ಭಗ್ನ

ಟವರ್ ಏರ್ದ್ ಭಗ್ನ ಪ್ರೇಮಿನ ಹೈ ಡ್ರಾಮ : ಪೊಣ್ಣು ಬತ್ತಿಬೊಕ್ಕ ತಿರ್ತ್ ಬತ್ತಿನ ಆಣ್

ಕುಡ್ಲ , ಎಪ್ರಿಲ್ 18: ಭಗ್ನಪ್ರೇಮಿಯೋರಿ ಟವರ್ ಏರ್ದ್ ಹೈಡ್ರಾಮಾ ಸೃಷ್ಟಿ ಮಲ್ತಿನ ಘಟನೆ ಪೇಂಟೆದ ಅಡ್ಯಾರ್ ದ ಕೈತಲ್ ನಡತುಂಡು.
ಪೇಂಟೆದ ಅಡ್ಯಾರ್ ನಿವಾಸಿ ಸುಧೀರ್ ಪನ್ಪಿನಾಯೆ ಹೈಡ್ರಾಮಾ ಮಲ್ತ್ ಅವಾಂತರ ಸೃಷ್ಟಿ ಮಲ್ದೆ . ಸುಧೀರ್ ಅಡ್ಯಾರ್‌ ಡೇ ಬಸ್ ಕ್ಲೀನರ್ ಆದ್ ಬೇಲೆ ಮಲ್ತೊಂದು ಉಲ್ಲೆರ್.

ಇಂಬೇ ಫರಂಗಿಪೇಟೆದ ಮಾರಿಪಳ್ಳದ ಪೊಣ್ಣನ್ ಮೋಕೆ ಮಲ್ತೊಂದು ಇತ್ತೆ . ಆಂಡ ಉಂದು ಒಂಜಿ ಕಡೆತ ಮೋಕೆ ಆಯಿನೆರ್ದಾವರ , ಆಲ್ ಆಯೆನ್ ದೂರ ದೀಯೊಂದು ಇತ್ತಲ್ ಆಂಡ ಭಗ್ನಪ್ರೇಮಿ ಸುಧೀರ್ ಮಾತ್ರ ಅಲೆನ್ ಮೋಕೆ ಮಲ್ಪೊಡೆ ಪಂದ್ ಪಿರ ಬೂರ್ದು ಇತ್ತೆ.
ಭಗ್ನಪ್ರೇಮಿ ಸುಧೀರ್ ಕಿರಿಕಿರಿ ತಡೆಯರೇ ಆವಂದೆ ಪೊಣ್ಣು ಬಂಟ್ವಾಳ ಪೊಲೀಸ್ ಠಾಣೆಡ್ ಆಯೆನ ವಿರುದ್ಧ ದೂರು ಕೊರ್ದು ಇತ್ತಲ್. ನೆರ್ದ್ ಬೇಜಾರ್ ಆದ್ ಆಯೆ ಟವರ್ ದ ಮಿತ್ತ್ ಪೋದು ಆತ್ಮಹತ್ಯೆ ಮಲ್ಪ್ವೆ ಪಂದ್ ಅವಾಂತರ ಸೃಷ್ಟಿ ಮಲ್ದೆ.