ವುಶು ಚಾಂಪಿಯನ್ ಶಿಪ್ ಗ್ ಆಯ್ಕೆಯಾಯಿನ ತುಳುನಾಡ್ದ ಪೊಣ್ಣುಲು
ಕುಡ್ಲ : ಮೂಡುಶೆಡ್ಡೆದ ಕಾವ್ಯ ಬೊಕ್ಕ ಅಂಜಲಿ ಕೆ ಜೋಗಿ ಮೇರ್ ಇಂಚೋಗು ಆಳ್ವಾಸ್ ನುಡಿಸಿರಿ ವಿರಾಸತ್ ಚಾವಡಿದ್ ನಡತಿನ ಕರ್ನಾಟಕ ರಾಜ್ಯಮಟ್ಟದ ಇರುವತ್ತ ಐನೇ ವುಶು ಚಾಂಪಿಯನ್ ಶಿಪ್ 2021 ನೇ ಕ್ರೀಡಾ ಕೂಟೊಡು ದಕ್ಷಿಣ ಕನ್ನಡ ಜಿಲ್ಲೆರ್ದ್ ಆಯ್ಕೆಯಾದ್ ಪ್ರತಿನಿಧಿಸಾಯಿನ ಸೀನಿಯರ್ ಪೊಂಜೊವ್ಲೆನ ವಿಭಾಗೊಡು ಗೊಬ್ಬುದು ಬಂಗಾರ್ದ ಪದಕ ಪಡೆದ್ ದುಂಬುದ ದಿನೊಟ್ಟು ಮಧ್ಯಪ್ರದೇಶಡ್ ನಡಪರೇ ಉಪ್ಪುನ ರಾಷ್ಟ್ರಮಟ್ಟದ ವುಶು ಚಾಂಪಿಯನ್ ಶಿಪ್ 2021 ಕ್ಕ್ ಕರ್ನಾಟಕ ರಾಜ್ಯರ್ದ್ ಆಯ್ಕೆಯಾತೆರ್ .
ರಾಜ್ಯ ಮಟ್ಟದ ಕ್ರೀಡಾಕೂಟೊಡು ದಕ್ಷಿಣ ಕನ್ನಡ ಜಿಲ್ಲೆರ್ದ್ ಪ್ರತಿನಿಧಿಸಾದ್ ಗೊಬ್ಬಿನ ಮೆಕುಲು ಕುಡ್ಲದ ಸತ್ಯಜಿತ್ ಸುರತ್ಕಲ್ ಮೆರೆನ ಮಾರ್ಗದರ್ಶನಡ್ ಅಂಚನೆ ದಕ್ಷಿಣ ಕನ್ನಡ ವುಶು ಅಸೋಸಿಯೇಷನ್ ಇನ್ಸ್ಟಿಟ್ಯೂಷನ್ ಆಫ್ ಕರಾಟೆ ಆಂಡ್ ಮಾರ್ಷಿಯಲ್ ಆರ್ಟ್ ದ ಮುಖ್ಯ ತರಬೇತುದಾತೆರಾಯಿನ ನಿತಿನ್ ಎನ್ ಸುವರ್ಣ ಮೆರೆರ್ದ್ ತರಬೇತಿನ್ ಪಡೆತೆರ್ .
ಅಂಜಲಿ ಕೆ ಜೋಗಿ ಮೇರ್ ಕುಡ್ಲದ ಎಸ್.ಡಿ.ಎಂ ಕಾನೂನು ಕಾಲೇಜ್ ದ ವಿದ್ಯಾರ್ಥಿ ಮೆಕುಲು ರಡ್ಡ್ ಜನಲ ಮೂಡುಶೆಡ್ಡೆ ಕೃಷ್ಣ ಜೋಗಿ ಬೊಕ್ಕ ಸುಮನ ದಂಪತಿಲೆನ ಜೋಕುಲು.
