Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

ಅ.3: ಬ್ಯಾಂಕ್‌ ಆಫ್‌ ಬರೊಡಾದ ಮುತಾಲಿಕೆಡ್ ಡಾ. ಅತ್ತೂರು ಸದಾನಂದ ಶೆಟ್ರೆ ಗ್ ಮಾನಾದಿಗೆ

ಕುಡ್ಲ: ಬ್ಯಾಂಕ್‌ ಆಫ್‌ ಬರೊಡಾ ಕುಡ್ಲ ವಲಯದ ಮುತಾಲಿಕೆಡ್ ಡಾ. ಅತ್ತೂರು ಸದಾನಂದ ಶೆಟ್ರೆಗ್ ಮಸ್ತ್ ಕಾಲರ್ದಿಂಚ ಕ್ರೀಡೆ, ಶಿಕ್ಷಣ, ಸಾಮಾಜಿಕ, ಸಾಂಸ್ಕೃತಿಕ ಸಾಧನೆ ಬೊಕ್ಕ ಇಂಚಿಪ್ಪ ಶಿವಮೊಗ್ಗ ಕುವೆಂಪು ವಿಶ್ವವಿದ್ಯಾನಿಲಯದ ಮುತಾಲಿಕೆಡ್ ಡಾಕ್ಟರೇಟ್‌ ಪಡೆಯಿನ ಕಾರಣ ಅ.3 ಅಂಗಾರೆ ಬೊಲ್ಪುಗು 10.30 ಕ್ಕ್ ಬ್ಯಾಂಕ್‌ ಆಫ್‌ ಬರೊಡಾ ವಲಯ ಕಚೇರಿದ ಸಭಾಂಗಣಡ್ ಬಿನ್ನೆರೆನ ಸಮ್ಮುಖಡ್ ಅರೆಗ್ ಸನ್ಮಾನ ಮಲ್ತ್ ದ್ ಮಾನಾದಿಗೆ ಮಲ್ಪರೆ ಉಂಡು ಪಂದ್ ಬ್ಯಾಂಕ್‌ ಆಫ್‌ ಬರೊಡಾದ ಮಹಾಪ್ರಬಂಧಕಿ, ವಲಯ ಮುಖ್ಯಸ್ಥೆರ್ ಗಾಯತ್ರಿ ಆರ್.‌ ತೆರಿಪಾದೆರ್.

ಅತ್ತೂರು ಸದಾನಂದ ಶೆಟ್ರ್ ಬ್ಯಾಂಕ್‌ ಆಫ್‌ ಬರೊಡಾದ ಮೇಲ್ಪಂಕ್ತಿದ ಗ್ರಾಹಕೆರೆಡ್ ಒರಿ ಪಂದ್ ಆರ್ ಪನ್ತೆರ್ .

ಈ ನಿಲೆಟ್ಟ್ ಅಂಬೇಡ್ಕರ್‌ ವೃತ್ತದ ಕೈತಲ್, ಬ್ಯಾಂಕ್‌ ಆಫ್‌ ಬರೊಡಾದ ವಲಯ ಕಚೇರಿದ ಎದುರುಡು ಸ್ಮಾರ್ಟ್ ಸಿಟಿ ಕುಡ್ಲದ ಮುತಾಲಿಕೆಡ್ ಮುಲ್ಕಿ ಸುಂದರರಾಮ ಶೆಟ್ಟಿ ಮಾರ್ಗದ ಶಾಶ್ವತ ಪುದರ್ ಪಲವೆನ್ ಅನಾವರಣ ಮಲ್ಪುವೆರ್.

ಈ ಪೊರ್ತುಡು ಶಾಸಕೆರ್ ವೇದವ್ಯಾಸ ಕಾಮತ್‌, ಕುಡ್ಲ ಕಮೀಷನರ್‌ ಆನಂದ್‌ ಸಿ.ಎಲ್.‌, ಮೇಯರ್‌ ಸುಧೀರ್ ಶೆಟ್ಟಿ‌ ಕಣ್ಣೂರು, ಮುಖ್ಯ ಸಚೇತಕೆರ್ ಪ್ರೇಮಾನಂದ ಶೆಟ್ಟಿ, ವಿರೋಧ ಪಕ್ಷದ ನಾಯಕೆರ್ ಪ್ರವೀಣ್‌ಚಂದ್ರ ಆಳ್ವ, ಕಾರ್ಪೋರೇಟರ್ ವಿನಯರಾಜ್‌, ಬೊಕ್ಕ ಸ್ಮಾರ್ಟ್ ಸಿಟಿತ್ತ ಮ್ಯಾನೇಜಿಂಗ್‌ ಡೈರೆಕ್ಟರ್‌ ಡಾ.ಆನಂದ್‌, ಜನರಲ್‌ ಮ್ಯಾನೇಜರ್ ಕೆ.ಎಸ್.‌ ಅರುಣ್‌ ಪ್ರಭಾ, ಅಸಿಸ್ಟೆಂಟ್‌ ಇಂಜಿನಿಯರ್‌ ಗುರುಕಿರಣ್‌, ಎಕ್ಸಿಕ್ಯೂಟಿವ್‌ ಇಂಜಿನಿಯರ್‌ ಚಂದ್ರಕಾಂತ್‌, ನರೇಶ್‌ ಶೆಣೈ, ಜ್ಞಾನೇಶ್‌, ಚಂದ್ರಶೇಖರ್, ಹೃತಿಕಾ ಕನ್ಸ್‌ಟ್ರಕ್ಷನ್‌ದ ಧಣಿ ಉದಯ ಶೆಟ್ಟಿ ಬೊಕ್ಕ ಮಾಜಿ ಮೇಯರ್‌, ನಗರಪಾಲಿಕೆದ ಬೇತೆ ಬೇತೆ ಸಮಿತಿದ ಅಧ್ಯಕ್ಷೆರ್, ಪದಾಧಿಕಾರಿಲು ಲೇಸ್ ಡ್ ಪಾಲ್ ಪಡೆವೆರ್.

