Tulunaad

ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾ ವತಿರ್ದ್ ನಾರಾಯಣ ಗುರು ಜನ್ಮ ಜಯಂತಿ ಆಚರಣೆ

ಕಾರ್ಲ : ಭಾರತೀಯ ಜನತಾ ಪಾರ್ಟಿ ಹಿಂದುಳಿದ ವರ್ಗದ ಮೋರ್ಚಾ ಕಾರ್ಲ ನೆತ್ತ ವತಿರ್ದ್ ಬ್ರಹ್ಮಶ್ರೀ ನಾರಾಯಣಗುರುಕ್ಲೆನ 167ನೇ ಜನ್ಮ ಜಯಂತಿನ್ ಕಾರ್ಕಳ ಬಿಜೆಪಿ ಕಚೇರಿಡ್ ಆಚರಣೆ ಮಲ್ತೆರ್ . ಹಿಂದುಳಿದ ವರ್ಗದ ಮೋರ್ಚಾದ ಗುರ್ಕಾರ್ಲಾಯಿನ ರಮಾನಂದ ನಲ್ಲೂರು ಗುರ್ಕಾರ್ಮೆ ವಹಿಸ್ದಿತ್ತೆರ್ .

ಹಿಂದುಳಿದ ವರ್ಗಗಳ ಜಿಲ್ಲಾ ಪ್ರಭಾರಿ ರೇಷ್ಮಾ ಉದಯ ಶೆಟ್ಟಿ, ಹಿಂದುಳಿದ ಮೋರ್ಚಾದ ಜಿಲ್ಲಾ ಕಾರ್ಯಂತೆರ್ ಜ್ಯೋತಿ ಹರೀಶ್, ಕಾರ್ಕಳ ಬಿಜೆಪಿ ಮಂಡಲ ಪ್ರಧಾನ ಕಾರ್ಯಂತೆರ್ ಜಯರಾಮ್ ಸಾಲಿಯಾನ್, ಎಪಿಎಂಸಿ ಗುರ್ಕಾರ್ಲಾಯಿನ ರತ್ನಾಕರ ಅಮೀನ್, ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಪ್ರಮುಖ್ ಗುಣವಂತೇಶ್ ಭಟ್, ಹಿಂದುಳಿದ ಮೋರ್ಚಾದ ಒತ್ತು ಗುರ್ಕಾರ್ಲಾಯಿನ ಸದಾನಂದ, ಕಾರ್ಯಂತೆರ್ ಹರೀಶ್, ಕಾರ್ಯಕಾರಿ ಮಂಡಳಿ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಕಾರ್ಲ : 33 ಜನಕ್ ಕೊರೊನಾ ಪಾಸಿಟಿವ್

ಕಾರ್ಲ: ಒಡಿಪು ಜಿಲ್ಲೆಡ್ ಆ. 24ಕ್ಕ್ 128 ಕೊರೊನಾ ಪಾಸಿಟಿವ್ ವರದಿಯಾತುಂಡು . ಒಡಿಪು ಪೇಂಟೆಡ್ 72, ಕುಂದಾಪುರ 22, ಕಾರ್ಕಳ 33, ಹೊರ ಜಿಲ್ಲೆದ ಒರಿಯಾಗ್ ಕೊರೊನಾ ಪಾಸಿಟಿವ್ ಆತುಂಡು . ಕಾರ್ಲ ದ 84 ವರ್ಷದ ಪೊಂಜೊವು ತೀರ್ ಪೋತೆರ್.

ಬಿಜೆಪಿ ಯುವ ಮೋರ್ಚಾ ಮಹಾಶಕ್ತಿ ಕೇಂದ್ರ ಪೊಸ ಪದುಕೆರ್ನ ಆಯ್ಕೆ

ಕಾರ್ಲ: ಜಿಲ್ಲಾ ಪಂಚಾಯತ್ ಕ್ಷೇತ್ರ ಮರು ವಿಂಗಡಣೆದ ನೆಲೆಟ್ಟ್ ಬಿಜೆಪಿ ಯುವ ಮೋರ್ಚಾ ಮಹಾ ಶಕ್ತಿ ಕೇಂದ್ರದ ಪದುಕೆರೆನ್ ನೇಮಕ ಮಲ್ದೆರ್ .

