Udupi

ಒಡಿಪು: ತುಳುಕೂಟ ಅಧ್ಯಕ್ಷೆರಾದ್ ಜಯಕರ ಶೆಟ್ಟಿ ಇಂದ್ರಾಳಿ ಆಯ್ಕೆ

Sep 7, 2022

ಒಡಿಪು: ಸಾಂಸ್ಕೃತಿಕ ಕಲಾಸಂಸ್ಥೆ ತುಳುಕೂಟ ಒಡಿಪು ಉಂದೆತ್ತ 2022-23ನೇ ಸಾಲ್‌ದ ಪೊಸ ಅಧ್ಯಕ್ಷೆರಾದ್ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಕುಡ ಆಯ್ಕೆಯಾತೆರ್.

ತುಳು ಕೂಟದ ಉಪಾಧ್ಯಕ್ಷೆರಾದ್ ದಿವಾಕರ ಸನಿಲ್ ಅಂಚನೆ ಸದಾಶಿವ ಭಟ್, ಪ್ರಧಾನ ಕಾರ್ಯದರ್ಶಿಯಾದ್ ಗಂಗಾಧರ ಕಿದಿಯೂರು ಆಯ್ಕೆಯಾತೆರ್. ಪೊಸ ಪದಾಧಿಕಾರಿಲೆನ್ ಒಡಿಪುದ ಜಗನ್ನಾಥ ಸಭಾಭವನಡ್ ನಡತಿನ ತುಳುಕೂಟದ ವಾರ್ಷಿಕ ಮಹಾಸಭೆಟ್ ಆಯ್ಕೆ ಮಲ್ತೆರ್.

ಕಾರ್ಲ: ಮಾಳಡ್ ಭಾರೀ ಬರ್ಸರ್ದಾವರ ಇಲ್ಲ್, ತೋಟಗ್ ಪೊಗ್ಗಿನ ನೀರ್

Sep 7, 2022

ಒಡಿಪು: ಹೆಬ್ರಿ ತಾಲೂಕ್ ಡ್ ಭಾರೀ ಬರ್ಸ ಬರೊಂದಿತ್ತ್‌ದ್, ಮಾಳದ ಕೆಲ ತೋಟಗ್ ಅಂಚನೆ ಇಲ್ಲಗ್ ನೀರ್ ಪೊಗ್ಗುದು ಭಾರೀ ನಷ್ಟ ಆತ್ಂಡ್.

ಕರ್ನಾಟಕ ಅಂಚನೆ ತುಳುನಾಡ್‌ಡ್ ನನ 5 ದಿನ ತೆಡಿಲ್‌ದೊಟ್ಟುಗ್ ಜೋರ್ ಬರ್ಸ ಬರ್ಪಿನ ಸಾಧ್ಯತೆ ಉಂಡು. ಒಡಿಪು, ದಕ್ಷಿಣ ಕನ್ನಡ, ಉತ್ತೆ ಕನ್ನಡಡ್ ಸುಮಾರ್ 20 ಸೆಂ.ಮೀ. ದಾತ್ ಬರ್ಸ ಬರ್ಪಿನ ಸಾಧ್ಯತೆ ಇತ್ತಿನೆಡ್ದಾವರ ಮೂಜಿ ಜಿಲ್ಲೆಗ್‌ಲ ರೆಡ್ ಅಲರ್ಟ್ ನ್ ಹವಾಮಾನ ಇಲಾಖೆ ಘೋಷಣೆ ಮಲ್ತ್‌ದ್ಂಡ್.

ಮಣಿಪಾಲ್ ಸಮೂಹ ಸಂಸ್ಥೆದ ಮಿತ್ತ್ ಐಟಿ ದಾಳಿ

Sep 7, 2022

ಒಡಿಪು: ಮಣಿಪಾಲ್ ಸಮೂಹ ಸಂಸ್ಥೆದ ಮಿತ್ತ್ ದೇಶಡ್ ಐಟಿ ದಾಳಿ ನಡತ್ಂಡ್. ದೇಶದ 22 ಬೇತೆ ಬೇತೆ ಜಾಗೆದ ಮಿತ್ತ್ ಒಂಜೇ ಸರ್ತಿ ದಾಳಿ ಮಲ್ತ್‌ದೆರ್.

