ಕುಡ್ಲ

ಬಂಟ್ವಾಳದ ಪ್ರವಾಸಿ ಮಂದಿರಗ್ ಭೇಟಿ ಕೊರಿನ ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಕಾಗೇರಿ

ಬಂಟ್ವಾಳ : ಕರ್ನಾಟಕ ರಾಜ್ಯ ವಿಧಾನಸಭಾ ಸ್ಪೀಕರ್ ವಿಶ್ವೇಶ್ವರ ಹೆಗಡೆ ಕಾಗೇರಿ ಮೇರ್ ಗುರುವಾರ ಬೈಯ್ಯಗ್ ಬಂಟ್ವಾಳ ಪ್ರವಾಸಿ ಮಂದಿರಗ್ ಭೇಟಿ ಕೊರ್ತೆರ್ .

ಧರ್ಮಸ್ಥಳ ಮಂಜುನಾಥೇಶ್ವರ ದೇವಸ್ಥಾನಗ್ ಖಾಸಗಿಯಾದ್ ಭೇಟಿ ನೀಕೊರ್ಪಿನ ನೆಲೆಟ್ಟ್ ಕುಡ್ಲರ್ದ್ ಬತ್ತಿನ ಆರ್ ಸಾದಿದ ನಡುಟ ಬಂಟ್ವಾಳ ಪ್ರವಾಸಿ ಮಂದಿರಗ್ ಭೇಟಿ ಕೊರ್ತೆರ್ .

ಸರಕಾರರ್ದ್ ತುಲು ಶಿಕ್ಷಕೆರ್ನ ನೇಮಕ : ಶಾಶ್ವತ ನಿಧಿಕ್ ಅರಿಕೆ

ಕುಡ್ಲ : ಸಂವಿಧಾನದ 8ನೇ ಪರಿಚ್ಛೇದಗ್ ಸೇರ್ಪಡೆ, ರಾಜ್ಯ ಭಾಷೆಯಾದ್ ಮಾನ್ಯತೆ, ಲಿಪಿ ಬಳಕೆ ಇಂಚಿನ ನನಾತ್ ತುಳು ಅಭಿಯಾನ ನಡತೊಂದು ಇತ್ತುಂಡಲ ತುಳು ಭಾಷೆಗ್ ಮೂಲ ಆಧಾರವಾಯಿನ ಶೈಕ್ಷಣಿವಾದ್ ತುಳು ಕಲಿಕೆ ಅಡಕತ್ತರಿಡ್ ತಿಕ್ಕ್ ದುಂಡು .

ಕುಡ್ಲ ಬೊಕ್ಕ ಒಡಿಪುದ 42 ಶಾಲೆಡ್ ತುಳುನು ತೃತೀಯ (ಐಚ್ಛಿಕ) ಭಾಷೆಯಾದ್ ಕಲ್ಪಾವೊಂದು ಉಲ್ಲೆರ್, 2014-15ರ್ದ್ ಇತ್ತೆ ಮುಟಲ ಸತತ ಶೇ 100 ಫಲಿತಾಂಶ ಬೈದುಂಡು . ಆಂಡ , ಸರ್ಕಾರ ನನಲ ಕಾಯಂ ಶಿಕ್ಷಕೆರೆನ್ ನೇಮಕ ಮಲ್ದುಃಜಿ . ತುಳು ಕಲ್ಪಾವೊಂದು ಉಪ್ಪುನ ಅತಿಥಿ ಕಲ್ಪಾರ್ತಿಲೆಗ್ ತಿಂಗೊಲ್ ಗು ₹3,000 ಸಂಭಾವನೆನ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಕೊರೊಂದು ಉಂಡು , ಅಕಾಡೆಮಿದ ಅನುದಾನಲಾ ಇತ್ತೆ ಉಂತುದುಂಡು. ತಲಾ ₹3,000ದಲಕ ವರ್ಷಗ್ ₹12.6 ಲಕ್ಷ ಗೌರವ ಸಂಭಾವನೆಗ್ ಬೋಡಾತುಂಡು .