ಹೆಬ್ರಿ ಮಹಾ ಶಕ್ತಿಕೇಂದ್ರದ ಗುರ್ಕಾರ್ಲಾದ್ – ಸುರೇಂದ್ರ ವರಂಗ, ಪ್ರಧಾನ ಕಾರ್ಯಂತೆರಾದ್ ನಾಗೇಂದ್ರ ಚಾರ ಬೊಕ್ಕ ಸಂದೇಶ್ ಆಚಾರ್ಯ, ನಿಟ್ಟೆ ಮಹಾ ಶಕ್ತಿಕೇಂದ್ರದ ಗುರ್ಕಾರ್ಲಾದ್ ರಾಕೇಶ್ ಅಮೀನ್, ಪ್ರಧಾನ ಕಾರ್ಯಂತೆರಾದ್ ಹಂಸರಾಜ್ ಶೆಟ್ಟಿ, ಕುಕ್ಕುಂದೂರು ಮಹಾಶಕ್ತಿಕೇಂದ್ರದ ಗುರ್ಕಾರ್ಲಾದ್ ರಾಕೇಶ್ ಶೆಟ್ಟಿ, ಪ್ರಧಾನ ಕಾರ್ಯಂತೇರಾದ್ ಶ್ರೀಕಾಂತ್ ಪ್ರಭು, ಮುಡಾರು ಶಕ್ತಿಕೇಂದ್ರದ ಗುರ್ಕಾರ್ಲಾದ್ ರಜತ್ ರಾಮಮೋಹನ್, ಪ್ರಧಾನ ಕಾರ್ಯದರ್ಶಿಲಾದ್ ನೀಲೇಶ್ ತೆಂಡೂಲ್ಕರ್ ಬೊಕ್ಕ ಪ್ರಶಾಂತ್ ಪೂಜಾರಿ, ಮುಂಡೂರು ಮಹಾ ಶಕ್ತಿಕೇಂದ್ರದ ಗುರ್ಕಾರ್ಲಾದ್ ಕಿರಣ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿಯಾದ್ ವಿಶಾಲ್ ಸಾಲ್ಯಾನ್, ಮರ್ಣೆ ಮಹಾ ಶಕ್ತಿಕೇಂದ್ರದ ಗುರ್ಕಾರ್ಲಾದ್ ಗೌತಮ ನಾಯಕ್, ಪ್ರಧಾನ ಕಾರ್ಯದರ್ಶಿಲಾದ್ ರಂಜಿತ್ ಸೇರ್ವೆಗಾರ್ ಬೊಕ್ಕ ದಿನೇಶ್ ಪೂಜಾರಿ, ಕಾರ್ಕಳ ನಗರ ಶಕ್ತಿಕೇಂದ್ರದ ಗುರ್ಕಾರ್ಲಾದ್ ಅವಿನಾಶ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿಲಾದ್ ಸ್ವಸ್ತಿಕ್ ಮಡಿವಾಳ್ ಬೊಕ್ಕ ಜಿತೇಶ್ ದೇವಾಡಿಗ ಮೆಕ್ಲೆನ್ ಆಯ್ಕೆ ಮಲ್ದೆರ್ ಪಂದ್ ಕಾರ್ಕಳ ಬಿಜೆಪಿ ಯುವ ಮೋರ್ಚಾ ಗುರ್ಕಾರ್ಲಾದ್ ಮುಟ್ಟುಪಾಡಿ ಸುಹಾಸ್ ಶೆಟ್ಟಿ ಬೊಕ್ಕ ಪ್ರಧಾನ ಕಾರ್ಯದರ್ಶಿಲಾಯಿನ ಯೋಗೀಶ್ ಸಾಲಿಯಾನ್ ಬೊಕ್ಕ ಭರತ್ ಕುಮಾರ್ ಜೈನ್ ಪ್ರಕಟಣೆಡ್ ತೆರಿಪಾದೆರ್ .

