ಕೊರೋನ ಕೋವಿಡ್ ತುಲು ವಾರ್ತೆ ತುಳುನಾಡ್ ತುಲು ಭಾಷೆ

ಸೈಬರ್ ಕ್ರೈಮ್ ಎಎಸ್ಐ ಮೋಹನ್ ಗ್ ರಾಷ್ಟ್ರಪತಿ ಪದಕ

Aug 15, 2021

ಕುಡ್ಲ : ನಗರ ಸೈಬರ್ ಅಪರಾಧ ಪೊಲೀಸ್ ಠಾಣೆದ ಎಎಸ್‌ಐ ಮೋಹನ್ ಮೆರ್ನ ಸೇವೆಗ್ ರಾಷ್ಟ್ರಪತಿ ಪದಕ ಬೈದುಂಡು .

ಕುಡ್ಲದ ಕುಂಜತ್ತಬೈಲ್ ನಿವಾಸಿಯಾಯಿನ ಮೋಹನ್ ಮೇರ್ 20 ವರ್ಷರ್ದ್ ಪೊಲೀಸ್ ಇಲಾಖೆಡ್ ಸೇವೆ ಮಲ್ದೆರ್ .

75ನೇ ಸ್ವತಂತ್ರ ದಿನತ ಪರವಾದ್ ನೆತ್ತೆರ್ ದಾನ ಶಿಬಿರ

Aug 15, 2021

ಒಡಿಪು : ಪಾಪ್ಯುಲರ್ ಫ್ರಂಟ್ ಕರ್ನಾಟಕ ರಾಜ್ಯಡ್ ಅಟ್ಟನೆ ಮಲ್ತಿನ ನೆತ್ತೆರ್ ದಾನ ಶಿಬಿರ ಅಭಿಯಾನದ ಭಾಗವಾದ್ ಒಡಿಪುದ ನಾಲ್ ಕಡೆಟ್ ನೆತ್ತೆರ್ ನೆತ್ತೆರ್ ದಾನ ಶಿಬಿರನ್ ಅಟ್ಟನೆ ಮಲ್ತ್ ಒಟ್ಟು 200ರ್ದ್ ಜಾಸ್ತಿ ಯೂನಿಟ್ ನೆತ್ತೆರ್ ಒಟ್ಟು ಮಲ್ತೆರ್ .

ಅಭಿಯಾನದ ಪರವಾದ್ ಒಡಿಪುದ ಪಾಪ್ಯುಲರ್ ಫ್ರಂಟ್ ಬ್ಲಡ್ ಡೋನರ್ಸ್ ಫೋರಂ ವತಿರ್ದ್ ಮಣಿಪಾಲ ಕೆಎಂಸಿ ಆಸ್ಪತ್ರೆದ ಒಟ್ಟು ಸೇರಿಗೆಡ್ ಸಾರ್ವಜನಿಕ ನೆತ್ತೆರ್ ದಾನ ಶಿಬಿರ ಮಣಿಪಾಲದ ಕೆಎಂಸಿ ಆಸ್ಪತ್ರೆದ ರಕ್ತನಿಧಿಟ್ ಕೋಡೆ ನಡತುಂಡು .ಫೋರಂದ ಗೌರವಾಧ್ಯಕ್ಷ ಶೇಕ್ ಖಾಲಿದ್ ಗುರ್ಕಾರ್ಮೆ ವಹಿಸ್ ದಿತ್ತೆರ್ . ಮಲ್ಲ ಬಿನ್ನೆರ್ ಆದ್ ಕೆಎಂಸಿ ಆಸ್ಪತ್ರೆ ರಕ್ತನಿಧಿ ವಿಭಾಗದ ಮುಖ್ಯಸ್ಥೆ ಡಾ.ಶಮಿ ಶಾಸ್ತ್ರಿ ನೆತ್ತೆರ್ ದಾನದ ಮಹತ್ವದ ಬಗ್ಗೆ ಪಾತೆರಿಯೆರ್ .

ಒಡಿಪುಡು ತುಲು ಲಿಪಿ ಪುದರ್ ಪಲವೆ ಉದಿಪನ

Aug 15, 2021

ಒಡಿಪು : ಒಡಿಪುದ ಎಂಜಿಎಂ ಕಾಲೇಜ್ ಲೇಡಿಸ್ ಹಾಸ್ಟೆಲ್ ದ ಎದುರು ಉಪ್ಪುನ ಶ್ರೀ ಮೂಕಾಂಬಿಕೆ ಬೊಕ ಸ್ವಾಮಿ ಕೊರಗಜ್ಜ ಸಾನದ ಪುದರ್ ಪಲವೆ ಉದಿಪನ ತೇದಿ 15/8/2021 ನೆ ಐತಾರ ಬೈಯ್ಯಗ್ 5:30 ಕ್ ನಡಪರೆ ಉಂಡು.