ವರದಿ: ಮುಲ್ಕಿ ಕರುಣಾಕರ ಶೆಟ್ಟಿ
ಮೊ : 9880425265

ಸೆ.30: ಕುಮಾರ ಪರ್ವತ ಚಾರಣಡ್ ಭಾರೀ ಜನ

ಕುಕ್ಕೆ ಸುಬ್ರಹ್ಮಣ್ಯರ್ದ್ ಕುಮಾರ ಪರ್ವತಗ್ ಪ್ರತಿ ವರ್ಷ ಚಾರಣಿಗೆರೆನ ಸಂಖ್ಯೆ ಜಾಸ್ತಿ ಆವೊಂದು ಉಂಡು.

ಈ ವರ್ಷ ಮೇ ತಿಂಗೊಲ್ ರ್ದ್ ಅರಣ್ಯ ಇಲಾಖೆದಕುಲು ಚಾರಣಗ್ ಪ್ರವಾಸಿಗೆರೆಗ್ /ಚಾರಣಿಗೆರೆಗ್ ನಿರ್ಬಂಧ ಮಲ್ತ್ ದ್ ಇತ್ತೆರ್. ಅವೆರ್ದ್ ಬೊಕ್ಕ ಸನಿಯಾರ ನಿರ್ಬಂಧ ದೆತ್ತ್ ದ್ ಚಾರಣಿಗೆರೆಗ್, ಅರಣ್ಯ ಇಲಾಖೆದಕ್ಲೆಗ್ ಅವಕಾಶ ಕೊರ್ದಿತ್ತೆರ್. ಅಂಚಾದ್ ಸನಿಯಾರ ಮಲ್ಲ ಸಂಖ್ಯೆಡ್ ಸುಮಾರ್ 750 ರ್ದ್ ಎಚ್ಚ ಚಾರಣಿಗೆರ್ ಪಾಲ್ ಪಡೆದಿತ್ತೆರ್.

ಬೇತೆ ಬೇತೆ ಊರುರ್ದ್, ಆಯಿಟ್ಲಾ ಎಚ್ಚಾದ್ ಬೆಂಗ್ಲೂರುರ್ದ್ ಬತ್ತಿನಕ್ಲೆನ ಸಂಖ್ಯೆನೇ ಜಾಸ್ತಿ ಇತ್ತ್ಂಡ್. ಚಾರಣಿಗೆರ್ ಅಕ್ಲೆಗ್ ಬೋಡಾಯಿನ ಟೆಂಟ್, ಆಹಾರ ಪದಾರ್ಥಲು, ನೀರ್ ದ ಪಟ್ಟಣನನ್ ತನ್ನೊಟ್ಟಿಗೆ ಕೊನೊಪುನೇ ಸರ್ವೇಸಾಮಾನ್ಯ ಆತ್ಂಡ್. ಚಾರಣ ಪೊರ್ತುಡು ಸ್ವಚ್ಛತೆನ್ ಕಾಪಾಡಿಯೆರೆ ಅರಣ್ಯ ಇಲಾಖೆದಕುಲು ಕಟ್ಟುನಿಟ್ಟ್ ದ ಕ್ರಮನ್ ದೆತೊಂದೆರ್. ಅಲ್ಪಲ್ಪ ಸೂಚನಾ ಫಲಕನ್ ಪಾಡ್ದಿತ್ತೆರ್.

ವರದಿ: ಗೋಪಿಚಂದನ್ ಕೆಎಸ್

ಅ.10: ನೆರುಲ್ ಶನೀಶ್ವರ ಮಂದಿರದ ಸಭಾಗೃಹಡ್ ಶನೀಶ್ವರ ಮಹಾತ್ಮೆ ಆಟ

ಬೊಂಬೈ ಶ್ರೀ ಸಿದ್ಧಿವಿನಾಯಕ ಯಕ್ಷಗಾನ ಮಂಡಳಿ 18ನೇ ಶನೀಶ್ವರ ಮಂದಿರ ನೆರೂಲ್ ದ ಮುತಾಲಿಕೆಡ್ ಅ.10 ಬಯ್ಯಗ್ ನೆರುಲ್ ಶನೀಶ್ವರ ಮಂದಿರದ ಸಭಾಗೃಹಡ್ ಶನೀಶ್ವರ ಮಹಾತ್ಮೆ ಆಟ ನಡಪರೆ ಉಂಡು.

