ಪುತ್ತೂರ್ದ ಸುದ್ದಿ | Puttur News

ಜಪಾನ್ ದ ಮಾಜಿ ಪ್ರಧಾನಿ ಶಿಂಜೊ ಅಬೆನ ಮಿತ್ತ್ ಗುಂಡ್ ಪಾಡಿನ ಪುಂಡೆರ್

Jul 8, 2022

ಟೋಕಿಯೊ: ಜಪಾನ್ ದ ಮಾಜಿ ಪ್ರಧಾನಿ ಶಿಂಜೊ ಅಬೆ ಮೇರ್ ಪಶ್ಚಿಮ ಜಪಾನ್ ದ ನಾರಾ ಪೇಂಟೆಡ್ ಭಾಷಣ ಮಲ್ತೊಂದಿತ್ತಿನ ಪೊರ್ತುಡ್ ಪುಂಡೆ ಒರಿ ಗುಂಡ್ ಪಾಡ್ದಿನ ಘಟನೆ ನಡತ್ ದ್oಡ್.

ಮಸ್ತ್ ಪೆಟ್ಟಾದ್ ನೆತ್ತೆರ್ ಪೋದಿತ್ತ್ ದ್ ಅರೆನ್ ಆಸ್ಪತ್ರೆಗ್ ಕೊನತೆರ್ ಪಂದ್ ಅಲ್ಪದ ಸುದ್ದಿ ಮಾಧ್ಯಮ ಎನ್.ಎಚ್.ಕೆ ಸುಕ್ರಾರ ತೆರಿಪಾದ್oಡ್. ಲೇಸ್ ಡ್ ಗುಂಡ್ ಪಾಡ್ದಿನ ಶಬ್ದ ಕೇನ್ ದ್oಡ್. ಅಪಗನೆ ನೆಲಕ್ಕ್ ಬೂರ್ದೆರ್. ಘಟನೆಗ್ ಸಂಬಂಧಿಸಾದ್ ಆರೋಪಿ ಒರಿಯನ್ ಪೊಲೀಸೆರ್ ಬಂಧಿಸಾದೆರ್.

Japan’s former PM Shinjo Abe shot by miscreants:

Tokyo: Japan’s former PM Shinjo Abe was shot at while delivering a speech at Nara town in west Japan.

Seriously injuried Shinjo was shifted to a hospital said media sources N H K on Friday.Gun shots were fired suddenly at the program and Shinjo fell down immediately.A person has been arrested in this connection.

ಅಬುಧಾಬಿದ ಸರ್ವೋತ್ತಮ ಶೆಟ್ರೆಗ್ ”ದೇಜಗೌಡ ಕುವೆಂಪು” ಪ್ರಶಸ್ತಿ

Jul 8, 2022

ಬೆಂಗಳೂರು : ಕುವೆಂಪು ಕಲಾ ಪ್ರತಿಷ್ಠಾನ ಪ್ರತಿವರ್ಷ ಕುವೆಂಪು ಮೇರ್ನ ನೆಂಪುಗು ಕೊರ್ಪಿನ ದೇಜಗೌ ಪುರಸ್ಕಾರೊನು ಜುಲೈ 6ನೇ ತಾರೀಕ್ ಬಯ್ಯಗ್ ಬೆಂಗಳೂರುದ ರವೀಂದ್ರ ಕಲಾಕ್ಷೇತ್ರೊಡು ವಿಶ್ವ ಗೌರವದ ತುಳುವೆ ಅಬುಧಾಬಿದ ಸರ್ವೋತ್ತಮ ಶೆಟ್ರೆಗ್ ಕನ್ನಡ ಸಾಹಿತ್ಯ ಪರಿಷತ್ತು ಅಧ್ಯಕ್ಷೆರ್ ಮಹೇಶ್ ಜೋಷಿ ಬೊಕ್ಕ ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರ್ ಟಿ.ಎಸ್. ನಾಗಾಭರಣ ಸೇರ್ದ್ ಪ್ರದಾನ ಮಲ್ತೆರ್.

