀರ್ ಪೋತೆರ್.
ಸಾಗರ್ ಟೌನ್ ಪೊಲೀಸ್ ಸ್ಟೇಶನ್ ಡ್ ಕೇಸ್ ದಾಖಲಾತ್ಂಡ್.

Shimoga: A cycle rider dies after being hit by a KSRTC bus

Shimoga: A news paper vendor on a cycle was hit by a KSRTC bus early in the morning near tourist bungalow in Sagara taluk was reported.The person has been identified as Ganesh (25) from Bellalamakki who died on the spot.The bus was plying from Bangalore to Yellapur via Sagara when the incident happened.A case has been registered in Sagara town police station.

ಸುಳ್ಯ: ಮಾರ್ಗದ ಬರಿಟ್ಟ್ ಕಜವ್ ದಕ್ಕಿನೆಕ್ಕ್ ದಂಡ ಪಾಡ್ದ್ ಅಲ್ತ್ ರ್ದ್ ಕಜವ್ ದೆಪ್ಡಾಯಿನ ಪಿಡಿಒ

ಸುಳ್ಯ: ಮಾರ್ಗದ ಬರಿಟ್ಟ್ ಕಜವ್ ಇತ್ತಿನ ಬ್ಯಾಗ್ ನ್ ದಕ್ಕಿನ ಜವನಗ್ ಪಿಡಿಒ 5000 ರೂ. ದಂಡ ಪಾಡ್ದ್, ಆಯಡನೇ ಆ ಕಜವುನು ದೆಪ್ಡಾಯಿನ ಘಟನೆ ಸುಳ್ಯ ತಾಲೂಕ್ ದ ಐವರ್ನಾಡು ಗ್ರಾಮ ಪಂಚಾಯತ್ ವ್ಯಾಪ್ತಿಡ್ ಬೇಂಗಮಲೆ ಪನ್ಪಿನಲ್ಪ ನಡತ್ ದುಂಡು.

ಜುಲೈ 1 ಕ್ಕ್ ಐವರ್ನಾಡು ಗ್ರಾಮ ಪಂಚಾಯತ್ ವ್ಯಾಪ್ತಿದ ಬೇಂಗಮಲೆ ಪನ್ಪಿನಲ್ಪ ಕಜವ್ ದಕ್ಕೊಂದಿಪ್ಪುನ ಬಗೆಟ್ಟ್ ಪಿಡಿಒ ಗ್ ದೂರು ಬತ್ತ್ ದಿತ್ತುಂಡು. ಆಯಿಬೊಕ್ಕ ಪಿಡಿಒ ಶ್ಯಾಮ್ ಪ್ರಸಾದ್ ಎಂ ಆರ್ ಆ ಜಾಗೆಡ್ ಒಂಜಿ ಕಡೆಟ್ಟ್ ಪಾಡ್ದಿನ ಸಿಸಿ ಕ್ಯಾಮರ ತೂದ್ ಕಜವ್ ದಕ್ಕಿನ ಸಚಿನ್ ಸುಳ್ಯ ಮೆರೆಗ್ 5000 ರೂ. ದಂಡ ಪಾಡ್ದ್ ಆಯಿಬೊಕ್ಕ ಅರೆರ್ದೇ ದೆಪ್ಪಾದೆರ್.

Sullia: PDO takes to task person littering on roads — fines him and asks him to clean up:

Sullia: A youth caught throwing garbage bags on the roadside was fined Rs 5000, and asked to clean up by the PDO at Bengamalle village in Sullia taluk was reported.

The PDO has got complaints of garbage being disposed on the roadside.So CC camera was installed at strategic places and the PDO Shyam Prasad noticed an youth Sachin Sullia throwing garbage. So he was caught and fined.

