Tue. Nov 17th, 2026

ಊರ್ದ ಸುದ್ದಿ Regional News

ಪ್ರಧಾನಿ ಮೋದಿಜೀಡ ತುಳುಟ್ಟು ಪಾತೆರ್‍ಪಾಯೆರೆ ತೀರ್ಜಿಡ ನನ ತುಳು ಬಾಸೆಗ್ ಮಾನಾದಿಗೆ ಕೊರ್ಪಾವುನು ಅಂದಾ?

ಕುಡ್ಲ: ಪ್ರಧಾನ ಮಂತ್ರಿ ಆಯಿ ಬೊಕ್ಕ ನರೇಂದ್ರ ಮೋದೀಜಿ ತುಳುನಾಡ್‌ಗ್ ಕಾರ್ ದೀಪಿನಿ ಉಂದು ರಡ್ಡನೇ ಸರ್ತಿ. ಆಂಡ ಅರೆಗ್ ತುಳು ಮಣ್ಣ್‌ದ ಜನ ಬೋಡು, ತುಳು ಬಾಸೆ, ಸಂಸ್ಕೃತಿ ದಾಲ ಬೊಡ್ಚಿ ಪನ್ಪಿನ ಲೆಕ ಆತ್ಂಡ್ ಪನ್ಪಿನ ಬೆಚ್ಚದ ಪಾತೆರ ಸುಕ್ರಾರದಾನಿ ಆರ್ ಕುಡ್ಲಗ್ ಬತ್ತ್‌ದ್ ಪೋಯಿ ಬೊಕ್ಕ ಮಾತ ಕಡೆಟ್ಟ್‌ಲ ಕೇಂದ್ ಬರೊಂದುಂಡು.

ಸಂಶಯನೇ ಇಜ್ಜಿ, ಮಾನ್ಯ ಮೋದೀಜಿ ನೆರ್ದ್‌ದುಂಬು ತುಳುನಾಡ್‌ಗ್ ಬನ್ನಗ ತುಳುಟ್ಟು ಪಾತೆರ್‍ದಿತ್ತೆರ್. ಆಂಡ ನಳಿನ್ ಕುಮಾರ್ ಕಟೀಲ್ ರಾಜ್ಯಾಧ್ಯಕ್ಷೆರ್ ಆಯಿ ಬೊಕ್ಕ ಪ್ರಧಾನಿಲೆಡ ತುಳುಕ್ಕು ಬೋಡಾದ್ ರಡ್ಡ್ ಪಾತೆರ ಪನ್ಪಾವರೆ ಆತಿಜಿ. ಪೋಯಿ ಸರ್ತಿಲ ಕನ್ನೊಡುಡು ಪಾತೆರ್‍ಪಾದೆರ್. ಆಂಡ ಈ ಸರ್ತಿ ರಡ್ಡ್ ಪಾತೆರ ತುಳುಟ್ಟು ಪಾತೆರ್‍ಪಾರೆ ಮೊಕ್ಲೆಗ್ ಆಯಿಜಿ ಪನ್ಪಿನ ಆರೋಪಲ ತುಳುವೆರೆದ್ ಕೇಂಡ್‌ದ್ ಬೈದ್ಂಡ್.

ಬಿಜೆಪಿದ ಭದ್ರ ಕೋಟೆ ಪಂದ್ ಪುಗರ್ತೆ ಪಡೆದಿನ ತುಳುನಾಡ್‌ಗ್ ಪ್ರಧಾನಿ ಮೋದಿ ಆಂಡಲ ದಾದ ಕೊರಿಯೆರ್ ಪನ್ಪಿನ ಪ್ರಶ್ನೆಗ್ ಉತ್ತರ ಇಜ್ಜಿ. ತುಳುನಾಡ್‌ದ ಮಲ್ಲ ಬೇಡಿಕೆ ಆದುಪ್ಪುನ ಸಂವಿಧಾನದ ತಾನಮಾನೊ, ರಾಜ್ಯ ಬಾಸೆದ ಗೌರವ ಇಂಚಿನ ರಡ್ಡ್ ಬೇಡಿಕೆಲೆನ್ ದುಂಬು ದೀವರೆ ನಮ್ಮ ಜನಪ್ರತಿನಿಧಿನಕ್ಲೆಗ್ ಆಯಿಜಿ ಪನ್ಪಿನ ಬೇಜಾರ್‌ಲ ಮಸ್ತ್ ಉಂಡು.