ಪ್ರಶಸ್ತಿ ಮಾನಾದಿಗೆ ದೆತೊಂದು ಪಾತೆರಿನ ಸರ್ವೋತ್ತಮ ಶೆಟ್ರ್, ಕುವೆಂಪು ಮೆರೆನ ವಿಶ್ವ ಶಾಂತಿದ ಸಂದೇಶ ಇನಿಕ್ಲಾ ಪ್ರತಿ ಒರಿ ನೆನಪು ದೀಯೊಂದು ನಡಪೊಡು. ಅಯಿಟ್ಲಾ ಜವನೆರ್ ಪರದೇಶೊಗು ಪೋಂಡಲಾ ಅಪ್ಪೆ ನಾಡ್ ಮದಪಂದೆ ತನ್ನ ಭಾಷೆದ ಬುಲಚ್ಚಿಲ್ ಗ್ ಬೇನೊಡು ಪಂಡ್ದ್ ಬಿನ್ನಾಪು ಮಲ್ತೆರ್. ಅರೆಗ್ ಕೊರಿನ ಪ್ರಶಸ್ತಿದ ಪಣವುದ ಗೌರವೊನು ದೃಷ್ಟಿ ಇಜ್ಜಾಂದಿನಕಲ್ನ ಶಾಲೆ ಬೆಳಕು ಫೌಂಡೇಶನ್ ದ ಅಶ್ವಿನಿ ಅಂಗಡಿ ಮೆರೆಗ್ ಐಲೇಸಾ ಸಂಸ್ಥೆದ ಪರವಾದ್ ದಾನ ಮಲ್ತ್ ದ್ ಮಾತೆರ್ನಲಾ ಮೆಚ್ಚುಗೆ ಪಡೆಯೆರ್.

ಡಾ.ಮಹೇಶ್ ಜೋಷಿ ಬೊಕ್ಕ ನಾಗಾಭರಣ ಪಾತೆರ್ದ್, ಪರದೇಶೊಡು ಸರ್ವೋತ್ತಮ ಶೆಟ್ರೆನ ಬೇಲೆಲೆನ್ ಉಡಲ್ದಿಂಜಿದ್ ಪುಗಾರ್ಯೆರ್. ಕುವೆಂಪು ಕಲಾ‌ ಪ್ರತಿಷ್ಠಾನದ ಕುವೆಂಪು ಪ್ರಕಾಶ್, ಕಿಕ್ಕೇರಿ ಗೋಪಾಲ್, ನಾಡೋಜ ಉದಯಕೃಷ್ಣ ,ಮಿಮಿಕ್ರಿ ಗೋಪಿ ಬೊಕ್ಕ ನನಾತ್ ಗಣ್ಯೆರ್ ವೇದಿಕೆಡ್ ಇತ್ತೆರ್.
(ವರದಿ : ಶಾಂತಾರಾಮ್ ಶೆಟ್ಟಿ, ಬೆಂಗಳೂರು)

ದಕ್ಷಿಣ ಕನ್ನಡ ಜಿಲ್ಲೆಡ್ ಭಾರೀ ಬರ್ಸ: ಜನಕ್ಲೆನ ಜೀವನ ಚೆಲ್ಲಾಪಿಲ್ಲಿ

Jul 7, 2022

ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲೆಡ್ ಗುರುವಾರ ಮಸ್ತ್ ಬರ್ಸ ಬರೊಂದಿತ್ತ್ ದ್, ಬರ್ಸರ್ದಾವರ ಇನಿಲ ಶಾಲೆಲೆಗ್ ರಜೆ ಕೊರ್ತೆರ್. ಒಂಜಿ ವಾರ ಬತ್ತಿನ ಬರ್ಸರ್ದಾವರ ಜನಕ್ಲೆನ ಜೀವನ ಚೆಲ್ಲಾಪಿಲ್ಲಿ ಆದಿತ್ತ್ ದ್, ತಗ್ಗ್ ಜಾಗೆಲೆಡ್ ನೀರ್ ಉಂತುದ್ ಅಲ್ಪದ ಜನಕ್ಲೆಗ್ ತೊಂದರೆ ಆತ್ಂಡ್.

ಸಸಿಹಿತ್ಲು ಶ್ರೀ ಭಗವತಿ ದೇವಸ್ಥಾನದ ಅಂಗಣದ ಉಲಯಿ ನೀರ್ ದಿಂಜಿದ್ಂಡ್. ಮಸ್ತ್ ಕಡೆಟ್ಟ್ ಕೃಷಿ ಕಂಡ ಬೊಕ್ಕ ತೋಟಗ್ ನೀರ್ ಪೊಗ್ಗುದು ಕೃಷಿ ನಾಶ ಆವೊಂದುಂಡು. ಕುಡ್ಲ ಪೇಂಟೆದ ಮಸ್ತ್ ಮಾರ್ಗಡ್ ನೀರ್ ಉಂತುದಿತ್ತ್ ಗಾಡಿಲು ಪೋಯರೆ ಬಂಗ ಆವೊಂದುಂಡು.

ಕುಡ್ಲದ ನಂತೂರು ಸರ್ಕಲ್ ಕೈತಲ್ ಟ್ರಾಫಿಕ್ ಜಾಮ್ ಆದಿತ್ತ್ ದ್, ಗಾಡಿಲು ಸಾಲುಡ್ ಪೋಪಿಲೆಕ್ಕ ಆತ್oಡ್. ಗುರುವಾರ ಕಾಂಡೆರ್ದಿಂಚಿ ಬರ್ಸ ಬರೊಂದೇ ಉಂಡು.

