ಕರ್ನಾಟಕ

ಜಾವೆಲಿನ್‍ಡ್ ಕರ್ನಾಟಕಗ್ ಬಂಗಾರ್ದ ಪದಕ ಕಂತಿನ ಒಡಿಪುದ ಕರಿಷ್ಮಾ

ಒಡಿಪು : ಅಥ್ಲೆಟಿಕ್ ಫೆಡರೇಷನ್ ಆಫ್ ಇಂಡಿಯಾ ಚಾಂಪಿಯನ್ ಶಿಪ್ಡ್ ಒಡಿಪುದ ಕರಿಷ್ಮಾ ಬಂಗಾರ್ದ ಪದಕ ಗೆಂದ್ ದೆರ್. ಪಂಜಾಬ್ ಹರಿಯಾಣನ್ ಪಿರ ಪಾರ್ದ್ ತುಳುನಾಡ್ ಗ್ ಪುದರ್ ಕಂದೇರ್.

ಬ್ರಹ್ಮಾವರದ ಬಾರ್ಕೂರು ನಿವಾಸಿಯಾಯಿನ ಕರಿಷ್ಮಾ ಸನಿಲ್, ಎಲ್‍ವಿಡಿ ಕಾಲೇಜು ರಾಯಚೂರುಡು ಬಿಎಸ್‍ಸಿ ಅಂತಿಮ ವರ್ಷ ಪದವಿ ಕಲ್ತೊಂದು ಉಲ್ಲೆರ್ . ಸುದರ್ಶನ್ ಅನಿಲ್ ಬೊಕ್ಕ ಇಂದಿರಾ ದಂಪತಿ ಪುತ್ರಿ ಕರಿಷ್ಮಾ ಸನಿಲ್, ಬ್ರಹ್ಮಾವರ ಬೋರ್ಡ್ ಸಂಸ್ಥೆಡ್ ಪಿಯುಸಿ ವಿದ್ಯಾಭ್ಯಾಸ ಮಲ್ದೆರ್ . ದೆಹಲಿಡ್ 23 ವರ್ಷದ ಉಲಯಿದ ಸುರುತ ಚಾಂಪಿಯನ್ ಶಿಪ್ ನಡತೊಂದು ಉಂಡು , ಅಂತರಾಷ್ಟ್ರೀಯ ಅಥ್ಲೆಟಿಕ್ಸ್ ಡ್ ಕರೀಷ್ಮಾ ಪಾಲ್ ಪಡೆತೆರ್ . ಒಲಿಂಪಿಕ್ಸ್‌ಡ್ ಬಂಗಾರ್ದ ಸಾಧನೆ ಮಲ್ತಿನ ನೀರಜ್ ಚೋಪ್ರಾ ಮೆರ್ನ ಟ್ರೈನರ್ ಕಾಶಿನಾಥ್ ನಾಯಕ್ ಕರಿಷ್ಮಾಗ್ ಆನ್ ಲೈನ್ ಟ್ರೈನಿಂಗ್ ಕೊರೊಂದು ಉಲ್ಲೆರ್ .

Karisma wins gold in Karnataka over Punjab, Haryana

Udupi: Karisma of Udupi district bagged the gold medal at the Athletic Federation of India Championship. Karunadu young woman kisses gold for overtaking Punjab Haryana

Karishma Sanil, a resident of Brahmavar’s taluk Barkur, is completing her BSc final year at Lvd College Raichur. Karisma Sanil, daughter of Sudarshan Anil and Indira, PUC studied at Brahmavar board. Karisma has participated in the International Athletics Championships in Delhi with the first age group under 23 age group. Neeraj Chopra’s trainer Kashinath Nayak, who has won gold at the Olympics, is giving online training to Karisma.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಳುನಾಡ್ (ರಿ.) ಯುವವಾಹಿನಿ (ರಿ.) ಕೂಳೂರು ಎಗ್ಗೆ ಒಟ್ಟು ಸೇರಿಗೆಡ್ ತುಲು ಲಿಪಿ ಪರೀಕ್ಷೆ

ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಳುನಾಡ್ (ರಿ.) ಯುವವಾಹಿನಿ (ರಿ.) ಕೂಳೂರು ಎಗ್ಗೆ ಒಟ್ಟು ಸೇರಿಗೆಡ್ ತೇದಿ 19.09.2021 ಗ್ ನಡತಿನ ತುಲು ಬರವು ಕಜ್ಯಕೊಟ್ಯದ ಪರೀಕ್ಷೆಡ್ ಸೀನಿಯರ್ ವಿಭಾಗೊಡು ಸುರುತ್ತಾ ಮೂಜಿ ತಾನೊ ಪಡೆಯಿನಕುಲು. ಕಡೀರ ಸ್ತಾನ(100 ಅಂಕೊ)ಪದ್ಮನಾಭ ಬೊಕ್ಕ ಅಕ್ಷಿತ್ ಶೆಟ್ಟಿ ಪಡೆತೆರ್.ರಡ್ಡನೇ ಸ್ತಾನ(99 ಅಂಕೊ)ನವೀನ ಪಡೆತೆರ್.

