ಕಾಪು: ಸೆ. 26-ಅ. 5 ಮುಟ್ಟ ಉಚ್ಚಿಲ ದಸರಾ 2022
ಒಡಿಪು ಜಿಲ್ಲೆ ಕಾಪು ತಾಲೂಕ್ದ ಶ್ರೀ ಮಹಾಲಕ್ಷ್ಮೀ ದೇವಲ್ಯ ಶ್ರೀ ಕ್ಷೇತ್ರ ಉಚ್ಚಿಲಡ್ ಉಚ್ಚಿಲ ದಸರಾ 2022 ನವರಾತ್ರಿ ಮಹೋತ್ಸವ ಬೊಕ್ಕ ನಿತ್ಯ ಚಂಡಿಕಾಯಾಗ ಲೇಸ್ ಸೆಪ್ಟೆಂಬರ್ 26 ಸೋಮಾರ್ದ್ ಅಕ್ಟೋಬರ್ 5 ಮುಟ್ಟ ಭಾರೀ ಗೌಜಿಡ್ ನಡಪರೆ ಉಂಡು.
ಸೆ. 26ಕ್ಕ್ ಕಾಂಡೆ 9.30 ಗಂಟೆಗ್ ನವದುರ್ಗೆಯರ್ ಬೊಕ್ಕ ಶಾರದಾ ಮೂರ್ತಿ ಪ್ರತಿಷ್ಠಾಪನೆ ಆದ್ 12.30 ಗ್ ಮಹಾಪೂಜೆ ನಡಪರೆ ಉಂಡು. ಪ್ರತಿ ದಿನಲ ಧಾರ್ಮಿಕ, ಸಾಂಸ್ಕೃತಿಕ, ವೈದಿಕ ಕಾರ್ಯಕ್ರಮ ನಡಪರೆ ಉಂಡು.
ಅಕ್ಟೋಬರ್ 5 ತಾರೀಕ್ ಗ್ ಬುಧಾರ ಬಯ್ಯ 4 ಗಂಟೆಗ್ ಬೇತೆ ಬೇತೆ ರೀತಿದ ಟ್ಯಾಬ್ಲೋ, ಮೆರವಣಿಗೆದೊಟ್ಟುಗ್ ಶಾರದಾ ದೇವೆರೆನ ಶೋಭಾಯಾತ್ರೆ ನಡಪರೆ ಉಂಡು.
ಈ ಲೇಸ್ ಗ್ ಮಾತ ಭಕ್ತಾಧಿಮಾನಿಲು ಬತ್ತ್ದ್ ಶಾರದಾ ದೇವಿನ ಕೃಪೆಗ್ ಪಾತ್ರರಾವೊಡ್ ಪಂದ್ ಗೌರವ ಸಲಹೆಗಾರೆರ್ ನಾಡೋಜ ಡಾ| ಜಿ. ಶಂಕರ್, ದ.ಕ. ಮೊಗವೀರ ಮಹಾಜನ ಸಂಘ (ರಿ.) ಉಚ್ಚಿಲದ ಅಧ್ಯಕ್ಷೆರ್ ಜಯ ಸಿ. ಕೋಟ್ಯಾನ್ ಬೆಳ್ಳಂಪಳ್ಳಿ ಬೊಕ್ಕ ಸರ್ವಸದಸ್ಯೆರ್ ಅಂಚನೆ ಶ್ರೀ ಮಹಾಲಕ್ಷ್ಮೀ ದೇವಲ್ಯದ ಕ್ಷೇತ್ರಾಡಳಿತ ಸಮಿತಿದ ಅಧ್ಯಕ್ಷೆರ್ ವಾಸುದೇವ ಸಾಲ್ಯಾನ್, ದ.ಕ ಮೊಗವೀರ ಮಹಾಜನ ಸಂಘ (ರಿ) ಬೊಂಬಾಯಿ ಸಮಿತಿದ ಅಧ್ಯಕ್ಷೆರ್ ಬಿ. ಜೆ. ಶ್ರೀಯಾನ್ ಕೂಳೂರು ಅಂಚನೆ ಸರ್ವಸದಸ್ಯೆರ್, ದ.ಕ. ಮೊಗವೀರ ಮಹಿಳಾ ಸಂಘ ಉಚ್ಚಿಲದ ಅಧ್ಯಕ್ಷೆರ್ ಅಪ್ಪಿ ಎಸ್. ಸಾಲ್ಯಾನ್ ಬೊಕ್ಕ ಸರ್ವಸದಸ್ಯೆರ್ ಅಂಚನೆ ಉಚ್ಚಿಲ ಶ್ರೀ ಮಹಾಲಕ್ಷ್ಮೀ ಕ್ಷೇತ್ರದ ತಂತ್ರಿಲು, ಅರ್ಚಕವೃಂದ ಬೊಕ್ಕ ಸಿಬ್ಬಂದಿ ವರ್ಗದಕುಲು ಲಎಪ್ಪೊಲೆಡ್ ತೆರಿಪಾದೆರ್.