ಮನಸ್ದ ಏಕಾಗ್ರತೆಗ್ ಭಕ್ತಿ ಗೀತೆ :ಚಾರುಕೀರ್ತಿ ಭಟ್ಟಾರಕ ಪಂಡಿತಾಚರ್ಯವರ್ಯ ಮಹಾಸ್ವಾಮಿ

ಕುಡ್ಲ : ತುಳುನಾಡ್ದ ರಾಜಧಾನಿ ಬಾರ್ಕೂರ್ದ ಅಳುಪ ವಂಶಸ್ತೆರ್ನ ಇಲ್ಲದಾರ್ ಆಯಿನ ಕುಂದಾಪುರ ತಾಲೂಕುದ ಕಾಲ್ತೋಡು ಗ್ರಾಮದ ಬೋಳಂಬಳ್ಳಿ ವನಿತಾ ಧರ್ಮರಾಜ್ ಮೇರ್ ಪಾರ್ಶ್ಶ್ವನಾಥ ಸ್ವಾಮಿ, ಪದ್ಮಾವತಿ ಅಪ್ಪೆನ ಭಕ್ತಿ ಗೀತೆ “ಅಕ್ಷಯ ಆತ್ಮ ಗುಣ ಕೀರ್ತನ ”ಪನ್ಪಿನ ಕೃತಿನ್ ಮೂಡಬಿದಿರೆದ ಜೈನ ಮಠಟ್ ಚಾರುಕೀರ್ತಿ ಭಟ್ಟಾರಕ ಪಂಡಿತಾಚರ್ಯವರ್ಯ ಮೇರ್ ತನ್ನ ಉಡಲ್ ದ ಪಾತೆರ ದೊಟ್ಟುಗು ಲೋಕಗ್ ಬುಡುಗಡೆ ಮಲ್ತೆರ್.

ದೇವೆರೆ ಮಹಿಮೆನ್ ಕಾಲಿ ಉಡಲ್ಡ್ ದೀಪಿನೆ ಅತ್ತoದೆ ಆ ಗೇನನ್ ಲೋಕಗ್ ತೆರಿಪಾವೊಡು ಪನ್ಪಿ ನೆಲೆಟ್ಟ್ ಪದ್ಯ ರಚನೆ ಮಲ್ತ್ ಅವೆನ್ ಪತ್ತೇರ್ನ ಬಾಯಿಡ್ ಪನ್ಪಾವುನ ಬೇಲೆನ್ ಮಲ್ತೊಂದು ಉಲ್ಲೆರ್.ಪದ್ಯ ರಚನೆ ಮಲ್ಪುನವು ಅನಾಧಿಕಾಲೋರ್ದು ಜೈನ ಧಮರ್ಡ್ ನಡತೊಂದು ಬೈದಿನ ಒಂಜಿ ಧಾರ್ಮಿಕ ವ್ಯವಸ್ಥೆ ಪಂದ್ ಬೂಕು ಬುಡುಗಡೆ ಮಲ್ತಿನ ಮಹಾಸ್ವಾಮೀಜಿ ಪಂಡೆರ್ . ವನಿತಾ ಧರ್ಮರಾಜ್ ಆರ್ ಇತ್ತೆನೆ ಪಂಚಪರಮೇಷ್ಟಿ ಸ್ತುತಿಃ, ಸರಸ್ವತಿ ಸ್ತುತಿಃ, ಯಕ್ಷ ಧರನೀಂದ್ರ, ಯಕ್ಷಿ ಜ್ವಾಲಮಾಲಿನಿ,ಕೂಷ್ಮಾಂಡಿನಿ ಅಂಚನೇ ಅಪ್ಪೆ ಪದ್ಮವತಿ ದೇವಿ ಭಜನೆ ರಚನೆ ಮಲ್ದೆರ್. ಸ್ವಾಮೀಲು ಬೂಕು ಉದಿಪನದ ಪೊರ್ತುಡು ಬೆದ್ರ ಚೌಟರ ಅರಮನೆತ ಆದರ್ಶ್, ಅಕ್ಷತಾ,ಬೋಳಂಬಳ್ಳಿ ಧರ್ಮರಾಜ್, ಅವನಿ ಚೌಟರ ಅರಮನೆ ಮೊಕುಲು ಒಟ್ಟುಗಿತ್ತೆರ್.