ಅವ್ವತ್ತಾಂದೆ ನೆಂಪು ಕಾನಿಕೆ ಕೊರ್ಪಿನ ಇಚಾರೊಡ್ಲ ಆತೆ. ತುಳುನಾಡ ಸಂಸ್ಕೃತಿದ ಪ್ರತೀಕವಾದುಪ್ಪುನ ಮುಟ್ಟಾಲೆ, ಪನೊಲಿ, ಕಂಬುಲದ ನುಗ, ಬೆತ್ತ, ಯಕ್ಷಗಾನದ ಕಿರೀಟ ಇಂಚಿನ ಮಾತ ಸಾಂಪ್ರದಾಯಿಕ ವಸ್ತುಲೆನ್ ಪ್ರಧಾನಿಲೆಗ್ ನೆಂಪು ಕಾಣಿಕೆಯಾದ್ ಕೊರ್ಪೆರ್ ಪನ್ಪಿನ ಆಸೆಲ ಮಣ್ಣಾದ್ ಪೋಂಡು. ಸದ್ಯೊಗು ಪರಶುರಾಮ ದೇವೆರ್‍ನ ಒಂಜಿ ಮೂರ್ತಿನ್ ಕೊರಿನವು ಮಲ್ಲ ಪುಣ್ಯ ಪಂದ್ ತುಳುವೆರ್ ಪನೊಂದುಲ್ಲೆರ್.

ಎಂಚಿನನೇ ಆವಡ್ ತುಳುನಾಡ್‌ದ ವಿಚಾರೊಡು ಪ್ರಧಾನಿನ ಕೊಡುಗೆ ದಾದ ಪನ್ಪಿನ ವಿಚಾರೊಡು ಸಾಮಾಜಿಕ ಜಾಲತಾಣೊಡು ಪ್ರಶ್ನೊ ಮಲ್ತೊಂದೆರ್. ಅವ್ವೇತೋ ತುಳು ಸಂಘಟನೆದಕಲು ಏತೋಸರ್ತಿ ತುಳುವೆರ್‍ನ ಸಕ್ತಿ ದಾದ ಪಂಡ್‌ದ್ ಟ್ವೀಟ್ ಅಭಿಯಾನ ಮಲ್ತ್‌ದ್ ಸ್ವತಃ ಪ್ರಧಾನಿ ಮೋದಿಯೆರೆಗ್ ಟ್ವೀಟ್ ಮಲ್ತ್‌ದಿತ್ತೆರ್. ಈತಾಂಡಲ ತುಳುವೆರೆಗ್ ದಾದ ತಿಕ್ಂಡ್ ಪಂದ್ ಪ್ರಶ್ನೆ ಮಲ್ದೆರ್.

ಕಾರ್ಲ: ದೋಸ್ತಿಗೇ ಬಿಸತಿ ಪಾಡಿನ ದೋಸ್ತಿ

ಕಾರ್ಲ: ಜವನೆ ಒರಿಯಗ್ ಬಿಸತಿ ಪಾಡ್ದಿನ ಘಟನೆ ಮಾಳಡ್ ನಡತ್‌ದ್ಂಡ್.

