Times of kudla

ರಾಷ್ಟ್ರೀಯ ಭದ್ರತಾ ಉಪಸಲಹೆಗಾರೆರಾದ್ ಪಂಕಜ್ ನೇಮಕ

ಬಿಎಸ್ಎಫ್ ದ ನಿವೃತ್ತ ಮಹಾನಿರ್ದೇಶಕೆರಾಯಿನ ಪಂಕಜ್ ಕುಮಾರ್ ಸಿಂಗ್ ಮೇರ್ ರಾಷ್ಟ್ರೀಯ ಭದ್ರತಾ ಉಪಸಲಹೆಗಾರೆರಾದ್ ನೇಮಕ ಆತೆರ್.

ರಾಜಸ್ಥಾನ ಕೇಡರ್ ದ 1998ತ ಬ್ಯಾಚ್ ದ ಐಪಿಎಸ್ ಅಧಿಕಾರಿ ಆದಿಪ್ಪುನ ಮೇರ್ ಕೂಡ 2 ವರ್ಷ ಮುಟ್ಟ ಭದ್ರತಾ ಸಲಹೆಗಾರೆರಾದ್ ನೇಮಕ ಆತೆರ್.

Pankaj appointed as deputy national security adviser

Retired director general of BSF Pankaj Kumar Singh has been been appointed as the deputy adviser of National security.

He is the 1988 batch of IPS officer of Rajasthan cadere has
been reappointed for a period of two more years as deputy National security adviser.

ಇನಿರ್ದ್ ಇಂಡಿಯಾ ನ್ಯೂಜಿಲೆಂಡ್ ಏಕದಿನ ಪಂತೊ

ಶ್ರೀಲಂಕಾ ವಿರುದ್ಧದ ಏಕದಿನ ಪಂತೊಡು ಗೆಂದಿನ ಟೀಂ ಇಂಡಿಯಾ ಇನಿರ್ದ್ ನ್ಯೂಜಿಲೆಂಡ್ ತಂಡದೊಟ್ಟಿಗೆ ಗೊಬ್ಬರೆ ಉಂಡು.

ನೆತ್ತ ಸುರುತ ಏಕದಿನ ಪಂತೊ ಹೈದರಾಬಾದ್ ದ ರಾಜೀವ್ ಗಾಂಧಿ ಸ್ಟೇಡಿಯಂಡ್ ತಯಾರಿ ಆತ್ಂಡ್. ಈ ಪಂತೊ ಮಧ್ಯಾಹ್ನ 1:30 ಕ್ ಸುರು ಆಪುಂಡು.

ಹಾಕಿ: ದಕ್ಷಿಣ ಆಫ್ರಿಕಾದ ಮಿತ್ತ್ ಭಾರತ ಗೆಲ್ಮೆ

ಭಾರತದ ಮಹಿಳಾ ಹಾಕಿ ತಂಡ ದಕ್ಷಿಣ ಆಫ್ರಿಕಾ ತಂಡದ ಮಿತ್ತ್ 4 ಟೆಸ್ಟ್ ಲೆಡ್ ಹಾಕಿ ಗೊಬ್ಬುದ ಸುರುತ ಪಂತೊಡು 5-1 ಗೋಲುಡು ಗೆಂದ್ ದ್ಂಡ್.

ಬುಡಂದೆ ಗೋಲು ಪಾಡ್ದಿನ ಭಾರತ ರಡ್ಡನೇ ಕ್ವಾರ್ಟರ್ ದ ಬೊಕ್ಕ 5-0 ಗೋಲುಡ್ ದುಂಬು ಇತ್ತ್ಂಡ್. ಪಂತೊಡು ಭಾರತ ತಂಡದ ನಾಯಕಿ ರಾಣಿ ರಾಂಪಲ್ ಎಡ್ಡೆ ಗೊಬ್ಬುದೆರ್.

ಫೆ.10 : ತುಳುನಾಡ್ ಡ್ “ಪಿಲಿ’ ತುಳು ಸಿನಿಮಾ ಬುಡುಗಡೆ

ಕುಡ್ಲ: ಎನ್ ಎನ್ ಎಂ ಪ್ರೊಡಕ್ಷನ್ ಲಾಂಛನಡ್ ಆತ್ಮಾನಂದ ರೈ ನಿರ್ಮಾಣ ಮಲ್ತಿನ ಮಯೂರ್ ಆರ್ ಶೆಟ್ಟಿ ನಿರ್ದೇಶನದ ಪಿಲಿ ತುಳು ಸಿನಿಮಾ ಫೆ.10 ಕ್ ಇಡೀ ತುಳುನಾಡ್ ಡ್ ಬುಡುಗಡೆ ಆಯೆರೆ ಉಂಡು.