ಅಕಾಡೆಮಿಗ್ ವಾರ್ಷಿಕ ₹40 ಲಕ್ಷ ಅನುದಾನ ಉಂಡು , ಈ ಪೈಕಿ ₹20 ಲಕ್ಷ ಅನುದಾನ ಸಂಬಳ ಬೊಕ್ಕ ಆಡಳಿತ ಖರ್ಚ್ ಗ್ ಬೋಡು . ಒರಿನ , ₹12.6 ಲಕ್ಷನ್ ತುಳು ಕಲಿಕೆಗ್ ಕೋರ್ನ್ದ ಬೇತೆ ಬೆಲೆಗ್ಲ ಪಿರ ಜಾರೊಂದು ಉಲ್ಲೆರ್ . ಅಂಚಾದ್ ತುಳು ಕಲಿಕೆಗಾದ್ ಕಾಯಂ ಶಿಕ್ಷಕೆರ್ನ ನೇಮಕ ಮಲ್ಪೋಡು ಈ ಬಗ್ಗೆ ತ್ವರಿತ ಕ್ರಮ ದೆತೊನೊಡು ಪಂದ್ ತುಳು ಭಾಷಾಪರ ಸಂಘಟನೆಲು ಒತ್ತಾಯ ಮಲ್ದುಂಡು.

ಪೆತ್ತಗ್ ಗುದ್ದಿನ ಬೈಕ್, ಅಲ್ಪನೇ ಸೈತಿನ ಪೆತ್ತ

ಸುಳ್ಯ: ಮಾಣಿ‌- ಮೈಸೂರು ರಾಷ್ಟ್ರೀಯ ಹೆದ್ದಾರಿದ ಗೂನಡ್ಕ ಕೈತಲ್ ಸುಳ್ಯರ್ದ್ ಕೊಯನಾಡ್ ಗ್ ಪೋವೊಂದು ಇತ್ತಿನ ಬೈಕ್ ಪೆತ್ತಗ್ ಢಿಕ್ಕಿ ಹಾಕಿನ ಪರಿಣಾಮ ಪೆತ್ತ ಜಾಗೆಡೆ ತೀರ್ ಪೋಯಿನ ಘಟನೆ ನಡತುಂಡು.ಬೈಕ್ ಸವಾರೆರ್ ಗಂಭೀರ ಗಾಯ ಆದ್ ಆಸ್ಪತ್ರೆಗ್ ದಾಖಲ್ ಆತೆರ್.

ನಮಕ್ ಭಾರತನೇ ಸುರಕ್ಷಿತ ರಾಷ್ಟ್ರ| ಕುಡ್ಲ ವಿವಿ ಪ್ರವೇಶಗ್ ಅರ್ಜಿ ಪಾಡಿನ ಅಫ್ಘಾನ್ ಜೋಕುಲು

ಕುಡ್ಲ : ಅಫ್ಘಾನಿಸ್ತಾನ ತಾಲಿಬಾನ್‌ಲೆನ ವಶವಾಯಿನ ಬೆರಿಟ್ಟೆ ಇಡೀ ಜಗತ್ತು ಅಫ್ಘಾನಿಸ್ತಾನದ ಕಡೆಟ್ ತೂವೊಂದು ಉಂಡು ಆಂಡ ಇಂಚಿಡ್ ಅಫ್ಘಾನಿಸ್ತಾನದ ಜೋಕುಲು ಕುಡ್ಲ ವಿಶ್ವ ವಿದ್ಯಾನಿಲಯದೆಗ್ ಪಜ್ಜೆ ಪಾಡೆರೆ ದುಂಬು ಬೈದೆರ್. ಅವ್ವೆತೋ ಜನ ಜೋಕುಲು ವಿ.ವಿ ಪ್ರವೇಶಗ್ ಅರ್ಜಿ ಪಾಡ್ದೆರ್ .

ಅಪ್ಘಾನಿಸ್ತಾನದ ಘಟನೆ ತೂದು ನಮಕ್ ಭಾರತ ಸುರಕ್ಷಿತ ರಾಷ್ಟ್ರ ಪಂದ್ ಭಾರತಡ್ ಕಲ್ತೊಂದು ಉಪ್ಪುನ ಅಪ್ಘಾನ್ ಜೋಕ್ಲೆನ ಹೇಳಿಕೆನ್ ನಮ ಕುಡೋರ ನೆಂಪು ಮಲ್ಪೋಡು ಪಂದ್ ಪಂಡೆರ್.

