#Tuluver

ತುಳು ಬಾಸೆದ ಮಿತ್ತ್ ಕನ್ನಡದ ಸವಾರಿ ಮಲ್ಪುನೆಕ್ಕ್ ತುಳುವೆರ್ನ ಪೊರ್ಂಬಾಟ

Sep 29, 2022

ಕುಡ್ಲ: ತುಳುನಾಡ್ ಡ್ ತುಳು ಬಾಸೆನ್ ದೊಂಕುದು ತುಳು ಬಾಸೆದ ಮಿತ್ತ್ ಕನ್ನಡೊನು ಒತ್ತಾಯೊಡು ಪಾಡುನೆನ್ ಖಂಡಿಸಾದ್ ಗುರುವಾರ ಕಟ್ಟರ್ ತುಳುವೆರ್ ಕ್ಲಾಕ್ ಟವರ್ ದ ಕೈತಲ್ ಕಾಂಡೆ 9.30 ಗಂಟೆಗ್ ಪೊರ್ಂಬಾಟೊ (ಪ್ರತಿಭಟನೆ) ಮಲ್ತೆರ್.

ತುಳು ಭಾಷಾ ಸಂರಕ್ಷಣೆ ಸಮಿತಿ ಕುಡ್ಲ ಬೊಕ್ಕ ತುಳುನಾಡ್ ದ ಕಟ್ಟರ್ ತುಳು ಅಭಿಮಾನಿಲು ಅಟ್ಟಣೆ ಮಲ್ದಿನ ಈ ಪ್ರತಿಭಟನೆಡ್ ರೋಶನ್ ರೊನಾಲ್ಡ್ ಪಾತೆರ್ದ್, ತುಳು ಭಾಷೆದ ಮಿತ್ತ್ ಆವೊಂದಿಪ್ಪುನ ಅನ್ಯಾಯದ ವಿರುದ್ಧ ಪೊರ್ಂಬಾಟ ಮಲ್ತೊಂದು ಉಲ್ಲ. ಕುಡ್ಲದ ಜಿಲ್ಲಾಧಿಕಾರಿಲು ಬಸ್‌ಟ್ ಮಾತ ಕನ್ನಡ ಬೋರ್ಡ್‌ ಕಡ್ಡಾಯ ಮಲ್ಪೊಡು ಪನ್ಪಿನ ಒತ್ತಡ ಪಾಡೊಂದುಲ್ಲೆರ್. ನಮ ತುಳುನಾಡ್‌ಡ್ ಇತ್ತ್‌ದ್,ನಮ್ಮ ಅಪ್ಪೆ ಭಾಷೆನ್ ಒರಿಪಾಯರೆ ಬಂಗ ಬರೊಂದುಲ್ಲ. ತುಳು ಭಾಷೆನ್ ನಮ ಮಾತೆರ್‍ಲಾ ಸೇರ್ದ್ ಒರಿಪಾಗ ಪಂದ್ ಪಂಡೆರ್.

ಜೈ ತುಳುನಾಡ್‌ದ ಸುದರ್ಶನ್ ಸುರತ್ಕಲ್ ಪಾತೆರ್ದ್, ತುಳುನಾಡ್‌ಡ್ ದೈವ ದೇವೆರ್‌ಲ ನುಡಿ ಕೊರ್ಪಿನ ತುಳು ಭಾಷೆಡ್. ಕನ್ನಡ ಏಕೀಕರಣ ಪಂಡ ಕರ್ನಾಟಕ ರಾಜ್ಯ ಆನಗನೇ ತುಳು ಭಾಷೆಗ್ ಮಾನಾದಿಗೆ ಬೋಡು ಪನ್ಪಿನಂಚಿನ ಸ್ವರನ್ ಇನಿಮುಟ್ಟಗ್ಲ ತುಳುವೆರ್ ಕಾಲಿ ಸ್ವರನ್ ಎಲ್ಯ ಮಟ್ಟಡ್ ದೆತೊಂದುಲ್ಲೆರ್. ಶಾಂತಿಯುತವಾದಿತ್ತೆರ್. ಆಂಡ ತುಳುವೆರ್‍ನ ತಾಲ್ಮೆನ್ ಕಿನ್ಕುನ ಬೇಲೆನ್ ಕರ್ನಾಟಕ ಸರಕಾರ ಅಂಚನೆ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರ್ ಸುನೀಲ್ ಕುಮಾರ್ ಮಲ್ತೊಂದುಲ್ಲೆರ್ ಪಂದ್ ಆರ್ ಪಂಡೆರ್. ಈ ಪೊರ್ಂಬಾಟಡ್ ತುಳು ಅಭಿಮಾನಿಲು ಪಾಲ್ ಪಡೆದಿತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳುವೆರ್ ಕುಡ್ಲ (ರಿ) ಮುತಾಲಿಕೆಡ್ ನಟ ವೃಷಭ್ ಶೆಟ್ರೆಗ್ ತುಳುತ ಅಚ್ಚರದ ಪಲವೆ

