ಉಡುಪಿ

ಕುಡ್ಲಡ್ ನನ ರಡ್ಡ್ ದಿನ ರೆಡ್ ಅಲರ್ಟ್

Jul 10, 2021

ಕುಡ್ಲ, ಜುಲೈ 10: ದ.ಕ. ಜಿಲ್ಲೆಡ್ ಶುಕ್ರವಾರ ಬರ್ಸ ಕುಡ ಜೋರಾಯೀನೇರ್ದಾವರ . ಗುರುವಾರ ತಡರಾತ್ರಿರ್ದ್ ಕುಡ್ಲಡ್ ಬತ್ತಿನ ಬರ್ಸ ಶುಕ್ರವಾರ ಮಧ್ಯಾಹ್ನ ಮುಟ ಬರೊಂದೇ ಇತ್ತ್oಡ್.

ಕರಿನ ರಡ್ಡ್ ವಾರರ್ದ್ ಬರ್ಸ ಇಜ್ಜಂದೆ ಮೋಡ ಕವಿಯಿನ ವಾತಾವರಣದ ನಡುಟುಲಾ ಒಂಜಾತ್ ದೊಂಬುದ ಪೆಟ್ಟ್ ಗ್ ಕಂಗೆಟ್ಟಿನ ಜನಕ್ಲೆಗ್ ಶುಕ್ರವಾರದ ಬರ್ಸ ತಂಪುದ ಅನುಭವ ಕೊರ್ತುಂಡು .

ಉರ್ವ ಮಾರುಕಟ್ಟೆ ಬಗ್ಗೆ ಸಭೆ ನಡಪಾಯಿನ ಮೇಯರ್

Jul 10, 2021

ಕುಡ್ಲ, ಜುಲೈ 10: ಕುಡ್ಲ ಮಹಾನಗರಪಾಲಿಕೆ ವ್ಯಾಪ್ತಿದ ಉರ್ವ ಮಾರುಕಟ್ಟೆನ್ ಮುಡಾರ್ದ್ ಪಾಲಿಕೆಗ್ ಹಸ್ತಾಂತರ ಮಲ್ಪುನ ಬಗ್ಗೆ ಮೇಯರ್ ಪ್ರೇಮಾನಂದ ಶೆಟ್ಟಿ ಮೆರ್ನ ಗುರ್ಕಾರ್ಮೆ ಡ್ ನಡತಿನ ಪಾಲಿಕೆದ ಸಮಿತಿ ಸಭಾಂಗಣಡ್ ಶುಕ್ರವಾರ ಸಭೆ ನಡತುಂಡು .

ಮುಡಾ ಕಚೇರಿರ್ದ್ ಇತ್ತೇ ಉರ್ವ ಮಾರುಕಟ್ಟೆದ ಮಿತ್ತ್ ದ ಮಹಡಿಡ್ ಉಪ್ಪುನ ಕೆಲವು ಅಂಗಡಿಲೆಗ್ ಸಂಬಂಧಿ ಹರಾಜು ಪ್ರಕ್ರಿಯೆ ಸುರು ಮಲ್ದೆರ್ . ಈ ದುಂಬು ಪರ ಮಾರುಕಟ್ಟೆಡ್ ಬೇರ ಮಲ್ತೊಂದು ಇತ್ತಿನಕ್ಲೆನ್ ಪೊಸ ಮಾರುಕಟ್ಟೆಗ್ ಸ್ಥಳಾಂತರ ಮಲ್ಪರೆ ಬೊಕ್ಕ ಸರಕಾರದ ನಿಯಮಾವಳಿದ ಪ್ರಕಾರ ಹರಾಜು ಹಾಮಲ್ಪುನ ಸಲುವಾದ್ ವ್ಯಾಪಾರಿಲೆನ ಸಭೆ ಲಿಪ್ಪರೆ ನಿರ್ಣಯ ಮಲ್ತೆರ್ .

ಸಭೆಟ್ ಮುಡಾ ಗುರ್ಕಾರ್ಲಾಯಿನ ರವಿಶಂಕರ್ ಮಿಜಾರು, ಪಾಲಿಕೆದ ಆಯುಕ್ತ ಅಕ್ಷಯ್ ಶ್ರೀಧರ್, ಪಾಲಿಕೆದ ಸದಸ್ಯೆರಾಯಿನ ಸಂಧ್ಯಾ ಮೋಹನ್ ಆಚಾರ್ಯ, ರಾಧಾಕೃಷ್ಣ ಪಾಲ್ ಪಡೆದಿತ್ತೆರ್.