ಮಣಿಪಾಲ್ ಗ್ರೂಪ್‌ದ ಫೈನಾನ್ಸ್ ವಿಭಾಗಡ್ ಪರಿಶೀಲನೆ ನಡಪಾವೊಂದು ಇಪ್ಪುನ ಐಟಿ ಅಧಿಕಾರಿಲು ಒಡಿಪು ಜಿಲ್ಲೆ ಮಣಿಪಾಲಡ್‌ಲ ಐಟಿ ಅಧಿಕಾರಿಲೆಡ್ದ್ ಪರಿಶೀಲನೆ ನಡಪಾವೊಂದು ಉಲ್ಲೆರ್. ಬೆಂಗ್ಲೂರ್ ಬೊಕ್ಕ ಕುಡ್ಲ ರ್ದ್ ಕಾರ್ ಬಾಡಿಗೆ ಮಲ್ತೊಂದು ಬತ್ತಿನ ಅಧಿಕಾರಿಲೆನ ಕೂಟ ಕಾಂಡೆ 6.30 ಗಂಟೆಗ್ ರೈಡ್ ಮಲ್ದ್ಂಡ್.

Income tax raid on Manipal group of institutions

Udupi: Income tax raids were conducted simaltenously at 22 different places all over the country on Manipal group of institutions. The raids stated at 6 30 in the morning and auditing was done at the financial department of the group at Udupi, Manipal, Bangalore and Mangalore.

ತುಳುನಾಡ್ ಡ್ ಸೆ. 5-ಸೆ. 8 ಮುಟ್ಟ ಭಾರೀ ಬರ್ಸ: ಎಲ್ಲೊ ಅಲರ್ಟ್‌ ಘೋಷಣೆ

Sep 5, 2022

ಕುಡ್ಲ/ಒಡಿಪು: ತುಳುನಾಡ್ ಡ್ ಸೆ. 5-ಸೆ. 8 ಮುಟ್ಟ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಇತ್ತಿನೆಡ್ದಾವರ ಎಲ್ಲೊ ಅಲರ್ಟ್‌ನ್ ಘೋಷಣೆ ಮಲ್ತ್‌ದೆರ್. ಈ ಪೊರ್ತುಡು ಬಿರ್ಸ್‌ದ ಗಾಳಿ, ಬರ್ಸ, ಕಡಲ್ ದ ಅಲೆತ್ತ ಅಬ್ಬರ ಎಚ್ಚ ಆಪಿನ ಸಾಧ್ಯತೆ ಉಂಡು.

ದಕ್ಷಿಣ ಕನ್ನಡ, ಒಡಿಪು ಜಿಲ್ಲೆದ ಮಸ್ತ್ ಕಡೆಟ್ ಕೋಡೆ ಬರ್ಸ ಕಮ್ಮಿ ಇತ್ತ್ಂಡ್.

ಕುಡ್ಲ: ಸೆ.6ಕ್ಕ್ ಕಾಂಗ್ರೆಸ್ ಜಾಥಾ

Sep 5, 2022

ಕುಡ್ಲ: ಭಾರತ ದೇಶದ ಸ್ವಾತಂತ್ರ್ಯ ಅಮೃತ ಮಹೋತ್ಸವದ ಅಂಗವಾದ್ ಪೇಂಟೆದ ಉಳ್ಳಾಲ ಬ್ಲಾಕ್ ಬೊಕ್ಕ ಮುಡಿಪು ಕಾಂಗ್ರೆಸ್, ಯೂತ್ ಕಾಂಗ್ರೆಸ್ ಮುತಾಲಿಕೆಡ್ ಸೆಪ್ಟೆಂಬರ್ 6ಕ್ಕ್ ಮಧ್ಯಾಹ್ನ 2 ಗಂಟೆರ್ದ್ ಉಳ್ಳಾಲದ ಕಲ್ಲಾಪು ಯೂನಿಟಿ ಸಭಾಂಗಣರ್ದ್ ತೊಕ್ಕೊಟ್ಟು ಸರ್ಕಲ್ ಮುಖೇನ ಪೋದು, ಕುತ್ತಾರು ದೇರಳಕಟ್ಟೆ, ನಾಟೆಕಲ್ ಮುಖೇನ ಆದ್ ಮುಡಿಪು ಮುಟ್ಟ ನಡತೊಂದು ಪೋಪಿನ ಜಾಥಾ ನಡಪರೆ ಉಂಡು.

ಉಳ್ಳಾಲ ಯೂತ್ ಕಾಂಗ್ರೆಸ್, ಮುಡಿಪು ಬ್ಲಾಕ್ ಬೊಕ್ಕ ಉಳ್ಳಾಲ ಬ್ಲಾಕ್ ಕಾಂಗ್ರೆಸ್ ಮುತಾಲಿಕೆಡ್ ದೇಶದ 75ನೇ ಸ್ವಾತಂತ್ರ್ಯ ಬೊಕ್ಕ ಅಮೃತ ಮಹೋತ್ಸವದ ಅಂಗವಾದ್ ಫ್ರೀಡಮ್ ಮಾರ್ಚ್ ಕಾರ್ಯಕ್ರಮ ನಡಪರೆ ಉಂಡು ಪಂದ್ ಕಾಂಗ್ರೆಸ್ ಕಚೇರಿ ಪ್ರಕಟನೆಡ್ ತೆರಿಪಾದ್ಂಡ್.