ಈ ಪಿಕ್ಚರ್ ಡ್ ಭರತ್ ಭಂಡಾರಿ ನಾಯಕೆಯಾದ್ ಬೊಕ್ಕ ಸ್ವಾತಿ ಶೆಟ್ಟಿ ನಾಯಕಿಯಾದ್ ಅಭಿನಯ ಮಲ್ದೆರ್. ಛಾಯಾಗ್ರಹಣ ಬೊಕ್ಕ ನಿರ್ದೇಶನನ್ ಮಯೂರ್ ಆರ್ ಶೆಟ್ಟಿ ಮಲ್ದೆರ್. ಆತ್ಮಾನಂದ ರೈ ನಿರ್ಮಾಪಕೆರಾದ್ ಬೊಕ್ಕ ಭರತ್ ರಾಮ್ ರೈ ಸಹ ನಿರ್ಮಾಪಕೆರಾತೆರ್. ಮಣಿಕಾಂತ್ ಕದ್ರಿ ಮೆರೆನ ಸಂಗೀತ ಸಾರಥ್ಯಡ್ ನಾಲ್ ಪದ್ಯಲು ಉಂಡು. ಪಟ್ಲ ಸತೀಶ್ ಶೆಟ್ಟಿ, ನಿಹಾಲ್ ತಾವ್ರೊ, ಅನುರಾಧ ಭಟ್, ಕಲಾವತಿ, ಉಜ್ವಲ ಆಚಾರ್ ಪದ್ಯ ಪಂತೆರ್.

ಜನವರಿ ತಿಂಗೊಲ್ಡ್ ಪಿಕ್ಚರ್ ದ ಮಾತ ಪದ್ಯಲು ಬುಡುಗಡೆ ಆಪುಂಡು. ಫೆಬ್ರವರಿ ತಿಂಗೊಲ್ಡ್ ತುಳುನಾಡ್ ಮಾತ್ರ ಅತ್ತಂದೆ, ಅರಬ್ ರಾಷ್ಟ್ರಲೆಡ್ಲಾ ಪಿಕ್ಚರ್ ಬುಡುಗಡೆ ಆಪುಂಡು. ಇಂಚಿಪ್ಪ ನೆತ್ತ ಟೀಸರ್ ಬುಡುಗಡೆ ಆತ್ಂಡ್. ಈ ಪಿಕ್ಚರ್ ಡ್ ವಿಜಯ್‌ಕುಮಾರ್ ಕೊಡಿಯಾಲ್‌ಬೈಲ್‌, ತ್ರಿಷಾ ಶೆಟ್ಟಿ, ಕೃತಿ ಶೆಟ್ಟಿ, ನವೀನ್ ಡಿ. ಪಡೀಲ್, ಅರವಿಂದ ಬೋಳಾರ್, ಭೋಜರಾಜ ವಾಮಂಜೂರು, ವಿಸ್ಮಯ ವಿನಾಯಕ್, ಸ್ವರಾಜ್ ಶೆಟ್ಟಿ, ಸಂತೋಷ್ ಶೆಟ್ಟಿ, ರೂಪ ಡಿ ಶೆಟ್ಟಿ, ನಮಿತಾ ಕೂಳೂರು, ಉಮೇಶ್ ಮಿಜಾರ್, ಪ್ರಸನ್ನ ಶೆಟ್ಟಿ ಬೈಲೂರು, ಸಂದೀಪ್‌ಶೆಟ್ಟಿ ಮಾಣಿಬೆಟ್ಟು, ದೀಪಕ್ ರೈ ಪಾಣಾಜೆ, ಚೇತನ್ ರೈ ಮಾಣಿ ಸೇರ್ದ್ ಸುಮಾರ್ ಜನ ಕಲಾವಿದೆರ್ ಅಭಿನಯ ಮಲ್ದೆರ್.