Aug 27, 2022

ತುಳುವೆರ್ ಕುಡ್ಲ (ರಿ) ನೆತ್ತ ಮುತಾಲಿಕೆಡ್ ನಡಪುನ೦ಚಿನ ತುಳು ಲಿಪಿ ಅಚ್ಚರ ಗೊಂಚಿಲ್ ಅಭಿಯಾನದ ಅಂಗವಾದ್ ನಟ ವೃಷಭ್ ಶೆಟ್ರೆಗ್ ತುಳುತ ಪಲವೆನ್ (ಚಾರ್ಟ್) ತುಳುವೆರ್ ಕುಡ್ಲದ ಅಧ್ಯಕ್ಷೆರ್ ಆಯಿನ ಪ್ರತೀಕ್. ಯು. ಪೂಜಾರ್ಲು ಬೊಕ್ಕ ಕಾರ್ಯಕರ್ತೆರ್ ಕೊರಿಯೆರ್. ನಟೆ ವೃಷಭ್ ಶೆಟ್ರ್ ಈ ಅಭಿಯಾನದ ಬಗೆಟ್ಟ್ ಮೆಚ್ಚಿಗೆ ಪಡೆಯೆರ್.

Tuluvere Kudla ( R) hands over Tulu script to actor Vrusabh Shetty

“The Tulu Lipi Abyana” conducted under the lead by Tuluvere Kudla association has handed over a chart containing Tulu Script to actor Vrusabh Shetty.The star conveyed his appreciation at this drive by the organisation.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ತುಳುಕ್ಕು ಈ ಸರ್ತಿ ಆಂಡಲಾ ಮಾನಾದಿಗೆ ತಿಕ್ಕರೆ ಪ್ರಧಾನಿ ಮೋದಿಗ್ ಕುಡೊರ ಟ್ವೀಟ್ ತುಳುನಾಡ್ ಅಭಿಯಾನ

Aug 24, 2022

ಕೇಂದ್ರ ಬೊಕ್ಕ ರಾಜ್ಯೊಡು ಒಂಜೇ ಸರಕಾರ ಇತ್ತ್ ದ್ ಆ ಸರಕಾರೊಡು ತುಳುನಾಡ್ ದ ಜನೊಕುಲು ಎಡ್ಡೆ ತಾನೊಲೆಡ್ ಇತ್ತಿನೆರ್ದಾವರ ಈ ಸರ್ತಿ ಆಂಡಲಾ ತುಳು ಬಾಸೆಗ್ ತಿಕ್ಕೊಡಾಯಿನ ಮಾನಾದಿಗೆ ತಿಕ್ಕುಂದ್ ಎನ್ನೊಂದಿತ್ತಿನ ತುಳುವೆರೆ ಆಸೆ ಅಂಚನೇ ಒರಿದ್ಂಡ್. ಈ ಬಗೆಟ್ ತುಳುನಾಡ್ ದ ಪ್ರತಿನಿಧಿಲೆನ ಕಡೆರ್ದ್ ಒವ್ವೇ ಉಮೇದ್ ತೋಜಿದ್ ಬರೊಂದಿಜ್ಜಿ.

ಇಂಚಾದ್ ಸೆಪ್ಟೆಂಬರ್ 2 ತಾರೀಕ್ ಗ್ ಪ್ರಧಾನಿ ನರೇಂದ್ರ ಮೋದಿ ತುಳುನಾಡ್ ಗ್ ಬರ್ಪುನ ಪೊರ್ತುಡು ತುಲುವೆರ್ ಟ್ವೀಟ್ ಅಭಿಮಾನ ಮಲ್ತ್ ದ್ ಪ್ರಧಾನಿಲೆನ ಗೇನ ಒಯ್ಪುನ ಬಗ್ಗೆ ಅಲೋಚನೆ ಮಲ್ತೊಂದುಲ್ಲೆರ್.