ನಾಗರಾಜ್ ಪೂಜಾರಿನ ಮಿತ್ತ್ ಭರತ್ ಪನ್ಪಿನಾಯೆ ಬಿಸತಿ ಪಾಡ್ದೆ. ನಾಗರಾಜ್ ಬೊಕ್ಕ ಭರತ್ ದೋಸ್ತಿಯಾದಿತ್ತೆರ್. ಭರತ್ ಕೈಟ್ ಬಿಸತಿ ಪತ್ತಿನೆಕ್ಕ್ ವಿರೋಧ ಮಲ್ತಿನ ನಾಗರಾಜ್ ಬಿಸತ್ತಿ ಕೈಟ್ ಪತೊನೊಡ್ಚಿ ಪಂದ್ ಪಂಡೆರ್. ಅಪಗ ರಡ್ಡ್ ಜನತ್ತ ನಡುಟ್ ಪಾತೆರ ಸುರುವಾದ್ ಭರತ್ ಕೈಟ್ ಇತ್ತಿನ ಬಿಸತಿನ್ ನಾಗರಾಜ್ ಪೂಜಾರಿನ ಬಂಜಿದ ಮಿತ್ತ್ ಪಾಡ್ದೆ. ಮಣಿಪಾಲ ಕೆ.ಎಂ.ಸಿ ಆಸ್ಪತ್ರೆಗ್ ನಾಗರಾಜ್ ನ್ ದಾಖಲು ಮಲ್ತ್‌ದೆರ್. ಕಾರ್ಲ ಪೊಲೀಸ್ ಠಾಣಾ ವ್ಯಾಪ್ತಿಡ್ ಈ ಪ್ರಕರಣ ದಾಖಲಾತ್ಂಡ್.

ಧರ್ಮಸ್ಥಳಗ್ ಭೇಟಿ ಕೊರಿನ ನಟೆ ದರ್ಶನ್

ಧರ್ಮಸ್ಥಳ: ಪುಗರ್ತೆದ ಪಿಚ್ಚರ್ ನಟೆ ದರ್ಶನ್ ಧರ್ಮಸ್ಥಳಗ್ ಭೇಟಿ ಕೊರ್ದಿತ್ತ್ ದ್, ಶ್ರೀ ಮಂಜುನಾಥ ಸ್ವಾಮಿನ ದರ್ಶನ ಪಡೆಯೆರ್.

ನಟೆ ದರ್ಶನ್ ಮೆರೆನ್ ಧರ್ಮಸ್ಥಳ ಕ್ಷೇತ್ರದ ಮುತಾಲಿಕೆಡ್ ಪಾರ್ಶ್ವನಾಥ್ ಜೈನ್ ಎದ್ಕೊನಿಯೆರ್. ಈ ಪೊರ್ತುಡು ಧರ್ಮಸ್ಥಳ ಮಾಜಿ ಗ್ರಾಪಂ. ಅಧ್ಯಕ್ಷೆರ್ ಅಂಚನೆ ಉದ್ಯಮಿ ಚಂದನ್ ಕಾಮತ್ ಇತ್ತೆರ್.

ಮೋದಿ ಸಮಾವೇಶಡ್ ತಪ್ಪಡ್ ಪೋಯಿನ 9 ವರ್ಸದ ಪೊಣ್ಣು!

ಕುಡ್ಲ: ಕೋಡೆ ಕುಡ್ಲಡ್ ನಡತಿನ ಪ್ರಧಾನಿ ಸಮಾವೇಶಡ್ 4ನೇ ಕ್ಲಾಸ್‌ದ ಪೊಣ್ಣ್ ನಾಪತ್ತೆ ಆಯಿನ ಘಟನೆ ನಡತ್‌ದ್ಂಡ್.

ಕಡೆಕ್ಕ್ ಕುಡ್ಲ ಪೊಲೀಸೆರ್‍ನ ಸಮಯ ಪ್ರಜ್ಞೆ ರ್ದ್ ಪೊಣ್ಣನ್ ನಾಡ್ ಪತ್ತ್‌ದ್ ಪೋಷಕೆರೆಗ್ ಒಪ್ಪಿಸಾಯೆರ್. ಕುಡ್ಲ ನಗರದ ಕಾವೂರು ಪೊಲೀಸ್ ಠಾಣಾ ವ್ಯಾಪ್ತಿದ ಜ್ಯೋತಿನಗರದ ಯಮುನಕ್ಕ ಬೊಕ್ಕ ದೇವಕಿ ದಂಪತಿಲೆನ 10 ವರ್ಷದ ಮಗಲ್ ಪೂಜಾ ಮೇಟಿ ಮೋದಿ ಸಮಾವೇಶಡ್ ಪೋಷಕೆರ್ನ ಕೈ ತತ್ತ್‌ದ್ ಪೋದಿತ್ತೆರ್.

