tulunewspaper

ತೂ ದುರಂತ : ತೀರ್ ಪೋಯಿನ ಕುಟುಂಬಗ್ ರೂ.10 ಲಕ್ಷ ಪರಿಹಾರ ಘೋಷಣೆ – ಸಿಎಂ ಕೇಜ್ರಿವಾಲ್

May 17, 2022

ತೂ ದುರಂತ : ತೀರ್ ಪೋಯಿನ ಕುಟುಂಬಗ್ ರೂ.10 ಲಕ್ಷ ಪರಿಹಾರ ಘೋಷಣೆ – ಸಿಎಂ ಕೇಜ್ರಿವಾಲ್

ನವದೆಹಲಿ : 27 ಜನತ ಸಜೀವ ದಹನಗ್ ಕಾರಣವಾಯಿನ ಪಶ್ಚಿಮ ದೆಹಲಿದ ಮುಂಡಾ ಮೆಟ್ರೋ ನಿಲ್ದಾಣದ ಕೈತಲ್ ತೂ ದುರಂತ ನಡತಿನ ಜಾಗೆಗ್ ದೆಹಲಿ ಮುಖ್ಯಮಂತ್ರಿ ಅರವಿಂದ್ ಕೇಜಿವಾಲ್ ಭೇಟಿ ಕೊರ್ದು ಪ್ರಕರಣನ್ ತನಿಖೆಗ್ ಆದೇಶಿಸಾದ್ ತೀರ್ ಪೋಯಿನ ಕುಟುಂಬಗ್ ತಲಾ ರೂ.10 ಲಕ್ಷ ಪರಿಹಾರ ಘೋಷಣೆ ಮಲ್ದೆರ್ . ನಾಲ್ ಮಾಲಿಗೆದ ಇಲ್ಲ್ ತೂಗು ಆಹುತಿಯಾದ್ ಕನಿಷ್ಠ 27 ಜನಕುಲು ತೀರ್ ಪೋಯೆರ್ . ಘಟನೆದ ಬಗ್ಗೆ ಮ್ಯಾಜಿಸ್ಟ್ರೇಟ್ ತನಿಖೆಗ್ ದೆಹಲಿ ಸರ್ಕಾರ ಆದೇಶ ಕೊರ್ತುಂಡು ಬೊಕ್ಕ ತೀರ್ ಪೋಯಿನ ಕುಟುಂಬಗ್ 10 ಲಕ್ಷ ರೂಪಾಯಿ ಪರಿಹಾರ ಕೊರ್ಪ ಪಂದ್ ಕ್ರೇಜಿ ವಾಲ್ ಪಂಡೆರ್ . ಗಾಯ ಆಯಿನ 12 ಜನಕ್ ರೂ. 50,000 ಪರಿಹಾರ ಕೊರ್ತೆರ್.

ಒಡಿಪು : ಉದ್ಯಾವರ ಕೈತಲ್ ಬಸ್ ಪಲ್ಟಿ, ಮಸ್ತ್ ಜನ ಜಖಂ

May 12, 2022

ಒಡಿಪು :ಕುಡ್ಲರ್ದ್ ಒಡಿಪುಗು ಪೋವೊಂದು ಇತ್ತಿನ ಖಾಸಗಿ ಬಸ್ಸೊಂಜಿ ಒಡಿಪು -ಉದ್ಯಾವರ ಜಂಕ್ಷನ್ ಕೈತಲ್ ಪಲ್ಟಿಯಾದ್ ಪ್ರಯಾಣಿಕೆರ್ ಜಖಂ ಆಯಿನ ಘಟನೆ ಇನಿ (ಮೇ.೧೨) ಮಧ್ಯಾಹ್ನ ‌ನಡತುಂಡು .