ದಕ್ಷಿಣ ಕನ್ನಡ ಜಿಲ್ಲೆಡ್ ಇನಿ ಭಾರೀ ಬರ್ಸ ಬರೊಂದಿತ್ತಿನ ಕಾರಣ ರೆಡ್ ಅಲರ್ಟ್ ಘೋಷಿಸಾದೆರ್. ಸುದೆ ಬೊಕ್ಕ ಕಡಲ ಬರಿ ಇಪ್ಪುನ ಇಲ್ಲ್ ಲೆಗ್ ಎಚ್ಚೆರ್ಗೆಡ್ ಉಪ್ಪರೆ ವಹಿಸೊನ್ಯರ ಜಿಲ್ಲಾಡಳಿತ ಸೂಚನೆ ಕೊರ್ತ್oಡ್.

ಬಂಟ್ವಾಳದ ಪಂಜಿಕಲ್ಲ್ ಶೆಡ್‌ ಮಿತ್ತ್ ಗುಡ್ಡ ಜರಿದಿತ್ತ್ ದ್,ಅಲ್ಪ ಬೇಲೆ ಮಲ್ತೊಂದಿತ್ತಿನ ಮೂಜಿ ಜನ ತೀರ್ ಪೋತೆರ್. ಘಟನೆ ಆಯಿನ ಜಾಗೆಗ್ ಜಿಲ್ಲಾ ಉಸ್ತುವಾರಿ ಸಚಿವೆರ್ ವಿ.ಸುನಿಲ್‌ಕುಮಾರ್ ಬೊಕ್ಕ ಶಾಸಕೆರ್ ರಾಜೇಶ್ ನಾಯ್ಕ್ ಉಳಿಪಾಡಿಗುತ್ತು ಮೇರ್ ಭೇಟಿ ಕೊರ್ತೆರ್.

ದೇಶ ಸೇವೆ ಮಲ್ಪುನ ಅವಕಾಶ ತಿಕ್ಕ್ ದ್oಡ್ ಪಂದ್ ಖುಷಿಟ್ಟ್ ಪಂಡೆರ್ ಡಾ.ಡಿ.ವೀರೇಂದ್ರ ಹೆಗ್ಗಡೆರ್

Jul 7, 2022

ಕುಡ್ಲ: ಕೇಂದ್ರ ಸರ್ಕಾರ ರಾಜ್ಯ ಸಭೆಗ್ ನಾಮನಿರ್ದೇಶನ ಮಲ್ತಿನ ಬಗೆಟ್ ಪ್ರತಿಕ್ರಿಯೆ ಕೊರಿನ ಡಾ.ಡಿ.ವೀರೇಂದ್ರ ಹೆಗ್ಗಡೆರ್ , ಈ ಮುಕೇನ ದೇಶ ಸೇವೆ ಮಲ್ಪುನ ಎಡ್ಡೆ ಅವಕಾಶ ತಿಕ್ ದ್oಡ್ ಪಂದ್ ಖುಷಿಟ್ಟ್ ಪಂಡೆರ್.

ಈ ಬಗೆಟ್ ಮಾಧ್ಯಮಡ್ ಹೇಳಿಕೆನ್ ಕೊರಿನ ಆರ್, ರಾಜ್ಯ ಸಭೆ ಪಂಡ ಪೆರಿಯಕ್ಲೆನ ವೇದಿಕೆ. ತಮ್ಮ ಕ್ಷೇತ್ರಡ್ ಮಲ್ತಿನ ಸಾಧನೆದ ಬಗೆಟ್ ಅನುಭವನ್ ಪಟ್ಟುನ ಅವಕಾಶ ತಿಕ್ಕ್ ದ್oಡ್. ರಾಜ್ಯಸಭೆ ನಾಮ ನಿರ್ದೇಶನದ ಮುಕೇನ ಎಂಕ್ ಮೋದಿ ಮೇರ್ ದೇಶ ಸೇವೆ ಮಲ್ಪುನ ಅವಕಾಶ ಕೊರ್ತೆರ್. ಉಂದೆಟ್ಟ್ ಒವ್ವೆ ರೀತಿದ ರಾಜಕೀಯ ಇಜ್ಜಿ. ಎನ್ನೋಟ್ಟು ಗ್ ಬೇತೆ ಕ್ಷೇತ್ರದ ಜನಕ್ಲೆನ್ ಲ ಗುರ್ತಿಸಾದೆರ್. ದೇವಲ್ಯದ ಜೀರ್ಣೋದ್ಧಾರ, ಧಾರ್ಮಿಕ ಕ್ಷೇತ್ರದ ಶುದ್ಧತೆ, ಪಾವಿತ್ರ್ಯತೆದ ರಕ್ಷಣೆ ಇಂಚಿನ ವಿಚಾರನ್ ಪಟ್ಟುನ ಅವಕಾಶ ಉಂಡು ಪಂಡೆರ್.