2022-23ನೇ ವರ್ಸದ ಉತ್ತಮ ಶಿಕ್ಷಕ ಪ್ರಶಸ್ತಿಗ್ ಬೊಲ್ತೇರ್‌ದ ರಡ್ಡ್ ಜನ ಆಯ್ಕೆ

ಬೊಲ್ತೇರ್: ತಾಲೂಕ್‌ದ ರಡ್ಡ್ ಶಿಕ್ಷಕೆರ್ 2022-23ನೇ ಸಾಲ್ ದ ಉತ್ತಮ ಶಿಕ್ಷಕ ಪ್ರಶಸ್ತಿಗ್ ಆಯ್ಕೆಯಾತೆರ್.

ರಾಜ್ಯಮಟ್ಟದ ಉತ್ತಮ ಶಿಕ್ಷಕ ಪ್ರಶಸ್ತಿಗ್ ಪ್ರೌಢಶಾಲಾ ವಿಭಾಗಡ್ ಕೊಯ್ಯೂರು ಸರಕಾರಿ ಪ್ರೌಢ ಶಾಲಾ ಮುಖ್ಯ ಶಿಕ್ಷಕೆರ್ ರಾಧಾಕೃಷ್ಣ ಟಿ. ಬೊಕ್ಕ ಪ್ರಾಥಮಿಕ ಶಾಲಾ ವಿಭಾಗರ್ದ್ ಬಂಗಾಡಿ ಸರಕಾರಿ ಹಿ. ಪ್ರಾ. ಶಾಲಾ ಶಿಕ್ಷಕೆರ್ ಅಮಿತಾನಂದ ಆಯ್ಕೆಯಾತೆರ್.

2022-23 Best Teacher award – two teachers from Bheltangady selected.

Bheltangady: Two teachers from Bheltangady have been selected for the state level Best Teacher award.
Primary school section- Radhakrishna T, Headmaster Koyuoor Government school.
Secondary school section-Amitananda,Bangadi government higher primary school.

ಮೋದಿ ಸಮಾವೇಶಡ್ ಉದ್ಯಮಿ ಬಿ. ಆರ್. ಶೆಟ್ರೆನ್ ತಡೆತಿನ ಭದ್ರತಾ ಸಿಬ್ಬಂದಿಲು!

ಕುಡ್ಲ: ‌ಕುಡ್ಲದ ಗೋಲ್ಡ್ ಫಿಂಚ್ ಸಿಟಿ ಮೈದಾನಡ್ ನಡತಿನ ಮಾಮಲ್ಲ ಸಮಾವೇಶಡ್ ರಾಜ್ಯಪಾಲೆರ್ ಥಾವರ್‌ ಚಂದ್‌ ಗೆಹ್ಲೋಟ್‌, ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ, ಕೇಂದ್ರ ಸಂಸದೀಯ ಸಚಿವೆರ್ ಪ್ರಹ್ಲಾದ್‌ ಜೋಶಿ ಸೇರಿನಂಚನೆ ಜಿಲ್ಲೆದ ಶಾಸಕೆರ್, ಪರಿಷತ್‌ ಸದಸ್ಯೆರ್ ಬೊಕ್ಕ ಮಸ್ತ್ ಬಿನ್ನೆರ್ ಪಾಲ್ ಪಡೆದಿತ್ತೆರ್.

ಆಂಡ ಪ್ರಧಾನಿ ಮೋದಿ ಕಾರ್ಯಕ್ರಮಗ್ ಎಂಟ್ರಿಯಾಯರೇ ಉದ್ಯಮಿ ಬಿ.ಆರ್. ಶೆಟ್ರೆನ್ ಭದ್ರತಾ ಸಿಬ್ಬಂದಿಲು ಉಲಯಿ ಬುಡಂದೆ ತಡೆತ್ ದಿನ ವಿಡಿಯೋ ಇತ್ತೆ ಸಾಮಾಜಿಕ ಜಾಲತಾಣಡ್ ವೈರಲ್‌ ಆವೊಂದುಂಡು. ವಿಐಪಿ ಪಾಸ್ ಇಜ್ಜಂದಿನ ಕಾರಣ ಪೊಲೀಸೆರ್ ಬಿ ಆರ್‌ ಶೆಟ್ಟಿ ಮೆರೆನ್ ಉಲಾಯಿ ಬುಡ್ತಿಜೆರ್.

