ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ

ಉಜಿರೆ: ಬ್ಯಾಡ್ಮಿಂಟನ್ ಆಟಗಾರೆ, ಥಾಮಸ್ ಕಪ್ ಗೆಂದ್‌ದಿನ ಅಂಚೆನೆ 2026 ತ್ತ ಏಷ್ಯನ್ ಬ್ಯಾಡ್ಮಿಂಟನ್ ಚಾಂಪಿಯನ್‌ಶಿಪ್‌ ಬೊಳ್ಳಿ ಪದಕ ಗೆಂದ್‌ದಿನ ಆಯುಷ್ ಶೆಟ್ಟಿ ಮೇರ್ ತನ್ನ ಕುಟುಮದ ಒಟ್ಟುಗು ಐತಾರ ಧರ್ಮಸ್ಥಳಗ್ ಭೇಟಿ ಕೊರ್ದು ಧರ್ಮಾಧಿಕಾರಿ ಪೂಜ್ಯ ಡಾ. ಡಿ. ವೀರೇಂದ್ರ ಹೆಗ್ಗಡೆರೆನ ಆಶೀರ್ವಾದ ಪಡೆಯೆರ್.
ಅಯಿರ್ದ್ ಬೊಕ್ಕ ಅಕುಲು ದೇವೆರ್‌ನ ದರ್ಶನ ಮಲ್ತ್‌ದ್ ವಿಶೇಷ ಪೂಜೆ ಸಂದಾಯೆರ್.
ದೇಶದ ಕ್ರೀಡಾ ಕ್ಷೇತ್ರಡ್ ಕರ್ನಾಟಕದ ಕೀರ್ತಿನ್ ರಾಷ್ಟ್ರ ಬೊಕ್ಕ ಅಂತರರಾಷ್ಟ್ರೀಯ ಮಟ್ಟಡ್ ಹೆಚ್ಚ ಮಲ್ಪುನ ಆಯುಷ್ ಶೆಟ್ರೆನ ಸಾಧನೆನ್ ಗುರುತಿಸಾಯಿನ ಡಾ. ಡಿ. ವೀರೇಂದ್ರ ಹೆಗ್ಗಡೆರ್, ನನ ದುಂಬುದ ದಿನಟ್ಟ್ ನನಾತ್ ಯಶಸ್ಸು ಪಡೆದ್ ದೇಶಗ್ ಕೀರ್ತಿ ಕನವಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.
ಪೂಜ್ಯ ಹೆಗ್ಗಡೆರ್ ಆಯುಷ್ ಶೆಟ್ಟಿ ಮೆರೆನ ಸಾಧನೆಗ್ ಅಭಿನಂದನೆ ಮಲ್ತ್‌ದ್ ನನಲ ಎಚ್ಚದ ಸಾಧನೆ ಮಲ್ಪೊಡು ಪಂದ್ ಆಶೀರ್ವಾದ ಮಲ್ತೆರ್.
ಈ ಸಂದರ್ಭಡ್ ಹೆಗ್ಗಡೆರೆನ ಆಪ್ತ ಕಾರ್ಯದರ್ಶಿ ಎ.ವಿ. ಶೆಟ್ಟಿ ಬೊಕ್ಕ ಉಜಿರೆದ ಎಸ್.ಡಿ.ಎಂ. ಆಂಗ್ಲ ಮಾಧ್ಯಮ ಶಾಲೆದ ದೈಹಿಕ ಶಿಕ್ಷಕೆರ್ ಸಂತೋಷ್ ಇತ್ತೆರ್.