ಕೊರೋನ ಕೋವಿಡ್ ತುಲು ವಾರ್ತೆ ತುಳುನಾಡ್ ತುಲು ಭಾಷೆ

ಗೋವಡ್ ಪುನ ಆದ್ ತಿಕ್ಕಿನ ‘ಕಾಂಚನ -3’ ನಟಿ ಅಲೆಕ್ಸಾಂಡ್ರಾ ಜಾವಿ

ಗೋವಾ : 2019ಟ್ಟ್ ತಮಿಳ್ ಡ್ ಬತ್ತಿನ ‘ಕಾಂಚನ 3’ ಸಿನಿಮಾಡ್ ನಟನೆ ಮಲ್ದಿನ ನಟಿ ಅಲೆಕ್ಸಾಂಡ್ರಾ ಜಾವಿ ಅನುಮಾನಾಸ್ಪದವಾದ್ ಗೋವಾಡ್ ತೀರ್ ಪೋತೆರ್ .ಮೆರ್ನ ಸಾವು ಆತ್ಮಹತ್ಯೆ ನ ಪನ್ಪಿನವು ಮಿತ್ತ್ ಗ್ ತೊಜಿಂಡಲ ಈ ಬಗ್ಗೆ ತನಿಖೆ ಸುರು ಮಲ್ದೆರ್ .

ಅಲೆಕ್ಸಾಂಡ್ರಾ ರಷ್ಯಾದಾರ್ ಆತೆರ್ , ಅಲ್ಪದ ಉತ್ತರ ಊರಾದ ಗೋವನ್‌ಡ್ ವಾಸ ಆದಿತ್ತೆರ್ . ಇಂಚೋಗು ಮೇರ್ ಖಿನ್ನತೆ ಡ್ ಇತ್ತೆರ್ ಪಂದ್ ತೆರಿದ್ ಬೈದುಂಡು.

ತೆಲಂಗಾಣದ ರಾಜ್ಯಪಾಲೆರಾದ್ ಯಡಿಯೂರಪ್ಪ ನೇಮಕ ಆಪಿನ ಸಾಧ್ಯತೆ

ಕರ್ನಾಟಕ : ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ತೆಲಂಗಾಣಡ್ ದುಂಬುದ ರಾಜ್ಯಪಾಲೆರಾಪಿನ ಸಾಧ್ಯತೆ ಉಂಡು ಪನ್ಪಿನ ಮಾಹಿತಿ ಬೈದುಂಡು . ಇತ್ತೆ ರಾಜ್ಯಪಾಲೆಯಾಯಿನ ತಮಿಳ್ಳೆ ಸೌಂದರ್ಯರಾಜನ್ ಮೆರೆನ್ ಪುದುಚೇರಿದ ಲೆಫ್ಟಿನೆಂಟ್ ಗವರ್ನರ್ ಆದ್ ನೇಮಕ ಮಲ್ದೆರ್ . ಈ ನೆಲೆಟ್ಟ್ ಕುಡೊಂಜಿ ಸ್ಥಾನಗ್ ಬಿಎಸ್‌ವೈ ನೇಮಕ ಆಪಿನ ಸಾಧ್ಯತೆ ಜಾಸ್ತಿ ಉಂಡು .

ಹೈಕಮಾಂಡ್ ಮೂಲದ ಪ್ರಕಾರ, ಯಡಿಯೂರಪ್ಪ ಮಾಲೀವ್ ರಜೆರ್ದ್ ಪಿರ ಬತ್ತಿ ಕೂಡ್ಲೆ ಕೇಂದ್ರ ಸರ್ಕಾರ ಅರೆನ್ ರಾಜ್ಯಪಾಲೆರಾದ್ ನೇಮಕ ಮಲ್ಪುನ ಬಗ್ಗೆ ಅಂತಿಮ ನಿರ್ಧಾರ ದೆತೊನುನ ಸಾಧ್ಯತೆ ಉಂಡು ಪಂದ್ ಪಂಡೆರ್.

ಶ್ರೀ ಕ್ಷೇತ್ರ ಧರ್ಮಸ್ಥಳಗ್ ಭೇಟಿ ಕೊರಿನ ಬಿಗ್ ಬಾಸ್ ವಿನ್ನರ್ ಮಂಜು ಪಾವಗಡ

ಧರ್ಮಸ್ಥಳ: ಬಿಗ್‌ಬಾಸ್ ಸೀಸನ್-8 ರಿಯಾಲಿಟಿ ಶೋ ಗೆಂದಿನ ಮಂಜು ಪಾವಗಡ ಮೇರ್ ಅಂಗಾರೆ ಶ್ರೀ ಕ್ಷೇತ್ರ ಧರ್ಮಸ್ಥಳಗ್ ಭೇಟಿ ಕೊರ್ದು ದೇವೆರ್ನ ದರ್ಶನ ಪಡೆಯೆರ್ .

