:ಜಿಲ್ಲೆ

ದಕ್ಷಿಣ ಕನ್ನಡ ಜಿಲ್ಲೆದ ಎಸ್ಪಿ ಬಿ.ಎಂ.ಲಕ್ಷ್ಮೀ ಪ್ರಸಾದ್ ವರ್ಗಾವಣೆ

ಬೆಂಗಳೂರು, ಎಪ್ರಿಲ್ 02: ದಕ್ಷಿಣ ಕನ್ನಡ ಜಿಲ್ಲೆದ ಎಸ್ಪಿ ಬಿ.ಎಂ.ಲಕ್ಷ್ಮೀ ಪ್ರಸಾದ್ ಸೇರ್ದ್ ರಾಜ್ಯದ ಮೂಜಿ ಜನ ಐಪಿಎಸ್ ಅಧಿಕಾರಿಲೆನ್ ವರ್ಗಾವಣೆ ಮಲ್ತ್ ದ್ ರಾಜ್ಯ ಸರಕಾರ ಗುರುವಾರ ಆದೇಶ ಕೊರ್ತುಂಡು .

ಯಾದಗಿರಿ ಜಿಲ್ಲೆಡ್ ಎಸ್ಪಿಯಾದಿತ್ತಿನ ಎಸ್.ಆರ್.ಭಗವಾನ್ ಮೆರೆನ್ ದಕ್ಷಿಣ ಕನ್ನಡ ಜಿಲ್ಲೆದ ಎಸ್ಪಿಯಾದ್ ವರ್ಗಾವಣೆ ಮಲ್ದೆರ್ . ಶಿವಮೊಗ್ಗ ಎಸ್ಪಿಯಾದುಪ್ಪುನ ಕೆ.ಎಂ.ಶಾಂತರಾಜು ಮೆರೆನ್ ಬೆಂಗಳೂರು ಪೂರ್ವದ ಸಂಚಾರ ವಿಭಾಗ ಡಿಸಿಪಿ ಆದ್ ದಕ್ಷಿಣ ಕನ್ನಡ ಜಿಲ್ಲೆದ ಎಸ್ಪಿ ಆಯಿನ ಬಿ.ಎಂ.ಲಕ್ಷ್ಮೀ ಪ್ರಸಾದ್ ಮೆರೆನ್ ಶಿವಮೊಗ್ಗ ಜಿಲ್ಲೆದ ಎಸ್ಪಿಯಾದ್ ವರ್ಗಾವಣೆ ಮಲ್ದೆರ್ .

ಉಡುಪಿಡ್ 16 ಜನಕ್ ಕೋವಿಡ್ ಸೋಂಕು ಪತ್ತೆ

ಉಡುಪಿ,: ಜಿಲ್ಲೆಡ್ ಶುಕ್ರವಾರ 16 ಜನಕ್ ಕೋವಿಡ್ ಸೋಂಕು ಪತ್ತೆ ಆತುಂಡು . ದಿನಟ್ 15 ಜನ ಸೋಂಕುರ್ದು ಹುಷಾರ್ ಆದ್ ಆಸ್ಪತ್ರೆರ್ದ್ ಇಲ್ಲಗ್ ಪೊಂಡ , ಸದ್ಯ 94 ಜನ ಸೋಂಕು ಬತ್ದ್ ಆಸ್ಪತ್ರೆಡ್ ಉಲ್ಲೆರ್ ಪಂದ್ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ಸುಧೀರ್‍ಚಂದ್ರ ಸೂಡ ತೆರಿಪಾದೆರ್.