ಕೊಳಕ್ಕೆ ಇರ್ವತ್ತೂರು ಆದಿನಾಥ ಬಸದಿಡ್ ಎ.6ರ್ದ್ ಪಂಚಕಲ್ಯಾಣದ ಗೌಜಿ
ಅವು ತುಲುನಾಡ್ . ಭವ್ಯ ಪರಂಪರೆ ಸಂಸ್ಕೃತಿದ ಬೂಡು . ಬೇತೆ ಬೇತೆ ವರ್ಗದ ಜನ ಒಟ್ಟಾದ್ ಜೀವನ ನಡಪಾವುನ ತಾಣ. ಜೈನರಸೆರ್ ಆಳ್ವಿಕೆ ಮಲ್ತಿನ ಜಾಗೆಮೆರೆದಾಡಿದ ಪ್ತದೇಶ. ಮೂರು ಕಡೆ.ಮೂಜಿ ಕಡೆಟ್ ಬಾನೆತ್ತರಾಗ್ ಮೈ ಬುರ್ದು ಉಂತಿನ ಭಗವಾನ್ ಬಾಹುಬಲಿನ ಉತ್ತುಂಗದ ಮೂರ್ತಿಲು , ಅವ್ವೆತೋ ಬಸದಿಲು , ದೇವಸ್ಥಾನಲು , ಮಸೀದಿ, ಚರ್ಚ್ , ಭೂತ ಸ್ಥಾನ, ನಾಗಬನಕುಲು ಧರ್ಮ ಸಂದೇಶನ್ ಅವ್ವೆತೋ ವರ್ಷರ್ದ್ ಸಾರೊಂದು ಬೈದುಂಡು . ಮೂಡಾಯಿಡ್ ಭೋರ್ಗರೆನ ಸಮುದ್ರ, ಪಡ್ಡಾಯಿಡ್ ಸಹ್ಯಾದ್ರಿ ಪರ್ವತ ಶ್ರೇಣಿ . ಈ ತುಳುನಾಡ್ದ ಮುಖ್ಯ ಬುಲೆ ಭತ್ತ. ಓಲು ತೂoಡಲ ಭತ್ತದ ಸಾಲ್ ಸಾಲ್ ಕಂಡೊಲು ಪಚ್ಚೆ ಐಸಿರೋಡು ಮೆನ್ಕೊಂದುಪ್ಪುನವು ತುಳುನಾಡ jaನಕ್ಲೆನ ಜೀವನ ಆದ್ ಇತ್ತುಂಡು.
ಕೊಳಕ್ಕೆ ಇರ್ವತ್ತೂರು
ತುಳುನಾಡ್ ಡ್ ಭತ್ತ ಬುಲೆನ್ ವರ್ಷಗ್ ಮೂಜಿ ಸಲ ಮಲ್ಪುನಕುಲು ಉಲ್ಲೆರ್. ನೀರ್ದ ಆಶ್ರಯ ಇತ್ತ್oಡ ಮೂಜಿ ಬುಲೆ ಬುಲೆಯೊಲಿ . ಮೂಜನೆತ್ತ ಬುಲೆತ ಪುದರೆ ಕೊಳಕ್ಕೆ. ಕೊಳಕ್ಕೆ ಬೆನ್ನಿ ಮಲ್ಪುನ ಕಂಡದ ಕೂಟ ನೇ ಕೊಳಕ್ಕೆ ಬೈಲು. ಒಡಿಪುದ ಕಾರ್ಲದ ಕೈತಲ್ ಉಪ್ಪುನ ಊರೇ ಬೊಕ್ಕ ಶಾಂಭವಿ ತುದೇತ ಅಪ್ಪೆ ಇಲ್ಲೇ ಕೊಳಕ್ಕೆ ಇರ್ವತ್ತೂರು. ಭಾರಿ ನೀರ್ ಉಪ್ಪುನ ಕಾರಣೊರ್ದು ಮುಲ್ಪ ಬೇಸಿಗೆಡ್ ಲಾ ಭತ್ತದ ಕೃಷಿ ಮಲ್ಪುನ ಕಂಡ ಉಪ್ಪುನೆರ್ದಾವರ ಈ ಊರುಗು ಕೊಳಕ್ಕೆ ಇರ್ವತ್ತೂರು ಪಂದ್ ಪಂಡೆರ್ . ಈ ಊರುಡುಲಾ ಸರ್ವ ಧರ್ಮದ ಜನಕುಲು ಒಟ್ಟಾದ್ ಜೀವನ ನಡಪಾವೊಂದು ಉಲ್ಲೆರ್ .