ಕೈತಲ್ ದ ಸಂಘ ಸಂಸ್ಥೆ ಕಲಾಪೋಷಕೆರೆನ ಸಹಕಾರಡ್, ಧರ್ಮದರ್ಶಿಲು ರಮೇಶ್ ಪೂಜಾರಿ ಮೆರೆನ ಎಡ್ಡೆಪ್ಪುದೊಟ್ಟಿಗೆ, ಶ್ರೀ ಶನೀಶ್ವರ ಮಂದಿರ ನೆರೂಲ್ ನವಿ ಬೊಂಬೈದ ಪ್ರೋತ್ಸಾಹಡ್ ನಡಪರೆ ಉಂಡು.

ಈ ಲೇಸ್ ನ್ ರಂಗಕಲಾವಿದೆರ್ ಬಾಲಕೃಷ್ಣ ಶೆಟ್ಟಿ ಅದ್ಯಪಾಡಿ ಒಯಿಸೊನ್ವೆರ್ ಪಂದ್ ನವಿಬೊಂಬೈದ ನೆರುಲ್ ಶ್ರೀ ಶನೀಶ್ವರ ಮಂದಿರದ ವಿಶ್ವಸ್ಥೆರ್, ಮಿತ್ರ ಬಳಗದ ರಾಜೇಶ್ ಗೌಡ ಸಿಂಧೂರ್, ಶ್ರೀ ಸಿದ್ದಿವಿನಾಯಕ ಯಕ್ಷಗಾನ ಮಂಡಳಿದ ಸಂಚಾಲಕೆರ್ ಸುರೇಶ್ ಬರ್ಕಲ್ ಮಕ್ಕಿ ಲೆಪ್ಪೋಲೆಡ್ ತೆರಿಪಾದೆರ್.

ಅ.4: ಕೊಕ್ಕಡ ಜೇಸಿಐಗ್ ಜೇಸಿ ವಲಯಾಧ್ಯಕ್ಷ ಭೇಟಿ

ಕೊಕ್ಕಡ: ಜೇಸಿ ವಲಯ 15 ವಲಯಾಧ್ಯಕ್ಷೆರ್ ಪುರುಷೋತ್ತಮ ಶೆಟ್ಟಿ ಮೇರ್ ಜೇಸಿಐ ಕೊಕ್ಕಡ ಕಪಿಲಾ ಘಟಕಗ್ ಅ.4 ದಾನಿ ಅಧಿಕೃತ ಭೇಟಿ ಕೊರಿಯೆರೆ ಉಲ್ಲೆರ್. ಬಯ್ಯ 6.30ಕ್ಕ್ ಸೈಂಟ್ ಜಾನ್ಸ್ ಶಾಲಾ ಸಭಾಂಗಣಡ್ ನಡಪುನ ಸಮಾರಂಭಡ್ ಮೆರ್ ಕೊಕ್ಕಡ ಘಟಕದ ಪೊಸ ವೆಬ್‌ಸೈಟ್ ಬೊಕ್ಕ ಆಪ್ ಲೋಕಾರ್ಪಣೆ ಮಲ್ಪೆರೆ ಉಲ್ಲೆರ್.
ಬೇತೆ ಬೇತೆ ಕ್ಷೇತ್ರಡ್ ಸೇವೆ ಸಂದಾಯ ಮಲ್ತಿನ ಕೌಕ್ರಾಡಿ ಚರ್ಚ್ ಅಂಗನವಾಡಿ ಕೇಂದ್ರದ ಕಾರ್ಯಕರ್ತೆ ವಿಶಾಲಾಕ್ಷಿ ಬಿ, 108 ಆಂಬುಲೆನ್ಸ್ ಸಿಬ್ಬಂದಿ ವಿಲ್ಮಾ ಶ್ವೇತಾ ಸ್ಟೆಲ್ಲಾ, ಹಿರಿಯ ಸದಸ್ಯೆರಾಯಿನ ಯು.ನರಸಿಂಹ ನಾಯಕ್, ನಾಟಿ ವೈದ್ಯರಾಯಿನ ಕೆ. ವಸಂತ ಪೂಜಾರಿ ಮೊಕ್ಲೆಗ್‌ ಈ ಪೊರ್ತುಡು ಮಾನಾದಿಗೆ ನಡಪೆರುಂಡು. ಸ್ಥಳೀಯ ಸಂತ ಜಾನರ ಹಿ.ಪ್ರಾ. ಶಾಲೆಡ್‌ ನಡತ್ತಿನ ಸ್ಪರ್ಧೆಡ್‌ ವಿನ್‌ ಆಯಿನ ಆದ್ಯ, ಯೋಶಿತಾ, ವಿವಿಯನ್ ಸುವಾರಿಸ್, ಅಂಜನಾ, ರಿಷಿಕ್, ಮನಸ್ವಿ, ಕಿಶನ್, ಶ್ರವಣ್, ವೈಷ್ಣವ್, ಧನ್ಯಶ್ರೀ, ಆಕಾಶ್, ವೀಕ್ಷಾ, ಉಜ್ವಲ್, ರಾಯನ್, ಸಾಧನಾ, ನೇತೃಶ್ರೀ, ಚೈತ್ರೇಶ್, ಜಯ, ಪ್ರೆಸಿಲ್ಲಾ ಮಾನ್ಯಶ್ರೀ ಕಲ್ಪಾರ್ಥಿಲೆಗ್ ಪ್ರತಿಭಾ ಪುರಸ್ಕಾರ ನಡಪೆರೆ ಉಂಡು.

