ಕುಡ್ಲ, ಜುಲೈ 12: ತುಳು ಬಾರಿ ಪ್ರಾಚೀನ ಬೊಕ್ಕ ಪರಂಪರೆದ ಭಾಷೆಯಾದುಂಡು ತುಳುನಾಡ್ದ ಸಂಸ್ಕೃತಿ-ಸಂಸ್ಕಾರನ್ ಒರಿಪಾದ್ ಬುಳೆಪಾವುನಲ್ಪ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಪಾತ್ರ ಮಲ್ಲವು , ಸಾಂಸ್ಕೃತಿಕತೆನ್ ಕಟ್ಟುನ ಮುಖೇನ ನಮ್ಮತನನ್ ದುಂಬುದ ಪೀಳಿಗೆಗ್ ಅಕ್ಲೆನನೇ ಆಯಿನ ರೀತಿಡ್ ಪಂಡೊಂದು ವಿಶ್ವ ಮಟ್ಟಡ್ ತುಳು ಸಂಘಟಕೆರೆನ್ ಇತ್ತೆದ ಸಾಮಾಜಿಕ ಜಾಲತಾಣದ ಮುಖೇನ ಒಂಜೇ ಮತ್ತರ್ಮೆಗ್ ಕನಪಿನ ಪ್ರಾಮಾಣಿಕ ಪ್ರಯತ್ನ ಶ್ಲಾಘನೀಯ ಪಂದ್ ಮೂಡಬಿದಿರೆ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಡಾ.ಮೋಹನ್ ಆಳ್ವಾ ಪಂಡೆರ್ .
ಮೇರ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ವಿಶೇಷ ಒಟ್ಟು ಸೇರಿಗೆಡ್ ವಿಶ್ವದ ವಿವಿಧ ತುಳು ಸಂಘಟನೆದ ಗುರ್ಕಾರ್ಲೆನ ಅಂತರ್ಜಾಲ ತುಳು ವಿಚಾರಗೋಷ್ಠಿದ ಸರಣಿ ಕಾರ್ಯಕ್ರಮಗ್ ಚಾಲನೆ ಕೊರ್ದು ಪಾತೆರಿಯೆರ್ .
ಅಕಾಡೆಮಿದ ಸದಸ್ಯೆ ವಿಜಯಲಕ್ಷ್ಮೀ ಪ್ರಸಾದ್ ರೈ ಮೇರ್ ಡಾ.ಇಂದಿರಾ ಹೆಗ್ಗಡೆರೆನ ಪೊಲಬು ಮಲ್ತೆರ್ .ವಿಚಾರಗೋಷ್ಠಿಡ್ ಅಂತಾರಾಷ್ಟ್ರೀಯ ಮಟ್ಟಡ್ ಅಸ್ಟ್ರೇಲಿಯಾರ್ದ್ ಸುರೇಶ್ ಪೂಂಜ, ಶ್ರೀಕಲ ಬೊಲ್ಲಂಜೆ ಜಪಾನ್, ರೋಶನ್ ಪಿಂಟೋ ಬ್ಯಾಂಕಾಕ್, ಕಕ್ವಗುತ್ತು ಭಾನುಮತಿ ಶೆಟ್ಟಿ ಜರ್ಮನಿ, ಕೌಡೂರು ನಾರಾಯಣ ಶೆಟ್ಟಿ ಇಟಲಿ, ಭಾಸ್ಕರ ಶೇರಿಗಾರ್ ಅಮೇರಿಕಾ, ಅನಿತಾ ನಾಯಕ್ ಕ್ಯಾಲಿಫೋರ್ನಿಯಾ, ಸುಧಾಕರ ಆಳ್ವಾ, ಶ್ರೀವಲ್ಲಿ ಫ್ಲೋರಿಡಾ, ಉಮೇಶ್ ಅಸೈಗೋಳಿ, ಪ್ರಕಾಶ್ ಉಡುಪ ಅಮೇರಿಕಾ, ಶರತ್ ಶೆಟ್ಟಿ ಸೌತ್ ಆಫ್ರಿಕಾ, ರವಿ ಶೆಟ್ಟಿ ಕತಾರ್, ಗಣೇಶ್ ರೈ ದುಬೈ, ಮನೋಹರ್ ತೋನ್ಸೆ ದುಬೈ, ಪ್ರಕಾಶ್ ರಾವ್ ಪಯ್ಯಾರ್ ದುಬೈ, ಸಂತೋಷ್ ಶೆಟ್ಟಿ ಸೌದಿ ಅರೇಬಿಯಾ, ರಮಾನಾಂದ ಶೆಟ್ಟಿ ಒಮನ್, ಸನತ್ ಶೆಟ್ಟಿ ಕುವೈತ್, ಗಣೇಶ್ ಮಾಣಿಲ ಬಹರೈನ್, ಬೆಂಗ್ಳೂರುರ್ದು ಡಾ. ಕೆ.ಸಿ.ಬಲ್ಲಾಲ್, ಕೆ.ಎನ್.ಅಡಿಗ ಅಡೂರು, ಯಾದವ ಕಲ್ಲಾಪು, ರಾಜರಾಂ ಶೆಟ್ಟಿ ಉಪ್ಪಳ, ಮುಂಬೈ ಧರ್ಮಪಾಲ್ ದೇವಾಡಿಗ, ಗುಜರಾತ್ ಬಾಲಕೃಷ್ಣ ವಾಪಿ, ಈಶ್ವರ ಚಿಟ್ಪಾಡಿ, ವಿಜಯಕುಮಾರ್ ಭಂಡಾರಿ, ಹಾಸನದ ಶೀನಪ್ಪ ಆಳ್ವಾ, ಭದ್ರವಾತಿಯ ಡಾ.ಹರಿಶ್ ದೇಲಂತ ಬೆಟ್ಟು, ದೆಹಲಿದ ವಸಂತ ಶೆಟ್ಟಿ ಬೆಳ್ಳಾರೆ, ಡಾ.ಬಾಲಕೃಷ್ಣ ಶೆಟ್ಟಿ ಪೂನಾ ಅಭಿಪ್ರಾಯನ್ ಪಂಡೆರ್ . ಅಕಾಡೆಮಿದ ಸದಸ್ಯೆರಾಯಿನ ಸವೋತ್ತಮ ಶೆಟ್ಟಿ ದುಬೈ, ನಿಟ್ಟೆ ಶಶಿಧರ ಶೆಟ್ಟಿ, ಕಾಂತಿ ಶೆಟ್ಟಿ ಬೆಂಗಳೂರು ಮೇರ್ ಸಂವಹನ ನಡಪಾಯೆರ್ .
ತಾಂತ್ರಿಕ ವ್ಯವಸ್ಥೆನ್ ಸತೀಶ್ ಅಕ್ಪಾಲ್ ಬೆಂಗ್ಳೂರು ತೂಯೆರ್ . ಅಕಾಡೆಮಿದ ಸದಸ್ಯೆ ಕಲಾವತಿ ದಯಾನಂದ್ ಪ್ರಾರ್ಥನೆ ಪಂಡೆರ್ , ಕಾರ್ಯಕ್ರಮದ ಸಹ ಸಂಚಾಲಕ ಅಕಾಡೆಮಿದ ಸದಸ್ಯೆರಾಯಿನ ನಿಟ್ಟೆ ಶಶಿಧರ ಶೆಟ್ಟಿ ಎದುಕೊಂಡೆರ್ . ಗುರ್ಕಾರ್ಲಾಯಿನ ದಯಾನಂದ ಜಿ. ಕತ್ತಲ್ಸಾರ್ ಪ್ರಸ್ತಾವನೆ ಮಲ್ತೆರ್ , ರಿಜಿಸ್ಟ್ರಾರ್ ಕವಿತಾ ಪ್ರಶಾಂತ್ ಸೊಲ್ಮೆ ಸಂದೈತ ಮಲ್ತೆರ್ , ಸದಸ್ಯ ನರೇಂದ್ರ ಕೆರೆಕಾಡು ಲೇಸ್ ನಡಪಾದ್ ಕೊರಿಯೆರ್.
ಈ ವಿಚಾರಗೋಷ್ಠಿಡ್ ವಿಶ್ವದ ಬೇತೆ ಬೇತೆ ತುಳು ಸಂಘಟನೆದ 177 ಪ್ರಮುಖೆರ್ ಪಾಲ್ ಪಡೆದಿತ್ತೆರ್.