ಶ್ರೀ ಆಮ್ರ ಕೂಷ್ಮಾಂಡಿನಿ ವೃಕ್ಷ – ತ್ಯಾಗಿಲೆನ ತಪೋವನ ಕಟ್ಟೆ ಉದಿಪನದ ಲೇಸ್

ಕಾರ್ಲ : ಕಾರ್ಕಳ ದಾನಶಾಲಾ ಮಠದ ಪರಮಪೂಜ್ಯ ಸ್ವಸ್ತಿಶ್ರೀ ಲಲಿತಕೀರ್ತಿ ಭಟ್ಟಾರಕ ಪಟ್ಟಾಚಾರ್ಯವರ್ಯ ಮಹಾ ಸ್ವಾಮೀಜಿಲೆನ ಪಾವನ ಸಾನಿಧ್ಯಡ್ ಅಂಚನೇ ಶ್ರೀ ಕ್ಷೇತ್ರ ಧರ್ಮಸ್ಥಳದ ಮಾತೃಶ್ರೀ ಹೇಮಾವತಿ ವಿ ಹೆಗ್ಗಡೆರ್ನ ಮಾರ್ಗದರ್ಶನದಲಕ ಮಠತ ಬಸದಿಡ್ ಆಮ್ರ ಕೂಷ್ಮಾಂಡಿನಿ ದೇವಿಗ್ ಆರಾಧನಾ ಪೂರ್ವಕ ಕಲಾರೋಪಣೆ ಬೊಕ್ಕ ತ್ಯಾಗಿ ಭವನದ ಕೈತಲ್ ಶ್ರೀ ಆಮ್ರ ಕೂಷ್ಮಾಂಡಿನಿ ವೃಕ್ಷ – ತ್ಯಾಗಿಲೆನ ತಪೋವನ ಕಟ್ಟೆನ್ ಉದಿಪನ ಮಲ್ಪುನ ಲೇಸ್ ತಾರೀಖ್ 24.08.2021ನೇ ಅಂಗಾರೆ ದಾನಿ ಅತಿಶಯ ಕ್ಷೇತ್ರ ಕಾರ್ಕಳದ ಜೈನ ಮಠಟ್ ನಡತುಂಡು.

ಮಧ್ಯಾಹ್ನ ಮಠದ ಬಸದಿಡ್ ಆಮ್ರ ಕೂಷ್ಮಾಂಡಿನಿ ದೇವಿಗ್ ಆರಾಧನಾ ಪೂರ್ವಕ ಕಲಾರೋಪಣ ಪೂಜಾ ಲೇಸ್ ಧಾರ್ಮಿಕ ವಿಧಿ ವಿಧಾನದೊಟ್ಟುಗು ಸಂಪನ್ನ ಆಂಡ್ .ಐರ್ದ್ ಬೊಕ್ಕ ನಡತಿನ
ತ್ಯಾಗಿಲೆನ ತಪೋವನ ಕಟ್ಟೆನ್ ಪರಮ ಪೂಜ್ಯ ಸ್ವಾಮೀಜಿಲು ಬೊಕ್ಕ ಸೇರ್ದಿ ಬಿನ್ನೆರ್ ತುಡರ್ ಅರ್ಲಾದ್ ಕಟ್ಟೆನ್ ಲೋಕಾರ್ಪಣೆ ಮಲ್ತೆರ್ . ಈ ಪೊರ್ತುಡು ನಡತಿನ ಸಭಾ ಕಾರ್ಯಕ್ರಮಡ್ ಸ್ವಾಮೀಜಿಲು ತಮ್ಮ ಆಶೀರ್ವಚನಡ್ ಲೋಕಾರ್ಪಣೆ ಆಯಿನ ತಪೋವನ ಕಟ್ಟೆ ದುಂಬುದ ದಿನಟ್ ಕ್ಷೇತ್ರಗ್ ಬರ್ಪಿನ ತ್ಯಾಗಿಲು ಧ್ಯಾನಮಗ್ನರಾಯೆರೆ ಸೂಕ್ತ ಜಾಗೆ ಆತುಂಡು ಪಂದ್ ಪನೊಂದು ಆಮ್ರ ಕೂಷ್ಮಾಂಡಿನಿ ದೇವಿನ ಮಹಿಮೆನ್ ಪಂಡೆರ್ .

