ಕುದ್ರೋಳಿ ಶ್ರೀ ಗೋಕರ್ಣನಾಥೇಶ್ವರ ಕ್ಷೇತ್ರಡ್ 34ನೇ ವರ್ಷೊದ ದಸರಾ ಉಚ್ಚಯ ಉದಿಪನ
ಕುಡ್ಲ: ಕುದ್ರೋಳಿ ಗೋಕರ್ಣನಾಥೇಶ್ವರ ದೇವಲ್ಯಡ್ 34ನೇ ವರ್ಷೊದ ದಸರಾ ಉಚ್ಚಯ ಗೌಜಿಡ್ ಅ.15 ಐತಾರ ಉದಿಪನ ಆಂಡ್.
ಕೇಂದ್ರದ ಮಾಜಿ ಸಚಿವೆರ್ ಬಿ.ಜನಾರ್ದನ ಪೂಜಾರಿ ಮೇರ್ ಶಾರದಾದೇವಿ ಮೂರ್ತಿನ ಎದುರು ಸಾಂಪ್ರದಾಯಿಕ ತುಡರ್ ನ್ ಅರ್ಲಾವುನ ಮುಖೇನ ನವರಾತ್ರಿ ಆಚರಣೆಗ್ ಚಾಲನೆ ಕೊರಿಯೆರ್.
ಬೊಕ್ಕ ಶೈಲ ಪುತ್ರಿ, ಬ್ರಹ್ಮಚಾರಿಣಿ, ಚಂದ್ರಘಂಟಾ, ಕೂಷ್ಮಾಂಡಿನಿ, ಸ್ಕಂದ ಮಾತಾ, ಕಾತ್ಯಾಯಿನಿ, ಕಾಳರಾತ್ರಿ, ಮಹಾಗೌರಿ, ಸಿದ್ಧಿದಾತ್ರಿ ಇಂಚ ನವದುರ್ಗೆಯೆರೆನ ಮೂರ್ತಿನ್ ಪ್ರತಿಷ್ಠಾಪನೆ ಮಲ್ತೆರ್.
ಔಪಚಾರಿಕ ಉದಿಪನ ಲೇಸ್ ಡ್ ಶಾಸಕೆರ್ ವೇದವ್ಯಾಸ ಕಾಮತ್, ಮೇಯರ್ ಸುಧೀರ್ ಶೆಟ್ಟಿ ಕಣ್ಣೂರು, ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಗುರ್ಕಾರೆ ಎಚ್.ಎಸ್. ಸಾಯಿರಾಮ್, ಸಮಿತಿದ ಕೋಶಾಧಿಕಾರಿ ಆರ್. ಪದ್ಮರಾಜ್, ಹರಿಕೃಷ್ಣ ಬಂಟ್ವಾಳ್ ಪಾಲ್ ಪಡೆದಿತ್ತೆರ್.
ಶಾಸಕೆರ್ ವೇದವ್ಯಾಸ ಕಾಮತೆರ್ ಪಾತೆರ್ದ್, ಕುಡ್ಲದ ದಸರಾ ಪಂಡ ಮೈಸೂರು ದಸರಾದಾತೇ ಪುಗಾರ್ತೆ ಉಂಡು.
ಉಂದೆರ್ದಾವರ ಈ ಸರ್ತಿ ಮಾರ್ನೆಮಿ ಉಚ್ಚಯೊಡು ಸ್ಟಾಲ್‌ ಪಾಡ್ದೇ ಸೈ ಪನ್ಪಿನ ಜಾತ್ರಾ ವ್ಯಾಪಾರಸ್ಥೆರೆ ಸಮನ್ವಯ ಸಮಿತಿದ ಬಿನ್ನಾಪು ಇಡೆಗ್ ಎತ್ತ್‌ದ್ಂಡ್.