ಕುಡಲಾ ಕುಡಲಾ ಕುಡ್ಲ ಜು. 3 : ಐಲೇಸಾ ಸಂಸ್ಥೆಡ್ದ್ ಕುಡ್ಲ ಆಕಾಶವಾಣಿ ನೆಂಪುದ ಲೇಸ್

2022 ಇಸವಿ ಜುಲೈ 3 ಐತಾರ ಬಯ್ಯಗ್ 7:30 ಗಂಟೆಗ್ ಕುಡ್ಲ ಆಕಾಶವಾಣಿದ ತುಳು ಕಾರ್ಯಕ್ರಮತ ಆದರಿತ್ತಿನ ಪೊಸ ನಮೂನೆದ ಪರ ನೆಂಪುದ ಲೇಸ್ ನಡಪರೆ ಉಂಡು. ಆಕಾಶವಾಣಿಡ್ ಬೇಲೆ ಮಲ್ಪುನ ಬೊಕ್ಕ ದುಂಬು ಬೇಲೆ ಮಲ್ತೊಂದು ಇತ್ತಿನಕಲೆನ್ ಒಟ್ಟು ಸೇರ್ಸಾವೊಂದು ಈ ಕಾರ್ಯಕ್ರಮ ನಡಪರೆ ಉಂಡು ಪಂದ್ ಐಲೇಸಾದ ಸಾರಥಿ ಡಾ. ರಮೇಶ್ಚಂದ್ರ ತೆರಿಪಾದೆರ್.

ಪೊಸ ದೇಕಿದ ಈ ಲೇಸ್ ಡ್ ಮಲ್ಲ ಬಿನ್ನೆರಾದ್ ಆಕಾಶವಾಣಿದ ಕನ್ಸೆಪ್ಟಾ ಫೆರ್ನಾಂಡಿಸ್ , ಪ್ರವೀಣ್ ಅಮ್ಮೆ೦ಬಳ, ದುಂಬು ಕುಡ್ಲ ಆಕಾಶವಾಣಿಡ್ ಇತ್ತ್ ದ್ ಇತ್ತೆ ನಿವೃತ್ತಿ ಜೀವನೊಡು ಉಪ್ಪುನ ಮುದ್ದು ಮೂಡುಬೆಳ್ಳೆ ಪಾಲ್ ಪಡೆಯರೆ ಉಲ್ಲೆರ್ .ಈ ಕಾರ್ಯಕ್ರಮೊನು ಕುಡ್ಲ ಆಕಾಶವಾಣಿದ ಲತೀಶ್ ಪಾಲ್ದನೆ ನಡಪುಡ್ದು ಕೊರೊಂದುಲ್ಲೆರ್ , ಅಂಚನೆ ಅಕ್ಷತಾ ಪೆರ್ಲ ಸಕಾಯ ಕೊರೊಂದುಲ್ಲೆರ್.

ಈ ಲೇಸ್ ನಮ್ಮ ದುಂಬುದ ರೇಡಿಯೋ ದಿನೊಕುಲೆನ್ ನೆಂಪು ಮಲ್ತ್ ಕೊರ್ದು ಅಪಗದ ಪೊರ್ಲುದ ಸ್ವರತ ಕಲಾವಿದೆರೆಗ್ ಗೌರವ ಕೊರ್ಪಿನ ಬೊಕ್ಕ ಆ ಕಾಲೊಡು ರೇಡಿಯೋ ನಮ್ಮ ಜೀವನದ ಒಂಜಿ ಭಾಗ ಎಂಚ ಆದಿತ್ತ್ಂಡ್ ಪಂದ್ ತೆರಿಪಾವುನ ಪ್ರಯತ್ನ . ಅಂಚಾದ್ ಮಾತಾ ರೇಡಿಯೋ ಪ್ರಿಯೆರ್ ಜೂಮ್ ವೇದಿಕೆ ಡ್ ID NO : 83092043842 , Pass Code: ilesa ಮುಕಾಂತ್ರ ಪಾಲ್ ಪಡೆದ್ ಪರ ನೆಂಪುದ ಪೊಸ ಅನುಭವ ಪಡೆವೊಡು ಪಂದ್ ಐಲೇಸಾದ ರಮೇಶ್ಚಂದ್ರ ಬಿನ್ನಾಪು ಮಲ್ದೆರ್ .

ಪುತ್ತೂರ್: ಸ್ವಿಫ್ಟ್ ಬೊಕ್ಕ ಮಾರುತಿ ಓಮ್ನಿ ತಾಂಟ್ ದ್ ಕೆಲವೆರೆಗ್ ಗಾಯ

ಪುತ್ತೂರ್: ಪುತ್ತೂರ್ ದ ಮುಂಡೂರು ಗ್ರಾಮದ ಪಂಜಳಡ್ ಸ್ವಿಫ್ಟ್ ಬೊಕ್ಕ ಮಾರುತಿ ಓಮ್ನಿ ನಡುಟ್ಟ್ ಅಪಘಾತ ನಡತ್ತ್ ದಿತ್ತ್ ದ್, ಘಟನೆಡ್ ಮಸ್ತ್ ಜನಕ್ಕ್ ಗಾಯ ಆತುಂಡ್ ಪಂದ್ ತೆರಿದ್ ಬೈದುಂಡ್.