ಲೇಸ್ ಡ್ ಮಲ್ಲ ಬಿನ್ನೆರ್ ಆದ್
ಶ್ರೀಮತಿ ಅರುಣಾ ರಾಜೇಂದ್ರ ಕುಮಾರ್, ಶ್ರೀಮತಿ ಶಶಿಕಲಾ ಕೆ ಹೆಗ್ಡೆ, ಶ್ರೀಮತಿ ಸುಜಾತ ನೇಮಿರಾಜ ಆರಿಗ ಪಾಲ್ ಪಡೆದಿತ್ತೆರ್ . ಲೇಸ್ ನ್ ಉದ್ದೇಶಿಸಾದ್ ಪಾತೆರಿನ ಶ್ರೀಮತಿ ಶಶಿಕಲಾ ಕೆ ಹೆಗ್ಡೆ ಮೇರ್ ತ್ಯಾಗಿಲೆನ ನಿರಂತರ ಸೇವೆ ಮಲ್ಪುನವು ಶ್ರಾವಕರಾಯಿನ ನಮ್ಮ ಆದ್ಯ ಕರ್ತವ್ಯ ಆತುಂಡು . ದುಂಬುದ ದಿನಟ್ ಇಂಚಿನ ಕಾರ್ಯ ನಡತೊಂದು ಉಪ್ಪಡ್ ಪಂದ್ ಎಡ್ಡೆಪ್ಪುದ ಪಾತೆರ ಪಂಡೆರ್.
ಸಭಾ ಕಾರ್ಯಕ್ರಮಡ್ ಕು. ಅಭಿಷ್ಟಾ ಪ್ರಾರ್ಥನೆ ಮಲ್ತೆರ್ , ವಿನಯ ಉದಯ್ ಕುಮಾರ್ ಬತ್ತಿ ಬಿನ್ನೆರೆನ್ ಎದುಕೊಂಡೆರ್ . ಶ್ರೀಮತಿ ಶ್ರದ್ಧಾ ಲೇಸ್ ನಡಪಾದ್ ಕೊರಿಯೆರ್. ಶ್ರೀಮತಿ ವಾಣಿಶ್ರೀ ಮೃತ್ಯುಂಜಯ ಸೊಲ್ಮೆ ಸಂದೈತ ಮಲ್ತೆರ್ . ಶ್ರೀ ಸುರೇಶ್ ಇಂದ್ರ ಶಾಂತಿ ಮಂತ್ರ ಪಂಡೆರ್ .

