#Ullala Police Station

ವಿಎಚ್‌ಪಿ ಗುರ್ಕಾರೆ ಶರಣ್ ಪಂಪ್‌ವೆಲ್ ಮಿತ್ತು ಉಳ್ಳಾಲ ಠಾಣೆಗು ದೂರು

ಕುಡ್ಲ ಆ.20: ಉಳ್ಳಾಲದ ಮಾಜಿ ಶಾಸಕೆ ದಿವಂಗತ ಇದಿನಬ್ಬ ಅರೆನಾ ಮಗೆ, ಉಧ್ಯಮಿ ಬಿ.ಎಂ ಬಾಷಾ ಇಂಬೆರ‍್ನ ಇಲ್ಲದ ಎದುರ್ ಆಕ್ರಮ ಕೂಟ ಮಲ್ತಿನ ಅತ್ತಂದೆ ಇಲ್ಲದ ಉಲ್ಲಯಿ ಪೋಯರ ಪ್ರಯತ್ನಿಸಾಯೆರ್. ಈ ವಿಷಯಗು ಸಂಬoಧಿಸಾದು ವಿಶ್ವಹಿಂದು ಪರಿಷತ್ ನೆತ್ತ ಗುರ್ಕಾರೆ ಶರಣ್ ಪಂಪ್‌ವೆಲ್ ಅಂಚನೇ ನೆಟ್ಟು ಇತ್ತಿನ ಬೇತೆ ಜನಕುಲ್ನ ಮಿತ್ತು ಸರಿಯಾಯಿನ ಕ್ರಮ ದೆತೊನೊಡು ಪಂಡುದು ಉಳ್ಳಾಲ ಮೇಲಂಗಡಿದ ಅಬೂಬಕರ್ ಉಳ್ಳಾಲ ಪೊಲೀಸ್ ಠಾಣೆಗೂ ದೂರು ಕೊರಿಯೆರ್.

ಶರಣ್ ಪಂಪ್‌ವೆಲ್ ನೇತೃತ್ವಡು ಬಜರಂಗದಳ ಕಾರ್ಯಕರ್ತೆರು ಆಗಸ್ಟ್ 11 ದಾನಿ ಉಧ್ಯಮಿಯಾಯಿನ ಬಿಎಂ ಬಾಷಾ ಇಂಬೆರ‍್ನ ಇಲ್ಲದ ಎದುರ್ ಗುಂಪು ಸೇರಾದು ಒಂಜಿ ಧರ್ಮೋನು ತಿರ್ತು ಅಂಚನೇ ಬೊಡ್ಚಾಂದಿನ ಬೊಬ್ಬೆ ಪಾಡ್ದು ಇಲ್ಲದ ಉಲಾಯಿ ಪೊಗ್ಯರೆ ತೂಯೆರ್.

ನೆಮ್ಮದಿಡು ಇತ್ತಿನ ಉಳ್ಳಾಲ ಪರಿಸರೊನು ಹಾಳು ಮಲ್ಪರ ಬತ್ತಿನ ಶರಣ್ ಪಂಪ್‌ವೆಲ್ ಬೊಕ್ಕ ಬೇತೆ ಕಾರ್ಯಕರ್ತೆರೆನ್ ಬಂಧಿಸಾದು ಸರಿಯಾಯಿನ ಕ್ರಮ ದೆತೊನೊಡು ಪಂದು ಉಳ್ಳಾಲ ಪೊಲೀಸ್ ಠಾಣೆಗು ಈ ರೀತಿ ಅಬೂಬಕ್ಕರ್ ದೂರು ಕೊರಿಯೆರ್.