ಗಾಯ ಆತಿನ ಓಮ್ನಿ ಬೊಕ್ಕ ಕಾರುಡ್ ಇತ್ತಿನಕ್ಲೆನ್ ಪುತ್ತೂರ್ ದ ಖಾಸಗಿ ಆಸ್ಪತ್ರೆಗ್ ಸೇರ್ಸಾದೆರ್. ಘಟನೆ ಆಯಿನ ಜಾಗೆಗ್ ಸಂಚಾರಿ ಪೊಲೀಸ್ ಠಾಣೆದ ಯಸ್.ಐ.ರಾಮ ನಾಯ್ಕ್ ಅಂಚನೆ ಸಿಬ್ಬಂದಿಲು ತನಿಖೆ ಮಲ್ತ್ ದೆರ್. ಪುತ್ತೂರ್ ದ ಪೊಲೀಸ್ ಸ್ಟೇಷನ್ ಡ್ ಈ ಪ್ರಕರಣ ದಾಖಲ್ ಆತ್oಡು.

Puttur: A collusion between an Swift car and a Maruthi Omni: Many people hurt:

Puttur: In a collusion between an Omni van and Swift car at Munduur village many people have been hurt say reports.

The injured have been admitted to hospital in Puttur .The traffic police S I Ram Naik and his team have visited the spot and investigations is underway A case has been registered at Puttur police station.

ಮಣಿಪುರ ಸೇನಾ ಕ್ಯಾಂಪಸ್ ಡ್ ಗುಡ್ಡೆ ಜರಿದ್ 50 ಯೋಧೆರ್ ನಾಪತ್ತೆ

ನೋನಿ: ಅಸ್ಸಾಂ ಡ್ ಆಯಿನ ಪ್ರವಾಹಡ್ ಮಣಿಪುರದ ನೋನಿ ಜಿಲ್ಲೆಡ್ ಭಾರತೀಯ ಸೇನೆದ 107 ಟೆರಿಟೋರಿಯಲ್ ಆರ್ಮಿ ಕಂಪನಿ ಬುಧವಾರ ನಡು ಕತ್ತಲೆಗ್ ತುಪುಲ್ ರೈಲ್ ಉಂತುನಲ್ಪ ಕೈತಲ್ ಡ್ ಗುಡ್ಡೆ ಜರಿದ್ 50 ರ್ದ್ ಲ ಎಚ್ಚದ ಯೋಧೆರ್ ಮಣ್ಣ್ ದ ಅಡಿಟ್ಟ್ ತಿಕ್ಕ್ ದ್ ಬೂರ್ದೇರ್.

ಗುಡ್ಡೆ ಜರಿನ ಜಾಗೆಡ್ದ್ ಕಾರ್ಯಾಚರಣೆ ಮಲ್ತ್ ದ್ 13 ಜನನ್ ಜೀವಂತವಾದ್ ಪಿದಯ್ ದೆತ್ತ್ ದೆರ್. ಇರ್ವೆರ್ನ ಪುನನ್ ಪಿದಯ್ ದೆತ್ತ್ ದೆರ್. ಆಂಡ ನನಲ ಕಾರ್ಯಾಚರಣೆ ನಡತ್ತೊಂದ್ ಉಂಡು.

A hillslide in Manipur has left 50 persons from an army camp missing

Noni: The floods in Assam had caused landslides in Manipur.At Noni district , soldiers belonging to 107 territorial company of the Indian army were caught in a landslide and about 50 persons have gone missing.

Rescue operations are in full swing and about 13 persons were saved and taken out of the debris.Two dead bodies were retrieved and rescue work is still in progress.

