ಆಗಸ್ಟ್

ಆಗಸ್ಟ್ 30 ತಾರೀಖ್ ಗ್ ಶ್ರೀಕೃಷ್ಣ ಜಯಂತಿ

Aug 28, 2021

ಕುಡ್ಲ : ದ.ಕ. ಜಿಲ್ಲಾಡಳಿತ, ಜಿಪಂ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಒಟ್ಟು ಸೇರಿಗೆಡ್ ಆ.30ನೇ ಕಾಂಡೆ 10:30ಕ್ ಪೇಂಟೆದ ಜಿಲ್ಲಾಧಿಕಾರಿನ ಕಚೇರಿ ಸಭಾಂಗಣಡ್ ಶ್ರೀಕೃಷ್ಣ ಜಯಂತಿನ್ ಸರಳವಾದ್ ಆಚರಣೆ ಮಲ್ಪರೆ ಉಲ್ಲೆರ್ ಪಂದ್ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕೆರ್ ಪ್ರಕಟನೆಡ್ ತೆರಿಪಾದೆರ್ .

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಆಗಸ್ಟ್ 30 ತಾರೀಖ್ ಗ್ ಶ್ರೀ ಕೃಷ್ಣ ವೇಷ ಪಂಥ

Aug 21, 2021

ಕುಡ್ಲ : ಕಲ್ಕೂರ ಪ್ರತಿಷ್ಠಾನ ಕರಿನ 36 ವರ್ಷರ್ದ್ ಅಟ್ಟನೆ ಮಲ್ತೊಂದು ಬತ್ತಿನ ರಾಷ್ಟ್ರೀಯ ಜೋಕ್ಲೆಗ್ ಶ್ರೀ ಕೃಷ್ಣ ವೇಷ ಪಂಥ ಆ.30 ತಾರೀಖ್ ಗ್ ನಡಪರೆ ಉಂಡು.ಕೊರೋನ ನಿಮಿತ್ತ ಈ ವರ್ಷಲಾ ಪಂಥನ್ ಆನ್‌ಲೈನ್ ಮುಖೇನ ನಡಪಾಯರೇ ಉಂಡು ಪಂದ್ ಪಂಡೆರ್.

ಆಗಸ್ಟ್ 20 ತಾರೀಖ್ ರ್ದ್ ವಾರಾಂತ್ಯ ಕರ್ಫ್ಯೂ : ಡಾ.ರಾಜೇಂದ್ರ

Aug 20, 2021

ಕುಡ್ಲ : ಕುಡ್ಲಡ್ ಕೊರೋನ ಪ್ರಕರಣನ್ ಕಮ್ಮಿ ಮಲ್ಪುನ ನೆಲೆಟ್ಟ್ ಈ ಸಲಲ (ಆ.21,22) ವಾರಾಂತ್ಯ ಕರ್ಫ್ಯೂ ಜಾರಿ ಮಲ್ದಾ ಪಂದ್ ದ.ಕ.ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಪಂಡೆರ್ .ಆ.20 ನೇ ಶುಕ್ರವಾರ ರಾತ್ರಿ 9ರಲ್ ಗಂಟೆರ್ದ್ ಸುರು ಆಪಿನ ವೀಕೆಂಡ್ ಕರ್ಫ್ಯೂ ಆ.23 ನೇ ಸೋಮವಾರ ಕಾಂಡೆ 5 ಗಂಟೆ ಮುಟ ಜಾರಿಡ್ ಉಪ್ಪುಂಡು .

ಆ.21ನೇ ಶನಿವಾರ ಬೊಕ್ಕ ಆ.22ನೇ ಐತಾರ ಮಧ್ಯಾಹ್ನ 2 ಗಂಟೆ ಮುಟ ಅಗತ್ಯ ವಸ್ತು ದೆತೊನೆರೆ ಅವಕಾಶ ಉಂಡು .

ಈ ಪೊರ್ತುಡು ಅಂಗಡಿ ದೆಪ್ಪೋಲಿ, ಮಾರ್ಗದ ಬರಿಟ್ ಬೇರ ಮಲ್ಪುನಕ್ಲೆಗ್ ಅವಕಾಶ ಉಂಡು . ರೆಸ್ಟೋರೆಂಟ್, ಹೊಟೇಲ್‌ಡ್ ಕಾಲಿ ಪಾರ್ಸಲ್‌ಗ್ ಮಾತ್ರ ಅವಕಾಶ ಕೊರ್ತೆರ್ ಪಂದ್ ಜಿಲ್ಲಾಧಿಕಾರಿ ಪಂಡೆರ್.

