ಊರ್ದ ಸುದ್ದಿ Regional News

ಮುಲ್ಕಿ ಸೀಮೆ ಅರಸು ಕಂಬುಲ ಕ್ರೀಡೆದ ಅಭಿವೃದ್ಧಿಗ್ 5 ಲಕ್ಷ ರೂ. ಪನವು ಬುಡುಗಡೆ

ಕುಡ್ಲ: ಪುಗರ್ತೆದ ಮುಲ್ಕಿ ಸೀಮೆ ಅರಸು ಕಂಬುಲಗ್ ಕರ್ನಾಟಕ ಸರಕಾರದ ಪ್ರವಾಸೋದ್ಯಮ ಇಲಾಖೆರ್ದ್ ಮಂಜೂರಾಯಿನ ರೂ. 5 ಲಕ್ಷನ್ ಮುಲ್ಕಿ ಅರಮನೆದ ಗೌತಮ್ ಜೈನ್ ಮೇರ್ ರಾಜ್ಯದ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಮೆರೆರ್ದ್ ಪಡೆಯೊಂಡೆರ್.

ಈ ಪೊರ್ತುಡು ಉಸ್ತುವಾರಿ ಸಚಿವೆರ್ ಆಯಿನ ಸುನಿಲ್ ಕುಮಾರ್, ಶಾಸಕೆರ್ ವೇದವ್ಯಾಸ ಕಾಮತ್, ಪ್ರತಾಪ್ ಸಿಂಹ ನಾಯಕ್, ನಗರ ಪಾಲಿಕೆದ ಮೇಯರ್ ಲೇಸ್‌ಡ್ ಇತ್ತೆರ್.

ದೇವೆರೆ ಪಾದ ಸೇರಿಯೆರ್ ಬಿಲ್ಲವ ಸಮಾಜದ ಹಿರಿಯ ಸಂಘಟಕೆರ್ ದೇವೇಂದ್ರ ಅಂಚನ್ ಕದ್ರಿ

ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ ಅನುಯಾಯಿ, ಬಿಲ್ಲವ ಸಮಾಜದ ಹಿರಿಯ ಸಂಘಟಕೆರ್ ಸಮಾಜಮುಖಿ ಚಿಂತಕೆರ್ ಆಯಿನ ದೇವೇಂದ್ರ ಅಂಚನ್ ಕದ್ರಿ ಮೇರ್ ಇನಿ ದೇವೆರೆ ಪಾದ ಸೇರಿಯೆರ್.

ಮೆರೆನ ಅಂತಿಮ ದರ್ಶನನ್ ಇನಿ ಬಯ್ಯ 4 ಗಂಟೆರ್ದ್ ಸಿ.ವಿ.ನಾಯಕ್ ಕೈತಲ್ ಇಪ್ಪುನ ಅರೆನ ಇಲ್ಲ್ ಸರೋಜ್ ಮಧು ಅಪಾರ್ಟ್ಮೆಂಟ್ ಡ್ ವ್ಯವಸ್ಥೆ ಮಲ್ದೆರ್.

ಪಾವಂಜೆ ಕೆರೆ 3.5 ಕೋಟಿ ರೂ. ಖರ್ಚಿಡ್ ನವೀಕರಣ : ಉಮಾನಾಥ ಕೋಟ್ಯಾನ್

ಹಳೆಯಂಗಡಿ : ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನದ ಜಳಕದ ಕೆರೆನ್ ಪಾವಂಜೆ ಜ್ಞಾನಶಕ್ತಿ ಶ್ರೀ ಸುಬ್ರಹ್ಮಣ್ಯಸ್ವಾಮಿ ದೇವಸ್ಥಾನದಕಲ್ನ ಸೇವಾ ರೂಪವಾದ್ 3.5 ಕೋಟಿ ರೂ. ಖರ್ಚಿಡ್ ಶಿಲಾಮಯವಾದ್ ನವೀಕರಣ ಆವರೆ ಉಂಡು ಪಂದ್ ಶಾಸಕ ಉಮಾನಾಥ ಕೋಟ್ಯಾನ್ ಪಂಡೆರ್.