ಗಣೇಶ್ ನೀರ್ಚಾಲ್ ಮೆರೆನ ಸಂಕಲನ ಈ ಪಿಕ್ಚರ್ ಗ್ ಪೊರ್ಲುದ ನಾಲ್ ಪದ್ಯಲೆಗ್ ಮಯೂರ್ ಆರ್. ಶೆಟ್ಟಿ, ಡಿ.ಬಿ.ಸಿ ಶೇಖರ್ ಬೊಕ್ಕ ಕೆ.ಕೆ. ಪೇಜಾವರ್ ಸಾಹಿತ್ಯ ಬರೆತೆರ್. ಸಂದೇಶ್ ಬಿಜೈ ಸಂಭಾಷಣೆ ಬರೆತೆರ್, ನೆತ್ತ ಪ್ರಚಾರ ಕಲೆ ವಿನ್ಯಾಸನ್ ದೇವಿ ರೈ ಮೇರ್ ಮಲ್ದೆರ್. ತುಳುನಾಡ್ ದ ಧಾರ್ಮಿಕ ಕ್ಷೇತ್ರಲೆಡ್ ಒಂಜಾಯಿನ ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಲ್ಯ ಸೇರಿನಂಚನೆ ಕುಡ್ಲದ ಸುತ್ತಮುತ್ತ ಇಪ್ಪುನ ಸುಮಾರ್ ತಿಕ್ ಡ್ ನೆತ್ತ ಶೂಟಿಂಗ್ ನಡತ್ಂಡ್. ತುಳುನಾಡ್ ದ ಮಾತಾ ತುಳುವೆರ್ ಚಿತ್ರಮಂದಿರಗ್ ಬತ್ತ್ ದ್ ಈ ಪಿಕ್ಚರ್ ನ್ ತೂದು ಆಶೀರ್ವಾದ ಮಲ್ಪೊಡು ಪಂದ್ ‘ಪಿಲಿ’ ಚಿತ್ರತಂಡ ಬಿನ್ನಾಪು ಮಲ್ದ್ಂಡ್.

ಟ್ರಕ್ ಪಲ್ಟಿ: ಬಚಾವ್ ಆಯಿನ ರಡ್ಡ್ ಜನ

ಕುಡ್ಲ ಪೇಂಟೆದ ಜಪ್ಪಿನ ಮೊಗೆರ್ ರಾಜ್ಯ ಮಾರ್ಗ 66 ಟ್ ಸಿಮೆಂಟ್ ದಿಂಜಾದ್ ಪೋವೊಂದು ಇತ್ತಿನ ಟ್ರಕ್ ಒಂಜಿ ಡ್ರೈವರ್ ನ ಕೈ ತತ್ತ್ ದ್ ಪಲ್ಟಿ ಆಯಿನ ಘಟನೆ ಸೋಮಾರ ಬಯ್ಯಗ್ ನಡತ್ಂಡ್.

ಈ ಇಸಯ ತೆರಿದ್ ಜಾಗೆಗ್ ಪೊಲೀಸೆರ್, ಅಗ್ನಿಶಾಮಕ ದಳ, ಬೊಕ್ಕ ಕೈತಲ್ ದಕುಲು ಒಟ್ಟು ಸೇರ್ದ್ ಲಾರಿ ಡ್ರೈವರ್ ಸೇರ್ದ್ ರಡ್ಡ್ ಜನನ್ ಬಚಾವು ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.

ಅಮೆರಿಕಡ್ ಗುಂಡುದ ದಾಳಿ: ಆಜಿ ಜನ ತೀರ್ ಪೋಯೆರ್

ವಾಷಿಂಗ್ಟನ್: ಅಮೆರಿಕಾದ ಕ್ಯಾಲಿಫೋರ್ನಿಯಾದ ಗೇಶನಿಡ್ ನಡತಿನ ಗುಂಡುದ ದಾಳಿಡ್ ಆಜಿ ಜನ ತೀರ್ ಪೋಯಿನ ಘಟನೆ ನಡತ್ಂಡ್.

