ಗ್ರಂಥಾಲಯ

ಸ್ಮಾರ್ಟ್ ಸಿಟಿ ಯೋಜನೆದಡಿ ಗ್ರಂಥಾಲಯ ಪುನರ್ನಿರ್ಮಾಣ: ವೇದವ್ಯಾಸ ಕಾಮತ್

ಕುಡ್ಲ : 150 ವರ್ಷರ್ದ್ ಜಾಸ್ತಿ ಪರಪೋಕು ಉಪ್ಪುನ ಪೇಂಟೆದ ವಿಶ್ವವಿದ್ಯಾನಿಲಯ ಕಾಲೇಜ್ದ ಅಭಿವೃದ್ಧಿಗ್ ಸರಕಾರರ್ದ್ ವಿಶೇಷ ಅನುದಾನ ತಿಕ್ಕಾವುನ ಪ್ರಯತ್ನ ಮಲ್ಪುವ ಪಂದ್ , ಕುಡ್ಲ ದಕ್ಷಿಣ ಶಾಸಕ ಡಿ. ವೇದವ್ಯಾಸ ಕಾಮತ್, ಭರವಸೆ ಕೊರಿಯೆರ್ .

ಕಾಲೇಜ್ ಡ್ ನಡತಿನ , ಕಾಲೇಜು ಅಭಿವೃದ್ಧಿ ಮಂಡಳಿ (ಸಿಡಿಸಿ) ಸಭೆಟ್ ಪಾತೆರಿನ ಶಾಸಕೆರ್ , ಸ್ಮಾರ್ಟ್ ಸಿಟಿ ಯೋಜನೆಯಡಿ ಸುಮಾರ್ 70,000 ರ್ದ್ ಜಾಸ್ತಿ ಬೂಕು ಉಪ್ಪುನ ಕಾಲೇಜ್ ದ ಗ್ರಂಥಾಲಯನ್ ಪುನರ್ನಿರ್ಮಾಣ ಮಲ್ಪಾವೆ ಪಂದ್ ಪಂಡೆರ್

ಸಭೆಟ್ ಕುಡ್ಲ ವಿಶ್ವವಿದ್ಯಾನಿಲಯದ ಸಿಂಡಿಕೇಟ್ ಸದಸ್ಯೆರಾಯಿನ ರಮೇಶ್, ರವಿಚಂದ್ರ ಪಿ.ಎನ್, ಸಿಡಿಸಿ ಸದಸ್ಯೆರಾಯಿನ ಮುರಳೀಧರ ನಾಯಕ್, ಶಿಕಾರಿಪುರ ಕೃಷ್ಣಮೂರ್ತಿ, ಪ್ರಕಾಶ್ ನಾಯಕ್, ಹರ್ಷವರ್ಧನ ಗಟ್ಟಿ, ವಿಠಲ ಕುಡ್ವ ಪಾಲ್ ಪಡೆದಿತ್ತೆರ್.