ಬಸ್ ಪೋವೊಂದು ಇತ್ತಿನ ಪೊರ್ತುಡು ಓವರ್ ಟೇಕ್‌ ಮಲ್ಪುನ ಪೊರ್ತುಡು ಡ್ರೈವರ್ ನ ನಿಯಂತ್ರಣ ತತ್ತ್ ದ್ ಮಾರ್ಗದ ಬರಿತ ಕಂಬಗ್ಢಿ ಕ್ಕಿ ಆಕುದುಂಡು , ಐರ್ದ್ ಬೊಕ್ಕ ಡಿವೈಡರ್ ಗ್ ಲಾಗಿದ್ ಪಲ್ಟಿಯಾತುಂಡು ಪಂದ್ ತೆರಿದ್ ಬೈದುಂಡು . ಬಸ್ ಟ್ ಜನಕುಲು ಇತ್ತೆರ್ ಡಲ ಅದೃಷ್ಟವಶಾತ್ ಒವ್ವೆ ಪ್ರಾಣಾಪಾಯ ಇಜ್ಜಂದೆ ಬಚಾವ್ ಆತೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶ್ರೀ ಗುರುಪರಾಶಕ್ತಿ ಮಠೋಕು ಭೇಟಿ ಕೊರಿನ ಡಾ. ಕಲ್ಲಡ್ಕ ಪ್ರಭಾಕರ ಭಟ್ ದಂಪತಿಲು

Jan 28, 2022

ಮರಕಡ : ಶ್ರೀ ಕ್ಷೇತ್ರ ಮರಕಡಡ್ ಪೂಜ್ಯ ಶ್ರೀ ಶ್ರೀ ನರೇಂದ್ರನಾಥ ಯೋಗೇಶ್ವರೇಶ್ವರ ಸ್ವಾಮಿಲೆನ ದಿವ್ಯ ಸಂಕಲ್ಪದಲಕ ನಿರ್ಮಾಣ ಆದ್ ಪ್ರತಿಷ್ಠಾಪನೆಗ್ ತಯಾರ್ ಆಯಿನ ಶ್ರೀ ಗುರುಪರಾಶಕ್ತಿ ಮಠ ಬೊಕ್ಕ ದೇವಲ್ಯೊಗೂ ರಾಷ್ಟೀಯ ಸ್ವಯಂ ಸೇವಕ ಸಂಘದ ಪ್ರಮುಖೆರಾಯಿನ ಡಾ. ಕಲ್ಲಡ್ಕ ಪ್ರಭಾಕರ ಭಟ್ ಬೊಕ್ಕ ಡಾ. ಕಮಲಾ ಪ್ರಭಾಕರ ಭಟ್ ದಂಪತಿಲು ಇಂಚೋಗು ಭೇಟಿ ಕೊರಿಯೆರ್ .

ಶಾಲೆದ ಟೀಚರ್‌ನಕ್ಲೆಗ್ಲ ಸ್ಕೂಲ್ ಬಸ್!

Jan 26, 2022

ಕುಡ್ಲ: ಶಾಲೆದ ಜೋಕುಲೆಗ್ ಪೋವರೆ, ಬರ್ರೆ ಸ್ಕೂಲ್ ಬಸ್ ಇತ್ತಿನವು ಮಾತೆರೆಗ್ಲ ಗೊತ್ತಿತ್ತಿನ ವಿಚಾರ. ಆಂಡ ಮಾಸ್ಟರ್‌ನಕುಲು, ಟೀಚರ್‌ನಕ್ಲೆಗ್ಲ ಶಾಲೆಗ್ ಪೋವರೆ, ಬರ್ರೆ ಸ್ಕೂಲ್ ಬಸ್ ಮಲ್ದಿನ ವಿಚಾರ ನಿಕ್ಲೆಗ್ ಗೊತ್ತುಂಡೇ?

