#ಅಫಘಾನಿಸ್ತಾನ

ತುಳುನಾಡುದ 5 ಜನನು ಏರ್ ಲಿಫ್ಟ್ ಮುಖೇನ ದಿಲ್ಲಿಗು ಲೆತೊಂದು ಬತ್ತಿನ ವಾಯುಸೇನೆ

ಕುಡ್ಲ, ಆ.23 : ತಾಲಿಬಾನ್ ವಶೊಟ್ ಇಪ್ಪುನಕುಲೆನ್ ಕಾಬೂಲ್ ಡ್ದು ಭಾರತೀಯ ವಾಯುಸೇನೆ ಏರ್ ಲಿಪ್ಟ್ ಮುಖೇನ ತುಳುವೆರ್ ಆಯಿನ ೫ ತುಳುವೆರೆನ್ ದಿಲ್ಲಿಗು ಲೆತ್ತೊಂದು ಬತ್ತೆರ್. ಮುಕುಲು ಇನಿ ಅತುಂಡ ಎಲ್ಲೆ ಕುಡ್ಲಗು ಬರ‍್ಪುನ ನಿರೀಕ್ಷೆ ಉಂಡು.

ಬಜಪೆದ ದಿನೇಶ್ ರೈ, ಬೆದ್ರದ ಜಗದೀಶ್ ಪೂಜಾರಿ, ಕಿನ್ನಿಗೋಳಿದ ಡೆಸ್ಮಂಡ್ ಡೇವಿನ್ ಡಿಸೋಜ, ಉಳ್ಳಾಲದ ಪ್ರಸಾದ್ ಆನಂದ್ ಬೊಕ್ಕ ಕುಡ್ಲ ಬಿಜೈದ ಶ್ರವಣ್ ಅಂಚನ್ ಏರ್ ಲಿಫ್ಟ್ ಆತೀನ ಕುಡ್ಲದಕುಲ್.

ಕೊಡೆ ಮುಕುಲ್ ದೆಲ್ಲಿದ ಘಾಜಿಯಾಬಾದ್ ಮುಲ್ಪದ ವಾಯುನೆಲೆಕ್ ಬತ್ತಿತೆರ್. ಇನಿ ಊರುಗು ಬರ‍್ಪುನ ಸಾಧ್ಯತೆ ಉಂಡು.