ಧರ್ಮ ಕಾರ್ಯ ಮಲ್ತ್ಂಡ ಸಮಾಜ ಗಟ್ಟಿ ಆಪುಂಡು: ರಮಾನಂದ ಗುರೂಜಿ

ಧರ್ಮ ಕಾರ್ಯ ಮಲ್ತ್ಂಡ ಸಮಾಜ ಗಟ್ಟಿ ಆಪುಂಡು: ರಮಾನಂದ ಗುರೂಜಿ

ಬೊಂಬೈದ ಕುಲಾಲ ಸಂಘದಕ್ಲೆರ್ದ್ ಕುಡ್ಲಡ್ ಆಪಿನ ಕುಲಾಲ ಭವನಡ್ ಸುದರ್ಶನ ಹೋಮ, ವಾಸ್ತು ಪೂಜೆ 

ಕುಡ್ಲ: ಬೊಂಬೈದ ಪೇಂಟೆಡ್ ೯೦ ವರ್ಸೊರ್ದಿಂಚಿ ಕುಲಾಲ ಸಮಾಜದ ಎಡ್ಡೆಪ್ಪುಗಾದ್ ಪುನೆವೊಂದಿತ್ತಿನ ಕುಲಾಲ ಸಂಘ, ಬೊಂಬೈ ಮೊಕುಲು ಅಂದಾಜಿ ೧೫ ಕೋಟಿ ರೂ. ಕರ್ಚಿಡ್ ಕುಡ್ಲದ ಮಂಗಳಾದೇವಿದಲ್ಪ ನಿರ್ಮಾಣ ಮಲ್ತೊಂದುಪ್ಪುನ ಪೊಸ ದೇಖಿದ ಕುಲಾಲ ಭವನದ ನೆಲಮಾಲಿಗೆಡ್ ಜೂ.೨೫ಕ್ಕ್ ಸುದರ್ಶನ ಹೋಮ, ವಾಸ್ತುಹೋಮ ಇಂಚಿನ ಧಾರ್ಮಿಕ ವಿಧಿ ವಿಧಾನೊಲು ಒಡಿಪುದ ದೊಡ್ಡಣಗುಡ್ಡೆ ಶ್ರೀ ಆದಿಶಕ್ತಿ ದೇವಸ್ಥಾನದ ಧರ್ಮದರ್ಶಿ ರಮಾನಂದ ಗುರೂಜಿ ಮೆರೆನ ಮಾರ್ಗದರ್ಶನೊಡು ನಡತ್ಂಡ್.

ಈ ಪೊರ್ತುಡು ರಮಾನಂದ ಗುರೂಜಿ ಮೆರೆನ್ ಸಂಘದಕುಲು ಗೌರವ ಮಾನಾದಿಗೆ ಮಲ್ತೆರ್. ಆಶೀರ್ವಚನ ಮಲ್ತಿನ ಗುರೂಜಿ, ಒವ್ವೇ ಕಟ್ವಾನಡ್ ದೇವತಾ ಕಾರ್ಯೊಲು ನಡತ್ಂಡ ದೇವೆರ್ ಒಲಿದ್ ಅವುಲು ನಿಲೆ ಆಪೆರ್ ಪನ್ಪಿನ ನಂಬೊಲಿಗೆ ಉಂಡು. ಅಂಚಾದ್ ಪ್ರತಿ ಕಟ್ವಾನಡ್‌ಲ ಧರ್ಮ ಚಿಂತನೆದ ಧಾರ್ಮಿಕ ಕೆಲಸೊಲು ನಡಪೊಡು. ಕುಲಾಲ ಭವನಡ್ ನಡತಿನ ಈ ಪೂಜಾ ವಿಧಿ ವಿಧಾನೊಲೆರ್‍ದ್ ಬೊಂಬೈದ ಅಂಚೆನೆ ಊರುದ ಕುಲಾಲ ಸಮಾಜ ಬಂಧುಲೆನ ಒಗ್ಗಟ್ಟು ಗಟ್ಟಿ ಆತ್ಂಡ್. ದುಂಬುದ ದಿನೊಟ್ಟು ಈ ಕಟ್ವಾನದ ಬೇಲೆ ಪೊರ್ಲುಡೇ ಪೂರ್ಣ ಆದ್ ಲೋಕಾರ್ಪಣೆ ಆವರೆ ಉಂಡು ಪಂದ್ ಎಡ್ಡೆಪ್ಪು ಬಯಕಿಯೆರ್.