ಕುಡ್ಲಡ್ ಆಗಸ್ಟ್ 30 ಮುಟ ಬಾರ್ ಬಂದ್-ಜಿಲ್ಲಾಧಿಕಾರಿ ಆದೇಶ

Aug 19, 2021

ಕುಡ್ಲ : ಕೋವಿಡ್-19 ನಿಯಂತ್ರಣಗ್ ಸಂಬಂಧಿ ಜಿಲ್ಲಾಡಳಿತ ಸರ್ಕಾರದ ನಿರ್ದೇಶನದಲಕ ಕಾಲಕಾಲಗ್ ಮಾತಾ ಅವಶ್ಯಕ ಕ್ರಮಕ್ಲೆನ್ ದೆತೊನೊಂದು , ಸದ್ಯ ಗಡಿಟ್ ಉಪ್ಪುನ ಬಾರ್ನ್ ಆಗಸ್ಟ್ 30 ಮುಟ ಬಂದ್ ಮಲ್ಪರೆ ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಆದೇಶ ಕೊರ್ತೆರ್ .

ಈ ನೆಲೆಟ್ಟ್ ಕೇರಳ ರಾಜ್ಯದ ಗಡಿಭಾಗಗ್ ಹೊಂದೊಂದು ಉಪ್ಪುನ ದಕ್ಷಿಣಕನ್ನಡ ಜಿಲ್ಲೆದ , ಬಂಟ್ವಾಳ, ಪುತ್ತೂರು, ಸುಳ್ಯ ತಾಲೂಕು ಪ್ರದೇಶದ 5 ಕಿ.ಮೀ. ವ್ಯಾಪ್ತಿಡ್ ಉಪ್ಪುನ 19 ಗ್ರಾಮದ ಬಾರ್ ನ್ ಆಗಸ್ಟ್ 1ರ್ದ್ 15 ಮುಟ ಮುಚ್ಚರೆ ಆದೇಶ ಕೊರ್ದು ಇತ್ತೆರ್ .

ಆಗಸ್ಟ್ 28 -29 ಗ್ ಸಿಇಟಿ ಪರೀಕ್ಷೆ

Aug 9, 2021

ಬೆಂಗ್ಳೂರು : ಇತ್ತೆ ಆತೆ ಪ್ರಕಟ ಆಯಿನ ವೇಳಾಪಟ್ಟಿದ ಪ್ರಕಾರ , 2021ನೇ ಸಾಲ್ ದ ಸಿಇಟಿ ಪರೀಕ್ಷೆನ್ ಆ.28 ಬೊಕ್ಕ 29ಗ್ ನಡಪಾವ ಪಂದ್ ಪ್ರಕಟಣೆಡ್ ತೆರಿಪಾದೆರ್ . ಅಭ್ಯರ್ಥಿಲೆನ ಅನುಕೂಲಗಾದ್ ಪರೀಕ್ಷಾ ಸ್ಥಳ ಬೊಕ್ಕ ಶುಲ್ಕ ಪಾವತಿದ ವಿವರನ್ ಪರಿಶೀಲನೇ ಮಲ್ಪರೆ ಪ್ರಾಧಿಕಾರ ವೆಬ್ ಪೋರ್ಟಲ್ ನ್ ತಯಾರ್ ಮಲ್ದೆರ್ .

ಅಭ್ಯರ್ಥಿಲು ಪ್ರಾಧಿಕಾರದ ವೆಬ್‍ಸೈಟ್ http://kea.kar.nic.in ಗ್ ಭೇಟಿ ಕೊರ್ದು ಸಿಇಟಿ-2021ದ ಪರೀಕ್ಷಾ ಸ್ಥಳ ಬೊಕ್ಕ ಶುಲ್ಕ ಪಾವತಿದ ವಿವರನ್ ಪರಿಶೀಲನೇ ಮಲ್ಪರೆ ರಾಜ್ಯ ಪರೀಕ್ಷಾ ಪ್ರಾಧಿಕಾರದ ಕಾರ್ಯನಿರ್ವಾಹಕ ನಿರ್ದೇಶಕೆರ್ ಪ್ರಕಟಣೆಡ್ ತೆರಿಪಾದೆರ್ .

ಆಗಸ್ಟ್ 1 ತಾರೀಖ್ ಗ್ ಪದಗ್ರಹಣ

Jul 29, 2021

ಕುಡ್ಲ, ಜುಲೈ 29: ದ.ಕ. ಜಿಲ್ಲಾ ಕಾಂಗ್ರೆಸ್ ಹಿಂದುಳಿದ ವರ್ಗದ ವಿಭಾಗದ ಗುರ್ಕಾರ್ಲಾಯಿನ ವಿಶ್ವಾಸ್ ಕುಮಾರ್ ದಾಸ್ ಮೆರ್ನ ಪದಗ್ರಹಣ ಬೊಕ್ಕ ವಿಭಾಗದ ಜಿಲ್ಲಾ ಪದಾಧಿಕಾರಿಲೆನ ಬೊಕ್ಕ ಬ್ಲಾಕ್ ಗುರ್ಕಾರ್ಲೆಗ್ ಆದೇಶ ಪತ್ರ ವಿತರಣಾ ಕಾರ್ಯಕ್ರಮ ಆ.1 ತಾರೀಖ್ ಗ್ ಕಾಂಡೆ 10:30ಕ್ ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೆಸ್ ಭವನಡ್ ನಡಪರೆ ಉಂಡು.