ಈ ದಾಳಿಡ್ ಆಜಿ ತಿಂಗೊಲ್ದ ಬಾಲೆ ಬೊಕ್ಕ ಬಾಲೆದ ಅಪ್ಪೆಲ ತೀರ್ದೆರ್ ಪಂದ್ ತೆರಿದ್ ಬೈದ್ಂಡ್. ಘಟನೆಗ್ ಸರಿಯಾಯಿನ ಕಾರಣ ತೆರಿದ್ ಬೈದಿಜಿ. ಅವ್ವತ್ತಂದೆ ಇಂಚಿನ ದಾಳಿ ಆಮೇರಿಕಡ್ ಕರಿನ ಒಂಜಿ ತಿಂಗೊರ್ಲೊದಿಂಚ ನಡತೊಂದು ಉಂಡು ಪಂದ್ ಕೇಸ್ ದ ವರದಿ ತೆರಿಪಾದ್ಂಡ್.

An infant among six killed in California shooting incident

Washington: In the suburbs of Goshen in California, six people including a baby were killed in a shootout.

The mother of the baby was also killed.The reason for the shooting is not known.This type of shooting has been reported in America in many places in the past one month.

ಬೊಲ್ತೇರ್: ರಾಜ ಕೇಸರಿ ಸಂಘಟನೆದ ಪೊಸ  ಅಧ್ಯಕ್ಷೆರಾದ್ ಸಂದೀಪ್ ರೆಂಕೆದಗುತ್ತು ಆಯ್ಕೆ

ಬೊಲ್ತೇರ್: ರಾಜ ಕೇಸರಿ ಸಂಘಟನೆದ ಪೊಸ ಪದಾಧಿಕಾರಿಲೆನ ಆಯ್ಕೆ ರಾಜ ಕೇಸರಿ ಸಂಘಟನೆದ ಸಂಸ್ಥಾಪಕೆರ್ ದೀಪಕ್ ಜಿ ಬೊಲ್ತೇರ್ ಮೆರೆನ ಮುತಾಲಿಕೆಡ್ ನಡತ್ಂಡ್.

ರಾಜ ಕೇಸರಿ ಸಂಘಟನೆದ ಗೌರವ ಸಲಹೆಗಾರೆರಾದ್ ಶ್ರೀ ರಾಜಶೇಖರಾನಂದ ಸ್ವಾಮೀಜಿ ಗುರುಪುರ, ಕಟ್ಟೆಮಾರು ಮಂತ್ರದೇವತೆ ಸಾನಿಧ್ಯ ಧರ್ಮದರ್ಶಿ ಮನೋಜ್ ಕಟ್ಟೆಮಾರು, ಬೊಲ್ತೇರ್ ಸುವರ್ಣ ಪ್ರತಿಷ್ಠಾನದ ಅಧ್ಯಕ್ಷೆರಾದ್ ಸಂಪತ್ ಬಿ ಸುವರ್ಣ, ಕಾನೂನು ಗೌರವ ಸಲಹೆಗಾರೆರಾದ್ ಪ್ರಶಾಂತ್ ಎಂ, ವೈದ್ಯಕೀಯ ಗೌರವ ಸಲಹೆಗಾರೆರಾದ್ ಅಜಯ್, ಅಧ್ಯಕ್ಷೆರಾದ್ ಸಂದೀಪ್ ರೆಂಕೆದಗುತ್ತು, ಉಪಾಧ್ಯಕ್ಷೆರಾದ್ ಚಂದ್ರಶೇಖರ್ ನೆರಿಯ, ಸಂಘಟನಾ ಕಾರ್ಯದರ್ಶಿಯಾದ್ ವಿನೋದ್ ಪೂಜಾರಿ ಕಕ್ಕುಂಜೆ, ಕಾರ್ಯದರ್ಶಿಯಾದ್ ಪ್ರಶಾಂತ್ ಗುರುವಾಯನಕೆರೆ, ಪ್ರಧಾನ ಕಾರ್ಯದರ್ಶಿಯಾದ್ ಲೋಕೇಶ್ ಪಣಕಜೆ, ಸಂಚಾಲಕೆರಾದ್ ಶಶಿಕಾಂತ್ ಗುರುವಾಯನಕೆರೆ, ಸಹ ಸಂಚಾಲಕೆರಾದ್ ಗಣೇಶ್ ಲಾಯಿಲ, ಕೋಶಾಧಿಕಾರಿಯಾದ್ ಸುಮಂತ್ ಕಾರ್ಯತಡ್ಕ, ಕ್ರೀಡಾ ಕಾರ್ಯದರ್ಶಿಯಾದ್ ಬಾಲಕೃಷ್ಣ ನಿಡಿಗಲ್, ವ್ಯವಸ್ಥಾಪಕೆರಾದ್ ರಾಮಣ್ಣ ನಾಳ, ಸಾಮಾಜಿಕ ಜಾಲತಾಣಗ್ ಸಂಪತ್ ಬೊಲ್ತೇರ್ ಆಯ್ಕೆ ಆಯೆರ್.