ಮಾತಾ ತುಳು ಕೂಟೊಲೆನ ಒಟ್ಟು ಸೇರಿಗೆಡ್ ತುಳು ಬಾಸೆನ್ ೮ನೇ ಪರಿಚ್ಛೇದೊಗು ಗೋಡ್ಯಾವೊಡು ಅಂಚೆನೆ ಕರ್ನಾಟಕ ಬೊಕ್ಕ ಕೇರಳ ರಾಜ್ಯೊಲೆಡ್ ಲ ತುಳುನು ಅಧಿಕೃತ ಬಾಸೆ ಪಂದ್ ಮಾನಾದಿಗೆ ಕೊರೊಡು ಪನ್ಪಿ ಅಂಗಲಪ್ಪು ದೀವೊಂದು #TuluTo8thSchedule ಬೊಕ್ಕ #TuluOfficialInKA_KL ಪನ್ಪಿ ಹ್ಯಾಷ್ ಟ್ಯಾಗ್ ಗಲಸ್ ದ್ ಟ್ವೀಟ್ ಮನ್ಪುನ ಅಟ್ಟನೆ ಆವೊಂದುಂಡು.

Tulunadu again to tweet to the PM Modi with regard to granting status to Tulu language.

Though relentless efforts have been put; things are not moving forward.
The PM is in a visit to Tulunadu on September 2 nd .So plans are in the cards to begin a ‘Tweet Abyana’ to bring this issue to his notice.All Tulu associations will come together to urge to include Tulu language in the 8 th schedule and make it an official language of Karnataka and Kerala.
The tweet will be thus:

Tuluto8thschedule

TuluofficialInKA_KL

ರಾಜ್ಯಡ್ ಕುಡ ಬರ್ಸ: ತುಳುನಾಡ್ ಡ್ ನನ ರಡ್ಡ್ ದಿನ ಯಲ್ಲೊ ಅಲರ್ಟ್

Aug 23, 2022

ಬೆಂಗ್ಲೂರ್: ರಾಜ್ಯಡ್ ಕುಡ ಬರ್ಸದ ಅಬ್ಬರ ಜೋರಾವೊಂದುಂಡು. ತುಳುನಾಡ್, ಕೊಡಗು, ಮೈಸೂರ್, ಕೋಲಾರ ಹಾಸನ ಜಿಲ್ಲೆಲೆಡ್ ನನ ಮೂಜಿ ದಿನ ಭಾರೀ ಬರ್ಸ ಬರಿಯರೆ ಉಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದ್ಂಡ್. ತುಳುನಾಡ್ ಡ್ ಆಗೋಸ್ಟ್ ೨೫ ಮುಟ್ಟ ಯಲ್ಲೋ ಅಲರ್ಟ್ ಘೋಷಣೆ ಆತ್ಂಡ್.

Yellow alert in many districts; Heavy rains likely in the state

Bangalore: Heavy rains are forecast in the state.Tulunadu, Kodagu, Mysore ,Kolar and Hassan districts are likely to experience heavy rains predict the weather department.Yellow alert has been given in Tulunadu till the 25th of August.

ತುಳುನಾಡ್ ಡೇ ಭಾರತದ ಸುರುತ್ತ ಸ್ವಾತಂತ್ರ್ಯ ಪೊರ್ಂಬಾಟ !

Aug 22, 2022

ಆ.24 : “ರೀ ಕಾಲಿಂಗ್ ಅಮರ ಸುಳ್ಯ ” ಬೂಕು ಬುಡುಗಡೆ ಲೇಸ್

ಕುಡ್ಲ : ಭಾರತ ಸ್ವಾತಂತ್ರ್ಯದ ಪೊರ್ಂಬಾಟೊ ಸುರುಟ್ಟು ತುಳುನಾಡ್ ದ ಅಮರ ಸುಳ್ಯ ಮಾಗಣೆದ ಮುಡ್ನೂರುಡು ಸುರುವಾದ್ ಬೆಳ್ಳಾರೆಡ್ ಆಂದೋಲನದ ಕಿಡಿ ಪೊತ್ತುದಿತ್ತ್ಂಡ್.ಇಂಚ ನಾಲ್ ದಿಕ್ಕ್ ಡ್ ಲ ಪಸೆರಿನ ಚಳವಳಿಡ್ ತುಳುವೆರ್ ಒಟ್ಟಾಯಿನಿ ಎಂಚ ?

