ಪರಪೋಕುದ ಪರತಿರಿ ಉಪ್ಪುನ ಮಹತೋಭಾರ ಪುತ್ತೂರು ಶ್ರೀ ಮಹಾಲಿಂಗೇಶ್ವರ ದೇವೆರ್ನ ಮೂಲ ಭಾವಚಿತ್ರನ್ ಲೋಕೊಗು ಅರ್ಪಣೆ ಮಲ್ತಿನ ಪುತ್ತೂರುದ ಪುರುಷೋತ್ತಮ ತೋಳ್ಪಾಡಿ
ಅಂದ್ ಇನಿ ನಮ ಮಾತೆರ್ನಲ ಇಲ್ಲಡ್ ನಮ ನಿತ್ಯ ಆರಾಧನೆ ಮಲ್ಪುನ ಪಟ ಪ್ರಕಟ ಆದ್ ಇನಿಕ್ 98 ವರ್ಷದ ಪರಪೋಕು ಉಂಡು.ಪುತ್ತೂರು ಸೀಮೆದ ಜನಕುಲು ಜಗತ್ತ್ ಡ್ ಓಲೆ ಉಪ್ಪಡ್ ಅಕ್ಲೆನ ಇಲ್ಲಡ್ ಶ್ರೀ ಮಹಾಲಿಂಗೇಶ್ವರ ದೇವೆರ್ನ ಕಪ್ಪು ಬೊಲ್ದು ಚಿತ್ರ ಉಂಡು ಐಕ್ ದಿನಾಲ ಪೂಜೆ, ಪುನಸ್ಕಾರ ಮಲ್ಪುವೆರ್ . ರಿಕ್ಷಾ, ಕಾರು,ಬಸ್ಸು, ಲಾರಿ, ಪುತ್ತೂರು ಮೂಲದಕ್ಲೆನ ಹೋಟೆಲು, ಅಂಗಡಿಡ್ ಲ ಈ ಪಟಕ್ ಕೈ ಮುಗಿದೇ ದಿನ ಸುರು ಮಲ್ಪುವೆರ್. ಆನಿ ಕಾಲೊಡು ಛಾಯಾಚಿತ್ರಗಾರೆರಾಯಿನ ಪುರುಷೋತ್ತಮ ತೋಳ್ಪಾಡಿ ದೆತ್ತಿನ ದೇವೆರ್ನ ಫಟಗ್ ಶತಮಾನ ಕೈತಲ್ ಬರೊಂದು ಉಂಡು..
1922 ನೇ ಇಸವಿಡ್ ಒಂಜಿ ದಿನ ದಿನ ತೋಳ್ಪಾಡಿಗ್ ಮಹಾಲಿಂಗೇಶ್ವರ ದೇವೆರ್ನ ಪಟ ದೆಪ್ಪೊಡು ಪನ್ಪಿನ ಮನಸ್ ಆಂಡ್ ಆನಿ ಇತ್ತೆದಲಕ ಆಧುನಿಕ ಕೆಮರಾ ಇತ್ತಿಜಿ .ಫೀಲ್ಡ್ ಕೆಮರಾ ಮಾತ್ರ ಇತ್ತಿನ ಕಾಲ ಅವು ಮೂಜಿ ಕಾರ್ ದ ಸ್ಟಾಂಡ್ಡೇ ದೀದ್ ಕೆಮರಾಡ್ ಪಟ ದೆಪ್ಪೊಡು ಇತ್ತುಂಡು .ತೋಳ್ಳಾಡಿ ಫೀಲ್ಡ್ ಕೆಮರಾಡ್ ತನ್ನ ಇಷ್ಟದೇವೆರ್ನ ಫೋಟೋ ದೆತ್ತೆರ್ .ಸುದೀರ್ಘಕಾಲ ಫೋಟೋ ಬಾಳಿಕೆ ಬರೊಡು ಪನ್ಪಿ ನೆಲೆಟ್ಟ್ ಆನಿ ಕಾಲೊದ ಫಿಲ್ಡ್ ಕ್ಲೀನಿಂಗ್ ಬೊಕ್ಕ ಫೋಟೋ ವಾಷಿಂಗ್ ಪದ್ಧತಿ ಮಲ್ತ್ , 15 ದಿನಟ್ ಈ ಕಲಾತ್ಮಕ ಫೋಟೋ ತಯಾರ್ ಮಲ್ತೆರ್ .