ಅಖಿಲ ಕರ್ನಾಟಕ ರಾಜ ಕೇಸರಿ ಟ್ರಸ್ಟ್ ಮುತಾಲಿಕೆಡ್ 542ನೇ ಸೇವಾ ಯೋಜನೆದ ಅಂಗವಾದ್ ತಾಲೂಕುದ 11 ಆಶ್ರಮಗ್‌ ಅರಿ ವಿತರಣೆ

ಬೋಲ್ತೆರ್: ಅಖಿಲ ಕರ್ನಾಟಕ ರಾಜ ಕೇಸರಿ ಟ್ರಸ್ಟ್ ಮುತಾಲಿಕೆಡ್ 542ನೇ ಸೇವಾ ಯೋಜನೆ ಅಂಗವಾದ್ ತಾಲೂಕುದ 11 ಆಶ್ರಮಗ್ ಅರಿ ವಿತರಣೆ, 11 ಬಡ ರೋಗಿಲೆಗ್ ಕುಂಟು ಬೊಕ್ಕ ಅರಣ್ಯ ಇಲಾಖೆ ಸಹಕಾರದೊಟ್ಟಿಗೆ 11 ಬಗೆತ ಬೇತೆ ಬೇತೆ 11 ಬಗೆತ್ತ ಪರ್ಂದ್ ದ ದೈಕ್ಲೆನ್ ವಿತರಣೆ ಮಲ್ತೆರ್.‌ ಹಿಂದೂ ಮುಖಂಡ ಅರುಣ್‌ ಕುಮಾರ್‌ ಪುತ್ತಿಲ ಲೇಸ್‌ದ ಉದಿಪನನ್‌ ಮಲ್ತೆರ್.
ಬೋಲ್ತೆರ್ ಮೋಸ್ಟ್ ಹೋಲಿ ರೆಡಿಮೇಡ್ ಚರ್ಚ್ ಧರ್ಮಗುರು ಫಾ. ವಾಲ್ಟರ್ ಡಿಮೆಲ್ಲೊ , ಬಳಂಜದ ಧರ್ಮಗುರು ಝಮೀರ್ ಸಅದಿ ಅಲ್ ಫಾಝಿಲ್ , ಉಜಿರೆ ಶಾಖೆ ಉಪವಲಯ ಅರಣ್ಯಾಧಿಕಾರಿ ಹರಿಪ್ರಸಾದ್ ಪಟ್ಟಣ ಪಂಚಾಯತಿ ಮುಖ್ಯ ಅಧಿಕಾರಿ ರಾಜೇಶ್ ಕೋಟ್ಯಾನ್, ಪತ್ರಕರ್ತೆರ್ ಮನೋಹರ ಬಳಂಜ, ತಾಲೂಕು ಆಸ್ಪತ್ರೆ ಕಚೇರಿದ ವ್ಯವಸ್ಥಾಪಕೆರ್ ಅಜಯ್., ಮದಿಮಯೆ ತುಳು ಚಲನಚಿತ್ರದ ತಂಡ, ಬಾಲ ನಟ ಅಮನ್ ಎಸ್.ಕರ್ಕೇರ, ರಾಜಕೇಸರಿ ತಂಡದ ಸ್ಥಾಪಕಾದ್ಯಕ್ಷೆರ್ ದೀಪಕ್ ಜಿ, ಜಿಲ್ಲಾದ್ಯಕ್ಷೆರ್ ಅಶೋಕ್ ಪೂಜಾರಿ ಮಾಲೆಮಾರ್, ಖ್ಯಾತಿ ನೃತ್ಯ ಕೊರಿಯೋಗ್ರಾಫರ್ ರಾಜೇಶ್ ಕಣ್ಣೂರು ಈ ಪೊರ್ತುಡು ಇತ್ತೆರ್. ಟ್ರಸ್ಟ್ ಸದಸ್ಯ ಪ್ರೇಮ್ ರಾಜ್ ರೋಸನ್ ಸಿಕ್ವೇರಾ ಬಿನ್ನೆರೆನ್‌ ಎದ್ಕೊಂದು, ಗುರ್ಕಾರ್ಲು ಸೊಲ್ಮೆ ಸಂದಾಯ ಮಲ್ತೆರ್. ಮಹೇಶ್ ಲೇಸ್‌ದ ಸುಧಾರಿಕೆ ಮಲ್ತೆರ್.

ಬ್ಯಾಂಕ್‌ಲೆಗ್‌ ಈ ತಿಂಗೊಲು ಸಾಲ್‌ ಸಾಲ್‌ ರಜೆ…!!

ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್ ಬಿಐ) ರಜಾಪಟ್ಟಿ ಬಿಡುಗಡೆ ಮಲ್ತ್‌ದುಂಡ್. ಅವೆತ ಪ್ರಕಾರ ಅಕ್ಟೋಬರ್ ತಿಂಗೊಲುಡು ಸಾಲ್‌ ಸಾಲ್‌ ರಜೆ ಉಂಡು. ಅ.14 ಮಹಾಲಯ ಅಮವಾಸ್ಯೆ ರಜೆ, 23ಕ್ಕ್ ಮಹಾನವಮಿ/ ಆಯುಧ ಪೂಜೆ ರಜೆ. 24 ಕ್ಕ್ ವಿಜಯ ದಶಮಿದ ರಜೆ. ನೆತ್ತ ಒಟ್ಟಿಗೆ ಅಕ್ಟೋಬರ್‌ 15, 22, 29 ದಾನಿ ಐತಾರದ ರಜೆ ಆಂಡ 28ಕ್ಕ್ ನಾಲನೇ ಶನಿವಾರದ ರಜೆ ಉಂಡು ಪಂದ್‌ ತೆರಿದ್‌ ಬೈದುಂಡು.

ಬೋಲ್ತೆರ್ ಬ್ಲಾಕ್ ಕಾಂಗ್ರೆಸ್ ನಗರ ಬೊಕ್ಕ ಗ್ರಾಮೀಣ ಘಟಕದ ಲೆಕ್ಕಡ್‌ ಗಾಂಧಿ ಜಯಂತಿ ಆಚರಣೆ

ಬೋಲ್ತೆರ್‌: ಬ್ಲಾಕ್‌ ಕಾಂಗ್ರೆಸ್‌ ನಗರ ಬೊಕ್ಕ ಗ್ರಾಮೀಣ ಘಟಕದ ಲೆಕ್ಕಡ್‌ ಬ್ಲಾಕ್ ಕಾಂಗ್ರೆಸ್ ಕಚೇರಿಡ್‌ ಅ.2 ದಾನಿ ಗಾಂಧಿ ಜಯಂತಿನ್‌ ಆಚರಣೆ ಮಲ್ತೆರ್.‌
ಈ ಪೊರ್ತುಡು ಮುಖ್ಯಮಂತ್ರಿ ಬಂಗಾರ್ದ ಪದಕ ಪುರಸ್ಕತ ಗೃಹರಕ್ಷಕ ದಳದ ಜಯಾನಂದ ಲಾಯಿಲ ಬೊಕ್ಕ ಅಗ್ನಿಶಾಮಕ ದಳದ ಉಸ್ಮಾನ್ ಗರ್ಡಾಡಿ ಮೊಕ್ಲೆಗ್‌ ಮಾನಾದಿಗೆ ನಡತ್‌ಂಡ್. ‌ಲೇಸ್‌ಡ್‌ ಕೆಪಿಸಿಸಿ ಕಾರ್ಯದರ್ಶಿ ರಕ್ಷಿತ್ ಶಿವರಾಮ್, ಬ್ಲಾಕ್ ಕಾಂಗ್ರೆಸ್ ಗ್ರಾಮೀಣ ಘಟಕದ ಗುರ್ಕಾರ್ಲು ನಾಗೇಶ್ ಕುಮಾರ್ ಗೌಡ, ಪ್ರಮುಖೆರಾಯಿನ ಮಹಮ್ಮದಾಲಿ ಪುತ್ತೂರು, ಲೋಕೇಶ್ವರಿ ವಿನಯಚಂದ್ರ, ನಮಿತಾ, ಜಯವಿಕ್ರಮ, ಹಸನಬ್ಬ ಚಾರ್ಮಾಡಿ, ಉಷಾ ಶರತ್, ಚಿದಾನಂದ ಪೂಜಾರಿ ಎಲ್ದಡ್ಕ, ಸೆಬಾಸ್ಟಿಯನ್ ಕಳೆಂಜ, ಬೊಕ್ಕ ಕಾಂಗ್ರೆಸ್ ಪಕ್ಷದ ನಾಯಕೆರ್‌, ಕಾರ್ಯಕರ್ತೆರ್‌ ಈ ಪೊರ್ತುಡು ಇತ್ತೆರ್.