ಪಿಲಿಕುಳದ ಅಭಿವೃದ್ಧಿಗ್ ಅಗತ್ಯ ಕ್ರಮ : ಸಚಿವ ಲಿಂಬಾವಳಿ

Jul 10, 2021

ಕುಡ್ಲ, ಜುಲೈ 10: ಪಿಲಿಕುಳ ನಿಸರ್ಗಧಾಮದ ಸುಧಾರಣೆಗ್ ಕೇಂದ್ರ ಸಚಿವೇರ್ ಬೊಕ್ಕ ರಾಜ್ಯದ ಅಧಿಕಾರಿನಕ್ಲೆನೊಟ್ಟಿಗೆ ಚರ್ಚೆ ಮಲ್ತ್ , ಅಗತ್ಯ ಉಪ್ಪುನ ಮಾತಾ ಕ್ರಮಕ್ಲೆನ್ ದೆತೊನೊಡು ಪಂದ್ ಅರಣ್ಯ ಬೊಕ್ಕ ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವ ಅರವಿಂದ ಲಿಂಬಾವಳಿ ಪಂಡೆರ್ .

ಶುಕ್ರವಾರ ಮುಲ್ತ ಡಾ.ಶಿವರಾಮ ಕಾರಂತ ಪಿಲಿಕುಳ ನಿಸರ್ಗಧಾಮಗ್ ಭೇಟಿ ಕೊರ್ದು , ಪಿಲಿಕುಳದ ಮೃಗಾಯಲನ್ ತೂಯಿ ಬೊಕ್ಕ ಸುದ್ದಿಗಾರೆರ್ನೊಟ್ಟಿಗೆ ಪಾತೆರಿಯೆರ್.

ಈ ಪೊರ್ತುಡು ಶಾಸಕ ಉಮಾನಾಥ್ ಕೋಟ್ಯಾನ್, ಪಿಲಿಕುಳ ಅಭಿವೃದ್ಧಿ ಪ್ರಾಧಿಕಾರದ ಆಯುಕ್ತ ವೆಂಕಟೇಶ್ ಜಿ.ಎಸ್., ನಿರ್ದೇಶಕ ಜಯಪ್ರಕಾಶ್ ಭಂಡಾರಿ, ಪಿಲಿಕುಳ ಪ್ರಾದೇಶಿಕ ವಿಜ್ಞಾನ ಕೇಂದ್ರದ ನಿರ್ದೇಶಕ ಡಾ. ಕೆ.ವಿ.ರಾವ್, ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ಪ್ರಕಾಶ್ ನಟಾಲ್ಕರ್‌, ಬಿಸಿಎಫ್ ಡಾ.ಕರಿಕಾಳನ್, ಎಸಿಎಫ್ ಸುಬ್ರಹ್ಮಣ್ಯ, ವಲಯ ಅರಣ್ಯಾಧಿಕಾರಿ ಶ್ರೀಧರ್ ಪಾಲ್ ಪಡೆದಿತ್ತೆರ್.

ತಮಿಳುನಾಡು ಬಿಜೆಪಿ ಗುರ್ಕಾರ್ಲಾದ್ ನೇಮಕ ಆಯಿನ ಕೆ. ಅಣ್ಣಾಮಲೈ

Jul 9, 2021

ಚೆನ್ನೈ, ಜುಲೈ 9 : ಒಡಿಪು , ಚಿಕ್ಕಮಗಳೂರು ಸೇರಿನಂಚ ಕರ್ನಾಟಕದ ಕೆಲವು ಕಡೆಟ್ ಬೇಲೆ ಮಲ್ತಿನ ಮಾಜಿ ಐಪಿಎಸ್ ಅಧಿಕಾರಿ ಕೆ. ಅಣ್ಣಾಮಲೈ ಮೆರೆನ್ ಗುರುವಾರ ತಮಿಳುನಾಡು ಬಿಜೆಪಿ ಘಟಕದ ಗುರ್ಕಾರ್ಲಾದ್ ನೇಮಕ ಮಲ್ದೆರ್ .