“Happy to have got the opportunity to serve the nation” – Veerendra Heggade on being nominated to the Rajya Sabha

Mangalore: On giving a statement to the press on his nomination to the Rajya Sabha Dr D Veerendra Heggade said he was immensely happy to have got the opportunity to serve the nation.

He added that the Rajya Sabha was a serious platform were one could hold discussion and get get feedback on the improvement in one’s constituency.He thanked PM Modi on giving him an opportunity to serve the nation.He hoped he along with others nominated from different fields would be able to serve in the betterment of the nation ,working along with maintaing it’s cultural sanctity and protecting traditional values.

ಡಾ.ಡಿ.ವೀರೇಂದ್ರ ಹೆಗ್ಗಡೆರೆಗ್ ರಾಜ್ಯಾಸಭಾ ಸದಸ್ಯತ್ವ ಕೊರ್ತಿನವು ಸ್ವಾಗತಾರ್ಹ: ಜೈನ್ ಮಿಲನ್ ರಾಜ್ಯಾಧ್ಯಕ್ಷೆರ್ ಪುಷ್ಪರಾಜ್ ಜೈನ್

Jul 6, 2022

ಕುಡ್ಲ : ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ.ವೀರೇಂದ್ರ ಹೆಗ್ಗಡೆರೆನ್ ರಾಜ್ಯಸಭೆಗೆ ನಾಮ ನಿರ್ದೇಶನ ಮಲ್ದಿನೆನ್ ಭಾರತೀಯ ಜೈನ್ ಮಿಲನ್‌ನ ರಾಜ್ಯಾಧ್ಯಕ್ಷೆರ್ ಪುಷ್ಪರಾಜ್ ಜೈನ್ ಸ್ವಾಗತತ ಮಲ್ದೆರ್.
ಧಾರ್ಮಿಕ ಕ್ಷೇತ್ರಡ್ ಇತ್ತ್ ದ್ ತನ್ನ ಜಬದಾರಿದೊಟ್ಟುಗೆ ಸಾಮಾಜಿಕವಾದ್ ತನನ್ ಪೂರ್ಣ ಪ್ರಮಾಣೊಡು ತೊಡಗಿಸಾದ್ ಸಮಾಜದ ತಿರ್ತ ಮಟ್ಟೊಡು ಇತ್ತಿನ ಸಮುದಾಯನ್ ಮುಖ್ಯವಾಹಿನಿಗ್ ಕನಪಿನೆಟ್ಟ್ ಡಿ.ವೀರೇಂದ್ರ ಹೆಗ್ಗಡೆರೆನ ಪ್ರಯತ್ನನ್ ಗೌರವಿಸಾದ್ ಕೇಂದ್ರ ಸರಕಾರ ಇತ್ತೆ ಡಾ.ವೀರೇಂದ್ರ ಹೆಗ್ಗಡೆರೆನ್ ರಾಜ್ಯಸಭೆಗ್ ನಾಮ ನಿರ್ದೇಶನ ಮಲ್ದಿನವು ಆರ್ ಮಲ್ದಿನ ಸಮಾಜ ಸೇವೆಗೆ ತಿಕ್ ದಿನ ಗೌರವ ಮಾತ್ರ ಅತ್ತಾವಂದೆ ಇಡೀ ಸಮುದಾಯಗ್ ತಿಕಿನ ಗೌರವವಾದುಂಡು.

ಶಿಕ್ಷಣ, ಆರೋಗ್ಯ,ಸ್ತ್ರೀ ಶಕ್ತಿ ಸಂಘಟನೆದ ಮುಕೇನ ಮಹಿಳಾ ಸಬಲೀಕರಣ, ಗ್ರಾಮೀಣಾಭಿವೃದ್ಧಿ ಯೋಜನೆದ ಮುಕೇನ ಗ್ರಾಮಾಂತರ ಪ್ರದೇಶದ ಜನಕ್ಲೆನ ಎಡ್ಡೆಪ್ಪು, ಮದ್ಯ ವರ್ಜನ ಶಿಬಿರದ ಮುಕೇನ ವ್ಯಸನ ಮುಕ್ತ ಸಮಾಜ ನಿರ್ಮಾಣ, ಕೆರೆಕ್ಕ್ ಲೆನ ಅಭಿವೃದ್ಧಿ, ಕೃಷಿ ಬೊಕ್ಕ ಹೈನುಗಾರಿಕೆಗ್ ಉತ್ತೇಜನ, ಸಿರಿ ಯೋಜನೆ ಮುಕೇನ ಹಳ್ಳಿಲೆಡ್ ಉದ್ಯೋಗ, ಅನ್ನದಾನ, ಅಭಯದಾನ, ವಸ್ತು ದಾನ, ನ್ಯಾಯದಾನ ಇಂಚ ಕೆಲವು ಯೋಜನೆ, ಯೋಚನೆದ ಮುಕೇನ ಧಾರ್ಮಿಕ ಚಟುವಟಿಕೆದೊಟ್ಟುಗು ಸಮಾಜಿಕ ಚಟುವಟಿಕೆಡ್ ಲ ಕೆಲಸ ಮಲ್ದಿನೆಕ್ಕ್ ಗೌರವವಾದ್ ಇತ್ತೆ ರಾಜ್ಯಸಭಾ ಸದಸ್ಯತ್ವ ಕೊರ್ದು ಅರೆನ್ ಗೌರವಿಸಾದೆರ್ ಪಂದ್ ಪುಷ್ಪರಾಜ್ ಜೈನ್ ತೆರಿಪಾದೆರ್.