ಅ.3.4: ವಿವೇಕಾನಂದ ಪದವಿಪೂರ್ವ ಕಾಲೇಜ್‌ಡ್ ವಿವೇಕ ವಿಜ್ಞಾನ–2023 ಕಾರ್ಯಕ್ರಮ

ಪುತ್ತೂರು : ವಿವೇಕಾನಂದ ಪದವಿಪೂರ್ವ ಕಾಲೇಜ್‌ ಬೊಕ್ಕ ಪುತ್ತೂರು ಕ್ಷೇತ್ರ ಶಿಕ್ಷಣಾಧಿಕಾರಿಲೆನ ಕಚೇರಿ, ಶಾಲಾ ಶಿಕ್ಷಣ ಇಲಾಖೆ ನೆತ್ತ ಒಟ್ಟು ಸೇರಿಗೆಡ್ ಪುತ್ತೂರು ತಾಲೂಕುದ ಕೆಲವು ಪ್ರೌಢಶಾಲಾ ವಿಜ್ಞಾನ & ಗಣಿತ ಅಧ್ಯಾಪಕೆರ್ನ ಕಾರ್ಯಾಗಾರ ವಿವೇಕ ವಿಜ್ಞಾನ 2023 ಕಾರ್ಯಕ್ರಮ ಅಕ್ಟೋಬರ್ 3 ಬೊಕ್ಕ 4 ಕ್ಕ್ ವಿವೇಕಾನಂದ ಪದವಿಪೂರ್ವ ಕಾಲೇಜ್‌ಡ್‌ ನಡಪೆರೆ ಉಂಡು. ಅಕ್ಟೋಬರ್ 3 ದಾನಿ ಉದಿಪನ ಲೇಸ್‌ದ ಗುರ್ಕಾರ್ಮೆನ್ ಕಾಲೇಜ್‌ದ ಆಡಳಿತ ಮಂಡಳಿದ ಗುರ್ಕಾರ್ಲು ರವೀಂದ್ರ ಪಿ ವಹಿಸಾಯೆರೆ ಉಲ್ಲೆರೆ. ಪುತ್ತೂರು ತಾಲೂಕುದ ಕ್ಷೇತ್ರ ಶಿಕ್ಷಣಾಧಿಕಾರಿ ಲೋಕೇಶ್ ಎಸ್ ಆರ್ ಲೇಸ್‌ದ ಉದಿಪನ ಮಲ್ಪೆರುಲ್ಲೆರ್. ಮಲ್ಲ ಬಿನ್ನೆರಾದ್ ವಿವೇಕಾನಂದ ಪದವಿಪೂರ್ವ ಕಾಲೇಜ್‌ದ ಶಿಕ್ಷಕ ರಕ್ಷಕ ಸಂಘದ ಗುರ್ಕಾರ್ಲು ಕೃಷ್ಣಪ್ರಕಾಶ್ ಬಳ್ಳಂಬೆಟ್ಟು ಪಾಲ್‌, ಪುತ್ತೂರು ತಾಲೂಕು ಎಸ್‌ಎಸ್‌ಎಲ್‌ಸಿ ನೋಡಲ್ ಅಧಿಕಾರಿ ಹರಿಪ್ರಸಾದ ಎಂ, ಈ ಪೊರ್ತುಡು ಪಾಲ್‌ ಪಡೆಯೆರೆ ಉಲ್ಲೆರ್.‌

ಅಕ್ಟೋಬರ್ 4 ದಾನಿ ನಡಪುನ ಮುಗಿತಲದ ಲೇಸ್‌ದ ಗುರ್ಕಾರ್ಮೆನ್ ವಿವೇಕಾನಂದ ಪದವಿಪೂರ್ವ ಕಾಲೇಜ್‌ದ ಆಡಳಿತ ಮಂಡಳಿದ ಸಂಚಾಲಕೆರ್ ಗೋಪಾಲಕೃಷ್ಣ ಭಟ್ ವಹಿಸಾಯೆರೆ ಉಲ್ಲೆರ್.‌ ಪುತ್ತೂರು ಕ್ಷೇತ್ರ ಸಂಪನ್ಮೂಲ ಕೇಂದ್ರದ ಸಮನ್ವಯಾಧಿಕಾರಿ ನವೀನ್ ಸ್ಟೀಫನ್ ವೇಗಸ್, ಪುತ್ತೂರು ತಾಲೂಕು ಕರ್ನಾಟಕ ರಾಜ್ಯ ಪ್ರೌಢಶಾಲಾ ಸಹಶಿಕ್ಷಕರ ಸಂಘದ ಗುರ್ಕಾರ್ಲು ಅಬ್ರಹಾಂ ಎಸ್ ಎ ಬೊಕ್ಕ ಕಡಬ ತಾಲೂಕು ಕರ್ನಾಟಕ ರಾಜ್ಯ ಪ್ರೌಢಶಾಲಾ ಸಹಶಿಕ್ಷಕರ ಸಂಘದ ಗುರ್ಕಾರ್ಲು ಶಾಂತಾರಾಮ್ ಒಡ್ಲ ಲೇಸ್‌ಡ್‌ ಪಾಲ್‌ ಪಡೆಯೆರೆ ಉಲ್ಲೆರ್.

