Ullala Urus

ಉಳ್ಳಾಲ ಉರೂಸ್ ಡ್ ಜಾಯಿಂಟ್ ವ್ಹೀಲ್ ತುಂಡಾದ್ ಮಸ್ತ್ ಜನಕ್ ಗಾಯ

ಉಳ್ಳಾಲ : ಕುಡ್ಲದ ಉಳ್ಳಾಲಡ್ ನಡತೊಂದು ಉಪ್ಪುನ ಪಂಚವಾರ್ಷಿಕ ಉರೂಸ್ ಲೇಸ್ ಡ್ ಜಾಯಿಂಟ್ ವ್ಹೀಲ್ ತುಂಡಾದ್ ನಾಲ್ ಜೋಕ್ಲೆಗ್ ಗಾಯ ಆಯಿನ ಘಟನೆ ಫೆ.22 ನೇ ರಾತ್ರಿ ನಡತ್oಡ್ .

ಉರೂಸ್ ಪ್ರಯುಕ್ತ ದರ್ಗಾ ತೂಯೆರೆ ಬತ್ತಿನ ಕೇರಳ ಮೂಲದ ಕುಟುಂಬದ ನಾಲ್ ಜನ ಸಂತೆಡ್ ಇತ್ತಿನ ಜಾಯಿಂಟ್ ವ್ಹೀಲ್ ಡ್ ಗೊಬ್ಬೊoದು ಉಪ್ಪುನಗ ಏಕಾಏಕಿ ವ್ಹೀಲ್ ಜಾಯಿಂಟ್ ತತ್ತಿನ ಪರಿಣಾಮ ನಾಲ್ ಜೋಕುಲು ಸೇರ್ದ್ ತಿರ್ತ್ ಬೂರ್ದು ಗಾಯ ಆತ್oಡ್.

ಗಾಯ ಆಯಿನಕ್ಲೆನ್ ಉಮ್ಮರ್ ಫಾರೂಕ್ (42), ಮೊಹಮ್ಮದ್ ಆಯೂಬ್ (7) ಮಶಿಥಾ (18) ನೂರ್ ಜಹಾನ್ (36) ಸಲೇಕಾ (28) ಬೊಕ್ಕ ಸಮೀರ್( 41) ಪಂದ್ ಗುರ್ತಿಸಾದೆರ್ .

ಘಟನೆರ್ದ್ ಒಂತೆ ಪೊರ್ತುಡು ಜಾಗೆಡ್ ಜನ ಸೇರ್ದ್ ಗೊಂದಲದ ವಾತಾವರಣ ಸೃಷ್ಟಿ ಆಂಡ್ .ಗಾಯಾ ಆಯಿನಕ್ಲೆನ್ ಕೈತಲ್ ದ ಆಸ್ಪತ್ರಗ್ ದಾಖಲಲ್ ಮಲ್ದೆರ್ . ಜಾಗೆಗ್ ಉಳ್ಳಾಲ ಠಾಣಾ ಪೊಲೀಸೇರ್ ಭೇಟಿ ಕೊರ್ತೆರ್ .