ಒಡಿಪು ಜಿಲ್ಲೆಡ್ 112, ದ.ಕ ಜಿಲ್ಲೆಡ್ 305 ಜನಕ್ಕ್ ಎಲಿ ಜ್ವರ

Sep 5, 2022

ಒಡಿಪು/ಕುಡ್ಲ : ತುಳುನಾಡ್ ಡ್ ಎಲಿ ಜ್ವರತ್ತ ಸೀಕ್ ಎಚ್ಚಾವೊಂದುಂಡು. ಒಡಿಪುಡ್ 112 ಜನಕ್ಕ್, ದ.ಕ ಜಿಲ್ಲೆಡ್ 305 ಜನಕ್ಕ್ ಎಲಿಜ್ವರ ಬೈದ್ಂಡ್. ಮೈಕೈ ಬೇನೆ, ತರೆಬೇನೆ, ಕಕ್ಕುನ, ಬಂಜಿ ಬೇನೆ, ಈ ಜ್ವರದ ಲಕ್ಷಣ ಆದುಂಡು.

Leptospirosis (Ili jwara) on the raise in Tulunadu- 112 cases in Udupi, 305 in DK infected

Udupi: Infectious disease s are on the raise due to changes in weather conditions and cases of leptospirosis are recorded. 305 cases in DK and 112 cases in Udupi were recorded.

ಒಡಿಪು: ವಿಚಿತ್ರ ಏಸಗ್ ವಿದಾಯ ಪಂಡಿನ ರವಿ ಕಟಪಾಡಿ

Aug 27, 2022

ಒಡಿಪು: ಕರಿನ ಏಳ್ ವರ್ಷ ರ್ದ್ ಕೃಷ್ಣ ಜನಾಷ್ಟಮಿಗ್ ಬೇತೆ ಬೇತೆ ನಮೂನೆದ ಏಸ ಪಾಡ್ದ್ ಈಡೇ ಮುಟ್ಟ ಸುಮಾರು 1 ಕೋಟಿ ಕಾಸ್ ನ್ ಹುಷಾರ್ ದಾಂತಿನ ಜೋಕುಲೆನ ಚಿಕಿತ್ಸೆಗಾದ್ ಪಟೊಂದಿತ್ತಿನ ರವಿ ಕಟಪಾಡಿ ಈ ಸರ್ತಿ ಕಡೆತ್ತ ಸರ್ತಿದ ಡೆಮೊನ್ ಏಸ ಪಾಡ್ದ್ ಅರೆನ ಏಸ ಪರಂಪರೆಗ್ ವಿದಾಯ ಪಾಡ್ದೆರ್.

“7 ವರ್ಷದ ಅವಧಿಡ್ ಯಾನ್ ಯನ್ನ ಕೂಟದ ಸದಸ್ಯೆರ್‍ನೊಟ್ಟುಗ್ ಅಂಚನೆ ದಾನಿಲೆನ ಸಕಾರರ್‍ದ್ ಕೋಟಿ ಕಾಸ್ ನ್ ಒಟ್ಟು ಸೇರ್ಸಾದ್ ಇಂಚಿನ ಕಾರ್ಯ ಮಲ್ಪರೆ ಸಾಧ್ಯ ಆಂಡ್. ಇ ಸರ್ತಿ ಕಡೆತ್ತ ವೇಷ ಪಾಡ್ದೆ. ಆಗೋಸ್ಟ್ 30 ಗ್ ಜಿಲ್ಲಾಧಿಕಾರಿಲೆನ ಮುಖೇನ ಪಣವುನ್ ಜೋಕುಲೆಗ್ ಕೊರಿಯರೆ ಉಂಡು” ಪಂದ್ ರವಿ ಕಟಪಾಡಿ ಮಾಹಿತಿ ಕೊರಿಯೆರ್.

Udupi: Ravi Katpadi dons ‘Vesha’ for the last time this Janmashtami

Udupi: Ravi Katpadi who used to dress up in different styles during the Janmashtami festivities has said that he will be doing it for the last time this year.He has earned more than a crore from the past 7 years which amounts he was distributing for the medical expenses of needy sick children. He announced that that on August 30thhe would be handing over this year’s collection for the last time to the DC.

ಒಡಿಪು 25 ವರ್ಷದ ಗೌಜಿ; 25 ಬಗೆತ್ತ ಸಾಂಸ್ಕೃತಿಕ ಕಾರ್ಯಕ್ರಮ

Aug 25, 2022

ಒಡಿಪು: ಒಡಿಪು ಜಿಲ್ಲೆಯಾದ್ ಇನಿಕ್ 25 ವರ್ಷ ಆದಿತ್ತ್ ದ್, ಈ ಜಿಲ್ಲೆ ಬೊಲ್ಲಿ ಪರ್ಬದ ಗೌಜಿಡ್ ಉಂಡು.