ಬಿಜೆಪಿ ರಾಷ್ಟ್ರಾಧ್ಯಕ್ಷ ಜೆ.ಪಿ.ನಡ್ಡಾ ಮೇರ್ ಕೆ.ಅಣ್ಣಾ ಮಲೈ ಮೆರೆನ್ ತಮಿಳುನಾಡು ಬಿಜೆಪಿ ರಾಜ್ಯ ಘಟಕದ ಗುರ್ಕಾರ್ಲಾದ್ ನೇಮಕ ಮಲ್ದೆರ್ ಪಂದ್ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಅರುಣ್ ಸಿಂಗ್ ಹೇಳಿಕೆಡ್ ಪಂಡೆರ್ .

ಪಕ್ಷದ ಮಾಜಿ ರಾಜ್ಯಾಧ್ಯಕ್ಷ ಎಲ್.ಮುರುಗನ್ ಬುಧವಾರ ಕೇಂದ್ರ ಸಚಿವೆರಾದ್ ಪ್ರಮಾಣವಚನ ಸ್ವೀಕಾರ ಮಲ್ತಿನ ಮರುದಿನ ಈ ಆಯ್ಕೆ ನಡತುಂಡು .

ಅಣ್ಣಾಮಲೈ ತಮ್ಮ ವೃತ್ತಿಗ್ ರಾಜೀನಾಮೆ ಕೊರಿ ಬೊಕ್ಕ 2020ನೆ ಆಗಸ್ಟ್ ಡ್ ಭಾರತೀಯ ಜನತಾ ಪಕ್ಷಗ್ ಸೇರ್ಪಡೆ ಆಯೆರ್ .

ಜುಲೈ 10 ತಾರೀಖ್ ರ್ದ್ 30 ತಾರೀಖ್ ಮುಟ ಸ್ಪೈಸ್ ಜೆಟ್ ರ್ದ್ 42 ಪೊಸ ವಿಮಾನ ಸುರು

Jul 9, 2021

ಹೊಸದಿಲ್ಲಿ,ಜುಲೈ 9 : ಸ್ಪೈಸ್ ಜೆಟ್ ಜು.10 ರ್ದ್ 30 ತಾರೀಖ್ ಮುಟ 42 ಪೊಸ ದೇಶಿಯ ಬೊಕ ಅಂತರರಾಷ್ಟ್ರೀಯ ವಿಮಾನಯಾನನ್ ಸುರು ಮಲ್ದೆರ್ ಪಂದ್ ಅಧಿಕೃತ ಹೇಳಿಕೆ ಗುರುವಾರ ಕೊರ್ಯೆರ್ . ಸೂರತ್-ಜಬಲಪುರ ಬೊಕ್ಕ ಸೂರತ್-ಪುಣೆ ಮಾರ್ಗಡ್ ಯಾನ ಸುರು ಮಲ್ಪುವ ಪಂದ್ ಕಂಪನಿ ತೆರಿಪಾದುಂಡು .

‌ಸೂರತ್-ಜೈಪುರ, ಹೈದರಾಬಾದ್-ಬೆಂಗ್ಳೂರು, ಗ್ವಾಲಿಯರ್-ಅಹ್ಮದಾಬಾದ್ ಬೊಕ್ಕ ಮುಂಬೈ-ಪುಣೆ ನಡುಟುಲಾ ಯಾನನ್ ಕಂಪನಿ ಸುರು ಮಲ್ದುಂಡು.