ಅಫ್ಘಾನಿಸ್ತಾನಡ್ ಬಾಕಿ ಆಯಿನ ಕುಡ್ಲದಕ್ಲೆನ ಸಾಕಾರಗ್ ಕ್ರಮ : ಕಮಿಷನರ್ ಎನ್. ಶಶಿಕುಮಾರ್

ಕುಡ್ಲ : ಅಫ್ಘಾನಿಸ್ತಾನದ ನ್ಯಾಟೋ ಮಿಲಿಟರಿ ಬೇಸ್‌ಡ್ ಇತ್ತಿನ ಕುಡ್ಲದ ಏಳ್ ಜನ ಸುರಕ್ಷಿತವಾದ್ ಅಕ್ಲೆನ ಇಲ್ಲ ಸೆರ್ದೆರ್ ನನ ಏರ್ ಆಂಡಲಾ ಅಫ್ಘಾನಿಸ್ತಾನಡ್ ಬಾಕಿಯಾದ್ ಪಿರ ಬರ್ಪಿನಕುಲು ಇತ್ತುಂಡ ಅಕ್ಲೆನ ಸಂಬಂಧಪಟ್ಟಿನಕ್ಲೆನ ಮುಖೇನ ಪಿರ ಲೆಪ್ಪಯೆರೆ ಕ್ರಮ ದೆತೊನುವ ಪಂದ್ ಪೊಲೀಸ್ ಕಮಿಷನರ್ ಎನ್.ಶಶಿಕುಮಾರ್ ಆಶ್ವಾಸನೆ ಕೊರ್ತೆರ್ .

ಕರಿನ ಕೆಲ ಪೊರ್ತುರ್ದು ಅಫ್ಘಾನಿಸ್ತಾನಡ್ ನಡತೊಂದು ಉಪ್ಪುನ ಘಟನೆದ ನೆಲೆಟ್ಟ್ ಕಾಬೂಲ್‌ರ್ದ್ ದಿಲ್ಲಿಗ್ ಏರ್‌ಲಿಫ್ಟ್ ಆದ್ ಕರಿನ ರಡ್ಡ್ ದಿನರ್ದ್ ತಮ್ಮ ಇಲ್ಲಗ್ ಬತ್ತಿನ ಏಳ್ ಜನ ಕುಡ್ಲದಕ್ಲೆನ ಒಟ್ಟುಗು ಕಚೇರಿಡ್ ಅಕ್ಲೆನ ಬಗ್ಗೆ ಪಾತೆರಕತೆ ನಡಪಾಯೆರ್.

ಪೊಸ ರೂಪ ಪಡೆಯಿನ ಬಂದರ್ ಪೊಲೀಸ್ ಠಾಣೆ

ಕುಡ್ಲ : ಪೇಂಟೆಡ್ ಬಾರಿ ಸೂಕ್ಷ್ಮ ಪ್ರದೇಶ ಪಂದ್ ಪುಗಾರ್ತೆ ಪಡೆಯಿನ , ಬಂದರು ನಗರಿ ಪುದರ್ ನ್ ಬಿಂಬಿಸಾವುನ ಬಂದರು ಪೊಲೀಸ್ ಠಾಣೆದ ಪರ ಕಟ್ಟಡ ಹೊಸ ರೂಪ ಪಡೆತುಂಡು . ದಾಖಲೆದ ಪ್ರಕಾರ 132 ವರ್ಷದ ಪರ ಕಟ್ಟಡವಾಯಿನ ಕುಡ್ಲ ನಗರ ಉತ್ತರ ಪೊಲೀಸ್ ಠಾಣೆ ಪೊಸ ರೂಪ ಪಡೆತುಂಡು.

ಚಿಕ್ಕಬಳ್ಳಾಪುರಡ್ ಆಗಸ್ಟ್ 29 ಗ್ ಉದ್ಯೋಗ ಮೇಳ

ಚಿಕ್ಕಬಳ್ಳಾಪುರ: ಜನರ ಜೀವ ಯೇತ್ ಮುಖ್ಯನ ಜೀವನಲ ಆತೆ ಮುಖ್ಯ. ಕೊರೊನಾ ಬತ್ತಿನೆರ್ದಾವರ ಕರಿನ ಒಂಜರೆ ವರ್ಷರ್ದ್ ಜನಜೀವನಡ್ ಅವ್ವೆತೋ ಏರುಪೇರಾತುಂಡು . ಈ ನೆಲೆಟ್ಟ್ ಯುವ ಸಮುದಾಯಗ್ ಜೀವನೋಪಾಯ ಕಲ್ಪಿಸಾದ್ ಬೆನ್ಪಿನ ಆತ್ಮವಿಶ್ವಾಸ ಜಾಸ್ತಿ ಮಲ್ಪುನ ನೆಲೆಟ್ಟ್ ಆ.29ಗ್ ಉದ್ಯೋಗ ಮೇಳ ಅಟ್ಟನೆ ಮಲ್ದ ಪಂದ್ ಜಿಲ್ಲಾಧಿಕಾರಿ ಆರ್.ಲತಾ ಪಂಡೆರ್ .