ರಾಜ್ಯ ಸಭೆ ಸದಸ್ಯೆರಾದ್ ವೀರೇಂದ್ರ ಹೆಗ್ಗಡೆರ್ನ ನಾಮ ನಿರ್ದೇಶನ ಮಲ್ತಿನ ಮೋದಿ ಸರ್ಕಾರ

Jul 6, 2022

ಡೆಲ್ಲಿ : ಧರ್ಮಸ್ಥಳ ದ ಧರ್ಮಾಧಿಕಾರಿ ರಾಜರ್ಷಿ ಡಾ. ಡಿ.ವೀರೇಂದ್ರ ಹೆಗ್ಗಡೆರೆಗ್ ರಾಜ್ಯ ಸಭಾ ಸದಸ್ಯ ಗೌರವ ಕೊರ್ದು ಪ್ರಧಾನಿ ನರೇಂದ್ರ ಮೋದಿ ಸರ್ಕಾರ ಅರೆನ್ ನಾಮ ನಿರ್ದೇಶನ ಮಲ್ದ್ಂಡ್.

ಈ ಮುಕೇನ ಹೆಗ್ಗಡೆರ್ ಉಂದುವೇ ಸುರೂತ್ತ ಸರ್ತಿ ಸಂಸದೆರ್ ಆವರೆ ಉಲ್ಲೆರ್. ರಾಜ್ಯ ಸಭೆ ಕ್ಕ್ ಹೆಗ್ಗಡೆರ್ನ ಪುದರ್ ಕೊರ್ತಿನ ಮೋದಿ ಸರ್ಕಾರದ ಕ್ರಮೊನು ಜೈನ್ ಮಿಲನ್ ಸ್ವಾಗತ ಮಲ್ದ್ಂಡ್. ರಾಜ್ಯಸಭೆಕ್ಕ್ 12 ಸದಸ್ಯೆರೆನ್ ನಾಮ ನಿರ್ದೇಶನ ಮಲ್ಪುನ ಅಧಿಕಾರ ರಾಷ್ಟಪತಿಗ್ ಉಂಡು. ಅಂಚಿನ ಗಣ್ಯೆರೆನ್ ಕೇಂದ್ರ ಸರಕಾರ ನಾಮನಿರ್ದೇಶನ ಮಲ್ಪೊಲಿ.

ಅಂಚೆನೆ ಸರ್ಕಾರ ವೀರೇಂದ್ರ ಹೆಗ್ಗಡೆರ್ ಅತ್ತಾಂದೆ, ಸಂಗೀತ ನಿರ್ದೇಶಕೆರ್ ಇಳೆಯರಾಜ, ಮಾಜಿ ಅತ್ಲೆಟ್ ಪಿ.ಟಿ.ಉಷಾ, ವಿಜಯೇಂದ್ರ ಪ್ರಸಾದ್ ಮೊಕ್ಲೆನ ಪುದರ್ ನಲ ಸರ್ಕಾರ ನಾಮನಿರ್ದೇಶನ ಮಲ್ದ್ಂಡ್.

Sri Veerendra Heggade nominated to the Rajya Sabha by the Modi government.

Delhi : Veerendra Heggade the Dharmadhikari of Dharmasthala temple has been nominated to the Rajya Sabha.

Veerendra Heggade will be be the member of the parliament for the first time.The nomination of Heggade was welcomed by the Jain Milan association .The president has the right to nominate 12 members to the Rajya Sabha.
Along with him music director Illayaraja, Athlete P.T Usha, Vijayandra Prasad have also been nominated.

