ಯುಟ್ಯೂಬ್ ಚಾನೆಲ್

ಮೀಡಿಯಾ ಪುದರ್ ಡ್ ಕಾಸ್ಗಾದ್ ಬ್ಲಾಕ್ ಮೇಲ್: ಯುಟ್ಯೂಬ್ ಚಾನೆಲ್ ವರದಿಗಾರ ಸಹಿತ 6 ಜನಕ್ಲೆಗ್ ಜೈಲ್ದ ವನಸ್ ಫಿಕ್ಸ್

ಬೆಂಗ್ಳೂರು: ತೆನಸ್ ತಯಾರ್ ಮಲ್ಪುನ ಸಂಸ್ಥೆದ ರಡ್ಡ್ ಸಿಬ್ಬಂದಿಲೆನ್ ಅಪಹರಣ ಮಲ್ತ್ 20 ಲಕ್ಷ ರೂ. ಕಾಸ್ ಗಾದ್ ಬ್ಲಾಕ್ ಮೇಲ್ ಮಲ್ತಿನ ಯು ಟ್ಯೂಬ್ ಚಾನೆಲ್ ವರದಿಗಾರೆರ್ನ ಸಹಿತ ಆಜಿ ಜನ ಆರೋಪಿಲೆನ್ ಮಹಾಲಕ್ಷ್ಮೀ ಲೇಔಟ್ ಪೊಲೀಸೆರ್ ಪತ್ತಿನ ಘಟನೆ ನಡತುಂಡು .

ಬಂಧಿತ ಅರೋಪಿಲೆನ್ ರೌಡಿ ಶೀಟರ್ ಕುಳ್ಳಿ ರಮೇಶ್, ಯು ಟ್ಯೂಬ್ ಚಾನೆಲ್ ವರದಿಗಾರ ಸಂತೋಷ್, ದುರ್ಗೇಶ, ಹರೀಶ್, ಅರವಿಂದ್ ಬೊಕ್ಕ ವಿವೇಕ್ ಪಂದ್ ಗುರ್ತಿಸಾದೆರ್ . ಕರಿನ ಮೂಜಿ ದಿನರ್ದ್ ದುಂಬು ಸಾಯಿ ಫುಡ್ ಪ್ರೈ. ಲಿಮಿಟೆಡ್ ಸಿಬ್ಬಂದಿ ಪೋವೊಂದು ಇತ್ತಿನ ಕಾರ್ ನ್ ಅಡ್ಡಪಾರ್ದ್ ಅವ್ವೆ ಕಾರ್ ಡ್ ಅಪಹರಣ ಮಲ್ದೆರ್ ಪಿರ ಬುಡ್ನಗ 20 ಲಕ್ಷ ರೂ. ಕಾಸ್ ನ್ ಕೊರ್ಪಿಲಕ ಬೇಡಿಕೆ ದೀತೆರ್ . ಕಾಸ್ ಕೊರ್ಜಿoಡ ರಡ್ಡ್ ಜನನ್ ಕೆರ್ಪೆ ಪಂದ್ ಪೋಡಿಗೆ ಕಟ್ಟಾದೆರ್.