ಗೋಡೆ

ಪಂಪ್‌ವೆಲ್ ಫ್ಲೈಓವರ್‌ದ ಗೋಡೆದ ಮಿತ್ತ್ ಅಕ್ಷೇಪಾರ್ಹ ಬರವು : ಆರೋಪಿಲು ಅರೆಸ್ಟ್

ಕುಡ್ಲ , ಎ.28: ಪಂಪ್‌ವೆಲ್ ಕೈತಲ್ ದ ಫ್ಲೈಓವರ್‌ದ ಗೋಡೆದ ಮಿತ್ತ್ ಅಕ್ಷೇಪಾರ್ಹ ಸಾಲ್ ಬರೆಯಿನ ಪ್ರಕರಣಗ್ ಸಂಬಂಧ ಪಟ್ಟಿನಂಚ ಪೇಂಟೆದ ಪ್ರಮುಖ ಕಾಲೇಜ್ ದ ರಡ್ಡ್ ವಿದ್ಯಾರ್ಥಿಲೆನ್ ಅರೆಸ್ಟ್ ಮಲ್ದೆರ್ ಪಂದ್ ಪೊಲೀಸ್ ಆಯುಕ್ತ ಶಶಿಕುಮಾರ್ ತೆರಿಪಾದೆರ್ .

ಎ.20 ತಾರೀಖ್ ಗ್ ಪಂಪ್‌ವೆಲ್‌ದ ಫ್ಲೈಓವರ್ ಗೋಡೆದ ಮಿತ್ತ್ ‘ಲಾಕ್‌ಡೌನ್ ಬೋಡು ‘ ಪಂದ್ ಇಂಗ್ಲಿಷ್‌ಡ್ ಬರೆತಿನ ಬರವುದ ಕೈತಲೇ ‘ಬ್ಯಾಡ್ ಬಾಯ್ಸಾ ಇನ್ ದ ಸಿಟಿ’ ಬೊಕ್ಕ ಐತ ಮಿತ್ತ್ ‘ಟೆಲ್ ಯುವರ್ ಮಾಮ್ ****’ ಪಂದ್ ಬರೆದಿತ್ತೆರ್.

ಈ ಬಗ್ಗೆ ಕದ್ರಿ ಠಾಣೆಡ್ ಪ್ರಕರಣ ದಾಖಲಾತುಂಡು . ತನಿಖೆ ನಡಪಾಯಿನ ಪೊಲೀಸೆರ್ ಸಿಸಿ ಕ್ಯಾಮರಾದ ಆಧಾರದ ಮಿತ್ತ್ ರಡ್ಡ್ ಅಪ್ರಾಪ್ತ ಕಾಲೇಜು ವಿದ್ಯಾರ್ಥಿಲೆನ್ ಅರೆಸ್ಟ್ ಮಲ್ದೆರ್ .