ಕೇರಳದ ಅನಂತಶಯನಡ್ ಉಪ್ಪುನ ಕಲಾವಿದ ರಾಜಾರವಿವರ್ಮರ ಚಿತ್ರಕಲಾ ವಿದ್ಯಾಲಯಡ್ ತೈಲವರ್ಣ ಚಿತ್ರಕಲೆನ್ ಕಲ್ತಿನ ತೋಳ್ಪಾಡಿ, ಅಪಗನೆ ಕಲಾತ್ಮಕ ಛಾಯಾಚಿತ್ರಗಾರೆರಾದ್ ಪುಗಾರ್ತೆ ಪಡೆದ್ ಇತ್ತೆರ್ . ನಮ್ಮ ದೇವೆರ್ನ ಫೋಟೋಡು ತಮ್ಮ ಕಲಾತ್ಮಕ ಅಂಶನ್ ಲಾ ಬಾರಿ ನಿಪುಣತೆಡ್ ಪಾಡ್ದ್ ಲೋಕೊಗು ಅರ್ಪಣೆ ಮಲ್ತೆರ್….
ಪುತ್ತೂರು ದೇವಲ್ಯೊದ ಮೂಡಾಯಿಡ್ ಪರ ಕಚೇರಿ ಐತ ಕೈತಲ್ ಉಪ್ಪುನ ಮೆರೆನ ಶ್ರೀ ಕೃಷ್ಣ ಆರ್ಟ್ &ಫೋಟೋ ಸ್ಟುಡಿಯೋ ಇತ್ತುಂಡು . ಐರ್ದ್ ಬೊಕ್ಕ ಮುಖ್ಯ ಮಾರ್ಗೋದ ಕಟ್ಟಡಗ್ ಸ್ಥಳಾಂತರ ಆದ್ ಆಶಾ ಭಾವಚಿತ್ರಾಲಯ ಪನ್ಪಿ ಪುದರ್ ದೀಯೆರ್. ಮೆರೆನ ಮಗೆ ಶ್ರೀ ನಾರಾಯಣ ತೋಳ್ಪಾಡಿಲಾ ಎಡ್ಡೆ ಛಾಯಾಗ್ರಾಹಕೆರ್ . ಇತ್ತೆ ಮೂಜನೇ ತಲೆಮಾರ್ ದ ಅಶ್ವಿನ್ ತೋಳ್ಪಾಡಿಲಾ ಛಾಯಾಗ್ರಾಹಕೇರಾದ್ ದುಂಬರಿಯೊಂದು ಉಲ್ಲೆರ್ . ಮೆರೆನ ಸ್ಟುಡಿಯೋಡು ಮೂಲಭಾವಚಿತ್ರ ಭಕ್ತೆರೆಗ್ ತಿಕ್ಕೊಂದು ಉಂಡು .
ದೇವೆರ್ನ ಕಪ್ಪು ಬೊಲ್ಪುದ ಕಲಾತ್ಮಕ ಪಟ ಇತ್ತೆ ಲಕ್ಷಾಂತರ ಭಕ್ತೆರ್ನ ಇಲ್ಲಡ್ ಪೂಜೆ ಮಲ್ತೊಂದು ಉಲ್ಲೆರ್. ಇತ್ತೆಲ ಊರು ಪರ ವೂರು ದಕುಲು ಜಾತ್ರೆಗ್ ಬನ್ನಗ , ಊರು ಪರವೂರುದಕುಲು ಜಾತ್ರೆಗ್ ಬನ್ನಗ ಅವ್ವೆ ಪಟ ಕೊನೊಪೆರ್.