ಅಂಚನೇ ಮೂಜನೆ ಸ್ತಾನ(98 ಅಂಕೊ) ಕೀರ್ತನಾ ಕುಮಾರಿ ಟಿ,ಎಸ್ ಮಂಜುನಾಥ ತೆಂಕಿಲ್ಲಾಯ ಪಡೆತೆರ್.ಜೂನಿಯರ್ ವಿಭಾಗೊಡು ಸುರುತ್ತಾ ಮೂಜಿ ತಾನೊ ಪಡೆಯಿನಕುಲು ಕಡೀರ ಸ್ತಾನ(99 ಅಂಕೊ) ಉಷಾ ದೇವಿ ಪಿ ಎಲ್ ಪಡೆತೆರ್.ರಡ್ಡನೇ ಸ್ತಾನ(98 ಅಂಕೊ)
ತನ್ವಿ ಅರುಣ್ ಕುಮಾರ್ .ಪರೀಕ್ಷೆಗ್ ವಿಟ್ಲ ಬೊಕ ಉಡುಪಿದ್ಲಾ ಬತ್ತುದ್ ಎಕ್ಸಾಮ್ ಬರೆತರ್..ಒಟ್ಟು 20 ಜನ ಮುಟ ಎಕ್ಸಾಮ್ ಬರೆತೆರ್ ಪಂದ್ ಪ್ರಕಟಣೆಡ್ ತೆರಿಪಾದೆರ್.ಹರಿಶ್ಚಂದ್ರ ಕುಂದರ್, ಗೀತಾ ಲಕ್ಷ್ಮೀಶ್ ಬೊಕ ರೇಷ್ಮಾ ವಸಂತ್ ಕಲ್ಪಾದಿಲು ಈ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಯಕ್ಷಗಾನ ಕಲಾರಂಗಗ್ ಭೇಟಿ ಕೊರಿನ ಕರ್ನಾಟಕ ಸಾವಯವ ಕೃಷಿ ಮೆಷಿನ್‌ದ ಗುರ್ಕಾರ್ಲಾಯಿನ ಆನಂದ ಸಾಗರ

ಒಡಿಪು : ಕರ್ನಾಟಕ ಸರಕಾರರ್ದ್ ಕ್ಯಾಬಿನೆಟ್ ಮಾನದಿಗೆ ಪಡೆಯಿನ ಕರ್ನಾಟಕ ಸಾವಯವ ಕೃಷಿ ಮೆಷಿನ್‌ನ ಗುರ್ಕಾರ್ಲಾಯಿನ ಆನಂದ ಆ.ಶ್ರೀ, ಸಾಗರ ಕೋಡೆ ಯಕ್ಷಗಾನ ಕಲಾರಂಗದ ಕಚೇರಿಗ್ ಭೇಟಿ ಕೊರಿಯೆರ್ .

ಸಂಸ್ಥೆದ ಕಾರ್ಯದರ್ಶಿ ಮುರಲಿ ಕಡೆಕಾರ್ ಯಕ್ಷಗಾನ ಕಲಾರಂಗದ ಕಾರ್ಯಚಟುವಟಿಕೆ, ಅಂಚನೇ ನಿಟ್ಟೂರು ಪ್ರೌಢಶಾಲೆ ನಿಟ್ಟೂರು ಸ್ವರ್ಣ’ ಬೊಕ್ಕ ಕೇದಾರೋತ್ಥಾನ ಟ್ರಸ್ಟ್ ಎಂಚ ಪಡಿಲ್ ಭೂಮಿಡ್ ಸಾವಯವ ಬೇಸಾಯ ಮಲ್ತೊಂದು ಉಂಡು ಪನ್ಪಿನೆನ್ ವಿವರಣೆ ಕೊರಿಯೆರ್ . ನಿಟ್ಟೂರು ಪ್ರೌಢಶಾಲೆ ಬೊಕ್ಕ ಕೆ. ರಘುಪತಿ ಭಟ್ ಮುತಾಲಿಕೆಡ್ ಕೇದಾರೋತ್ಥಾನ ಟ್ರಸ್ಟ್ ನಡಪಾವೊಂದು ಉಪ್ಪುನ ಸಾವಯವ ಬೇಸಾಯ ಅಭಿಯಾನ ರಾಷ್ಟ್ರಗ್ ಮಾದರಿ ಪಂದ್ ಆನಂದೆರ್ ಪಂಡೆರ್ .

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಜೈ ತುಲುನಾಡ್ (ರಿ.) ಬೊಕ್ಕ ಅಂಬೇಡ್ಕರ್ ನಗರ ನಾವೂರ ಬಂಟ್ವಾಳದ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯದ ಉದಿಪನ

ಬಂಟ್ವಾಳ : ಅಂಬೇಡ್ಕರ್ ನಗರ ನಾವೂರ ಬಂಟ್ವಾಳಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಜೈ ತುಲುನಾಡ್ (ರಿ.) ಬೊಕ್ಕ ಅಂಬೇಡ್ಕರ್ ನಗರ ನಾವೂರ ಬಂಟ್ವಾಳ ಮೆಕ್ಲೆನ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜ ಕೊಟ್ಯದ ಉದಿಪನದ ಲೇಸ್ ನಡತುಂಡು .

ಅಂಬೇಡ್ಕರ್ ನಗರದ ಪೆರಿಯೆರಾಯಿನ ಜಾನು, ಬೆಲ್ಚಡ , ಅಣ್ಣು ತುಲು ಲಿಪಿ ಕಲ್ಪುನ ಕಜ್ಜ ಕೊಟ್ಯನ್ ತುಡರ್ ಅರ್ಲಾವುನ ಮುಖೇನ ಉದಿಪನ ಮಲ್ತೆರ್ . ತುಲು ಲಿಪಿ ಕಲ್ಪಾರ್ತಿಲಾಯಿನ ಪೂರ್ಣಿಮಾ ಬಂಟ್ವಾಳ ಬೊಕ್ಕ ಪೃಥ್ವಿ ತುಲುವೆ ಮೆಕುಲು ತುಲು ಲಿಪಿ ಬರೆಪುನ ಮುಖೇನ ಕಾರ್ಯಾಗಾರಗ್ ಚಾಲನೆ ಕೊರಿಯೆರ್ .