ದ.ಕ ಜಿಲ್ಲಾ ದಲಿತ ಸೇವಾ ಸಮಿತಿರ್ದ್ 4 ಜನ ಕ್ಯಾನ್ಸರ್ ಸೀಕ್ ದಕಲೆಗ್ ಪನವುದ ಸಕಾಯ

ದ.ಕ ಜಿಲ್ಲಾ ದಲಿತ ಸೇವಾ ಸಮಿತಿರ್ದ್ 4 ಜನ ಕ್ಯಾನ್ಸರ್ ಸೀಕ್ ದಕ್ಲೆನ ಚಿಕಿತ್ಸೆಗಾದ್ ಪನವುದ ಸಕಾಯನ್ ಮಲ್ಪುನ ಸಲುವಾದ್ ಜ.14 ಬೊಕ್ಕ 15 ಕ್ ಜೈಭೀಮ್ ಟ್ರೋಫಿ ಕ್ರಿಕೆಟ್ ಪಂತೊ ನಡತ್ಂಡ್.

ಈ ಪಂತೊಡ್ ಒರಿನ 40000ರೂ. ಡ್ 10000ರೂ. ನ್ ಸಾಲೆತ್ತೂರು ಗ್ರಾಮದ ಪಾಲ್ತಾಜೆಡ್ ರಾಜು ಬೈರ ಪನ್ಪುನರೆನ ಇಲ್ಲಡೇ ಜ.16 ಕ್ ಭೇಟಿ ಕೊರ್ದು ಸಕಾಯ ಮಲ್ತೆರ್. ಈ ಪೊರ್ತುಡು ಸಂಘಟನೆದ ಸ್ಥಾಪಕಾಧ್ಯಕ್ಷೆರ್ ಬಿ.ಕೆ ಸೇಸಪ್ಪ ಬೆದ್ರಕಾಡು, ಜಿಲ್ಲಾಧ್ಯಕ್ಷೆರ್ ಚಂದ್ರಶೇಖರ್ ಯು ವಿಟ್ಲ, ಜಿಲ್ಲಾ ಉಪಾಧ್ಯಕ್ಷೆರ್ ಪ್ರಸಾದ್ ಅನಂತಾಡಿ, ಪಾಪಣ್ಣ ದಾರೆಪಡ್ಪು ಬೊಕ್ಕ ಚಂದ್ರಶೇಖರ್ ಬೊಳ್ಮಾರ್ ಇತ್ತೆರ್.

ಜ.27 : ಕೊಕ್ಕಡ ಶ್ರೀ ವೈದ್ಯನಾಥೇಶ್ವರ ವಿಷ್ಣುಮೂರ್ತಿ ದೇವಲ್ಯಡ್ ಪೊಸ ಗರ್ಭಗುಡಿತ್ತ ಕೆಸರ್ ಕಲ್ಲ್ ಲೇಸ್

ಬೊಲ್ತೇರ್: ಕೊಕ್ಕಡ ಶ್ರೀ ವೈದ್ಯನಾಥೇಶ್ವರ ವಿಷ್ಣುಮೂರ್ತಿ ದೇವಲ್ಯಡ್ ವೈದ್ಯನಾಥೇಶ್ವರ ದೇವೆರೆನ ಪೊಸ ಗರ್ಭಗುಡಿತ್ತ ಕೆಸರ್ ಕಲ್ಲ್ ಪಾಡುನ ಲೇಸ್ ಜ.27 ಶುಕ್ರಾರ ಬೊಲ್ಪುಗು ಎಡಮನೆ ಬ್ರಹ್ಮಶ್ರೀ ಕೆ.ಯು ಪದ್ಮನಾಭ ತಂತ್ರಿಲೆನ ಮುತಾಲಿಕೆಡ್, ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಮೆರೆನ ಕೈಟ್ಟ್ ನಡಪರೆ ಉಂಡು.