ಎಲ್ಲೆ ಕುಡ್ಲ, ಒಡಿಪು ಜಿಲ್ಲೆಡ್ ರೆಡ್ ಅಲರ್ಟ್

Jul 6, 2022

ಒಡಿಪು : ದಕ್ಷಿಣಕನ್ನಡ ಬೊಕ್ಕ ಒಡಿಪು ಜಿಲ್ಲೆಡ್ 24 ಗಂಟೆ ಮುಟ್ಟ ಭಾರಿ ಬರ್ಸ ಬರ್ಪಿನ ಅಂದಾಜಿಡ್ (ಜು.7)ಗುರುವಾರೊಗು ರೆಡ್ ಅಲರ್ಟ್ ಘೋಷಣೆ ಆತ್ಂಡ್.

ಒಡಿಪು, ದಕ್ಷಿಣ ಕನ್ನಡ ಜಿಲ್ಲೆಡ್ ಎಲ್ಲೆ 204 ಮಿಲಿ ಮೀಟರ್ ಬರ್ಸದ ಅಂದಾಜಿ ಉಂಡು. ಶುಕ್ರಾರ ಬೊಕ್ಕ ಸನಿಯಾರ 115.6ಮಿ.ಮೀ. 204.4 ಮಿ.ಮೀ. ಮುಟ್ಟ ಬರ್ಸ ಬರ್ರೆ ಉಂಡು. ಅಂಚಾದ್ ಆ ರಡ್ಡ್ ದಿನ ಆರೆಂಜ್ ಅಲರ್ಟ್ ನ್ ಇಲಾಖೆ ಘೋಷಣೆ ಮಲ್ದ್ಂಡ್

ಗ್ಯಾಸ್ ಸಿಲಿoಡರ್ ದ ಬಿಲೆ ಕುಡ 50 ರೂಪಾಯಿ ಎಚ್ಚ

Jul 6, 2022

ದೆಲ್ಲಿ: ತೈಲ ಕಂಪೆನಿದಕುಲು ಎಲ್ ಪಿಜಿ ಗ್ಯಾಸ್ ಸಿಲಿoಡರ್ ದ ಬಿಲೆ ಕುಡ ಎಚ್ಚ ಮಲ್ತ್ ದೆರ್. ಒಂಜಿ ಸಿಲಿಂಡರ್ ದ ಬಿಲೆ 50 ರೂಪಾಯಿ ಜಾಸ್ತಿ ಆತ್oಡ್.

ಅರೆಗಾಲರ್ದ್ ಇತ್ತೆ ಮರಿಯಲಡ್ ಜನಕುಲು ಸಿಲಿಂಡರ್ ನ್ ಎಚ್ಚ ಗಲಸೊಂದು ಉಲ್ಲೆರ್. ಉಂದೆತ್ತೊಟ್ಟುಗ್ 5 ಕೆಜಿ ಸಿಲಿಂಡರ್ ದ ಬಿಲೆಲ 18 ರೂಪಾಯಿ ಎಚ್ಚ ಆತ್oಡ್.

Cooking gas cylinder to cost 50 rupees more yet again:

Delhi: LPG gas cylinder price has been hiked yet again by rupees 50.

The price of five kg cylinder has also been increased by rupees eighteen.

ಬ್ರಿಟನ್ ಮಂತ್ರಿ ಸ್ಥಾನಗ್ ಇನ್ಫೋಸಿಸ್ ನಾರಾಯಣ ಮೂರ್ತಿ ಮೆರ್ನ ಮರ್ಮಯೆ ರಿಷಿ ಸುನಕ್ ರಾಜೀನಾಮೆ

Jul 6, 2022

ಲಂಡನ್: ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ಮಿತ್ತ್ ಭ್ರಷ್ಟಚಾರದ ಆರೋಪ ಬತ್ತಿನ ಪಿರವ್ ವೇ ಪಣವುದ ಸಚಿವೆರ್, ಇನ್ಫೋಸಿಸ್ ಸಂಸ್ಥಾಪಕೆರ್ ನಾರಾಯಣ ಮೂರ್ತಿ ಮೇರ್ನ ಮರ್ಮಯೆ ರಿಷಿ ಸುನಕ್ ಮೇರ್ ಆರ್ನ ಜಾಗೆಗ್ ರಾಜೀನಾಮೆ ಕೊರ್ತೆರ್. ಮೇರ್ನೊಟ್ಟುಗು ಪಾಕಿಸ್ತಾನದ ಆರೋಗ್ಯ ಸಚಿವೆರ್ ಆಯಿನ ಸಾಜಿದ್ ಜಾವಿದ್ ಮೇರ್ಲ ರಾಜೀನಾಮೆ ಕೊರ್ತೆರ್.