ಡಿ. ವಿ ಸದಾನಂದ ಗೌಡ ಸೇರಿನoಚ ರಾಜೀನಾಮೆ ಕೊರಿನ ಕೇಂದ್ರ ಸಚಿವೆರ್

Jul 8, 2021

ನವದೆಹಲಿ, ಜುಲೈ 8: – ಪ್ರಧಾನಿ ನರೇಂದ್ರ ಮೋದಿ ಮೆರ್ನ ಸಂಪುಟ ಪುನಾರ್ರಚನೆಯಾಪಿನ ನೆಲೆಟ್ಟ್ ಕಾರ್ಮಿಕ ಸಚಿವೆರಾಯಿನ ಸಂತೋಷ್ ಗಂಗ್ವಾರ್, ಶಿಕ್ಷಣ ಸಚಿವ ರಮೇಶ್ ಪೊಕ್ರಿಯಾಲ್ ಬೊಕ್ಕ ಮಹಿಳಾ ಬೊಕ್ಕ ಜೋಕ್ಲೆನ ಅಭಿವೃದ್ಧಿ ಸಚಿವೆ ದಿಬೇಶ್ರೀ ಚೌದರಿ ಸೇರಿನಂಚ ಕೆಲವೆರ್ ತಮ್ಮ ಸ್ಥಾನಗ್ ರಾಜೀನಾಮೆ ಕೊರ್ತೆರ್ . ರಾಸಾಯನಿಕ ಬೊಕ್ಕ ರಸಗೊಬ್ಬರ ಸಚಿವೆರಾಯಿನ ಡಿವಿ ಸದಾನಂದ ಗೌಡ ಲಾ ತಮ್ಮ ಸ್ಥಾನಗ್ ರಾಜೀನಾಮೆ ಕೊರ್ತೆರ್ .

ಸಾಮಾಜಿಕ ನ್ಯಾಯ ಬೊಕ್ಕ ಸಬಲೀಕರಣ ಸಚಿವೆರಾಯಿನ ಥಾವರ್ ಚಂದ್ ಗೆಹ್ಲೋಟ್‍ರೆನ್ ಕೋಡೆ ಕರ್ನಾಟಕದ ರಾಜ್ಯಪಾಲರಾದ್ ನೇಮಕ ಮಲ್ಪರೆ ಆದೇಶ ಕೊರ್ದಿತ್ತೆರ್ .

ದುಂಬುದ ಸೆಮಿಸ್ಟರ್ ಪರೀಕ್ಷೆ ನಡಪಾವಂದಿಲಕ ಒತ್ತಾಯ

Jul 8, 2021

ಕುಡ್ಲ ,ಜುಲೈ 8: : ದುಂಬುದ ಸೆಮಿಸ್ಟರ್ ಪರೀಕ್ಷೆ ರದ್ದುಗೊಳಿಸಸಾವೊಡು ಪನ್ಪಿನ ಜೋಕ್ಲೆನ ಬೇಡಿಕೆದ ಮಿತ್ತ್ ಅಟ್ಟನೆ ಮಲ್ತಿನ ಸಹಿ ಸಂಗ್ರಹ ಅಭಿಯಾನಡ್ 1 ಲಕ್ಷರ್ದ್ ಜಾಸ್ತಿ ಜನ ಪಾಲ್ ಪಡೆತೆರ್ ಪಂದ್ ಆಲ್ ಇಂಡಿಯಾ ಡೆಮಾಕ್ರಟಿಕ್ ಸ್ಟೂಡೆಂಟ್ಸ್ ಆರ್ಗನೈಸೇಶನ್ (ಎಐಡಿಎಸ್‌ಒ) ಪ್ರಕಟನೆಡ್ ತೆರಿಪಾದುಂಡು.

ಕರಿನ ಮೂಜಿ ವಾರರ್ದ್ ರಾಜ್ಯದ ಪದವಿ, ಸ್ನಾತಕೋತ್ತರ ಪದವಿ, ಇಂಜಿನಿಯರಿಂಗ್ ಬೊಕ್ಕ ಡಿಪ್ಲೊಮ ಜೋಕುಲು ದುಂಬುದ ಸೆಮಿಸ್ಟರ್ ಪರೀಕ್ಷೆ ರದ್ದು ಮಲ್ಪೊಡು ಪಂದ್ ಸರಕಾರಗ್ ಅಗ್ರಹ ಮಲ್ತೊಂದು ಉಲ್ಲೆರ್.. ಆನ್‌ಲೈನ್ ಚಳವಳಿ, ಪ್ರಾತಿನಿಧಿಕವಾದ್ ಕಾಲೇಜು, ವಿವಿ ದ ದುಂಬು ಚಳವಳಿ, ಪ್ರಾಂಶುಪಾಲೆರೆಗ್ , ವಿವಿ ಕುಲಪತಿಲೆಗ್ ಪತ್ರ ಸಲ್ಲಿಕೆ, ಜನಪ್ರತಿನಿಧಿಲೆಗ್ ಮನವಿ ಸಲ್ಲಿಕೆ, ರಾಜ್ಯವ್ಯಾಪಿ ಆನ್‌ಲೈನ್ ತರಗತಿ ಬಹಿಷ್ಕಾರ ನಡಪಾಂಡಲ ಸರಕಾರರ್ದ್ ಒವ್ವೆ ಪ್ರತಿಕ್ರಿಯೆ ಇಜ್ಜಂದಿನ ಕಾರಣ ಸಹಿ ಸಂಗ್ರಹ ಅಭಿಯಾನನ್ ಎಐಡಿಎಸ್‌ಒ ವತಿರ್ದ್ ಅಟ್ಟನೆ ಮಲ್ತೆರ್ .