ಅಂದ್, ಕೊರೊನಾ, ಲಾಕ್‌ಡೌನ್, ಥರ್ಡ್ ವೇವ್ ಇಂಚಿನ ಮಾತಾ ಪೊಸ ಪೊಸ ಸಂಗತಿಲು ಇಡೀ ಜಗತ್ತ್‌ನೇ ಬದಲಾವಣೆ ಮಲ್ತ್‌ದ್ಂಡ್. “ಪರಿವರ್ತನೆ ಜಗದ ನಿಯಮ’ ಪನ್ಪಿನ ಪಾತೆರದಲೆಕ್ಕನೆ ಬದಲಾತಿನ ಜಗತ್ತ್‌ಡ್ ಜನೊಕ್ಕುಲು ಬದ್‌ಕರೆ ಕಲ್ದೆರ್. ಇಂಚ ಬಾರಿ ಸಮಯೊರ್ದು ಬೊಕ್ಕ ಶಾಲೆ, ಕಾಲೇಜಿ ಸುರುವಾತ್ಂಡ್. ಆಂಡ ಅರ್ಧಂಬರ್ದ ಕ್ಲಾಸ್, ಅರ್ಧ ಸಂಬಳ ಇಂಚಿನ ಮಾತಾ ಸಮಸ್ಯೆಲು ಶಾಲೆದ ಟೀಚರ್, ಮಾಸ್ಟರ್‌ನಕ್ಲೆನ್‌ಲ ಬುಡ್ತುಜಿ.
ಕಡಿಮೆ ಸಂಬಳೊಡು ಎಂಚಾಂಡಲ ಜೀವನ ಮಲ್ಪೊಡು ಪನ್ಪಿನ ಉದ್ದೇಸ ದೀದ್ ಮಾತೆರ್‍ಲ ಕರ್ಚಿ ಕಮ್ಮಿ ಮಲ್ಪರೆ ತೂಯೆರ್. ಒಂತೆ ಆಂಡಲ ಕಾಸ್ ಒರಿಪಾವರೆ ತೂವೊಂದುಲ್ಲೆರ್. ಮಾತೆರ್‍ಲ ಸರಳ ಜೀವನೊಗು ಒಗ್ಗ್‌ದ್ ಪೋತೆರ್.
ಶಾಲೆದ ಜೋಕುಲೆಗ್ ಬಸ್, ವ್ಯಾನ್‌ದ ವ್ಯವಸ್ಥೆ ಉಂಡು. ಆಂಡ ಟೀಚರ್‌ನಕುಲು ಅಕ್ಲೆಕ್ಲನ ಗಾಡಿಡ್ ಬರೊಡು. ಅಂಚಿಡ್ ಪೆಟ್ರೋಲ್, ಡೀಸೆಲ್‌ದ ಬಿಲೆ ಜಾಸ್ತಿ. ಕಾಸ್ ಒರಿಯೊಂದಿತ್ತಿಜಿ. ಆ ಪೊರ್ತುಡು ಸುರತ್ಕಲ್ ಎಂಆರ್‌ಪಿಎಲ್‌ದ ಡೆಲ್ಲಿ ಪಬ್ಲಿಕ್ ಸ್ಕೂಲ್‌ದ ಶಿಕ್ಷಕೆರ್ ಒಂಜಿ ಉಪಾಯ ಮಲ್ತೆರ್. ಅವು ದಾದ ಪಂಡ ಶಾಲೆದ ಟೀಚರ್‌ನಕ್ಲೆಗ್ಲ ಸ್ಕೂಲ್ ಬಸ್ ಪನ್ಪಿನ ಕಾಸೆಪ್ಟ್!