ದೊಡ್ಡಣಗುಡ್ಡೆ ಕ್ಷೇತ್ರದ ಆಡಳ್ತೆ ಉಸ್ತುವಾರಿ ಕುಸುಮ ನಾಗರಾಜ್, ಬೊಂಬೈ ಕುಲಾಲ ಸಂಘದ ಅಧ್ಯಕ್ಷೆರ್ ದೇವದಾಸ್ ಕುಲಾಲ್, ಮಾಜಿ ಅಧ್ಯಕ್ಷೆರ್ ಗಿರೀಶ್ ಬಿ.ಸಾಲ್ಯಾನ್, ಉಪಾಧ್ಯಕ್ಷೆರ್ ರಘು ಮೂಲ್ಯ ಪಾದೆಬೆಟ್ಟು, ಗೌರವ ಪ್ರಧಾನ ಕಾರ್ಯದರ್ಶಿ ಕರುಣಾಕರ ಸಾಲ್ಯಾನ್, ಕೋಶಾಧಿಕಾರಿ ಜಯ ಅಂಚನ್, ಪೊಂಜೊವುಲೆನ ಕೂಟದ ಕಾರ್ಯಾಧ್ಯಕ್ಷೆರ್ ಮಮತಾ ಗುಜರನ್, ಕಟ್ವಾನ ಸಮಿತಿದ ವಿಶ್ವನಾಥ ಬಂಗೇರ, ಸುರೇಶ್ ಕುಲಾಲ್, ಕಲ್ಲಮರು ಗೋಪಾಲ ಬಂಗೇರ, ಸುನಿಲ್ ಸಾಲ್ಯಾನ್, ದ.ಕ ಜಿಲ್ಲಾ ಕುಲಾಲೆರ್ನ ಮಾತೃ ಸಂಘದ ಅಧ್ಯಕ್ಷೆರ್ ಮಯೂರ್ ಉಲ್ಲಾಳ್, ಶ್ರೀ ವೀರನಾರಾಯಣ ದೇವಸ್ಥಾನದ ಆಡಳಿತ ಪದಾಧಿಕಾರಿಲಾಯಿನ ಪುರುಷೋತ್ತಮ ಕುಲಾಲ್ ಕಲ್ಬಾವಿ, ಎ.ದಾಮೋದರ್, ಬಿ.ಪ್ರೇಮಾನಂದ ಕುಲಾಲ್, ಸುರೇಶ್ ಕುಲಾಲ್ ಮಂಗಳಾದೇವಿ, ಗಿರಿಧರ ಮೂಲ್ಯ, ಡಾ. ಅಣ್ಣಯ್ಯ ಕುಲಾಲ್, ಲಯನ್ ಅನಿಲ್ ದಾಸ್, ಕೊಲ್ಯ ಕುಲಾಲ ಸಂಘದ ಭಾಸ್ಕರ್ ಕುತ್ತಾರ್, ಬಂಟ್ವಾಳ ಸಂಘದ ಅಧ್ಯಕ್ಷೆರ್ ನಾರಾಯಣ ಪೆರ್ನೆ, ಕುಳಾಯಿ ಸ್ವರ್ಣಕುಂಭ ಸಹಕಾರಿ ಸಂಘದ ಅಧ್ಯಕ್ಷೆರ್ ನಾಗೇಶ್ ಕುಲಾಲ್, ಮುಡಿಪು ಕುಲಾಲ ಸಂಘದ ಅಧ್ಯಕ್ಷೆರ್ ಪುಂಡರೀಕಾಕ್ಷ, ಕುಳಾಯಿ ಸಂಘದ ಅಧ್ಯಕ್ಷೆರ್ ಗಂಗಾಧರ ಕುಲಾಲ್, ಬಂಟ್ವಾಳ ಸಮಾಜ ಸೇವಾ ಸಹಕಾರಿ ಸಂಘದ ಅಧ್ಯಕ್ಷೆರ್ ಸುರೇಶ್ ಕುಲಾಲ್, ಮಂಗಳಜ್ಯೋತಿ ಸಹಕಾರಿ ಬ್ಯಾಂಕ್‌ದ ಅಧ್ಯಕ್ಷೆರ್ ರಾಜೇಂದ್ರ, ವಿ.ಕೆ.ಫರ್ನಿಚರ್‍ಸ್‌ದ ಮಾಲಕೆರ್ ವಿಠ್ಠಲ ಕುಲಾಲ್ ಇತ್ತೆರ್.