ಇನ್ಫೋಸಿಸ್ ಸಂಸ್ಥಾಪಕೆರ್ ನಾರಾಯಣ ಮೂರ್ತಿ ಮೇರ್ನ ಮರ್ಮಯೆ ರಿಷಿ ಸುನಕ್ ಮೇರ್ ರಾಜೀನಾಮೆ ಪತ್ರಡ್ ಎಂಕ್ ಸರ್ಕಾರನ್ ಬುಡಿಯರೆ ಮಸ್ತ್ ಬೇಜಾರ್ ಆಪುಂಡು. ಆಂಡ ಉಂದುವೆ ರೀತಿ ದುಂಬು ಬರಿಯರೆ ಸಾಧ್ಯ ಇಜ್ಜಿ” ಪಂದ್ ಬರೆತೆರ್. ಸಾಜಿದ್ ಜಾವಿದ್ ಮೇರ್ಲ ಈ ಬಗೆಟ್ಟ್ ಟ್ವೀಟ್ ಮಲ್ದೆರ್.

Rishi Sunak resigns from the post of minister in Britain .

London Rishi Sunak the son in law of Infosys chairman Narayan Murthy ,has resigned from his post of finance minister in the British cabinet ,in the wake of corruption charges against Boris Johnson the PM of Britain.

He said in his resignation he said he regretted leaving the cabinet but he was sure he could not continue in the given circumstances.Sajid Javed his colleague who had resigned with him also tweeted in this regard.

ಒರಿ ಗುರೂಜಿನ ಕಾರ್ ಪತ್ತಿಯೆ, ಬೊಕ್ಕೊರಿ ಬಿಸತ್ತಿಡ್ ಕುತ್ತಿಯೆ !

Jul 5, 2022

ಹುಬ್ಬಳ್ಳಿ: ಸರಳ ವಾಸ್ತು ಪುಗರ್ತೆದ ಚಂದ್ರಶೇಖರ ಗುರೂಜಿನ ಕೈತಲ್ ಭಕ್ತೆರೆನಂಚ ಬತ್ತಿನ ಕೊಲೆಗಡುಕೆರೆಡ್ ಒರಿ ಸ್ವಾಮಿಲೆನ ಕಾರ್ ಪತ್ತಿಯೆ, ಬೊಕ್ಕೊರಿ ಬಂಜಿ ಬೆರಿ ಪಂದ್ ತೂವಂದೆ ಬಿಸತ್ತಿಡ್ ಕುತ್ತಿಯೆ…!

ಹುಬ್ಬಳ್ಳಿ ದ ಹೋಟೆಲ್ ದ ರಿಸೆಪ್ಷನ್ ದಲ್ಪ ಅಂಗಾರೆ ಪಚ್ಚೆ ಪಗೆಲ್ಡೇ ನಡತಿನ ಗುರೂಜಿ ಮರ್ಡರ್ ಸ್ಟೋರಿನ್ ತೂವೊಂದಿತ್ತಿನ ಸಿಸಿ ಕ್ಯಾಮರಾ ಪನೊಂದುಂಡು.
ರಿಸೆಪ್ಷನ್ ದಡೆ ಬತ್ತಿನ ಕೊಲೆಪಾತಕಿಲು ಗುರೂಜಿನ ಕಾರ್ ಪತ್ ನಗ ಆರ್ ಆಯಗ್ ಬೆರಿ ಪೂಜಿದ್ ಆಶೀರ್ವಾದ ಮಲ್ತೆರ್. ಅಪಗ ಬೊಕ್ಕೊರಿ ಬಿಸತ್ತಿ ಪಾಡಿಯೆ. ಇರುವೆರ್ಲ ಸೇರ್ದ್ 50 ಸರ್ತಿದ್ ಲ ಎಚ್ಚಿಗೆ ಬಿಸತ್ತಿಡ್ ಕುತ್ತುದೆರ್.

ತಡೆಪರೆ ಬತ್ತಿನಕ್ಲೆನ ಪೋಡ್ಯಾದ್ ಅಕ್ಲೆನ ಬೇಲೆ ಮುಗಿತ್ ದ್ ಆರಾಮೊಡು ಪಿದಯಿ ಪೋಯೆರ್ ಪಂದ್ ಸಿಸಿಟಿವಿದ ದೃಶ್ಯೊಲು ಪನೊಂದುಂಡು.

