ಪ್ರಧಾನಿ ಮೋದಿ ತನ್ನ ಬ್ಲಾಗ್ ಪೋಸ್ಟ್ ಡ್ ಪಂತಿನ ದೋಸ್ತಿ “ಅಬ್ಬಾಸ್ “ನ್ ಪತ್ತೆ ಮಲ್ತಿನ ಮೀಡಿಯಾ
ಪ್ರಧಾನಿ ಮೋದಿ ತನ್ನ ಬ್ಲಾಗ್ ಪೋಸ್ಟ್ ಡ್ ಪಂತಿನ ದೋಸ್ತಿ “ಅಬ್ಬಾಸ್ “ನ್ ಪತ್ತೆ ಮಲ್ತಿನ ಮೀಡಿಯಾ
ಹೊಸದಿಲ್ಲಿ: ತನ್ನ ತಾಯಿ ಹೀರಾಬೆನ್ ಮೋದಿನ ನೂದನೆ ಪುಟ್ಟುಪರ್ಬದ ದಿನತಾನಿ ಪ್ರಧಾನಿ ನರೇಂದ್ರ ಮೋದಿ ತನ್ನ ಬ್ಲಾಗ್ ಪೋಸ್ಟ್ ಡ್ ಕೆಲವು ಇಚಾರ ಪಂದ್ ಇತ್ತೆರ್ ಐಟ್ ತನ್ನ ಅಮ್ಮೆರ್ನ ದೋಸ್ತಿನ ಮಗೆ ಅಬ್ಬಾಸ್ ಪನ್ಪಿನಾರ್ ತನ್ನ ಇಲ್ಲಡೆ ಇತ್ತಿನ ಬೊಕ್ಕ ಈದ್ ದಿನ ತನ್ನ ಅಪ್ಪೆ ವಿಶೇಷ ತೆನಸ್ ಮಲ್ತೊಂದು ಇತ್ತಿನ ಬಗ್ಗೆ ಪಂದ್ ಇತ್ತೆರ್.
ಸಾಮಾಜಿಕ ತಾಣದಡ್ ಅಬ್ಬಾಸ್ ಏರ್ ? ಪನ್ಪಿನ ಪ್ರಶ್ನೆ ಮಸ್ತ್ ಜನಕ್ ಇತ್ತುಂಡು.
ಇತ್ತೇ ಮಾತೆರ್ನ ಪ್ರಶ್ನೆಗ್ ಉತ್ತರಲಕ indiatoday.in ಅಬ್ಬಾಸ್ ನ್ ಪತ್ತೆ ಮಲ್ದೆರ್ . ಅಬ್ಬಾಸ್ ಮೆರ್ ಸದ್ಯ ಆಸ್ಟ್ರೇಲಿಯಾಡ್ ಉಲ್ಲೆರ್ , ಮೆರ್ನ ಫೋಟೊನು ನರೇಂದ್ರ ಮೋದಿನ ಸಹೋದರೇ ದೃಢ ಮಲ್ದೆರ್ ಪಂದ್ ವರದಿ ತೆರಿಪಾದುಂಡು . ಅಬ್ಬಾಸ್ ಭಾಯ್ ಗುಜರಾತ್ ಸರ್ಕಾರದ ಕ್ಲಾಸ್ 2 ಉದ್ಯೋಗಿಯಾದ್ ಬೇಲೆ ಮಲ್ತೊಂದು ಉಲ್ಲೆರ್ ಮೆರ್ ಕೆಲವು ತಿಂಗೊಲ್ ದ ಪಿರವು ಸೇವೆರ್ದ್ ನಿವೃತ್ತೆರಾದ್ ಇತ್ತೆರ್ .
ಅಬ್ಬಾಸ್ ಭಾಯ್ಗ್ ರಡ್ಡ್ ಜನ ಆನ್ ಜೋಕುಲುಲ್ಲೆರ್. ಮಲ್ಲ ಮಗೆ ಗುಜರಾತ್ದ ಮೆಹ್ಸಾನಾ ಜಿಲ್ಲೆಡ ಖೇರಾಲು ತಹಶೀಲ್ಡ್ ಉಲ್ಲೆರ್, ಎಲ್ಯ ಮಗೆ ಆಸ್ಟ್ರೇಲಿಯಾಡ್ ಉಲ್ಲೆರ್ . ಅಬ್ಬಾಸ್ ಪ್ರಸ್ತುತ ಸಿಡ್ನಿಡ್ ತನ್ನ ಎಲ್ಯ ಮಗೆನ ಒಟ್ಟುಗುಲ್ಲೆರ್.