ಭೈರವರಸೆರೆರ್ದ್ ಬಸದಿ ನಿರ್ಮಾಣ
ಕಾರ್ಲನ್ ರಾಜಧಾನಿಯಾದ್ ಬೈರವರಸೆರ್ ಆಳೊಂದು ಇತ್ತೆರ್ . ಈ ರಾಜಮನೆತನನೇ ಭಗವಾನ್ ಆದಿನಾಥೆರೆನ್ ಮೂಲ ಸ್ವಾಮಿಯಾದ್ ಬಸದಿ ಕಟ್ಟುವೆರ್ . ಭಗವಾನ್ ಚಂದ್ರನಾಥ ಸ್ವಾಮಿ, ಮಹಾಮಾತೆ ಜ್ವಾಲಾಮಾಲಿನಿ ದೇವಿಲಾ ಮುಲ್ಪ ಭಕ್ತ ಜನಕ್ಲೆನೆರ್ದ್ ಶತಶತಮಾನರ್ದ್ ನಂಬೊಂದು ಬೈದೆರ್ . ಅಂಚನೆ ಇಲ್ಲಿನ ಕ್ಷೇತ್ರಪಾಲ ಮಾತಾ ಧರ್ಮದ ಜನಕುಲು ನಂಬನ ಶಕ್ತಿ ಪನ್ಪಿನವು ಮಸ್ತ್ ಜನಕ್ಲೆನ ನಂಬಿಕೆ . ಅಂಚಾದ್ ಮುಲ್ಪ ಪ್ರತೀ ಸಂಕ್ರಮಣದಾನಿ ಅವ್ವೆತೋ ಭಕ್ತಾದಿಲು ಕ್ಷೇತ್ರಪಾಲನ ಪೂಜೆ ಮಲ್ತೊಂದು ಉಲ್ಲೆರ್ .
ಪದ್ರಾಡ್ ವರ್ಷದ ಪಿರವು ನಡತಿನ ಬಸದಿದ ಜೀರ್ಣೋದ್ಧಾರ
12 ವರ್ಷದ ಪಿರವು ಧರ್ಮಸ್ಥಳದ ಖಾವಂದೆರಾಯಿನ ಡಾ. ಡಿ. ವೀರೇಂದ್ರ ಹೆಗ್ಗಡೆರ್ನ ಮುತಾಲಿಕೆಡ್ ಬಸದಿ ಬಾರಿ ಪೊರ್ಲುಡೆ ಮೂಡ್ದು ಬೈದುಂಡು ಅಂಚನೆ ಬಾರಿ ಗೌಜಿ ಡೆ ಪಂಚಕಲ್ಯಾಣ ನಡತ್ ಇತ್ತುಂಡು . ಐರ್ದ್ ಬೊಕ್ಕ ಅಭಿವೃದ್ಧಿ ಸಮತಿ ( ರಿ ) ರಚನೆಯಾದ್ ಇತ್ತೆ ಮುಟ ಬಸದಿಡ್ ತಪ್ಪoದೆ ನಿತ್ಯ ನೈಮಿತ್ತಿಕ ಪೂಜೆ ನಡತೊಂದು ಉಂಡು. ಮುಲ್ಪದ ಕುಡೊಂಜಿ ವಿಶೇಷ ದಾದಾoದ್ ಕೇಂಡ 12 ವರ್ಷದ ಪಿರವು ನಡತಿನ ಪಂಚಕಲ್ಯಾಣರ್ದ್ ಸುರುರ್ದು ಇತ್ತೆ ಮುಟಲ ಪ್ರತೀ ಸಂಕ್ರಮಣದಾನಿ ಭಕ್ತಾಮರ ಆರಾಧನೆ ಬೊಕ್ಕ ಬೇತೆ ಬೇತೆ ಆರಾಧನೆಲು ಆವೊಂದೇ ಉಂಡು . ಇತ್ತೆ ಮುಟ ಒಟ್ಟು 136 ಸಲ ಭಕ್ತಾಮರ ಆರಾಧನೆ ನಡತಿನ ಮುಲ್ಪದ ಇಸೇಸತೇ.