1837 ಏಪ್ರಿಲ್ 05 ತಾರೀಕ್ ಗ್ ಕುಡ್ಲದ ಬಾವುಟಗುಡ್ಡೆಡ್ ಯುರೋಪಿಯನ್ ಕಾಲೊನಿಗೆ ತೂ ಪಾಡ್ದ್ ಈಸ್ಟ್ ಇಂಡಿಯಾ ಕಂಪೆನಿದ ಬಾವುಟೊನು ಒಯ್ತ್ ದಕ್ ದ್ ಸುರೂತ್ತ ಸರ್ತಿ ತುಳುನಾಡ್ದ ಕೊಡಿನ್ ಏರಾಯಿನೆಕ್ಕ್ ವಾ ರೀತಿದ ಪರಿಣಾಮ ಅನುಭವಿಸೊಡಾದ್ ಬತ್ತ್ಂಡ್ ?
13 ದಿನ ಬ್ರಿಟಿಷೆರ್ನ ಕೈರ್ದ್ ಸ್ವತಂತ್ರವಾದ್ ತುಳುನಾಡ್ ನ್ ಆಡಳ್ತೆ ಮಲ್ತಿನ ಕತೆ ದಾದ?
ಬ್ರಿಟೀಷೆರ್ ಸ್ವಾತಂತ್ರ್ಯ ಪೊರ್ಂಬಾಟಗಾರೆರೆಗ್ ಕೊರ್ತಿನ ಶಿಕ್ಷೆ.., ಕಥೆ, ವ್ಯತೆತ್ತ ಸಮಗ್ರ ಚಿತ್ರಣ. ತುಳುನಾಡು ಸ್ವಾತಂತ್ರ್ಯ ಹೋರಾಟದ ಪಿರವುಡು ನಡತಿನ ಸಮಸ್ತ ಘಟನೆಲದ ಪೂರ್ಣ ಪೊಲಬು. ಬ್ರಿಟಿಷ್ ಸರ್ಕಾರದ ದಾಖಲೆ ಸಹಿತ ಬರಹದ ರೂಪೊಡು ಪುಸ್ತಕ ವಾದ್ ನಿಕ್ಲೆನ ದುಂಬು ಬರೊಂದುಂಡು “ರಿಕಾಲಿಂಗ್ ಅಮರ ಸುಳ್ಯ” ಪನ್ಪಿನ ಬೂಕು.

185 ವರ್ಷದ ಪಿರವುದ ತುಳುವೆರ್ನ ಸ್ವಾತಂತ್ರ್ಯ ಲಡಾಯಿದ ರೂಪುರೇಷೆದ ವಿವರ.ಮಾತಾ ತುಳುವೆರ್ ಇಲ್ಲ್ ಇಲ್ಲಡ್, ಮನಸ್ ಡ್ ದೀವೊಡಾಯಿನ ಭಾರತ ಸ್ವಾತಂತ್ರ್ಯದ ಪಿರವುದ ಮಲ್ಲ ಕತೆತ್ತ ಬೂಕು
ರಿಕಾಲಿಂಗ್ ಅಮರ ಸುಳ್ಯ.
(ಬಾಕ್ಸ್)

ಆ.24 ಬೂಕು ಬುಡುಗಡೆ

ರಿಕಾಲಿಂಗ್ ಸುಳ್ಯ ಬೂಕು ಬುಡುಗಡೆ ಲೇಸ್ ಆ.24 ಬುಧಾರ ಬಯ್ಯಡ್ 4 ಗಂಟೆಗ್ ಉರ್ವ ಸ್ಟೋರ್ಸ್ ದ ತುಳು ಭವನದ ಚಾವಡಿಡ್ ನಡಪರೆ ಉಂಡು. ರಾಮಕೃಷ್ಣ ಮಠತ್ತ ಶ್ರೀ ಏಕಗಮ್ಯಾನಂದ ಸ್ವಾಮೀಜಿ, ಮೇಯರ್ ಪ್ರೇಮಾನಂದ ಶೆಟ್ಟಿ , ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ದಯಾನಂದ ಕತ್ತಲ್ ಸಾರ್, ಶ್ರೀಕಾಂತ್ ಶೆಟ್ಟಿ ಕಾರ್ಲ, ಕ್ಯಾ.ಗಣೇಶ್ ಕಾರ್ಣಿಕ್, ಕರ್ನಲ್ ಶರತ್ ಭಂಡಾರಿ ನಿಟ್ಟೆಗುತ್ತು, ರಿಜಿಸ್ಟ್ರಾರ್ ಕವಿತಾ, ಸಂಪಾದಕೆರ್ ಅನಿಂದಿತ್ ಗೌಡ ಮೊಕುಲು ಮಾತ ಪಾಲ್ ಪಡೆವೆರ್ ಪಂದ್ ತುಳು ಅಕಾಡೆಮಿದ ಸದಸ್ಯೆ ಸಂಚಾಲಕೆರ್ ದಿನೇಶ್ ರೈ ಕಡಬ ತೆರಿಪಾದೆರ್.