ಬೊಂಬೈ ಕುಲಾಲ ಸಂಘದ ಪದಾಧಿಕಾರಿಲಾಯಿನ ಡಿ.ಐ.ಮೂಲ್ಯ, ಆನಂದ ಬಿ.ಮೂಲ್ಯ, ಜಯರಾಜ್ ಸಾಲ್ಯಾನ್, ಡಾ. ಸಪ್ನ ಸಾಲ್ಯಾನ್, ಮಮತಾ ಜಿ. ಸಾಲ್ಯಾನ್, ದೇವಕಿ ಎಸ್. ಸಾಲ್ಯಾನ್, ಪ್ರೇಮ ಮೂಲ್ಯ, ಶೇಖರ್ ಮೂಲ್ಯ, ಪಿ.ಉಮೇಶ್ ಬಂಗೇರ, ನ್ಯಾ.ಉಮಾನಾಥ ಮೂಲ್ಯ, ಎಲ್.ಆರ್.ಮೂಲ್ಯ, ಮೋಹನ್ ಬಂಜನ್, ರಘು ಬಿ.ಮೂಲ್ಯ, ಸಂಜೀವ ಬಂಗೇರ, ಸುಂದರ್ ಮೂಲ್ಯ, ಆನಂದ ಕುಲಾಲ್ ಬಂಟ್ವಾಳ, ಸುನಿಲ್ ಕುಲಾಲ್, ರಘುನಾಥ ಕರ್ಕೇರ, ಮಾಲತಿ ಅಂಚನ್, ರೇಣುಕಾ ಸಾಲ್ಯಾನ್, ಭೋಜ ಯು.ಮೂಲ್ಯ, ಬಿ.ಮೋಹನ್ ದಾಸ್ ಮೊಕುಲು ಮಾತಾ ಪಾಲ್ ಪಡೆದಿತ್ತೆರ್.

ಈ ಪೊರ್ತುಡು ಪಟ್ಲ ಹಿರೇಬೆಟ್ಟು ಗಣಪತಿ ಮೂಲ್ಯ ಮೇರ್ ಒಟ್ಟು ಮಲ್ದಿನ ಮನೆ ಮನೆಯಲ್ಲಿ ಭಜನೆ’ ಪನ್ಪಿನ ಬೂಕುನು ಬೊಂಬೈದ ಉದ್ಯಮಿದ ಸುನಿಲ್ ಸಾಲ್ಯಾನ್ ಬುಡುಗಡೆ ಮಲ್ತೆರ್.
ಪತ್ರಕರ್ತೆರ್ ದಿನೇಶ್ ಕುಲಾಲ್ ಲೇಸ್ ನಿರೂಪಣೆ ಮಲ್ತೆರ್. ಕರುಣಾಕರ ಸಾಲ್ಯಾನ್ ಸೊಲ್ಮೆ ಸಂದಾಯೆರ್.

ಭಾರೀ ಬರ್ಸಗ್ ಪಾಂಡವಬೆಟ್ಟು ಕೋಟೆದ ಬಬ್ಬುಸ್ವಾಮಿ ದೈವಸ್ಥಾನದ 700 ವರ್ಸ ಪರಪೋಕುದ ಮರ ಮಗ್ ರ್ದ್ಂಡ್

ಕುಡ್ಲ: ಕರಿನ ರಡ್ಡ್ ದಿನರ್ದ್ ತುಳುನಾಡ್ ಡ್ ಭಾರೀ ಬರ್ಸ ಬರೊಂದುಂಡು. ಕೋಡೆ ಬತ್ತಿನ ಬರ್ಸ ಗ್ ಇಡೀ ಕುಡ್ಲ ನೀರ್ ಜಿಂಜಿದ್ ಜನ ಜೀವನ ಓಲೋಲು ಆದಿತ್ತ್ಂಡ್.

ಭಾರೀ ಬರ್ಸ ಬರೊಂದಿಪ್ಪುನ ಕಾರಣ ಕುಡ್ಲದ ಪಾಂಡವ ಬೆಟ್ಟು ಕೋಟೆದ ಬಬ್ಬುಸ್ವಾಮಿ ದೈವಸ್ಥಾನಡ್ 700 ವರ್ಷ ಪರಪೋಕು ಇತ್ತಿನ ಮಾಮಲ್ಲ ಮರ ಮಗ್ ರ್ದ್ ಬೂರ್ದುಂಡು. ಆಂಡ ಒವ್ವೆ ರೀತಿದ ತೊಂದರೆ ಆತಿಜಿ.

A 700 year old tree uproots at Pandavabetta fort’s Babbuswami Daivastana due to heavy rains

Mangalore: Heavy rains from the past two days in the coastal districts has brought life to a standstill.There is waterlogging in the whole of the city.

A 700 yeas old massive tree at Pandavabetta fort near Mangalore at the Babbuswami Daivastana has uprooted.But there has been no loss to life or property.

You Missed