ಪಚ್ಚನಾಡಿದ ಎಸ್.ಟಿ.ಪಿ ಗ್ ಭೇಟಿ ಕೊರಿನ ಮೇಯರ್ ಪ್ರೇಮಾ ನಂದ ಶೆಟ್ಟಿ

Jul 8, 2021

ಕುಡ್ಲ , ಜು. 8: ಕುಡ್ಲ ಮಹಾನಗರಪಾಲಿಕೆದ ಪಚ್ಚನಾಡಿಡ್ ಉಪ್ಪುನ ಸೆಕೆಂಡರಿ ಟ್ರೀಟ್ ಮೆಂಟ್ ಪ್ಲಾಂಟ್(ಎಸ್.ಟಿ.ಪಿ.) ಬೊಕ್ಕ ಪಿಲಿಕುಳಡ್ ಉಪ್ಪುನ ಟರ್ಶರಿ ಟ್ರೀಟ್ ಮೆಂಟ್ ಪ್ಲಾಂಟ್ (ಟಿ.ಟಿ.ಪಿ.) ಗ್ ಬುಧವಾರ ಮೇಯರ್ ಪ್ರೇಮಾನಂದ ಶೆಟ್ಟಿ ಭೇಟಿ ಕೊರ್ದು ಪರಿಶೀಲಿಸನೆ ಮಲ್ತೆರ್ .

ಒಳಚರಂಡಿ ನೀರ್ ನ್ ಎಸ್.ಟಿ.ಪಿ. ಡ್ ಶುದ್ಧೀಕರಣ ಮಲ್ತೊಂದು ಉಲ್ಲೆರ್ ಈ ಶುದ್ಧ ಮಲ್ತಿನ ನೀರ್ ನ್ ಪಿಲಿಕುಳಡ್ ಉಪ್ಪುನ ಟಿ.ಟಿ.ಪಿ. ಗ್ ಬುಡ್ಪೆರ್ . ಐರ್ದಾವರ ಶುದ್ಧೀಕರಣ ಮಲ್ತಿನ ನೀರ್ ನ್ ಸ್ವಚ್ಚ ನೀರಾದ್ ಪರಿವರ್ತನೆ ಮಲ್ತ್ ಪಿಲಿಕುಳ ನಿಸರ್ಗಧಾಮದ ಉಪಯೋಗಗಾದ್ ಕೊರ್ಪೆರ್, ಈ ವ್ಯವಸ್ಥೆನ್ ಪರಿಶೀಲನೆ ನಡಪಾಯೆರ್.

ಈ ಪೊರ್ತುಡು ಮನಪಾ ಸದಸ್ಯೆರಾಯಿನ ಸಂಗೀತ ನಾಯಕ್ ಬೊಕ್ಕ ಕಾರ್ಯಪಾಲಕ ಅಭಿಯಂತರೆರಾಯಿನ ಗುರುಪ್ರಸಾದ್ ಪಾಲ್ ಪಡೆದಿತ್ತೆರ್ .