ಆರ್ ಪಾವಂಜೆ ಜ್ಞಾನಶಕ್ತಿ ಶ್ರೀ ಸುಬ್ರಹ್ಮಣ್ಯಸ್ವಾಮಿ ದೇವಸ್ಥಾನದ ಕೈತಲ್ದ ಕೆರೆತ್ತ ಬರಿಟ್ಟ್ ಅಂಗಾರೆ ಗುದ್ದಲಿ ಪೂಜೆ ಮಲ್ತ್ ದ್ ಪಾತೆರಿಯೆರ್. ಪಾವಂಜೆ ಜ್ಞಾನಶಕ್ತಿ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನದ ಧರ್ಮದರ್ಶಿ ಡಾ. ಯಾಜಿ ನಿರಂಜನ್ ಭಟ್ ಪ್ರಾರ್ಥನೆ ಮಲ್ತೆರ್.

ಸುಬ್ರಹ್ಮಣ್ಯ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಶಶೀಂದ್ರಕುಮಾರ್, ವಿದ್ಯಾಶಂಕರ್, ಶಿಲ್ಪಿ ವೆಂಕಟೇಶ್ ಬೆಳ್ತಂಗಡಿ, ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನದ ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ಪ್ರಕಾಶ್ ಎನ್. ಶೆಟ್ಟಿ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬಿ.ಸೂರ್ಯಕುಮಾರ್, ಸದಸ್ಯೆರಾಯಿನ ಟಿ.ಗೋಪಾಲಕೃಷ್ಣ ರಾವ್ , ರಘು ಕೆ. ದೇವಾಡಿಗ, ಸುಲೋಚನ ಮಹಾಬಲ, ಜಿ.ಪಂ. ಮಾಜಿ ಸದಸ್ಯೆರ್ ವಿನೋದ್ ಬೊಳ್ಳೂರು, ತಾ.ಪಂ. ಮಾಜಿ ಸದಸ್ಯೆರ್ ಜೀವನ್‌ಪ್ರಕಾಶ್ ಕಾಮೆರೊಟ್ಟು, ಪಾವಂಜೆ ದೇವಾಡಿಗ ಸಮಾಜ ಸೇವಾ ಸಂಘದ ಪ್ರಧಾನ ಕಾರ್ಯದರ್ಶಿ ಜಗದೀಶ್ ಪಲಿಮಾರ್, ಮೋಹನ್ ಬಂಗೇರ, ಹಳೆಯಂಗಡಿ ಗ್ರಾಮ ಪಂಚಾಯತ್‌ ಅಧ್ಯಕ್ಷೆರ್ ಪೂರ್ಣಿಮಾ, ಸದಸ್ಯೆರಾಯಿನ ಸವಿತಾ ಸಾಲ್ಯಾನ್ ಸಸಿಹಿತ್ಲು, ಅಶ್ವಿನ್ ದೇವಾಡಿಗ, ನಾಗರಾಜ್ ಪೂಜಾರಿ, ವಿನೋದ್ ಕೊಳುವೈಲು, ಓಂ ಕ್ರಿಕೆಟರ್ಸ್ ದ ಸುನಿಲ್‌ಕುಮಾರ್, ಎಸ್‌ ಕೆಪಿಎ ದ ಮೋಹನ್ ಭಟ್ ಮೊಕುಲು‌ ಮಾತ ಇತ್ತೆರ್. ಬ್ರಹ್ಮಕಲಶೋತ್ಸವ ಸಮಿತಿದ ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ ನಾನಿಲ್ ಲೇಸ್ ಸುಧಾರಿಕೆ ಮಲ್ತೆರ್.