ಇತ್ತೆ ಮಾನಸ್ಥಂಭದ ನಿರ್ಮಾಣದೊಟ್ಟುಗು ಪಂಚಕಲ್ಯಾಣ
ಕೊಳಕ್ಕೆ ಇರ್ವತ್ತೂರು ಭಂಡಾರಕೊಟ್ಟಿದ ಉದಯಕುಮಾರ್ ದಂಪತಿಲು ಬಸದಿಗ್ ಪೊಸತಾಯಿನ ಶಿಲಾಮಯ ಮಾನಸ್ಥಂಭನ್ ಕೊರೊಂದು ಉಲ್ಲೆರ್ . ಈ ಪೊರ್ತುಡು ಬಸದಿದ ಗರ್ಭಗುಡಿನ್ ಶಿಲಾಮಯ ಮಲ್ತೊಂದು ಉಲ್ಲೆರ್ . ಪಿದಾಯಿಡ್ ಭಕ್ತಾಮರ ಸ್ತೋತ್ರನ್ ಪ್ರಕಟ ಮಲ್ಪುನ ನಿರ್ಧಾರ ಬೊಕ್ಕ ತಾಮ್ರದ ಮಾಡ್ ದ ( ROOF ) ನವೀಕರಣ ಕಾರ್ಯ ಪ್ರಗತಿಡ್ ಉಂಡು . ಆತೆ ಅತ್ತoದೆ ನನಾತ್ ಪ್ರಗತಿಪರ ಅಭಿವೃದ್ಧಿ ಕಾರ್ಯಲಾ ಆವೊಂದು ಉಂಡು.
ಪ.ಪೂ ೧೦೮ ಮುನಿಶ್ರೀ ದಿವ್ಯಸಾಗರ ಮಹಾರಾಜರ ಪಾವನ ಸಾನ್ನಿಧ್ಯ, ಕಾರ್ಕಳ ಜೈನ ಮಠದ ಪೂಜ್ಯ ಸ್ವಾಮೀಜಿಲೆನ ಮುತಾಲಿಕೆಡ್ ಬೇತೆ ಬೇತೆ ಮಠತ ಪೂಜ್ಯ ಭಟ್ಟಾರಕೆರ್ನ ಉಪಸ್ಥಿತಿ ಬೊಕ್ಕ ಧರ್ಮಸ್ಥಳದ ಧರ್ಮಾಧಿಕಾರಿಲೆನ ಮಾರ್ಗದರ್ಶನದೊಟ್ಟುಗು ವೈಭವೋಪೇತ ಪಂಚಕಲ್ಯಾಣ ಎಪ್ರಿಲ್ 6 ನೇ ಬುಧಾರೊರ್ದು ಎಪ್ರಿಲ್ 10 ಐತಾರ ಮುಟ ನಡಪರೆ ಉಂಡು .
ಎಚ್ಚದ ಮಾಹಿತಿಗಾದ್ ಲೆಪ್ಪು ಕೊರ್ಲೆ:
ಕೆ . ಗುಣಪಾಲ ಕಡಂಬ, ಅಧ್ಯಕ್ಷರು – 8197331272
ಚಂದ್ರರಾಜ ಅತಿಕಾರಿ , ಕಾರ್ಯದರ್ಶಿ – 9880158843
ಮೋಹನ್ ಕುಮಾರ್ , ಕೋಶಾಧಿಕಾರಿ – 8105446222
ಪಣವುದ ಸಾಕಾರ ಕೊರ್ಪಿನಕ್ಲೆಗ್ ಮಾಹಿತಿ –
Account Name : Irvathoor Sri Adinatha Swamy Basadhi Abhivraddi Samithi
Bank of Baroda – Sanoor Branch
Account Number : 81900100002894
IFSC Code : BARBOVJSANO