ullala news

ಹರೇಕಳಡ್ ಬಸ್ ಸ್ಟ್ಯಾಂಡ್ ಉದಿಪನ ಮಲ್ತಿನ ಯು.ಟಿ ಖಾದರ್

Sep 28, 2022

ಕೊಣಾಜೆ: ಯು.ಟಿ. ಫರೀದ್ ಫೌಂಡೇಶನ್ ಟ್ರಸ್ಟ್‌ದ ಲೆಕ್ಕೊಡು ಕೊಣಾಜೆದ ಹರೇಕಳಡ್ ಸ್ಥಾಪನೆ ಆಯಿನ ಪೊಸ ಬಸ್‌ಸ್ಟ್ಯಾಂಡ್‌ನ್ ಉಳ್ಳಾಲದ ಶಾಸಕೆರ್ ಅಂಚನೆ ವಿರೋಧ ಪಕ್ಷದ ಉಪನಾಯಕೆರ್ ಯು.ಟಿ. ಖಾದರ್ ಉದಿಪನ ಮಲ್ತೆರ್.

ಈ ಪೊರ್ತುಡು ಮಾಜಿ ತಾಲೂಕ್ ಪಂಚಾಯತ್ ಸದಸ್ಯೆರ್ ಹರೇಕಳ ಮುಸ್ತಾಫ, ಅಂಬ್ಲಮೊಗರು ಗ್ರಾಮ ಪಂಚಾಯತ್‌ದ ಮಾಜಿ ಅಧ್ಯಕ್ಷೆರ್ ರಫೀಕ್ ಅಂಬ್ಲಮೊಗರು, ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಹರೇಕಳ ಹಾಜಬ್ಬ, ಹರೇಕಳ ಪಂಚಾಯತ್ ದ ಅಧ್ಯಕ್ಷೆರ್ ಬದ್ರುದ್ದೀನ್, ಉಪಾಧ್ಯಕ್ಷೆರ್ ಕಲ್ಯಾಣಿ ಲೇಸ್‌ಡ್ ಪಾಲ್ ಪಡೆದಿತ್ತೆರ್.

U T Kadhar inaugurated a new bus stand at Harekala

Mudipu: Ullal MLA U T Kadhar inaugurated a new bus stand at Harekela built by the U T Fareed foundation trust. Padmashree awardee Harekela Hajabba and other gram panchayat members were present on the occasion.

ಉಳ್ಳಾಲ: ಪೊಯ್ಯೆನ್ ಕಲ್ವ ಸಾದಿಡ್ ಕೊನೊಂದಿತ್ತಿನ 8 ಜನ ಪೊಲೀಸೆರ್ನ ವಶಕ್ಕ್

Sep 19, 2022

ಉಳ್ಳಾಲ ತಾಲೂಕು ವ್ಯಾಪ್ತಿದ ತಲಪಾಡಿ ಕೈತಲ್ ಪೊಯ್ಯೆನ್ ಕಲ್ವ ಸಾದಿಡ್ ಕೊನೊಂದಿತ್ತಿನೆನ್ ಸಿಸಿಟಿವಿಡ್ ಪತ್ತೆ ಮಲ್ತ್ ದ್ ಪೊಯ್ಯೆ ಕೊನಯರೆ ಗಲಸ್ ದಿನ ರಡ್ಡ್ ಗಾಡಿದೊಟ್ಟುಗ್ 8 ಜನನ್ ಉಳ್ಳಾಲ ಪೊಲೀಸೆರ್ ವಶಕ್ ದೆತೊಂದೆರ್.

ಜಿಲ್ಲಾಡಳಿತ ಸಿಸಿ ಕೆಮರಾ ಪಾಡ್ದಿತ್ತ್ ದ್, ಕೋಟೆಕಾರ್ ಪ.ಪಂ.ಮುಖ್ಯಾಧಿಕಾರಿ ಕೊರಿನ ದೂರುದೆಲಕನೆ ಉಳ್ಳಾಲ ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ ದೆರ್.

ತಲಪಾಡಿ ಕಜೆತ್ತ ರಿಯಾಝ್(26), ಕೆ.ಸಿ.ರೋಡ್‌ ದ ಅಬೂಬಕ್ಕರ್‌(53), ಸೋಮೇಶ್ವರ ಗ್ರಾಮದ ಕುದ್ರು ಹೌಸ್‌ ದ ರಘುನಾಥ್‌ (40), ತಲಪಾಡಿ ಚೆಕ್‌ಪೋಸ್ಟ್‌ ಕೈತಲ್ ದ ರಾಜೇಶ್‌(40), ಕೆ.ಸಿ.ರೋಡ್‌ ಪಂಜಳದ ಮುತ್ತಾಲಿಬ್‌(22), ಉತ್ತರಪ್ರದೇಶದ ಅತುಲ್‌ (22), ರಾಮಧಾರಿ (28), ಪಂಕಜ್‌(24)ಮೊಕುಲೆನ್ ಪೊಲೀಸೆರ್ ವಶಕ್ ದೆತೊಂದಿತ್ತ್ ದ್, ರಡ್ಡ್ ಪಿಕಪ್‌ ಗಾಡಿಲೆನ್ ವಶಕ್ ದೆತೊಂದೆರ್. ಉಳ್ಳಾಲ ಪೊಲೀಸ್‌ ಸ್ಟೇಷನ್ ಡ್ ಕೇಸ್ ದಾಖಲ್ ಆತ್ಂಡ್.