ಐರ್ದ್ ಬೊಕ್ಕ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ| ಡಿ. ವೀರೇಂದ್ರ ಹೆಗ್ಗಡೆರೆನ್ ಭೇಟಿಯಾದ್ ಆರ್ನ ಆಶೀರ್ವಾದ ಪಡೆತೆರ್ , ಈ ಪೊರ್ತುಡು ಮಂಜು ಪಾವಗಡ ಮೆರ್ನ ಪೊಪ್ಪ , ಅಮ್ಮ , ಬೊಕ್ಕ ಕುಟುಮ ದಕುಲು ಪಾಲ್ ಪಡೆದಿತ್ತೆರ್ .

ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜ್ ಗ್ ಕ್ಯೂಎಸ್ ಐ ಡೈಮಂಡ್ ಗೇಜ್ ಶ್ರೇಯಾಂಕದ ಮಾನದಿಗೆ

ಕುಡ್ಲ , ಆ. 24: ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜ್ ಗ್ ಕ್ಯೂಎಸ್ ಐ ಡೈಮಂಡ್ ಗೇಜ್ ಶ್ರೇಯಾಂಕದ ಮಾನದಿಗೆ ಬೈದುಂಡು , ಉಂದು ಕಾಲೇಜ್ದ ಗೌರವಗ್ ಕೀರ್ತಿದ ಕಿರೀಟನ್ ಕೊರ್ಲಕ ಆತುಂಡು ಪಂದ್ ಫಾದರ್ ಮುಲ್ಲರ್ ಸೇವಾ ಸಂಸ್ಥೆದ ನಿರ್ದೇಶಕ ರೆ.ಫಾ.ರಿಚರ್ಡ್‌ ಅಲೋಶಿಯಸ್ ಕುವೆಲ್ಲೋ ಪಂಡೆರ್ .

ಈ ಪೊರ್ತುಡು ಕ್ಯೂಎಸ್‌ಐ ಗೇಜ್ ಪ್ರಮಾಣ ಪತ್ರನ್ ಆಡಳಿತಾಧಿಕಾರಿ ರೆ.ಫಾ.ಅಜಿತ್ ಮಿನೇಜಸ್ ಕೊರಿಯೆರ್ .

ಸುದ್ದಿಗೋಷ್ಠಿಡ್ ಸಂಸ್ಥೆದ ಗುರ್ಕಾರ್ಲಾಯಿನ ರೆ.ಫಾ.ರುಡಾಲ್ಫ್, ಆಂತರಿಕ ಗುಣಮಟ್ಟ ಖಾತರಿ ಕೋಶದ ಡಾ.ರಮೇಶ್ ಭಟ್, ಡಾ.ಹರೀಶ್ ಗೌಡ, ಪ್ರಾಧ್ಯಾಪಕ ಡಾ.ಶಿವಶಂಕರ ಎ.ಆರ್. ಪಾಲ್ ಪಡೆದಿತ್ತೆರ್ .

ಬೂಕು ಪಟ್ಟುನ ಕಜ್ಜನ್ ಉದಿಪನ ಮಲ್ತಿನ ಸಚಿವ ಸುನಿಲ್ ಕುಮಾರ್

ಕಾರ್ಲ : ಕಾರ್ಲಾದ ರಣವೀರ ಕೊಲೊನಿಡ್ ಇಂಧನ ಸಚಿವ ಸುನೀಲ್ ಕುಮಾರ್ ಮೆರೆರ್ದ್ ಬೂಕು ಪಟ್ಟುನ ಕಜ್ಜ ನಡತುಂಡು.

ಈ ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ನ್ಯಾಯವಾದಿ ಎಂ ಕೆ ವಿಜಯ್ ಕುಮಾರ್, ಉದ್ಯಮಿ ಮಹೇಶ್ ಶೆಟ್ಟಿ ಕುಡುಪುಲಾಜೆ..ಬಿಜೆಪಿ ನಗಾರಾದ್ಯಕ್ಷ ರವೀಂದ್ರ ಮೊಯಿಲಿ, ಮಾಜಿ ಗುರ್ಕಾರ್ಲಾಯಿನ ಅನಂತಕೃಷ್ಣ ಶೆಣೈ, ಬಿಜೆಪಿ ಕ್ಷೇತ್ರಾದ್ಯಕ್ಷ ಮಹಾವೀರ್ ಹೆಗ್ಡೆ ಮಾಜಿ ಪುರ ಸಭಾ ಸದಸ್ಯ ಪ್ರಕಾಶ್ ರಾವ್, ಸುರೇಂದ್ರ ಸೂರಿ, ರಣವೀರ ಸಮಾಜದ ಮುಖಂಡ ಸಂಜೀವ್ ಗೌಡ್ರು,ಪುರಸಭಾ ಮಾಜಿ ಗುರ್ಕಾರ್ಲಾಯಿನ ಪ್ರತಿಮಾ, ನಿರ್ಮಲ, ತಹಶೀಲ್ದಾರ್ ಪ್ರಕಾಶ್ಮರಬಳ್ಳಿ, ಪುರಸಭಾ ಮಾಜಿ ಉಪಾಧ್ಯಕ್ಷೆ ಶಶಿಕಲಾ, ಉಪಾದ್ಯಕ್ಷೆ. ಪಲ್ಲವಿ ಪ್ರವೀಣ್, ಸದಸ್ಯ ಪ್ರದೀಪ್ ಪಾಲ್ ಪಡೆದಿತ್ತೆರ್.