ವಿವಿಧತೆಡ್ ಏಕತೆ ಇಪ್ಪುನ ಭಾಷೆ ತುಳು: ತುಳುವೆರೆ ಕರ್ಣೆ ಕನ್ಯಾನ ಸದಾಶಿವ ಶೆಟ್ಟಿ

ಕುಡ್ಲ: ತುಳುನಾಡ್ ಡ್ ಬೇತೆ ಬೇತೆ ಧರ್ಮ, ಜಾತಿ, ರೀತಿ ನೀತಿ ಇತ್ತ್ಂಡಲ ತುಳುಭಾಷೆಡ್ ಏಕತೆ ಉಂಡು.‌ ಎನ್ನ ಈ ದಾನ ಧರ್ಮದ ಕೆಲಸಡ್ ಎನ್ನ ಇಲ್ಲದಕ್ಲೆನ ಬೆರಿಬಲ ಬೊಕ್ಕ ಶ್ರೇಷ್ಠ ಮನಸ್ಥಿತಿನೇ ಕಾರಣ. ದಾನ ಧರ್ಮೊಡು ಎನ್ನ ಬೊಡೆದಿ ಜೋಕುಲು ಒವ್ವೇ ರೀತಿಡ್ ಲ ಆಕ್ಷೇಪ ಮಲ್ಪುಜೆರ್. ಅಂಚಾದ್ ಯಾನ್ ಈ ರೀತಿದ ಕೆಲಸ ಕಾರ್ಯಲೆಗ್ ಪ್ರೋತ್ಸಾಹ ಏಪಲ ಕೊರೊಂದುಲ್ಲೆ ಪಂದ್ “ತುಳುವೆರೆ ಕರ್ಣೆ” ಬಿರ್ದ್ ಪಡೆಯಿನ ಕನ್ಯಾನ ಸದಾಶಿವ ಶೆಟ್ಟಿ ಪಂಡೆರ್.

ಮೇರ್ ಕುಡ್ಲ ಪುರಭವನಡ್ ನಡತಿಮ ತುಳುವೆರೆ ಆಯನೊ ಕೂಟ ಕುಡ್ಲ ನೆತ್ತ ಪದಗ್ರಹಣ ಲೇಸ್ ಡ್ “ತುಳುವೆರೆ ಕರ್ಣೆ” ಬಿರುದು ಸ್ವೀಕಾರ ಮಲ್ತ್ ದ್ ಪಾತೆರಿಯೆರ್.‌

ಲೇಸ್ ನ್ ಕಟೀಲ್ ಕ್ಷೇತ್ರದ ಅನುವಂಶಿಕ ಅರ್ಚಕೆರ್ ಹರಿನಾರಾಯಣ ಅಸ್ರಣ್ಣ ಮೇರ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್. ಈ ಪೊರ್ತುಡು ಸಂಸದೆರ್ ನಳಿನ್ ಕುಮಾರ್ ಕಟೀಲ್, ಕುಡ್ಲ ದಕ್ಷಿಣ ಶಾಸಕೆರ್ ವೇದವ್ಯಾಸ್ ಕಾಮತ್, ಕಾಪು ಶಾಸಕೆರ್ ಸುರೇಶ್ ಶೆಟ್ಟಿ ಗುರ್ಮೆ, ಮಾಜಿ ಸಚಿವೆರ್ ರಮಾನಾಥ ರೈ, ವಿಶ್ವ ಬಂಟರ ಕೂಟಲೆನ ಒಕ್ಕೂಟದ ಗುರ್ಕಾರೆ ಐಕಳ ಹರೀಶ್ ಶೆಟ್ಟಿ, ಮಾಜಿ ಮೇಯರ್ ಪ್ರೇಮಾನಂದ ಶೆಟ್ಟಿ, ಮಹಾನಗರ ಪಾಲಿಕೆ ಹಣಕಾಸು ಸ್ಥಾಯಿ ಸಮಿತಿದ ಗುರ್ಕಾರೆ ವರುಣ್ ಚೌಟ, ನ್ಯಾಯವಾದಿ, ನೋಟರಿ ಪದ್ಮರಾಜ್, ಅಖಿಲ ಭಾರತ ತುಳು ಒಕ್ಕೂಟದ ಗುರ್ಕಾರೆ ಎ.ಸಿ ಭಂಡಾರಿ, ದಯಾನಂದ ಕತ್ತಲ್ ಸಾರ್, ಯೋಗೀಶ್ ಶೆಟ್ಟಿ ಜಪ್ಪು, ಪ್ರವೀಣ್ ಕುಮಾರ್ ಕೊಡಿಯಾಲ್ ಬೈಲ್ ಪಾಲ್ ಪಡೆದಿತ್ತೆರ್. ಪುಗರ್ತೆದ ಸಂಗೀತ ನಿರ್ದೇಶಕೆರ್ ಪ್ರಮೋದ ಸಪ್ರೆ ಬೊಕ್ಕ ಬಳಗದಕುಲು ತುಳುನಾಡ ಗೀತೆನ್ ಪಂಡೆರ್. ನವೀನ್ ಶೆಟ್ಟಿ ಎಡ್ಮೆಮಾರ್ ಲೇಸ್ ದ ಸುಧಾರಿಕೆ ಮಲ್ತೆರ್. ‌