ಶ್ರೀ ಸಿಎ. ಪ್ರಭಾತ್ ಕುಮಾರ್ ಬೊಕ್ಕ ಶ್ರೀಮತಿ ರಕ್ಷಾ ಪ್ರಭಾತ್ ಕುಮಾರ್ ಪೂಜಾ ಕರ್ತೃಲಾದ್ ಅಂಚನೇ ಶ್ರೀ ಪದ್ಮರಾಜ ಅತಿಕಾರಿ, ಶ್ರೀಮತಿ ತಿಲಕ ಪದ್ಮರಾಜ್ ಅತಿಕಾರಿ ಬೊಕ್ಕ ಕುಟುಂಬದಕುಲು ಸಂಘ ಸಂತರ್ಪಣೆದ ದಾನಿಲಾದ್ ಸೇವೆ ಮಲ್ತೆರ್ .
ಈ ಪೊರ್ತುಡು ಶ್ರೀ ಮಹಾವೀರ್ ಹೆಗ್ಡೆ ಅಂಡಾರು, ಶ್ರೀ ಸಂಪತ್ ಸಾಮ್ರಾಜ್ಯ, ಶ್ರೀ ಜಗದೀಶ್ ಹೆಗ್ಡೆ, ಶ್ರೀ ಶಿಶುಪಾಲ ಜೈನ್ ಶ್ರೀ ಕ್ಷೇತ್ರ ಧರ್ಮಸ್ಥಳ, ಶ್ರೀ ಆದಿರಾಜ್ ಅಜ್ರಿ, ಶ್ರೀ ಕುಮಾರಯ್ಯ ಹೆಗ್ಡೆ, ಶ್ರೀ ವಿಖ್ಯಾತ್ ಜೈನ್, ಶ್ರೀ ವೀರೇಂದ್ರ ಜೈನ್, ಕಾರ್ಕಳ ಜೈನ ಸಂಘ ಸಂಸ್ಥೆದ ಪದುಕೆರ್ , ಪುರೋಹಿತ ವರ್ಗದಕುಲು ಕಾರ್ಕಳ ಪುರಸಭೆತ ಅಧಿಕಾರಿಲು , ಕಾರ್ಕಳ ನಗರ ಠಾಣೆದ ಪೊಲೀಸ್ ಅಧಿಕಾರಿಲು , ಊರ ಶ್ರಾವಕ ಶ್ರಾವಿಕೆನಕುಲು ಮಠದ ವ್ಯವಸ್ಥಾಪಕೆರಾಯಿನ ಶ್ರೀ ಧನಕೀರ್ತಿ ಕಡಂಬ ಪಾಲ್ ಪಡೆದಿತ್ತೆರ್ ಪಂದ್ ಶ್ರೀ ಜೈನ ಮಠ, ಕಾರ್ಕಳ ದ ವ್ಯವಸ್ಥಾಪಕೆರಾಯಿನ
ಶ್ರೀ ಧನಕೀರ್ತಿ ಕಡಂಬ ಪಂಡೆರ್
.

ಪುತ್ತೂರುಡು ಶಾಲೆ ಸುರು ಮಲ್ಪುನ ಬಗ್ಗೆ ಚರ್ಚೆ : ಶಾಸಕ ಮಠಂದೂರು

ಪುತ್ತೂರು: ದಕ್ಷಿಣ ಕನ್ನಡ ಜಿಲ್ಲೆದ ಕೋವಿಡ್ ಪಾಸಿಟಿವಿಟಿ ದರಟ್ ಪುತ್ತೂರು ಪೇಂಟೆಡ್ ಅತಿ ಕಮ್ಮಿ ಉಪ್ಪುನೆರ್ದಾವರ ಶೇ.1.94 ಪಾಸಿಟಿವಿಟಿ ದರ ಉಂಡು . ಈ ನೆಲೆಟ್ಟ್ ದುಂಬುದ ದಿನಟ್ಟ್ ಶಾಲೆ ಸುರು ಮಲ್ಪುನ ಬಗ್ಗೆ ಚಿಂತನೆ ನಡಪಾವ ಪಂದ್ ಶಾಸಕ ಸಂಜೀವ ಮಠಂದೂರು ಪಂಡೆರ್ .

ಕೆಎಂಸಿ ಮಣಿಪಾಲಗ್ ಎಎಚ್‌ಪಿಐರ್ದ್ ಮಾನದಿಗೆ

ಒಡಿಪು : ಮಣಿಪಾಲ ಕಸ್ತೂರ್‌ಬಾ ಆಸ್ಪತ್ರೆ ಅಸೋಸಿಯೇಷನ್ ಆಫ್ ಹೆಲ್ತ್‌ಕೇರ್ ಪ್ರೊವೈಡರ್ಸ್ ಆಫ್ ಇಂಡಿಯಾ (ಎಎಚ್‌ಪಿಐ)ರ್ದ್ ಆರೋಗ್ಯದ ಶ್ರೇಷ್ಠತೆಗಾದ್ ಕೊರ್ಪಿನ 2021ನೇ ಸಾಲ್ ದ ನರ್ಸಿಂಗ್ ಎಕ್ಸಲೆನ್ಸ್ ಮಾನದಿಗೆ ಪಡೆತುಂಡು.