ಒಂಜಿ ವ್ಯಾನ್ ಬುಕ್ ಮಲ್ತ್‌ದ್ ಮಾತೆರ್‍ಲ ಒಂಜೇ ಗಾಡಿಡ್ ಪೋದು ಬರ್ಪಿನ ವ್ಯವಸ್ಥೆ ಮಲ್ತೊಂಡೆರ್. ಸುಮಾ ಬೊಕ್ಕ ಶಾಮಲ ಟೀಚರ್‌ನಕುಲು ಈ ಐಡಿಯೊನು ಬೇತೆ ಟೀಚರ್‌ನಕ್ಲೆನ ಒಟ್ಟುಸೇರಿಗೆಡ್ ಅನುಷ್ಠಾನೊಗು ಕನದೆರ್. ೧೫ ಜನ ಶಿಕ್ಷಕೆರ್ ಒಟ್ಟುಗಾದ್ ಒಂಜಿ ಮಿನಿ ಬಸ್‌ದ ವ್ಯವಸ್ಥೆ ಮಲ್ತೊಂಡೆರ್. ಇತ್ತೆ ಆ ಬಸ್‌ಡೇ ಶಾಲೆಗ್ ಪೋದು ಬರೊಂದುಲ್ಲೆರ್.
ಡ್ರೈವರ್ ಪೊರ್ತುಗು ಸರಿಯಾದ್ ಶಿಕ್ಷ್ಷಕೆರ್‍ನ ಇಲ್ಲ ಬಾಕಿಲ್‌ಗ್ ಬತ್ತ್‌ದ್ ಅಕ್ಲೆನ್ ಶಾಲೆಗ್ ಲೆತೊಂದು ಪೋದು ಬಯ್ಯಗ್ ಅಂಚೆನೆ ಇಲ್ಲ ಬಾಕಿಲ್Uನ್ಪಿರ ಕನತ್ ಬುಡ್ಪೆರ್. ಉಂದೆಟ್ಟ್ ಪೊರ್ತುಲ ಹಾಳಾಪುಜಿ. ದುಡ್ಡುಲ ಎಚ್ಚ ಕರ್ಚಾಪುಜಿ ಪನ್ಪೆರ್ ಈ ಬಸ್‌ಟ್ ದಿನೊಲ ಪೋಪಿನ ಟೀಚರ್‌ನಕುಲು. ಅಕ್ಲೆನ ಈ ಯೋಜನೆ ಯಶಸ್ವಿ ಆವಡ್. ಕಷ್ಟದ ಕಾಲೊಡು ಮಲ್ದಿನ ಈ ವ್ಯವಸ್ಥೆ ಬೇತೆಕಲೆಗ್ಲ ಮಾದರಿ ಆವಡ್ ಪನ್ಪಿನ ಆಶಯ ನಮ್ಮವು.

