Veerendra Heggade

ಧರ್ಮಸ್ಥಳಗ್ ರಿಲಯನ್ಸ್ ಕಂಪೆನಿದ ಅಧಿಕಾರಿ ಭೇಟಿ

ಬೊಲ್ತೇರ್: ರಿಲಯನ್ಸ್ ಸಂಸ್ಥೆದ ಅಧಿಕಾರಿ, ನಿರ್ದೇಶಕೆರ್ ನಿಖಿಲ್ ಮೆಸ್ವಾನಿ ಕುಟುಂಬ ಸಮೇತರಾದ್ ಇನಿ ಕಾಂಡೆ ದೆಹಲಿರ್ದ್ ವಿಮಾನದ ಮುಖೇನ ಕುಡ್ಲ ವಿಮಾನ ನಿಲ್ದಾಣಗ್ ಬತ್ತ್ ದ್, ಆಯಿಬೊಕ್ಕ ವಿಶೇಷ ಹೆಲಿಕಾಫ್ಟರ್ ಮುಖೇನ ಧರ್ಮಸ್ಥಳ ಹೆಲಿಪ್ಯಾಡ್ ಗ್ ಕಾಂಡೆ 10 ಗಂಟೆಗ್ ಬತ್ತ್ ದೆರ್.

ಕಾರ್ ದ ಮುಖೇನ ಸುಬ್ರಹ್ಮಣ್ಯ ದೇವಲ್ಯಗ್ ಪೋದ್ ಅಲ್ಪ ಆಶ್ಲೇಷ ಪೂಜೆನ್ ಮಲ್ತ್ ದ್, ಮಧ್ಯಾಹ್ನ ವಾಪಸ್ ಶ್ರೀ ಕ್ಷೇತ್ರ ಧರ್ಮಸ್ಥಳ ದೇವಲ್ಯಗ್ ಬತ್ತ್ ದ್, ದೇವೆರ್ನ ದರ್ಶನ ಪಡೆದ್ ಆಯಿಬೊಕ್ಕ ವನಸ್ ಮಲ್ತ್ ದ್ ಅಲ್ಪರ್ದ್ ಧರ್ಮಾಧಿಕಾರಿ ಡಾ.ವೀರೇಂದ್ರ ಹೆಗ್ಗಡೆರೆನ್ ಭೇಟಿ ಮಲ್ಪರೆ ಉಲ್ಲೆರ್. ಬಯ್ಯಗ್ 3.30 ಗ್ ಹೆಲಿಕಾಫ್ಟರ್ ಮುಖೇನ ಕುಡ್ಲಗ್ ಪೋಯರೇ ಉಲ್ಲೆರ್.

ನಿಖಿಲ್ ಮೆಸ್ಥಾನಿಗ್ ಬೊಕ್ಕ ಅರೆನ ಕುಟುಂಬಗ್ ಖಾಸಗಿ ಭದ್ರತಾ ಸಿಬ್ಬಂದಿಲೆನ ಒಟ್ಟುಗ್ ಧರ್ಮಸ್ಥಳದ ಪೊಲೀಸೆರ್ ಅಂಚನೆ ಬೆಳ್ತಂಗಡಿದ ಅಗ್ನಿಶಾಮಕ ಸಿಬ್ಬಂದಿಲು ಭದ್ರತೆನ್ ಮಲ್ತ್ ದೆರ್.