ಈ ಬಗೆಟ್ ಜಿಲ್ಲಾಡಳಿತ ಅಂಚನೆ ಜನಪ್ರತಿನಿಧಿಲೆಡ್ದ್ 25 ವರ್ಷದ ನೆಂಪುಗ್ 25 ಕಾರ್ಯಕ್ರಮಲೆನ್ ಅಟ್ಟನೆ ಮಲ್ತ್ ದೆರ್. ಒಡಿಪು ಅಜ್ಜರಕಾಡುದ ಮಹಾತ್ಮಗಾಂಧಿ ಜಿಲ್ಲಾ ಕ್ರೀಡಾಂಗಣಡ್ ನಿರ್ಮಾಣ ಮಲ್ತಿನ ವೇದಿಕೆಗ್ ಇತ್ತೆ ಕಾರ್ಯಕ್ರಮಗ್ ಚಾಲನೆ ಕೊರ್ದಿತ್ತ್ ದ್, ಕಾರ್ಯಕ್ರಮ ಸುರು ಆಪಿನೆಡ್ದುಂಬು ಜಿಲ್ಲೆದ ಬೇತೆ ಬೇತೆ ಶಾಲೆದ ಕಲ್ಪಾರ್ಥಿಲು ಮೆರವಣಿಗೆಡ್ ಪಾಲ್ ಪಡೆಯೆರ್.

ಮೆರವಣಿಗೆಡ್ ಚೆಂಡೆ -ವಾದ್ಯ ಅಂಚನೆ ಪಿಲಿವೇಷ, ಯಕ್ಷಗಾನ ವೇಷಲು ಮೆರವಣಿಗೆಡ್ ಆಕರ್ಷಣೆ ಆಂಡ್.

ಆ. 31- ಸೆ. 3: ಬಪ್ಪನಾಡ್ ಡ್ ೪೭ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವ ಉಚ್ಚಯ

Aug 23, 2022

ಮುಲ್ಕಿ: ಬಪ್ಪನಾಡು ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿ ಮುತಾಲಿಕೆಡ್ ೪೭ನೇ ವರ್ಷದ ಸಾರ್ವಜನಿಕ ಗಣೇಶೋತ್ಸವ ಲೇಸ್ ಆಗೋಸ್ಟ್ 31 ಬುಧಾರ ರ್ದ್ ಸಪ್ಟೆಂಬರ್ 3 ಮುಟ್ಟ ಭಾರೀ ಗೌಜಿಡ್ ನಡಪರೆ ಉಂಡು.

ಸುರುತ್ತ ದಿನ ಶ್ರೀ ಮಹಾಗಣಪತಿ ದೇವೆರೆನ ಬಿಂಬ ಪ್ರತಿಷ್ಠೆ ಬೊಕ್ಕ ಮಹಾಪೂಜೆ ಆದ್ ನಾಲ್ ದಿನಲ ರಾತ್ರೆ-ಪಗೆಲ್ ಬೇತೆ ಬೇತೆ ರೀತಿದ ಸಾಂಸ್ಕೃತಿಕ ಕಾರ್ಯಕ್ರಮ, ಜೋಕುಲೆಗ್ ಪಂತೊದ ಲೇಸ್ ನಡಪರೆ ಉಂಡು. ಸೆಪ್ಟೆಂಬರ್ 3 ಕ್ಕ್ ಬಯ್ಯ 7 ಗಂಟೆಗ್ ಗಣಪತಿ ದೇವೆರ್‍ನ ಮೆರವಣಿಗೆ ಬಪ್ಪನಾಡು ದೇವಲ್ಯರ್‍ದ್ ಪಿದರ್ದ್ ಪಂಚಮಹಲ್ ಬಿಲ್ಲವ ಸಮಾಜ ಸೇವಾ ಸಂಘ ಬಸ್‌ಸ್ಟ್ಯಾಂಡ್ ಆದ್ ಬಪ್ಪನಾಡು ಕೊಪ್ಪಲಕೆರೆಟ್ ವಿರ್ಸಜನೆ ಆಯರೆ ಉಂಡು.

August 31st -September 3rd: Bappanadu Ganeshotsav Samiti to hold 43rd Annual ganeshotsav celebrations

Bappanadu Public Sri Ganeshotsav Samiti will conduct it’s 43rd Annual ganeshotsav celebrations from the 31 at of August to the 3rd of September.

Along with the holy rituals there will be cultural programs on all these days. On the day of Visarjan a grand procession will move on to Bappanadu Koppalakere were the visarjan will take place.