ಕೋವಿಡ್ ವಾರಿಯರ್ಸ್ ಗಾದ್ ತನ್ನ ಗಾಡಿನೇ ಕೊರಿನ ಮಾಜಿ ಸಚಿವೆರಾಯಿನ ಅಭಯಚಂದ್ರ ಜೈನ್

Jul 8, 2021

ಮೂಡುಬಿದಿರೆ, ಜುಲೈ 8: ಮಾಜಿ ಸಚಿವ ಅಭಯಚಂದ್ರ ಮೇರ್ ಸುಮಾರ್ ರಡ್ಡರೆ ತಿಂಗೊಲ್ ಲಾಕ್‌ಡೌನ್ ಪೊರ್ತುಡು ಕೋವಿಡ್ ವಾರಿಯರ್ಸ್ ನ ಅಗತ್ಯ ಪ್ರಯಾಣಗ್ ತಮ್ಮ ಇನ್ನೋವಾ ಕಾರ್ ನ್ ಪೂರ್ಣಾವಧಿ ಚಾಲಕ, ಇಂಧನ ದೊಟ್ಟುಗು ಕೊರ್ತೆರ್ .

ಕರಿನ ವರ್ಷ ಕೋವಿಡ್-19 ನಿಮಿತ್ತ ಪಾಡ್ದಿನ ಲಾಕ್‌ಡೌನ್ ಪೊರ್ತುಡು ಮೂಡುಬಿದಿರೆ ಸಮುದಾಯ ಆರೋಗ್ಯ ಕೇಂದ್ರ ಬೊಕ್ಕ ಮೂಡುಬಿದಿರೆದ ಜಿ.ವಿ. ಪೈ ಚಾರಿಟೆಬಲ್ ಆಸ್ಪತ್ರೆದ ದಾದಿನಕುಲೆಗ್ , ಆರೋಗ್ಯ ಸಹಾಯಕಿಯೆರೆಗ್ ಸೇರಿನಂಚ 25 ಜನಕ್ ಈ ಸೌಲಭ್ಯ ಕೊರಿನ ಅಭಯಚಂದ್ರ ಮೇರ್ ಈ ಸಲಲ ಆತೆ ಜನಕ್ ಈ ಉಚಿತ ಸೇವೆ ಕೊರ್ತೆರ್ .

ಮೂಡುಬಿದಿರೆ ಬೊಕ್ಕ್ ಪರಿಸರಡ್ ಆರೋಗ್ಯ ಸೇವೆದ ಕರ್ತವ್ಯ ಮಲ್ಪುನ ಈ ಜನಕುಲು ಬಸ್ ಓಡಾಟ ಇಜ್ಜoದೆ ಸಂಕಷ್ಟಡ್ ಉಪ್ಪುನಗ ಅಕ್ಲೆಗ್ ಶಾಸಕೆರ್ನ ಸೌಕರ್ಯ ಬಾರಿ ಪ್ರಯೋಜನ ಆಂಡ್.

ಹುಷಾರ್ ದಾಂತೆ ತೀರ್ ಪೋಯಿನ ಹಾಕಿ ದಂತಕತೆ ಕೇಶವ್ ಚಂದ್ರದತ್

Jul 8, 2021

ಹೊಸದಿಲ್ಲಿ, ಜುಲೈ 8 : ರಡ್ಡ್ ಸಲ ಒಲಿಂಪಿಕ್ಸ್ ಡ್ ಬಂಗಾರ್ ದ ಪದಕ ಪಡೆಯಿನ ಹಾಕಿ ದಂತಕತೆ ಕೇಶವ್ ಚಂದ್ರ ದತ್ (95) ಮೇರ್ ಅಂಗಾರೆ ರಾತ್ರಿ ವಯೋಸಹಜ ಸಮಸ್ಯೆ ರ್ದ್ ತೀರ್ಪೋಯೆರ್ .

1948 ಬೊಕ್ಕ 1952 ಟ್ಟ್ ಒಲಿಂಪಿಕ್ಸ್ ಬಂಗಾರ್ ದ ಪದಕದೊಟ್ಟುಗು ಸ್ವಾತಂತ್ರ್ಯರ್ದ್ ಬೊಕ್ಕ ಭಾರತ ತನ್ನ ಹಾಕಿ ಪ್ರಾಬಲ್ಯನ್ ದುಂಬು ಕೊನೊನ್ಪಿನಲ್ಪ ಪ್ರಮುಖ ಪಾತ್ರ ವಹಿಸಿನಾರ್ .