ಪದಗ್ರಹಣ ಲೇಸ್ ಡ್ ಗೌರವಾಧ್ಯಕ್ಷೆರಾದ್ ಸಾಯಿರಾಧ ಗ್ರೂಪ್ ಆಡಳಿತ ನಿರ್ದೇಶಕೆರ್ ಮನೋಹರ್ ಶೆಟ್ಟಿ, ಅಧ್ಯಕ್ಷೆರಾದ್ ಶಮಿನಾ ಆಳ್ವ, ಕಾರ್ಯದರ್ಶಿಯಾದ್ ರಾಜೇಶ್ ಹೆಗ್ಡೆ ಪೊಳಲಿ, ಉಪಾಧ್ಯಕ್ಷೆರಾದ್ ಗೋಪಾಡ್ಕರ್, ಆಶಾ ಶೆಟ್ಟಿ ಅತ್ತಾವರ, ಯಾದವ್ ಕೋಟ್ಯಾನ್ ಬೊಕ್ಕ ಮಾತ ಸದಸ್ಯೆರ್ ಪ್ರಮಾಣವಚನ ಸ್ವೀಕಾರ ಮಲ್ತೆರ್. ಡಾ. ರಾಜೇಶ್ ಆಳ್ವ ಪ್ರಮಾಣ ವಚನ ಓದಿಯೆರ್.

ಅಗರಿ ಶ್ರೀನಿವಾಸ ಭಾಗವತೆರ್ ಬರೆಯಿನ, ದೇವದಾಸ್ ಈಶ್ವರಮಂಗಲ ತುಳುಕ್ಕ್ ಅನುವಾದಿಸಾದ್, ಸರಪಾಡಿ ಅಶೋಕ್ ಶೆಟ್ಟಿ ಸಂಪಾದಿಸಾಯಿನ, ಐಲೇಸಾ ಬೆಂಗ್ಲೂರು ಬೊಕ್ಕ ಟೋಟಲ್ ಕನ್ನಡ ಮೇರ್ ಪುಸ್ತಕ ಪ್ರಕಾಶನ ಮಲ್ತಿನ “ಸಿರಿ ದೇವಿ ಮಾತ್ಮೆ” ತುಳು ಯಕ್ಷಗಾನ ಪ್ರಸಂಗದ ಬೂಕು ಬುಡುಗಡೆ ಮಲ್ತೆರ್. ಲೇಸ್ ದ ಮುನ್ನುಡಿಯಾದ್ ವಾಯ್ಸ್ ಆಫ್ ಆರಾಧನಾ ಕೂಟದ ಜೋಕುಲೆರ್ದ್ ಜೋಕ್ಲೆನ ಮಿನದನ ಲೇಸ್ ನಡತ್ಂಡ್.

ಕುಡ್ಲ ಪುರಭವನಡ್ ಸುರುತ್ತ ಸರ್ತಿ ತುಳು ಭಾಷೆಡ್ ಭಾಗವತಿಕೆದೊಟ್ಟಿಗೆ “ತುಳು ದೇವಿ ಮಾತ್ಮೆ” ಯಕ್ಷಗಾನ ಪ್ರದರ್ಶನ ರಾಜ್ಯ ಪ್ರಶಸ್ತಿ ಗೆಂದಿನ ಸರಪಾಡಿ ಅಶೋಕ್ ಶೆಟ್ಟಿ ಸಂಯೋಜನೆಡ್ ಸುಮಾರ್ 40 ಜನ ತೆಂಕುತಿಟ್ಟುದ ಪೆರ್ಮೆದ ಕಲಾವಿದೆರೆನ ಒಟ್ಟುಸೇರಿಗೆಡ್ ಲೇಸ್ ಸಂಪನ್ನ ಆಂಡ್.

ಅ.3: ಪನ್ವೇಲ್ ಡ್ ಮೈತಿದಿ ನಾಟಕ

ಸಂತೋಷ್ ಜಿ.ಶೆಟ್ಟಿ ಮೆರೆನ ಸಂಪೂರ್ಣ ಸಹಕಾರಡ್, ವಿಜಯ್ ಕುಮಾರ್ ಕೊಡಿಯಾಲ್ ಬೈಲ್ ನಿರ್ದೇಶನ ಮಲ್ತಿನ ತುಳು ನಾಟಕ ಮೈತಿದಿ ಅ.10 ಅಂಗಾರೆ ಮಧ್ಯಾಹ್ನ ಪನ್ಪೇಲ್ ದ ಆದ್ಯ ಕ್ರಾಂತಿವೀರ್ ವಾಸುದೇವ್ ಬಲ್ವಂತ್ ಫಡ್ಕೆ ಆಡಿಟೋರಿಯಮ್ ನಡಪರೆ ಉಂಡು.

ಈ ನಾಟಕ ತುಳು ರಂಗಭೂಮಿಡ್ ಸಂಚಲನ ಮೂಡಿಸಾಯಿನ ಶಿವದೂತೆ ಗುಳಿಗೆ ನಾಟಕದ ಕಲಾವಿದೆರೆರ್ದ್, ತುಳುನಾಡ ಐಸಿರಿ ರೂಪಶ್ರೀ ವರ್ಕಾಡಿ ಬೊಕ್ಕ ಚಲನಚಿತ್ರ ನಟೆ ಸ್ವರಾಜ್ ಶೆಟ್ಟಿ ಅಭಿನಯಡ್ ನಡಪರೆ ಉಂಡು. ನೆಕ್ಕ್ ಎ.ಕೆ ವಿಜಯ್ (ಕೋಕಿಲಾ) ಸಂಗೀತ ಕೊರ್ತೆರ್.

You Missed