ಬೊಲ್ಪುಗು 10.30 ಗು ಧಾರ್ಮಿಕ ಲೇಸ್ ಡ್ ಪೇಜಾವರ ಅಧೋಕ್ಷಜ ಮಠತ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಕುಂಟಾರು ಬ್ರಹ್ಮಶ್ರೀ ರವೀಶ ತಂತ್ರಿಲು ಧಾರ್ಮಿಕ ಪ್ರವಚನ ಕೊರಿಯೆರೆ ಉಲ್ಲೆರ್. ಸಭಾಧ್ಯಕ್ಷತೆನ್ ವಾಸ್ತುಶಿಲ್ಪಿ ಎಸ್. ಎಂ ಪ್ರಸಾದ ಮುನಿಯಂಗಳ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ, ಸಂಸದೆರ್ ನಳಿನ್ ಕುಮಾರ್ ಕಟೀಲ್, ದ.ಕ ಜಿಲ್ಲಾ ಧಾರ್ಮಿಕ ಪರಿಷತ್ ಸದಸ್ಯೆರ್ ದೇವೇಂದ್ರ ಹೆಗ್ಡೆ, ಜೀವನ ಯೋಗ ಪ್ರತಿಷ್ಠಾನ ಸಂಸ್ಥಾಪಕೆರ್ ಆಚಾರ್ಯ ಅರುಣ ಪ್ರಕಾಶ್ ಬರಿಯೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ರಾಮಕೃಷ್ಣ ಯಡಪಡಿತ್ತಾಯ, ಉಪಾಧ್ಯಕ್ಷೆರ್ ಕುಶಾಲಪ್ಪ ಗೌಡ ಪುಡ್ಕೆತ್ತೂರು, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಕೆ. ಬಾಲಕೃಷ್ಣ ಕೆದಿಲಾಯ, ಗ್ರಾಮ‌ ಪಂಚಾಯತ್ ಅಧ್ಯಕ್ಷೆರ್ ಯೋಗೀಶ ಆಲಂಬಿಲ ಉಲ್ಲೆರ್ ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ಕಲ್ಲಡ್ಕ ಪ್ರಾಥಮಿಕ ಶಾಲೆದ ಮುಖ್ಯ ಶಿಕ್ಷಕೆರೆನ ಸಂಘದ ಜಿಲ್ಲಾ ಘಟಕ ರಚನೆ

ಬಂಟ್ವಾಳ: ಕಲ್ಲಡ್ಕ ಮಾದರಿ ಹಿರಿಯ ಪ್ರಾಥಮಿಕ ಶಾಲೆಡ್ ಪ್ರಾಥಮಿಕ ಶಾಲೆದ ಮುಖ್ಯ ಶಿಕ್ಷಕೆರೆನ ಸಂಘದ ಜಿಲ್ಲಾ ಘಟಕ ರಚನೆ ಮಲ್ದೆರ್.