ಇಂಡೋ-ಚೀನಾ ಯುದ್ಧರ್ದ್ ಬೊಕ್ಕ 1948 ನೆ ಪದಕನ್ ರಾಷ್ಟ್ರೀಯ ರಕ್ಷಣಾ ನಿಧಿk ದತ್ ದಾನ ಮಲ್ತೆರ್ .1925 ನೆ ಡಿಸೆಂಬರ್ 29 ಗ್ ಲಾಹೋರ್‌ ಡ್ ಪುಟ್ಟಿನ ಮೇರ್,ವಿಭಜನೆರ್ದ್ ಬೊಕ್ಕ ಬಾಂಬೆಯಲ್ಲಿ ಕೆಲವು ವರ್ಷ ಕರಿನ ಬೊಕ್ಕ 1950 ಟ್ಟ್ ಕಲ್ಕತ್ತಾಗ್ ಬತ್ತೆರ್.

M	T	W	T	F	S	S
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30
31

ಉಡುಪಿ

ಕುಡ್ಲಡ್ ನನ ರಡ್ಡ್ ದಿನ ರೆಡ್ ಅಲರ್ಟ್

ಉರ್ವ ಮಾರುಕಟ್ಟೆ ಬಗ್ಗೆ ಸಭೆ ನಡಪಾಯಿನ ಮೇಯರ್

ಪಿಲಿಕುಳದ ಅಭಿವೃದ್ಧಿಗ್ ಅಗತ್ಯ ಕ್ರಮ : ಸಚಿವ ಲಿಂಬಾವಳಿ

ತಮಿಳುನಾಡು ಬಿಜೆಪಿ ಗುರ್ಕಾರ್ಲಾದ್ ನೇಮಕ ಆಯಿನ ಕೆ. ಅಣ್ಣಾಮಲೈ

ಜುಲೈ 10 ತಾರೀಖ್ ರ್ದ್ 30 ತಾರೀಖ್ ಮುಟ ಸ್ಪೈಸ್ ಜೆಟ್ ರ್ದ್ 42 ಪೊಸ ವಿಮಾನ ಸುರು

ಡಿ. ವಿ ಸದಾನಂದ ಗೌಡ ಸೇರಿನoಚ ರಾಜೀನಾಮೆ ಕೊರಿನ ಕೇಂದ್ರ ಸಚಿವೆರ್

ದುಂಬುದ ಸೆಮಿಸ್ಟರ್ ಪರೀಕ್ಷೆ ನಡಪಾವಂದಿಲಕ ಒತ್ತಾಯ

ಪಚ್ಚನಾಡಿದ ಎಸ್.ಟಿ.ಪಿ ಗ್ ಭೇಟಿ ಕೊರಿನ ಮೇಯರ್ ಪ್ರೇಮಾ ನಂದ ಶೆಟ್ಟಿ

ಕೋವಿಡ್ ವಾರಿಯರ್ಸ್ ಗಾದ್ ತನ್ನ ಗಾಡಿನೇ ಕೊರಿನ ಮಾಜಿ ಸಚಿವೆರಾಯಿನ ಅಭಯಚಂದ್ರ ಜೈನ್

ಹುಷಾರ್ ದಾಂತೆ ತೀರ್ ಪೋಯಿನ ಹಾಕಿ ದಂತಕತೆ ಕೇಶವ್ ಚಂದ್ರದತ್

You Missed

ಹಳೆಯಂಗಡಿ ಬಿಲ್ಲವ ಸಮಾಜ ಸೇವಾ ಸಂಘ (ರಿ), ಯುವವಾಹಿನಿ (ರಿ) ಹಳೆಯಂಗಡಿ ಘಟಕದ ನಿರೆಲ್‌ಡ್ “ಆಟಿದ ಗೇನ” ಲೇಸ್

ಆ.15: ಪುಣೆ ತುಳುಕೂಟ(ರಿ.)ದ 27ನೇ ವರ್ಷೊದ ಕಲ್ಚರಲ್ ಫೆಸ್ಟ್ -2026

ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ 45ನೇ ವರ್ಷೊದ ಚೌತಿ ಪರ್ಬದ ಲೆಪ್ಪೋಲೆ ಬುಡುಗಡೆ

ಕಲ್ಯಾಣ್ ತುಳುನಾಡ ತುಳುವೆರ್ ಕೂಟದ ಪೊಂಜೊವುಲೆರ್ದ್ ” ಪಗೆಲ್ಡ್ ಅಗೆಲ್ ” ಲೇಸ್