ಕಸ್ತೂರ್‌ಬಾ ಮೆಡಿಕಲ್ ಕಾಲೇಜ್ ದ ಡೀನ್ ಡಾ.ಶರತ್ ಕೆ ರಾವ್ ಮೇರ್ , ಕೆಎಂಸಿ ಮಣಿಪಾಲದ ನರ್ಸಿಂಗ್ ಸೇವೆದ ಗುರ್ಕಾರ್ಲಾಯಿನ ಶುಭ ಸೂರಿಯ ಮೆರೆಗ್ ಮಾನದಿಗೆ ಮಲ್ತೆರ್ .

ಫೈರಿಂಗ್ ಆಪಿನೆನ್ ಕಣ್ಣಾರೆ ತೂಯಿನ ದಿನೇಶ್ ರೈ

ಕುಡ್ಲ : ತಾಲಿಬಾನ್ ಲೆನ ಕಪಿಮುಷ್ಠಿಗ್ ತಿಕ್ಕ್ ದ್ ಅಪ್ಘಾನಿಸ್ತಾನರ್ದ್ ಕುಡ ತಾಯ್ನಾಡ್ ಗ್ ಬತ್ತಿನ ಭಾರತೀಯೆರ್ ಅಲ್ಪದ ಪರಿಸ್ಥಿತಿದ ಭಯಾನಕ ಸ್ಥಿತಿತ ಬಗ್ಗೆ ಪಾತೆರಿಯೆರ್ .

ಕುಡ್ಲದ ಬಜಪೆ ನಿವಾಸಿ ದಿನೇಶ್ ರೈ ಮೇರ್ ನ್ಯಾಟೋ ಮಿಲಿಟರಿ ಪಡೆತ ಒಟ್ಟುಗು ಬೇಲೆ ಮಲ್ತೊಂದು ಇತ್ತೆರ್ , ಅಪ್ಘಾನಿಸ್ತಾನರ್ದ್ ಸುರಕ್ಷಿತವಾದ್ ದೇಶಗ್ ಪಿರ ಬೈದೆರ್ . ಐರ್ದ್ ಬೊಕ್ಕ ಮಾಧ್ಯಮದಕ್ಲೆನೊಟ್ಟುಗಿ ಪಾತೆರಿನ ಆರ್ ಅಪ್ಘಾನಿಸ್ತಾನದ ಪರಿಸ್ಥಿತಿನ್ ಪಂಡೆರ್ .

ಕಾಬೂಲ್ ವಿಮಾನ ನಿಲ್ದಾಣಡ್ ವಿಮಾನ ಅಪಹರಣ

ಕಾಬೂಲ್: : ಅಫ್ಘಾನಿಸ್ತಾನಡ್ ಉಪ್ಪುನ ಉಕ್ರೇನ್ ಪೌರೆರೆನ್ ಲೆತೊಂದು ಬರಿಯರೆ ಕಾಬೂಲ್ ವಿಮಾನ ನಿಲ್ದಾಣಗ್ ಬತ್ತಿನ ಉಕ್ರೇನ್ ವಿಮಾನನ್ ಇತ್ತೆ ಅಪಹರಣ ಮಲ್ದೆರ್ .

ಉಕ್ರೇನ್ ವಿಮಾನನ್ ಅಪಹರಣ ಮಲ್ತಿನ ಕಲ್ವೇರ್ ಇತ್ತೆ ಇರಾನ್ಗ್ ಪತೊಂದು ಪೋತೆರ್ ಪಂದ್ ವರದಿಯಾತುಂಡು .

ಉಕ್ರೇನ್ ಉಪ ವಿದೇಶಾಂಗ ಸಚಿವ ಯೆನಿನ್ ಮೆರೆನ್ ಉಲ್ಲೇಖಿಸಾದ್ ರಷ್ಯಾದ ತಾಸ್ ಸುದ್ದಿ ಸಂಸ್ಥೆ ಈ ವರದಿ ಕೊರ್ತುಂಡು .