ಈ ಪೊರ್ತುಡು ಜಾಗೆಡ್ ಇತ್ತಿನ ಕೆಲ ಜನಕುಲು ಸ್ವರ ಲಕ್ಕಾದೆರ್. ಯಂಕುಲೆನ್ ಬುಡ್ಜಿಂಡಲ ಮಲ್ಲೆ ಇಜ್ಜಿ. ಅರೆನ್ ಉಲಾಯಿ ಬುಡ್ಲೆ ಪಂದ್ ಮಸ್ತ್ ಜನ ಸ್ವರ ಲಕ್ಕಾದಿತ್ತೆರ್.

Entrepreneur B R Shetty stopped from taking part in the PM’s program by the security personnel.

Manglore: Entrepreneur B R Shetty was stopped by the security personnel from taking part in the public program of the PM as he did not have the required pass for entry.
Though many people nearby too spoke on his behalf he was not allowed entry.

ಶಾಸಕೆರ್ ಯು.ಟಿ.ಖಾದರ್ ಕೋವಿಡ್ ಪಾಸಿಟಿವ್ ಪ್ರಧಾನಿ ಲೇಸ್ ಗ್ ಪೋವರೆ ಇಜ್ಜಿ

ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಮೇರ್ ಕುಡ್ಲಗ್ ಬರೊಂದಿಪ್ಪುನೆಡ್ದಾವರ ಸರಕಾರೀ ಕಾರ್ಯಕ್ರಮಡ್ ಪಾಲ್ ಪಡೆಯರೇ ಶಾಸಕೆರೆಗ್ ಕೋವಿಡ್ ರಿಪೋರ್ಟ್ ಕಡ್ಡಾಯ ಆದಿತ್ತ್ಂಡ್. ಇಂಚಾದ್ ಕೋಡೆ ರಾತ್ರೆ ಶಾಸಕೆರ್ ಯು.ಟಿ.ಖಾದರ್ ಮೇರ್ ಕೋವಿಡ್ ಟೆಸ್ಟ್ ಮಲ್ಪುನಗ ಕೋವಿಡ್ ಪಾಸಿಟಿವ್ ಬೈದ್ಂಡ್. ಅಂಚಾದ್ ೩ ದಿನತ್ತ ಕಾಲ ಕ್ವಾರಂಟೈನ್‌ಡ್ ಇಪ್ಪರೆ ಉಲ್ಲೆರ್. ಅಂಚಾದ್ ಏರೆನ್ಲಾ ಭೇಟಿ ಮಲ್ಪರೆ ಆಪುಜಿ ಅಂಚನೆ ಮಾತ ಕಾರ್ಯಕ್ರಮಲ ರದ್ದು ಮಲ್ತ್ ದೆರ್.

ಈ ಪೊರ್ತುಡು ಶಾಸಕೆರ್ ಮೂಜಿ ದಿನತ್ತ ಕಾಲ ಸಾರ್ವಜನಿಕ ಸೇವೆಗ್ ಲಭ್ಯ ಆದಿತ್ತ್ ದ್, ಪೋನ್ ಕಾಲ್ ಡ್ ಸಂಪರ್ಕಿಸಾವೊಲಿ. ನಿಕ್ಲೆನ ಹಾರೈಕೆಡ್ ಆಯಿನಾತ್ ಬೇಗ ಗುಣ ಆಪೆ ಪಂದ್ ಶಾಸಕೆರ್ ಪ್ರಕಟನೆಡ್ ತೆರಿಪಾದೆರ್.

Former minister, MLA U T Kadhar has been tested positive for covid 19 and has cancelled all sheduled programs for the next three days.