ಬಂಟ್ವಾಳ ತಾಲೂಕ್ ಮುಖ್ಯ ಶಿಕ್ಷಕ ಸಂಘದ ಅಧ್ಯಕ್ಷೆರಾದ್ ವೀರಕಂಬ ಮಜಿ ಶಾಲೆದ ಮುಖ್ಯ ಶಿಕ್ಷಕೆರ್ ನಾರಾಯಣ ಪೂಜಾರಿ ಎಸ್.ಕೆ ಗುರ್ಕಾರ್ಮೆ ಒಯಿಸೊಂದು, ಲೇಸ್ ನ್ ಉದಿಪನ ಮಲ್ತ್ ದ್, ಪ್ರಾಸ್ತಾವಿಕ ಪಾತೆರಿಯೆರ್. ಅವೆರ್ದ್ ಬೊಕ್ಕ ಜಿಲ್ಲಾ ಘಟಕಗ್ ಪದಾಧಿಕಾರಿಲೆನ ಆಯ್ಕೆ ನಡತ್ಂಡ್. ನೆಟ್ಟ್ ಗೌರವಾಧ್ಯಕ್ಷೆರಾದ್ ಮಜಿ ಶಾಲೆದ ನಾರಾಯಣ ಪೂಜಾರಿ ಎಸ್.ಕೆ, ಅಧ್ಯಕ್ಷೆರಾದ್ ನಿಂಗರಾಜು ಕೆ.ಪಿ ಅಲಂಕಾರು ಕಡಬ, ಉಪಾಧ್ಯಕ್ಷೆರಾದ್ ಬಾಬು ಟಿ ಹಿರೆಬಂಡಾಡಿ ಬೊಕ್ಕ ಮಹಾಲಿಂಗ ಬೊಲ್ತೇರ್, ಪ್ರಧಾನಕಾರ್ಯದರ್ಶಿ ಆದ್ ಗೋಪಾಲಕೃಷ್ಣ ಬನ ಸುಳ್ಯ, ಜತೆ ಕಾರ್ಯದರ್ಶಿಯಾದ್ ಪ್ರೇಮ ಕೆ.ಕೆ. ಕಾವಳಮುಡೂರು, ಬೊಕ್ಕ ಶಾರದಾ ಕಡಬ, ಕೋಶಾಧಿಕಾರಿಯಾದ್ ಪುಟ್ಟರಂಗನಾಥ ಟಿ ಬಂಟ್ವಾಳ, ಸಂಘಟನಾ ಕಾರ್ಯದರ್ಶಿಯಾದ್ ಸುನಂದಾ ಸುಳ್ಯ ಬೊಕ್ಕ ಸುರೇಶ್ ಬೊಲ್ತೇರ್, ನಿರ್ದೇಶೆಕೆರಾದ್ ಶಂಕರ್ ನಾರ್ಶಮೈದಾನ ಬೊಕ್ಕ ಮಹೇಶ್ ಕಡಬ ಆಯ್ಕೆ ಆಯೆರ್. ಬೊಕ್ಕ ಅಧ್ಯಕ್ಷೆರಾದ್ ಆಯ್ಕೆ ಆಯಿನ ನಿಂಗರಾಜ್ ಕೆ.ಪಿ. ಮೇರ್ ಪಾತೆರ್ದ್, ಮಾತ ಶಿಕ್ಷಕೆರ್ ಸಹಕಾರ ಕೊರೊಡು ಪಂದ್ ಪಂಡೆರ್. ಬೊಕ್ಕ ಮುಖ್ಯ ಶಿಕ್ಷಕೆರೆನ ಬೇಡಿಕೆಲೆನ್ ಈಡೇರಿಸಾಯೆರೆ ರಾಜ್ಯ ಸಂಘದೊಟ್ಟಿಗೆ ಇತ್ತ್ ದ್ ಕೆಲಸ ಮಲ್ಪುವ ಪಂದ್ ಭರವಸೆನ್ ಕೊರಿಯೆರ್. ಈ ಪೊರ್ತುಡು ಕಲ್ಲಡ್ಕ ಶಾಲೆದ ಮುಖ್ಯ ಶಿಕ್ಷಕೆರ್ ಅಬುಬಕ್ಕರ್ ಅಶ್ರಫ್, ಸುಳ್ಯ ತಾಲೂಕ್ ಅಧ್ಯಕ್ಷೆರ್ ದೇವರಾಜ್, ಬೊಲ್ತೇರ್ ತಾಲೂಕ್ ಅಧ್ಯಕ್ಷೆರ್ ಬಾಲಕೃಷ್ಣ, ಪುತ್ತೂರ್ ತಾಲೂಕ್ ಕಾರ್ಯದರ್ಶಿ ತಾರನಾಥ್ ವೀರಮಂಗಲ, ಪಾಂಡವರಕಲ್ಲು ನವೀನಾ ಕುಮಾರಿ, ಮದ್ವದ ಭವಾನಿ, ಆನಂದ ಕೆಮ್ಮಾನುಪಲ್ಕೆ, ಗೋಪಾಲ ಸುರಿಬೈಲು, ಶಿವರಾಮ್ ಭಟ್ ಮಿತ್ತನಡ್ಕ, ಚಂದ್ರಾವತಿ ಮಾಣಿ ಬೊಕ್ಕ ಮಾತ ತಾಲೂಕ್ ದ ಪದಾಧಿಕಾರಿಲು ಇತ್ತೆರ್. ನಾರಾಯಣ ಪೂಜಾರಿ ಎಸ್ ಕೆ ಎದ್ಕೊನಿಯೆರ್, ಪುಟ್ಟರಂಗನಾಥ ಟಿ ಸೊಲ್ಮೆ ಸಂದಾಯೆರ್. ದೇವಕಿ ಮೋಂತಿಮಾರು ಬೊಕ್ಕ ದಾಮೋದರ ಸರ್ಕಳ ಲೇಸ್ ದ ಸುಧಾರಿಕೆ ಮಲ್ತೆರ್.