2012ನೇ ಇಸ್ವಿದ ಗಣರಾಜ್ಯೋತ್ಸವ ಪೆರೇಡ್‌ಡ್ ತೋಜಿದ್ಂಡ್ ‘ತುಳುನಾಡ ದೈವಾರಾಧನೆ’ ಗೌಜಿ

Jan 26, 2022

ಕುಡ್ಲ: ದಿಲ್ಲಿಡ್ ನಡಪುನ 2022ನೇ ವರ್ಷದ ಗಣರಾಜ್ಯೋತ್ಸವ ಪೆರೇಡ್‌ಡ್ ಪಾಲ್ ಪಡೆವುನ ಟ್ಯಾಬ್ಲೊದ ವಿಚಾರೊಡು ಬಾರಿ ಚರ್ಚೆ ಆವೊಂದುಂಡು. ಕೇರಳ ಸರಕಾರದ ಬ್ರಹ್ಮಶ್ರೀ ನಾರಾಯಣ ಗುರುಕ್ಕುಲೆನ ಅಂಚೆನೆ ಜಟಾಯು ಪಾರ ಪನ್ಪಿನ ಸ್ತಬ್ಧಚಿತ್ರೊನು ಕೇಂದ್ರ ಸರಕಾರ ತಿರಸ್ಕಾರ ಮಲ್ದಿನ ವಿಚಾರೊಡು ವಿರೋಧ ಬೊಕ್ಕ ಸಮರ್ಥನೆದ ನಡುಟ್ಟೆ ಚರ್ಚೆ ನಡತೊಂದುಂಡು. ಕೇರಳ ಮಾತ್ರ ಅತ್ತಾಂದೆ ತುಳುವ ಮಣ್ಣ್‌ಡ್‌ಲ ಸಮಾಜ ಸುಧಾರಣೆ ಮಲ್ದಿನ ನಾರಾಯಣ ಗುರುಕ್ಕುಲೆಗ್ ಅವಮಾನ ಆತಿನ ವಿಚಾರೊಡು ಅವ್ವೇತೊ ಸಂಘಟನೆದಕುಲು ಖಂಡಿಸಾದ್, ತಪ್ಪುನು ಸರಿ ಮಲ್ಪರೆ ಒತ್ತಾಯ ಮಲ್ತೊಂದುಲ್ಲೆರ್.ಆಂಡ ಅವೆನ್ ಸರಿ ಮಲ್ಪುನ ವಿಚಾರ ಕೇಂದ್ರ ಸರಕಾರೊಗು ಬುಡ್ತಿನವು. ಇಂಚಿನ ಪೊರ್ತುಡು ೨೦೧೨ನೇ ಇಸ್ವಿದ ಗಣರಾಜ್ಯೋತ್ಸವ ಪೆರೇಡ್‌ಡ್ ತುಳುನಾಡ್‌ದ ದೈವಾರಾಧನೆದ ಟ್ಯಾಬ್ಲೋಗು ಬಾರಿ ಗೌರವ ತಿಕ್‌ದ್ಂಡ್ ಪನ್ಪಿನ ವಿಚಾರದ ವೀಡಿಯೊ ಬಾರಿ ವೈರಲ್ ಆವೊಂದುಂಡು.
೨೦೧೨ನೇ ಇಸ್ವಿದ ಗಣರಾಜ್ಯೋತ್ಸವದ ಪರೇಡ್‌ಡ್ ಗೋವಾ ರಾಜ್ಯದ ಟ್ಯಾಬ್ಲೊರ್ದು ಬೊಕ್ಕ ಬತ್ತಿನ ಟ್ಯಾಬ್ಲೊ ಕರ್ನಾಟಕದ. ತುಳುನಾಡ ದೈವಾರಾಧನೆ ಪನ್ಪಿನ ಕಾನ್ಸೆಪ್ಟ್‌ನ್ ಅಪಗದ ಕರ್ನಾಟಕ ಸರ್ಕಾರ ಮಲ್ದಿತ್ತ್ಂಡ್. ತುಳುನಾಡ್‌ದ ದೈವಸ್ಥಾನ ಪ್ರತಿಕೃತಿದ ಎದುರುಡು ತಾಸೆ, ವಾದ್ಯ ಬ್ಯಾಂಡ್‌ದ ಹಿನ್ನೆಲೆ ಸೊರೊಟ್ಟು ಮಂತ್ರದೇವತೆನ ನಲಿಕೆದೊಟ್ಟುಗು ಮಾತಾ ದೈವೊಲೆನ ಪ್ರತಿನಿಧಿನಕುಲು ಸಿರಿ ಸಿಂಗಾರಾದ್, ಗಗ್ಗರ ಕಟ್ಟೊಂದು, ಅಣಿ ಕಟ್ಟ್‌ದ್, ಮುಗ ಏರ್‍ದ್ ದಿಲ್ಲಿದ ರಾಜಮಾರ್ಗೊಡು ನಡತೊಂದು ಪೋಪಿನ ಆ ತುಳುನಾಡ ದೈವಾರಾಧನೆದ ವೈಭವ ಬಾರಿ ಮೆಚ್ಚಿಗೆನ್ ಪಡೆದಿತ್ತ್ಂಡ್.

