ಸುರುತ್ತ ದಿನ

ಪಂಜ ಕೊಯಿಕುಡೆ ನವಜ್ಯೋತಿ ಮಹಿಳಾ ಮಂಡಲೊಡು ಭಜನೆ ಕ್ಲಾಸ್ ಸುರು

ಪಕ್ಷಿಕೆರೆ : ಪಂಜ ಕೊಯಿಕುಡೆ ಗ್ರಾಮದ ನವಜ್ಯೋತಿ ಮಹಿಳಾ ಮಂಡಲ (ರಿ) ಉಂದೆತ್ತ ಆಶ್ರಯೊಡು ಭಜನೆ, ಹಾರ್ಮನಿ ಬೊಕ್ಕ ಕೀ ಬೋರ್ಡ್ ಕಲ್ಪಾವುನ ಕ್ಲಾಸ್ ಅಂಗಾರೆದಾನಿ ಸುರುವಾತ್ಂಡ್.

ಭಜನೆದ ಗುರು, ಸುರತ್ಕಲ್ ಶಿವರಂಜಿನಿ ಭಜನಾ ತಂಡದ ಸುದೇಶ್ ಹೊಸಬೆಟ್ಟು ಮೇರ್ ಬೊಲ್ಪು ಅರ್ಲಾದ್ ತರಗತಿನ್ ಉದಿಪನ ಮಲ್ತೆರ್.
ನವಜ್ಯೋತಿ ಮಹಿಳಾ ಮಂಡಲದ ಗೌರವಾಧ್ಯಕ್ಷೆರ್ ಶೈಲಜ ಎನ್. ಶೆಟ್ಟಿ, ಅಧ್ಯಕ್ಷೆರ್ ಅನಿತಾ ದೇವಾಡಿಗ, ಉಪಾಧ್ಯಕ್ಷೆರ್ ಕುಶಲ ಶೇಖರ್ ಅಂಚೆನೇ ಮಾತಾ ಸದಸ್ಯೆರ್ ಭಜನೆ ಕ್ಲಾಸ್ ದ ಉದಿಪನದ ಲೇಸ್ ಡ್ ಪಾಲ್ ಪಡೆಯೆರ್.ಪ್ರತಿ ಅಂಗಾರೆ ಕಾಂಡೆ 11 ಗಂಟೆರ್ದ್ 1 ಗಂಟೆ ಮುಟ್ಟ ಭಜನೆ ಕ್ಲಾಸ್ ನಡಪರೆ ಉಂಡು. ಮಹಿಳಾ ಮಂಡಲದ 10 ಸದಸ್ಯೆರ್ ಭಜನೆ ಕ್ಲಾಸ್ ಗ್ ಸೇರ್ದೆರ್. ಊರುದ ಆಸಕ್ತೆರ್ ಲ ತರಬೇತಿಗ್ ಸೇರರೆ ಅವಕಾಶ ಉಂಡು ಪಂಡ್ ದ್ ಮಹಿಳಾ ಮಂಡಳಿದಕುಲು ತೆರಿಪಾದೆರ್.