ಮಾರ್ಗ

ಭೂಕುಸಿತ- ಶಿರಾಡಿ ಘಾಟ್ ಮಾರ್ಗ ಸಂಚಾರ ಬಂದ್

ಹಾಸನ ಜುಲೈ 23: ಬುಡoದೆ ಬರೊಂದು ಉಪ್ಪುನ ಬರ್ಸರ್ದಾವರ ಸಕಲೇಶಪುರದ ರಾಷ್ಟ್ರೀಯ ಹೆದ್ದಾರಿ 75ರ ದೋಣಿಗಾಲ್‌ ಕೈತಲ್ ಭೂ ಕುಸಿತ ಆದ್ ಶಿರಾಡಿ ಘಾಟ್‌ ಮಾರ್ಗಡ್ ವಾಹನ ಸಂಚಾರ ಬಂದ್‌ ಮಲ್ದೆರ್ .

ಕುಡ್ಲಗ್ ಬರ್ಪಿನಕುಲು ಬೇಲೂರು ಮುಖೇನ ಚಾರ್ಮಾಡಿ ಘಾಟ್‌ಡ್ ಪೋಯೆರೆ ಸೂಚನೆ ಕೊರ್ತೆರ್. ಮೂಡಿಗೆರೆ, ಹಾನುಬಾಳು, ಕೊಟ್ಟಗೆಹಾರದ ಮೂಲಕ ಬದಲಿ ಸಂಚಾರಗ್ ವ್ಯವಸ್ಥೆ ಮಲ್ದೆರ್ .

ಧರ್ಮಸ್ಥಳ, ಕುಡ್ಲ , ಕುಕ್ಕೆ ಸುಬ್ರಹ್ಮಣ್ಯಗ್ ಸಂಪರ್ಕ ಮಲ್ಪುನ ಮಾರ್ಗಡ್ ಕಾಂಡೆ ಭೂಕುಸಿತವಾಯಿನ ಕಾರಣ ಮುನ್ನೆಚ್ಚರಿಕಾ ಕ್ರಮವಾದ್ ತಾತ್ಕಾಲಿಕವಾದ್ ಸಂಚಾರ ಬಂದ್‌ ಮಲ್ದೆರ್ .ಜಾಗೆಗ್ ಉಪವಿಭಾಗಾಧಿಕಾರಿ ಪ್ರತೀಕ್‌, ತಹಶೀಲ್ದಾರ್‌ ಜಯಕುಮಾರ್‌, ಹೆದ್ದಾರಿ ಪ್ರಾಧಿಕಾರ ಅಧಿಕಾರಿಲು , ಪೊಲೀಸೆರ್ ಭೇಟಿ ಕೊರ್ದು ಪರಿಶೀಲನೆ ನಡಪಾಯೆರ್ .

ಬಿಸಿರೋಡ್ – ಗುಂಡ್ಯ ಮಾರ್ಗದ ಕಾಮಗಾರಿಗ್ ಸೆಪ್ಟೆಂಬರ್ ಡ್ ಚಾಲನೆ

ಕುಡ್ಲ, ಜುಲೈ 18: ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ವತಿರ್ದ್ ಬಿ.ಸಿ.ರೋಡ್‌ರ್ದ್ ಪೆರಿಯ ಶಾಂತಿ (48 ಕಿ.ಮೀ) ಬೊಕ್ಕ ಪೆರಿಯಶಾಂತಿರ್ದ್ ಗುಂಡ್ಯ ಅಡ್ಡಹೊಳೆ (15 ಕಿ.ಮೀ.)ಮುಟ ಸುಮಾರ್ 1450 ಕೋಟಿ ರೂ. ದ ಮಾರ್ಗ ಚತುಷ್ಪಥ ಕಾಮಗಾರಿ ಸೆಪ್ಟಂಬರ್‌ಡ್ ಸುರು ಆಯೆರೆ ಉಂಡು.

ಸಂಸದ ನಳಿನ್ ಕುಮಾರ್ ಕಟೀಲ್ ಗುರ್ಕಾರ್ಮೆಡ್ ದ.ಕ. ಜಿಲ್ಲಾ ಪಂಚಾಯತ್‌ದ ನೇತ್ರಾವತಿ ಸಭಾಂಗಣಡ್ ಇನಿ ದ.ಕ. ಜಿಲ್ಲಾ ಅಭಿವೃದ್ಧಿ ಸಮನ್ವಯ ಬೊಕ್ಕ ಉಸ್ತುವಾರಿ (ದಿಶಾ) ಸಮಿತಿ ಸಭೆಟ್ ಪ್ರಾಧಿಕಾರದ ವತಿರ್ದ್ ಮಲ್ದಿನ ಕಾಮಗಾರಿದ ಬಗ್ಗೆ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಕಾರ್ಯಕಾರಿ ಇಂಜಿನಿಯರ್ ಶಿಶುಮೋಹನ್ ಮಾಹಿತಿ ಕೊರಿಯೆರ್ .