“Recalling Amar Sulya” Book release function

The thrilling story of our country’s first fight for independence that took roots in our own Tulunadu.The story of Amar Sulya who in a bid to protect his kingdom ; who threw down the flag of the east India company and hoisted the flag of Tulunadu.It charts out the consequences of his actions and the thrilling story of how he ruled over for 13 days as an independent state !The story of 1837 with facts and figures from old British journals and recordings is compiled into a book that must be read by all tuluvas!!

Recalling Amar Sulya Book release will be held on Wednesday the 24th of August at Tulu Bavana. Sri Ekagamyananda swamiji of Ramakrishna mutt, Major Premananda Shetty, President of Tulu Sahitya Academy Dayanand Kattalsar and many other dignitaries are expected to participate in the program.

ಕಿನ್ನಿಗೋಳಿ : ಗುತ್ತಕಾಡ್ ದ ಶ್ರೀ ಮೂಕಾಂಬಿಕ ದೇವಲ್ಯಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯ

Aug 19, 2022

ಕಿನ್ನಿಗೋಳಿ : ಶ್ರೀ ಮೂಕಾಂಬಿಕ ದೇವಲ್ಯ ಗುತ್ತಕಾಡ್ ಶಾಂತಿನಗರ ಮೊಕಲೆನ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಲುನಾಡ್ (ರಿ.) ಮೊಕಲೆನ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯದ ಉದಿಪನ ಲೇಸ್ ಆಗೋಸ್ಟ್ ೨೧ ಐತಾರದಾನಿ ಬಯ್ಯ ೪ ಗಂಟೆಗ್ ಕಿನ್ನಿಗೋಳಿದ ಶ್ರೀ ಮೂಕಾಂಬಿಕಾ ದೇವಲ್ಯ ಗುತ್ತಕಾಡು ಶಾಂತಿನಗರ ನಡಪರೆ ಉಂಡು.

ಶ್ರೀ ಮೂಕಾಂಬಿಕಾ ದೇವಲ್ಯದ ಧರ್ಮದರ್ಶಿಲು ವಿವೇಕಾನಂದ ಮೇರ್ ಲೇಸ್ ದ ಗುರ್ಕರ್ಮೆ ವಹಿಸೊನರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಶ್ರೀ ದೇವಿ ಕಮ್ಯುನಿಕೇಷನ್ ಕಿನ್ನಿಗೋಳಿದ ಪ್ರವೀಣ್ ಕುಮಾರ್, ಶ್ರೀ ಮೂಕಾಂಬಿಕಾ ಸೇವಾ ಸಮಿತಿದ ಗುರ್ಕಾಲು ಚಂದ್ರಶೇಖರ, ಮುಲ್ಕಿ ತಾಲೂಕು ಪತ್ರಕರ್ತರ ಸಂಘದ ಗುರ್ಕಾರೆ ಅಂಚನೆ ದ.ಕ. ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಕಾರ್ಯಕಾರಿ ಸಮಿತಿದ ಪದುಕೆರ್ ಆಯಿನ ನಿಶಾಂತ್ ಶೆಟ್ಟಿ ಕಿಲೆಂಜೂರು, ದೈವ ನರ್ತಕೆರ್ ಬೊಕ್ಕ ಸಿವಿಲ್ ಇಂಜಿನಿಯರ್ ಡಾ. ರವೀಶ್ ಪರವ ಪಡುಮಲೆ, ಮೂಕಾಂಬಿಕಾ ಪೊಂಜೊವ್ ಲೆನ ಮಂಡಲಿದ ಗುರ್ಕಾಲು ಚಿತ್ರಾ ಶೆಟ್ಟಿ ತಾಳಿಪಾಡಿ ಗುತ್ತು, ಜೈ ತುಲುನಾಡ್ (ರಿ.) ದ ಪ್ರಧಾನ ಕಾರ್ಯಂತೆರ್ ಅವಿನಾಶ್ ಮುಕ್ಕ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್. ಕಿರಣ್ ತುಲುವೆ ಅಂಚನೆ ದೀಕ್ಷಿತ ಮಧ್ಯ ತುಲು ಲಿಪಿನ್ ಕಲ್ಪಾಯರೆ ಉಲ್ಲೆರ್. ಗೀತಾ ಲಕ್ಷ್ಮೀಶ್ ಕುಡ್ಲ ಲೇಸ್ ಸುದಾರಿಕೆ ಮಲ್ಪರೆ ಉಲ್ಲೆರ್.