ಒಂಜಿ ಮೂಲದ ಪ್ರಕಾರ ಅರೆಗ್ ಮಸ್ತ್ ಕೇತಲ್ದ ವ್ಯಕ್ತಿ ಲು ಕೊಲೆ ಮಲ್ದೆರ್. ದಾಯೆ ಪಂಡ ಅರೆನ ಆಪ್ತೆ ಮಹಂತೇಶ್ ಶಿರೋಳ್ ಪನ್ಪಿನಾಯೆ ದಿಡಿಕ್ಕ ನಾಪತ್ತೆ ಆತೆ. ಸಂಸಯದ ಮಿತ್ತ್ ಆಯನ ಬೊಡೆದಿ ವನಜಾಕ್ಷಿನ್ ಪೊಲೀಸೆರ್ ವಿಚಾರಣೆ ಮಲ್ತೊಂದುಲ್ಲೆರ್. ಮೊಕುಲು ಇರ್ವೆರ್ಲ ರಡ್ಡ್ ವರ್ಸೊರ್ದಿಂಚಿ ಸ್ವಾಮಿಲೆನ ಭಕ್ತೆರಾದುಲ್ಲೆರ್. ಅವ್ವತ್ತಾಂದೆ ವನಜಾಕ್ಷಿ 2019 ನೇ ಇಸ್ವಿ ಮುಟ್ಟ ಸರಳ ವಾಸ್ತು ಸಂಸ್ಥೆಡ್ ಕೆಲಸ ಮಲ್ತೊಂದಿತ್ತೆರ್.

ಗುರೂಜಿಡ ಪರಿಹಾರ ತಿಕ್ಕಂದಿನ ಗರ್ವೊಡು ಅಕುಲೇ ಈ ಕೊಲೆ ಮಲ್ತುದುಪ್ಪೆರಾ ಪಂದ್ ಸಂಸಯ ಆವೊಂದುಂಡು ಪಂದ್ ಅಲ್ಪದಕುಲು ಪನೊಂದುಲ್ಲೆರ್.
ಅವೆರ್ದ್ ದುಂಬು ಕೊಲೆ ಗಾರೆರ್ ಸ್ವಾಮಿಲು ಹೋಟೆಲ್ ಡ್ ಉಲ್ಲೆರಾ ಪಂದ್ ಫೋನ್ ಮಲ್ತ್ ದ್ ಗ್ಯಾರಂಟಿ ಮಲ್ತ್ ದಿತ್ತೆರ್. ಒಟ್ಟಾರೆ ಚಂದ್ರಶೇಖರ ಗುರೂಜಿನ ಕೊಲೆ ಬಾರಿ ಅಚ್ಚಿರೊಗು ಕಾರಣ ಆತ್ಂಡ್.

M	T	W	T	F	S	S
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

ಪುತ್ತೂರ್ದ ಸುದ್ದಿ | Puttur News

ಜಪಾನ್ ದ ಮಾಜಿ ಪ್ರಧಾನಿ ಶಿಂಜೊ ಅಬೆನ ಮಿತ್ತ್ ಗುಂಡ್ ಪಾಡಿನ ಪುಂಡೆರ್

ಅಬುಧಾಬಿದ ಸರ್ವೋತ್ತಮ ಶೆಟ್ರೆಗ್ ”ದೇಜಗೌಡ ಕುವೆಂಪು” ಪ್ರಶಸ್ತಿ

ದಕ್ಷಿಣ ಕನ್ನಡ ಜಿಲ್ಲೆಡ್ ಭಾರೀ ಬರ್ಸ: ಜನಕ್ಲೆನ ಜೀವನ ಚೆಲ್ಲಾಪಿಲ್ಲಿ

ದೇಶ ಸೇವೆ ಮಲ್ಪುನ ಅವಕಾಶ ತಿಕ್ಕ್ ದ್oಡ್ ಪಂದ್ ಖುಷಿಟ್ಟ್ ಪಂಡೆರ್ ಡಾ.ಡಿ.ವೀರೇಂದ್ರ ಹೆಗ್ಗಡೆರ್

ರಾಜ್ಯ ಸಭೆ ಸದಸ್ಯೆರಾದ್ ವೀರೇಂದ್ರ ಹೆಗ್ಗಡೆರ್ನ ನಾಮ ನಿರ್ದೇಶನ ಮಲ್ತಿನ ಮೋದಿ ಸರ್ಕಾರ

ಎಲ್ಲೆ ಕುಡ್ಲ, ಒಡಿಪು ಜಿಲ್ಲೆಡ್ ರೆಡ್ ಅಲರ್ಟ್

ಗ್ಯಾಸ್ ಸಿಲಿoಡರ್ ದ ಬಿಲೆ ಕುಡ 50 ರೂಪಾಯಿ ಎಚ್ಚ

ಬ್ರಿಟನ್ ಮಂತ್ರಿ ಸ್ಥಾನಗ್ ಇನ್ಫೋಸಿಸ್ ನಾರಾಯಣ ಮೂರ್ತಿ ಮೆರ್ನ ಮರ್ಮಯೆ ರಿಷಿ ಸುನಕ್ ರಾಜೀನಾಮೆ

ಒರಿ ಗುರೂಜಿನ ಕಾರ್ ಪತ್ತಿಯೆ, ಬೊಕ್ಕೊರಿ ಬಿಸತ್ತಿಡ್ ಕುತ್ತಿಯೆ !

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