ಆ ಪೊರ್ತುಡು ಕೇಂದ್ರಡ್ ಕಾಂಗ್ರೆಸ್ ಸರಕಾರ ಇತ್ತ್ಂಡ್. ಪ್ರಧಾನಿಯಾದ್ ಮನಮೋಹನ್ ಸಿಂಗ್ ಇತ್ತೆರ್. ಎದುರುಪಕ್ಷದ ನಾಯಕೆರ್ ಲಾಲ್ ಕೃಷ್ಣ ಆಡ್ವಾಣಿ, ಕಾಂಗ್ರೆಸ್‌ದ ಮುಖಂಡೆರ್ ವೀರಪ್ಪ ಮೊಯಿಲಿ, ಎಸ್.ಎಂ.ಕೃಷ್ಣ ಇಂಚಿನ ಮಾತಾ ನಾಯಕೆರ್‍ನ ಎದುರುಡು ಕರ್ನಾಟಕ ರಾಜ್ಯ ಸರಕಾರದ “ತುಳುನಾಡಿನ ದೈವಾರಾಧನೆ’ ಪನ್ಪಿನ ಪರಿಕಲ್ಪನೆದ ಟ್ಯಾಬ್ಲೊ ಮೆರವಣಿಗೆ ಪೋವೊಂದಿತ್ತ್ಂಡ್. ಆ ಪೊರ್ತುಡು ಥೈಲ್ಯಾಂಡ್ ದೇಶದ ಪ್ರಧಾನಿ ಯಂಗ್‌ಲಾಕ್ ಶೀನವ್ರತ ಮಲ್ಲ ಬಿನ್ನೆರಾದ್ ಬತ್ತಿತ್ತೆರ್. ಇಂಚ ಆ ಕಾಲೊಡು ತುಳುನಾಡ್‌ದ ದೈವಾರಾಧನೆ ಪಂಡ ದಾದ ಪಂಡ್‌ದ್ ಲೋಕೊರ್ಮೆ ಪುಗರ್ತೆ ಪಡೆದಿತ್ತ್ಂಡ್.

ಕುಡ್ಲ ಜಿಲ್ಲೆಗ್ ಸುನಿಲ್ ಕುಮಾರ್, ಒಡಿಪುಗು ಅಂಗಾರೆರ್ ಉಸ್ತುವಾರಿ

Jan 24, 2022

ಬೆಂಗಳೂರು: ಕುಡ್ಲ ಜಿಲ್ಲೆಗ್ ಸುನಿಲ್ ಕುಮಾರ್ ಬೊಕ್ಕ ಒಡಿಪುಗು ಜಿಲ್ಲೆಗ್ ಅಂಗಾರೆರ್ ಮೆರೆನ್ ರಾಜ್ಯ ಸರ್ಕಾರ ಕೋವಿಡ್ ಬೊಕ್ಕ ಜಿಲ್ಲಾ ಉಸ್ತುವಾರಿ ಮಂತ್ರಿಲಾದ್ ಸೋಮವಾರ ನೇಮಕ ಮಲ್ದ್ಂಡ್.

ಕೋಟ ಶ್ರೀ ನಿವಾಸ ಪೂಜಾರ್ಲೆಗ್ ಉತ್ತರಕನ್ನಡ ಜಿಲ್ಲೆ ಅಂಚೆನೆ ಬಿ.ಸಿ.ನಾಗೇಶ್ ಮೆರೆಗ್ ಕೊಡಗು ಜಿಲ್ಲೆದ ಉಸ್ತುವಾರಿ ತಿಕ್ ದ್ಂಡ್.
ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿಗ್ ಬೆಂಗಳೂರು ನಗರ ಅಂಚೆನೆ ಕೆ.ಎಸ್.ನಾರಾಯಣ ಗೌಡ ಮೆರೆಗ್ ಶಿವಮೊಗ್ಗ ಜಿಲ್ಲೆದ ಜಬದಾರಿ ಕೊರ್ತೆರ್.

ದೇವೆರ್ನ ಪಾದ ಸೇರಿಯೆರ್ ಯಕ್ಷಗಾನ ಕಲಾವಿದೆರ್ ಮಾರ್ಗೋಳಿ ಗೋವಿಂದ ಶೇರಿಗಾರ್

Jan 24, 2022

Senior Yakshagana Artist Margoli Govind Sherigar is no more:

Udupi: Karnataka State award winner, senior Yakshagana artist Margoli Govind Sherigar (96) breathed his last on Sunday night.He is survived by two sons and two daughters.

He was the son of Narashima Sherigar and Subbamma from Margoli near Basrur, Kundapur.
He was well known for playing female part in Yakshagana plays in Badakai style.

He started his journey in the field of Yakshagana at the tender age of 13 years in Mandarthi mela.

ಒಡಿಪು: ಕರ್ನಾಟಕ ರಾಜ್ಯ ಪ್ರಶಸ್ತಿ ಪಡೆದಿನ ಪೆರಿಯ ಯಕ್ಷಗಾನ ಕಲಾವಿದೆರ್ ಮಾರ್ಗೋಳಿ ಗೋವಿಂದ ಶೇರಿಗಾರ್ (96) ಐತಾರ ರಾತ್ರೆಡ್ ದೇವೆರ್ನ ಪಾದ ಸೇರಿಯೆರ್.