ಕುಡ್ಲದ ಬತ್ತಿನ ಪ್ರಧಾನಿ ನರೇಂದ್ರ ಮೋದಿ

ತುಳುನಾಡ್ ದ ಜನಕುಲು ಕಾತೊಂದು ಇಪ್ಪುನ ಜನಕ್ಲೆನ ನಾಯಕೆರ್ ಪ್ರಧಾನಿ ನರೇಂದ್ರ ಮೋದಿ ಇತ್ತೆ ಕುಡ್ಲದ ಅಂತರಾಷ್ಟ್ರೀಯ ವಿಮಾನದ ನಿಲ್ದಾಣಗ್ ಬತ್ತ್‌ದೆರ್.

ಅಲ್ಪರ್‍ದ್ ಮಧಾಹ್ನ 1.20ಕ್ ಸೇನಾ ಹೆಲಿಕಾಪ್ಟರ್ ಮುಖೇನ ಪ್ರಧಾನಿ ಮೋದಿ ಪಣಂಬೂರ್ ಡ್ ಇಪ್ಪುನ ಎನ್.ಎಂ.ಪಿ.ಎ ಹೆಲಿಪ್ಯಾಡ್ ದಲ್ಪ ಪೋಯರೆ ಉಲ್ಲೆರ್.

ಕಪ್ಪು ಅಂಗಿದಕ್ಲೆಗ್ ಗೇಟ್ ಔಟ್ !

ಕಪ್ಪು ಅಂಗಿದಕ್ಲೆಗ್ ಗೇಟ್ ಔಟ್ !

ಕುಡ್ಲ: ಕುಡ್ಲದ ಗೋಲ್ಡ್ ಫಿಂಚ್ ಸಿಟಿ ಮೈದಾನಡ್ ನಡತೊಂದು ಉಪ್ಪುನ ಮೋದಿನ ಕಾರ್ಯಕ್ರಮಗ್ ಕಪ್ಪು ಅಂಗಿ ಪಾಡೊಂದು ಬೈದಿನ ಜನಕ್ಲೆನ್ ಪ್ರವೇಶ ದ್ವಾರರ್ದೆ ಪೋಲಿಸೆರ್ ಪಿರ ಕಡಪುಡೊಂದು ಉಲ್ಲೆರ್.

ಸಾರ್ವಜನಿಕ ಸಭೆಟ್ ಕಪ್ಪು ಅಂಗಿ, ಶಾಲ್, ಕುಂಟು ಪಾಡರೆ ಬಲ್ಲಿ ಪಂದ್ ಎಡಿಜಿಪಿ ಅಲೋಕ್ ಕುಮಾರ್ ದುಂಬೇ ಸೂಚನೆ ಕೊರ್ದಿತ್ತೆರ್. ಅಂಚಾದ್ ಕಪ್ಪು ಅಂಗಿ ಪಾಡೊಂದು ಬೈದಿನ ಜನಕ್ಲೆನ್ ಪ್ರವೇಶ ದ್ವಾರರ್ದೆ ಪೋಲಿಸೆರ್ ಪಿರ ಕಡಪುಡ್ದೆರ್.

All persons wearing black clothes for PM Narendra Modi’s program sent back .

Manglore: All persons wearing black clothes to the public program of the PM at Goldfinch City ground have been sent back . Persons were informed not to wear black at the program by ADGP Alok Kumar previously. So those with black clothes were barred from entering the ground.

ತುಳುನಾಡ್ ಗ್ ಬರೊಂದಿಪ್ಪುನ ಮೋದಿಲೆನ ಇನಿತ್ತ ಕಾರ್ಯಕ್ರಮದ ಸಂಪೂರ್ಣ ಮಾಹಿತಿ

ಕುಡ್ಲ: ಕುಡ್ಲಗ್ ಮೋದಿ ಬರೊಂದುಲ್ಲೆರ್ ಪಂದ್ ಬಿಜೆಪಿ ಕಾರ್ಯಕರ್ತೆರ್, ಮೋದಿ ಅಭಿಮಾನಿಲು ಗೋಲ್ಡ್ ಫಿಂಚ್ ಡ್ ನಿರ್ಮಾಣ ಆಯಿನ ಮಾಮಲ್ಲ ವೇದಿಕೆದಲ್ಪ ಕಾತೊಂದು ಉಲ್ಲೆರ್.

