ನಿಡ್ಡೋಡಿದ ಜ್ಞಾನರತ್ನ ಎಜುಕೇಶನ್ ಆಂಡ್ ಚಾರಿಟೇಬಲ್ ಟ್ರಸ್ಟ್ (ರಿ.) ದ ಶ್ರೀ ದುರ್ಗಾದೇವಿ ಇಂಗ್ಲಿಷ್ ಮೀಡಿಯಂ ಶಾಲೆಡ್ ವನಮಹೋತ್ಸವ ಬೊಕ್ಕ ಹಸಿರು ದಿನಾಚರಣೆ ಗೌಜಿಡ್ ನಡತ್ಂಡ್.
ಲೇಸ್ ದ ಅಧ್ಯಕ್ಷತೆನ್ ಒಯಿಸೊನ್ನ ಟ್ರಸ್ಟ್ ಕಾರ್ಯದರ್ಶಿ ಸಂಗೀತಾ ಭಾಸ್ಕರ್ ದೇವಸ್ಯ ಮೇರ್ ದೈ ನಡ್ಪುನ ಮುಕೇನ ಚಾಲನೆ ಕೊರಿಯೆರ್. ಬೊಕ್ಕ ವಿದ್ಯಾರ್ಥಿಲೆಗ್ ದೈ ನ್ ಪಟ್ಟ್ ದ್, ಪರಿಸರ ರಕ್ಷಣೆದ ಸಂದೇಶ ಕೊರಿಯೆರ್.
ಈ ಪೊರ್ತುಡು ಶಾಲೆದ 7ನೇ ತರಗತಿದ ವಿದ್ಯಾರ್ಥಿಲು ವನಮಹೋತ್ಸವದ ಬಗೆಟ್ಟ್ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನ್ ಪ್ರದರ್ಶನ ಮಲ್ತೆರ್.
ಲೇಸ್ ಡ್ ಆಡಳಿತಾಧಿಕಾರಿ ಶ್ರೀ ಸಾಗರ್, ಪ್ರಾಂಶುಪಾಲೆರ್ ಅನುರಾಧಾ ಸಾಲಿಯಾನ್, ಮುಖ್ಯೋಪಾಧ್ಯಾಯಿನಿ ಸೀಮಾ ಬೊಕ್ಕ ಸಹ- ಮುಖ್ಯೋಪಾಧ್ಯಾಯಿನಿ ಕುಮಾರಿ ಜಯಶ್ರೀ ಪಾಲ್ ಪಡೆದಿತ್ತೆರ್.