ಅರೆಗ್ ರಡ್ಡ್ ಆಣ್ ಬೊಕ್ಕ ರಡ್ಡ್ ಪೊಣ್ಣು ಜೋಕುಲು ಉಲ್ಲೆರ್.ಕುಂದಾಪುರ- ಬಸ್ರೂರು ಕೈತಲ್ದ ಮಾರ್ಗೋಳಿ ಪನ್ಪಿನ ಗ್ರಾಮದ ನರಸಿಂಹ ಶೇರಿಗಾರ್ ಬೊಕ್ಕ ಸುಬ್ಬಮ್ಮ ದಂಪತಿಲೆನ ಮಗೆ ಗೋವಿಂದ ಶೇರಿಗಾರ್ ಬಡಕಾಯಿ ಶೈಲಿದ ಯಕ್ಷಗಾನದ ಸ್ತ್ರೀ ಏಸೊಗು ಪೊಸ ದೇಖಿ ಕೊರ್ತಿನಾರ್.

13 ನೇ ವರ್ಷೊಡು ಯಕ್ಷಗಾನ ಕ್ಷೇತ್ರೊಡು ಪಜ್ಜೆ ದೀಯಿನ ಆರ್ ಮಂದಾರ್ತಿ ಮೇಳಡ್ ವೃತ್ತಿ ಜೀವನ ಸುರು ಮಲ್ದಿತ್ತೆರ್. ಬಡಕಾಯಿ ಶೈಲಿಡ್ ಆಯಿನ ಸುರೂತ್ತ ದೇವಿ ಮಹಾತ್ಮೆ ಆಟೊಡು ಗೋವಿಂದ ಶೇರಿಗಾರ್ ಮಾರ್ಗೋಳಿ ಮೇರ್ ದೇವಿ ಪಾತ್ರ ಮಲ್ದಿತ್ತೆರ್.

M	T	W	T	F	S	S
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

tulunewspaper

ತೂ ದುರಂತ : ತೀರ್ ಪೋಯಿನ ಕುಟುಂಬಗ್ ರೂ.10 ಲಕ್ಷ ಪರಿಹಾರ ಘೋಷಣೆ – ಸಿಎಂ ಕೇಜ್ರಿವಾಲ್

ಒಡಿಪು : ಉದ್ಯಾವರ ಕೈತಲ್ ಬಸ್ ಪಲ್ಟಿ, ಮಸ್ತ್ ಜನ ಜಖಂ

ಶ್ರೀ ಗುರುಪರಾಶಕ್ತಿ ಮಠೋಕು ಭೇಟಿ ಕೊರಿನ ಡಾ. ಕಲ್ಲಡ್ಕ ಪ್ರಭಾಕರ ಭಟ್ ದಂಪತಿಲು

ಶಾಲೆದ ಟೀಚರ್‌ನಕ್ಲೆಗ್ಲ ಸ್ಕೂಲ್ ಬಸ್!

2012ನೇ ಇಸ್ವಿದ ಗಣರಾಜ್ಯೋತ್ಸವ ಪೆರೇಡ್‌ಡ್ ತೋಜಿದ್ಂಡ್ ‘ತುಳುನಾಡ ದೈವಾರಾಧನೆ’ ಗೌಜಿ

ಕುಡ್ಲ ಜಿಲ್ಲೆಗ್ ಸುನಿಲ್ ಕುಮಾರ್, ಒಡಿಪುಗು ಅಂಗಾರೆರ್ ಉಸ್ತುವಾರಿ

ದೇವೆರ್ನ ಪಾದ ಸೇರಿಯೆರ್ ಯಕ್ಷಗಾನ ಕಲಾವಿದೆರ್ ಮಾರ್ಗೋಳಿ ಗೋವಿಂದ ಶೇರಿಗಾರ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