ಪ್ರಧಾನಿಲೆನ ಇನಿತ್ತ ಕಾರ್ಯಕ್ರಮದ ಪಟ್ಟಿ ಇಂಚ ಉಂಡು

▪️ಕುಡ್ಲ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣರ್‍ದ್ ಮಧಾಹ್ನ 1.20ಕ್ ಸೇನಾ ಹೆಲಿಕಾಪ್ಟರ್ ಮುಖೇನ ಪ್ರಧಾನಿ ಮೋದಿ ಪಣಂಬೂರ್ ಡ್ ಇಪ್ಪುನ ಎನ್.ಎಂ.ಪಿ.ಎ ಹೆಲಿಪ್ಯಾಡ್ ದಲ್ಪ ಬರಿಯರೆ ಉಲ್ಲೆರ್.

▪️ಮಧ್ಯಾಹ್ನ 1.30 ಗ್ ಎನ್.ಎಂ.ಪಿ.ಎ ಹೆಲಿಪ್ಯಾಡ್ ರ್‍ದ್ ಒಂಜಾರೇ ಕಿ.ಮೀ ದೂರಡ್ ಇಪ್ಪುನ ಬಂಗ್ರಕುಳೂರ್ ದ ಗೋಲ್ಡ್ ಫಿಂಚ್ ಸಿಟಿ ಮೈದಾನಡ್ ನಡಪುನ ಕುಡ್ಲ ಬಂದರ್ ದ ಬೇತೆ ಬೇತೆ ಅಭಿವೃದ್ಧಿ ಯೋಜನೆದ ಶಿಲಾನ್ಯಾಸ ಬೊಕ್ಕ ಕಾಮಗಾರಿದ ಬೃಹತ್ ಸಾರ್ವಜನಿಕ ಸಭೆಟ್ ಪ್ರಧಾನಿ ಮೋದಿ ಪಾಲ್ ಪಡೆಯರೆ ಉಲ್ಲೆರ್.

▪️ನವಮಂಗಳೂರು ಬಂದರು ಪ್ರಾಧಿಕಾರ ಅಂಚನೆ ಎಂಆರ್‌ಪಿಎಲ್ ದ ಸುಮಾರ್ 3800 ಕೋಟಿ. ರೂಪಾಯಿದ ಬೇತೆ ಬೇತೆ ಅಭಿವೃದ್ದಿ ಯೋಜನೆದ ಲೋಕಾರ್ಪಣೆ ಮಲ್ಪರೆ ಉಲ್ಲೆರ್.

▪️ಈ ಕಾರ್ಯಕ್ರಮ ಮಧ್ಯಾಹ್ನ 2.55 ಕ್ ನಡಪರೆ ಅಲ್ಪರ್‍ದ್ ಪ್ರಧಾನಿ ಮೋದಿ ರಸ್ತೆ ಮಾರ್ಗ ಆದ್ ಎನ್.ಎಂ.ಪಿ.ಎ ಹೆಲಿಪ್ಯಾಡ್ ದಲ್ಪ ಪೋಯರೆ ಉಲ್ಲೆರ್.

▪️1 ಗಂಟೆ ಪಕ್ಷದ ಪ್ರಮುಖೆರ್‍ನೊಟ್ಟುಗ್ ಸಭೆಟ್ ಪಾಲ್ ಪಡೆಯರೆ ಉಲ್ಲೆರ್.

▪️ಬಯ್ಯ 4 ಗಂಟೆಗ್ ಎನ್.ಎಂ.ಪಿ.ಎ ಹೆಲಿಪ್ಯಾಡ್ ಡ್ ಕುಡ್ಲ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದ ಮುಖೇನ ದೆಹಲಿಗ್ ಪೋಯರೆ ಉಲ್ಲೆರ್.

You Missed