ಸಿದ್ದರಾಮಯೆರ್ನ ಕಾರ್ ಗ್ ತೆತ್ತಿ ದಕ್ಕಿನ ಕೇಸ್; 9 ಜನ ಆರೋಪಿಲು ಅರೆಸ್ಟ್

Aug 19, 2022

ಬೆಂಗ್ಲೂರ್: ಮಾಜಿ ಸಿಎಂ ಸಿದ್ದರಾಮಯ್ಯ ಮೆರೆನ ಕಾರ್ ಗ್ ತೆತ್ತಿ ದಕ್ಕಿನ ಕೇಸ್ ಗ್ ಸಂಬಂಧಿಸಾದ್ ಕುಶಾಲನಗರ ಪೊಲೀಸೆರ್ ೯ ಜನ ಆರೋಪಿಲೆನ್ ಅರೆಸ್ಟ್ ಮಲ್ತ್ ದೆರ್.

ಬರ್ಸಡ್ ಆಯಿನ ನಷ್ಟ ಪರಿಶೀಲನೆ ಮಲ್ಪರೆ ಸಿದ್ದರಾಮಯ್ಯ ಮೇರ್ ಕೊಡಗು ಜಿಲ್ಲೆದ ಕುಶಾಲನಗರ ತಾಲೂಕ್ ದ ಗುಡ್ಡೆಹೊಸೂರ್ ಗ್ ಭೇಟಿ ಮಲ್ತಿನ ಪೊರ್ತುಡು ಮೆರೆನ ಕಾರ್ ಗ್ ಕೆಲವೆರ್ ತೆತ್ತಿ ದಕ್ಕ್ ದೆರ್. ಮಸ್ತ್ ಕಡೆಟ್ ಬಿಜೆಪಿ ಕಾರ್ಯಕರ್ತೆರ್ ಗುಂಪು ಸೇರ್‍ದ್ ಕಪ್ಪು ಬಾವುಟ ಪತೂಂದ್ ಪ್ರತಿಭಟನೆ ಮಲ್ತ್ ದೆರ್. ಈ ಬಗೆಟ್ ಪ್ರಕರಣ ದಾಖಲಾದಿತ್ತ್ ದ್ ಕುಶಾಲನಗರ ಪೊಲೀಸೆರ್ ೯ ಜನ ಬಿಜೆಪಿ ಕಾರ್ಯಕರ್ತೆರೆನ್ ಅರೆಸ್ಟ್ ಮಲ್ತ್ ದೆರ್.

ಸುರತ್ಕಲ್ ಬಂಟರ ಸಂಘದ ಮಹಿಳಾ ವೇದಿಕೆರ್ದ್ ಶ್ರೀ ವರಮಹಾಲಕ್ಷ್ಮೀ ಪೂಜೆ

Aug 17, 2022

ಸುರತ್ಕಲ್: ಬಂಟರ ಸಂಘ ಸುರತ್ಕಲ್ ನೆತ್ತ ಮಹಿಳಾ ವೇದಿಕೆ ಆಶ್ರಯೊಡು ಸಾರ್ವಜನಿಕ ಶ್ರೀ ವರಮಹಾಲಕ್ಷ್ಮೀ ವೃತಾಚರಣೆ ಪೂಜೆ ಬಂಟರ ಭವನಡ್ ಇಂಚೊಗು ನಡತ್ಂಡ್.

ಬಯ್ಯ ನಾಲ್ ಗಂಟೆಗೆ ಭಜನಾ ಸಂಕೀರ್ತನೆದ ಬೊಕ್ಕ ಮಹಾಪೂಜೆ ಆದ್ ಅನ್ನಪ್ರಸಾದ ವಿತರಣೆ ನಡತ್ಂಡ್.