ಇನಿರ್ದ್ ಬ್ರಿಕ್ಸ್ ರಾಷ್ಟ್ರದ ಎನ್ಎಸ್ಎ ಸಭೆ : ಅಜಿತ್ ದೋವಲ್

ಬ್ರಿಕ್ಸ್​ ಪಂಡ ಬ್ರೆಜಿಲ್​, ರಷ್ಯಾ, ಭಾರತ, ಚೀನಾ ಬೊಕ್ಕ ದಕ್ಷಿಣ ಆಫ್ರಿಕಾ – ಈ ರಾಷ್ಟ್ರದ ರಾಷ್ಟ್ರೀಯ ಭದ್ರತಾ ಸಲಹೆಗಾ ವಿಡಿಯೋ ಕಾನ್ಫರೆನ್ಸ್ ಮೂಲಕ ಈ ಸಭೆ ನಡೆದಿದೆ. ಮುಂದಿನ ತಿಂಗಳು ಬ್ರಿಕ್ಸ್ ಶೃಂಗಸಭೆ ನಡೆಯಲಿದೆ. ಅದಕ್ಕೂ ಮೊದಲು ಎನ್​ಎಸ್​​ಎಗಳ ಮೀಟಿಂಗ್ ನಡತೊಂದು ಉಂಡು . ಈ ಸಭೆಟ್ ಅಫ್ಘನಿಸ್ತಾನ ವಿಚಾರ ಪ್ರಸ್ತಾಪ ಆಪಿನ ಸಾಧ್ಯತೆ ಉಂಡು . ಮೀಟಿಂಗ್ ಇನಿರ್ದ್ ಸುರು ಆತುಂಡು . ಭಾರತದ ರಾಷ್ಟ್ರೀಯ ಭದ್ರತಾ ಸಲಹೆಗಾರೆರಾಯಿನ ಅಜಿತ್ ದೋವಲ್​ ಗುರ್ಕಾರ್ ಮೆಡ್ ಈ ಮೀಟಿಂಗ್ ನಡತೊಂದು ಉಂಡು

ವಿಡಿಯೋ ಕಾನ್ಫರೆನ್ಸ್ ಮುಖೇನ ಈ ಸಭೆ ನಡತುಂಡು . ದುಂಬುದ ತಿಂಗೊಲು ಬ್ರಿಕ್ಸ್ ಶೃಂಗಸಭೆ ನಡಪರೆ ಉಂಡು .

ಬಂಗಾಳ ಕೊಲ್ಲಿಡ್ ಭೂಕಂಪ

ಚೆನ್ನೈ: ಬಂಗಾಳ ಕೊಲ್ಲಿಡ್ ಅಂಗಾರೆ ಮಧ್ಯಾಹ್ನ ಭೂಕಂಪನ ಆತುಂಡು , ತಮಿಳುನಾಡು ಬೊಕ್ಕ ಆಂಧ್ರಪ್ರದೇಶದ ಕೆಲವು ಜಾಗೆಡ್ ಐತ ಅನುಭವ ಆತುಂಡು .

ಚೆನ್ನೈ, ಕಾಕಿನಾಡ ಸೇರಿನಂಚ ಅವ್ವೆತೋ ಜಾಗೆಡ್ ಭೂಮಿ ಕಂಪಿಸಾದುಂಡು ಪಂದ್ ಪಂಡೆರ್.
ಚೆನ್ನೈರ್ದ್ 320 ಕಿ.ಮೀ ದೂರ ಬೊಕ್ಕ ಆಂಧ್ರದ ಕಾಕಿನಾಡರ್ದ್ 296 ಕಿಮೀ ದೂರಡ್ ಸಮುದ್ರ ನಡುಟು 10 ಕಿ.ಮೀ ಆಳಡ್ ಭೂಮಿ ಕಂಪನ ಆತುಂಡು .