ಛಾಯಗ್ರಾಹಕ ಆಸ್ಟ್ರೋ ಮೋಹನ್‌ಗ್ ಮಾನದಿಗೆ

ಒಡಿಪು : ಅಮೆರಿಕಾದ ಇಮೇಜ್ ಕೊಲೀಗ್ ಸೊಸೈಟಿ ವಿಶ್ವ ಛಾಯಾಗ್ರಹಣ ದಿನದ ಪರವಾದ್ ಕೊರ್ಪಿನ ಸ್ವಾನ್ ಗೌರವ ಮನಾದಿಗೆಗ್ ಒಡಿಪುದ ಪೆರಿಯ ಪತ್ರಿಕಾ ಛಾಯಾಗ್ರಾಹಕ ಆಸ್ಟ್ರೋ ಮೋಹನ್ ಆಯ್ಕೆ ಆತೆರ್ .

ಪತ್ರಿಕಾ ಛಾಯಾಗ್ರಹಣಡ್ ಮೆರೆನ ಅನನ್ಯ ಅನುಭವ ಬೊಕ್ಕ ಮೇರ್ ಕೊರಿನ ಕೊಡುಗೆಗ್ ಈ ಮಾನಾದಿಗೆ ಕೊರ್ತೆರ್.

ಅತ್ಯುತ್ತಮ ಸಂಶೋಧಕ ಮಾನದಿಗೆ ಪಡೆಯಿನ ಒಡಿಪುದ ಕಪಿಲ್ ಸದಾನಿ

ಒಡಿಪು :ಮಣಿಪಾಲ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ) ಇನ್‌ಸ್ಟ್ರುಮೆಂಟೇಷನ್ ಎಂಡ್ ಕಂಟ್ರೋಲ್ ವಿಭಾಗಡ್ ಪ್ರಾಧ್ಯಾಪಕೆರಾಯಿನ ಕಪಿಲ್ ಸದಾನಿ ಮೇರ್ ಮುಂಬಯಿದ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ)ರ್ದ್ ಅತ್ಯುತ್ತಮ ಸಂಶೋಧಕೆರೆಗ್ ಉಪ್ಪುನ ನಾಕ್ ಎಂಡ್ ರಸ್ತೋಗಿ ಅತ್ಯುತ್ತಮ ಪಿಎಚ್‌ಡಿ ಸಂಶೋಧಕರ ಪ್ರಶಸ್ತಿ ಪಡೆತೆರ್.

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಕ್ಕೆ ಸುಬ್ರಹ್ಮಣ್ಯ ಘಟಕದ ವತಿರ್ದ್ ಸಾಮೂಹಿಕ ರಕ್ಷಾಬಂಧನ

ಕುಕ್ಕೆ : ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕುಕ್ಕೆ ಸುಬ್ರಹ್ಮಣ್ಯ ಘಟಕದ ವತಿರ್ದ್ ಕುಕ್ಕೆ ಸುಬ್ರಹ್ಮಣ್ಯ ರಥಬೀದಿರ್ದ್ ಕುಮಾರಧಾರದ ಮುಟ , ದೇವಸ್ಥಾನದ ಸಿಬ್ಬಂದಿ, ಆದಿ ಸುಬ್ರಹ್ಮಣ್ಯ ದೇವಸ್ಥಾನದ ಸಿಬ್ಬಂದಿ, ಆಶ್ರಮ ಶಾಲೆ, ಪೋಲಿಸ್ ಠಾಣೆ, ಪಂಚಾಯತ್ , ಕೆ.ಎಸ್.ಎಸ್.ಕಾಲೇಜು, ಎಸ್. ಎಸ್. ಪಿ .ಯು. ಕಾಲೇಜು, ಕುಮಾರಸ್ವಾಮಿ ವಿದ್ಯಾಲಯ, ಬೊಕ್ಕ ನಮ್ಮ ಸಮಾಜನ್ ಪಗೆಲ್ ರಾತ್ರಿ ಪಂದ್ ಎನ್ನಂದೆ ಕೋವಿಡ್ ಸಾಂಕ್ರಾಮಿಕದಂಚಿನ ಮಾರಕ ಸೀಕ್ ರ್ದ್ ಜನಕ್ಲೆನ್ ರಕ್ಷಣೆ ಮಲ್ತ್ , ಆರೋಗ್ಯವಂತೇರಾದ್ ಮಲ್ಪುನ ವೈದ್ಯಕೀಯ ಸಿಬ್ಬಂದಿ ಮುಟಲ ರಕ್ಷೆ ಕಟ್ಟುನ ಮುಖೇನ ರಕ್ಷಾಬಂಧನ ದಿನನ್ ಗೌಜಿಡ್ ಅರ್ಥಪೂರ್ಣವಾದ್ ಆಚರಣೆ ಮಲ್ತೆರ್ .