ಮಹಿಳಾ ವೇದಿಕೆದ ಗುರ್ಕಾರ್ದಿ ಚಿತ್ರಾ ಜೆ. ಶೆಟ್ಟಿ, ಒತ್ತು ಗುರ್ಕಾರ್ದಿ ಭವ್ಯಾ ಎ. ಶೆಟ್ಟಿ, ಪ್ರಧಾನ ಕಾರ್ಯಂತೆರ್ ಸರೋಜ ಟಿ. ಶೆಟ್ಟಿ, ಪಣವುದ ಪಾಲವೆರ್ ಶೈಲಾ ಎಸ್. ಶೆಟ್ಟಿ, ಒತ್ತು ಕಾರ್ಯಂತೆರ್ ರಾಜೇಶ್ವರಿ ಡಿ. ಶೆಟ್ಟಿ, ಸಂಘಟನೆದ ಕಾರ್ಯಂತೆರ್ ಭಾರತಿ ಜಿ. ಶೆಟ್ಟಿ, ಸಾಂಸ್ಕೃತಿಕ ಕಾರ್ಯಂತೆರ್ ಕೇಸರಿ ಎಸ್. ಪೂಂಜಾ, ಕ್ರೀಡಾ ಕಾರ್ಯಂತೆರ್ ಅಕ್ಷತಾ ಜಿ. ಶೆಟ್ಟಿ, ಮಾಜಿ ಗುರ್ಕಾರ್ದಿ ಅಂಜನಾ ಶೆಟ್ಟಿ, ಚಂದ್ರಕಲಾ ಶೆಟ್ಟಿ, ಬೇಬಿ ಶೆಟ್ಟಿ, ಮಾಜೀ ಒತ್ತು ಗುರ್ಕಾರ್ದಿ ಸುಜಾತ ಶೆಟ್ಟಿ ಹೊಸಬೆಟ್ಟು, ಸುರತ್ಕಲ್ ಬಂಟರ ಸಂಘದ ಗುರ್ಕಾರೆ ಸುಧಾಕರ ಎಸ್. ಪೂಂಜ, ಮಾಜಿ ಗುರ್ಕಾರೆ ಉಲ್ಲಾಸ್ ಆರ್ ಶೆಟ್ಟಿ ಪೆರ್ಮುದೆ, ಒತ್ತು ಗುರ್ಕಾರೆ ಲೋಕಯ್ಯ ಶೆಟ್ಟಿ, ಪ್ರಧಾನ ಕಾರ್ಯಂತೆರ್ ಪ್ರವೀಣ್ ಶೆಟ್ಟಿ, ಪಣವುದ ಪಾಲವೆರ್ ರತ್ನಾಕರ ಶೆಟ್ಟಿ ಅಂಚೆನೆ ಪದಾಧಿಕಾರಿಲು, ನಿರ್ದೇಶಕೆರ್, ಮಹಿಳಾ ಸದಸ್ಯೆರ್ ಪೂಜೆಡ್ ಪಾಲ್ ಪಡೆದಿತ್ತೆರ್.

Varamahalakshmi pooja celebrations at the women’s wing of Bantara Sangha Suratkal

Surathkal: A public Varamahalakshmi pooja was conducted with the associated rituals at Bantara Bavana by the women’s wing of Suratkal Bantara Sangha.

The program included bajans, Pooja rituals and Annaprasada.

The president of the women’s wing Chitra J Shetty, Vice President Bavya A Shetty, secretary Saroja T Shetty and all other office bearers and members participated.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ರಾಜ್ಯ ಸಭಾ ಸದಸ್ಯೆರ್ ಡಾ. ಡಿ. ವೀರೇಂದ್ರ ಹೆಗ್ಗಡೆರ್‍ನ ಪೊಸ ಕಾರ್ಯಾಲಯ ಉದಿಪನ

Aug 12, 2022

ಧರ್ಮಸ್ಥಳ: ಶ್ರೀ ಕ್ಷೇತ್ರ ಧರ್ಮಸ್ಥಳ ಮಂಜುನಾಥ ಸ್ವಾಮಿ ದೇವಲ್ಯದ ಧರ್ಮಾಧಿಕಾರಿಲು ಆಯಿನ ಅಂಚನೆ ರಾಜ್ಯ ಸಭೆತ್ತ ಸಂಸದೆರ್ ಆದ್ ಆಯ್ಕೆಯಾಯಿನ ಡಾ.ಡಿ ವೀರೇಂದ್ರ ಹೆಗ್ಗಡೆರ್‍ನ ಪೊಸ “ಸಂಸದೆರ್‍ನ ಕಾರ್ಯಾಲಯ” ಧರ್ಮಸ್ಥಳದ ಮಂಜೂಷ ವಸ್ತು ಸಂಗ್ರಹಾಲಯಡ್ ಉದಿಪನ ಆಂಡ್.

ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ ಮೇರ್ ಕಾರ್ಯಾಲಯನ್ ಉದಿಪನ ಮಲ್ತೆರ್. ಅಯಿಬೊಕ್ಕ ಪಾತೆರ್‍ದಿನ ಆರ್, ವೀರೇಂದ್ರ ಹೆಗ್ಗಡೆರ್‍ನ ಕಾರ್ಯಾಲಯ ಧರ್ಮಸ್ಥಳಡ್ ಉದಿಪನ ಆಯಿನವು ಒಂಜಿ ಸೌಭಾಗ್ಯ ಪಂದ್ ಪನೋಲಿ. ಹೆಗ್ಗಡೆರ್‍ನ ಗ್ರಾಮೀಣ ಅಭಿವೃದ್ದಿದ ಯೋಚನೆ ಸಮಾಜದ ಜನಕ್ಲೆಗ್ ನನಾತ್ ಶಕ್ತಿ ಕೊರಡ್ ಪಂದ್ ಎಡ್ಡೆಪ್ಪುನು ಬಯಕಿಯೆರ್.

A new office for Member of the Parliament Dr D Veerendra Heggade inaugurated

Dharmasthala: Dr Veerendra Heggade the Dharmadikari of Dharmasthala and recently nominated to the Rajyasabha had an office inaugurated at Manjusha building at Dharmasthala for his Parliamentary related work.

The office was inaugurated by Bheltangady MLA Harish Poonja who conveyed his appreciation ; and said that the new office would help people who could come over to public related affairs.

ಆ.7 : ಬಂಟರ ಯಾನೆ ನಾಡವರ ಮಾತೃ ಸಂಘದ 101ನೇ ವಾರ್ಷಿಕ ಸರ್ವ ಸದಸ್ಯೆರ್ನ ಸಭೆ

Aug 6, 2022

ಕುಡ್ಲದ ಬಂಟರ ಯಾನೆ ನಾಡವರ ಮಾತೃ ಸಂಘ (ರಿ.) ಬಂಟ್ಸ್ ಹಾಸ್ಟೆಲ್ ಡ್ ಸಂಘದ 101ನೇ ವಾರ್ಷಿಕ ಸರ್ವ ಸದಸ್ಯೆರ್ನ ಸಭೆ ಆಗೋಸ್ಟ್ 7 ತಾರೀಕ್ ಗ್ ಐತಾರ ಕಾಂಡೆ 10.30 ಗ್ ಕುಡ್ಲದ ಬಂಟ್ಸ್ ಹಾಸ್ಟೆಲ್ ವಠಾರಡ್ ನಡಪರೆ ಉಂಡು.

ಸರ್ವ ಸದಸ್ಯೆರ್ನ ಸಭೆತ್ತ ಅಧ್ಯಕ್ಷತೆನ್ ಬಂಟರ ಯಾನೆ ನಾಡವರ ಮಾತೃ ಸಂಘ (ರಿ.) ಉಂದೆತ್ತ ಅಧ್ಯಕ್ಷೆರ್ ಆಯಿನ ಮಾಲಾಡಿ ಅಜಿತ್ ಕುಮಾರ್ ರೈ ಮೇರ್ ವಹಿಸೊನರೆ ಉಲ್ಲೆರ್. ಸಂಘದ ಮಾತ ಸದಸ್ಯೆರ್ ಸಕ್ರಿಯವಾದ್ ಪಾಲ್ ಪಡೆದ್ ಸಭೆನ್ ಎಡ್ಡೆ ಮಲ್ತ್ ಕೊರೊಡು ಪಂದ್ ಲೆಪ್ಪೊಲೆಡ್ ಸಂಘದ ಸದಸ್ಯೆರ್ ಬಿನ್ನಾಪು ಮಲ್ತ್ ದೆರ್.

Mangalore: The 101st Annual
General Body meeting of Bunts alias Nadavara Matru Sangha (r) Bunts Hostel:

The 101st Annual General Body meeting of Bunts alias Nadavara Matru Sangha ( r) ; Bunts Hostel, will be held on August 7th , Sunday at 10.30 morning at the Bunts Hostel premises.

The meeting will be presided by Maladi Ajith Kumar Rai president of Bunts alias Nadavara Sangha.All members are requested to participate and take part in the proceedings.