Times of kudla

Manglore: Belgian Malinous dogs join Mangalore international Airport security cannie squad ಕುಡ್ಲ: ಇಮಾನ ನಿಲ್ದಾಣದ ಭದ್ರತೆಗ್ ಬತ್ತ್ಂಡ್ ಮ್ಯಾಕ್ಸ್‌ ಬೊಕ್ಕ ರೇಂಜರ್‌ ನಾಯಿಲು

ಕುಡ್ಲ: ಅಂತಾರಾಷ್ಟ್ರೀಯ ಇಮಾನ ನಿಲ್ದಾಣದ ಭದ್ರತಾ ಪಡೆ ಸಿಐಎಸ್‌ಎಫ್ ಶ್ವಾನದಳಕ್ ಬೆಲ್ಜಿಯನ್‌ ಮೆಲಿನೊಯ್ಸ ತಳಿತ್ತ ಮ್ಯಾಕ್ಸ್‌ ಬೊಕ್ಕ ರೇಂಜರ್‌ ಪುದರ್ ದ ರಡ್ಡ್ ನಾಯಿಲು ಸೇರ್ಪಡೆ ಆತ್ಂಡ್.

ಬೆಂಗ್ಲೂರ್ ದ ಸಿಐಎಸ್‌ಎಫ್‌ದ ಶ್ವಾನ ಸಂತಾನೋತ್ಪತ್ತಿ ಬೊಕ್ಕ ತರಬೇತಿ ಕೇಂದ್ರಡ್ ನಡತಿನ ತರಬೇತಿಡ್ ಮ್ಯಾಕ್ಸ್ ಸುರುತ ಬೊಕ್ಕ ರೇಂಜರ್ ರಡ್ಡನೇ ತಾನ ಪಡೆತ್ಂಡ್.

Manglore: Belgian Malinous dogs join Mangalore international Airport security cannie squad

Two dogs of Belgian Malinous breed of CIAS joined the canine squad that overlooks the security at Mangalore international Airport.

Annamalai visits Kukke Subramanya ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಗ್ ಅಣ್ಣಾಮಲೈ ಭೇಟಿ

ಸುಬ್ರಹ್ಮಣ್ಯ: ಮಾಜಿ ಐಪಿಎಸ್ ಅಧಿಕಾರಿ, ತಮಿಳುನಾಡ್ ದ ಬಿಜೆಪಿ ರಾಜ್ಯಾಧ್ಯಕ್ಷೆರ್ ಅಣ್ಣಾಮಲೈ ಕೋಡೆ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಗ್ ಭೇಟಿ ಕೊರ್ದು ದೇವೆರೆನ ದರ್ಶನ ಪಡೆಯೆರ್.

ಮೇರ್ ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳಡ್ ಶಾಸಕೆರ್ ರಾಜೇಶ್ ನಾಯಕ್ ಮೆರೆನ ಮುತಾಲಿಕೆಡ್ ನಡಪರೆ ಇಪ್ಪುನ ಗ್ರಾಮ ವಿಕಾಸಯಾತ್ರೆ ಲೇಸ್ ಡ್ ಪಾಲ್ ಪಡೆಯೆರೆ ಬತ್ತಿನ ಪೊರ್ತುಡು ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಗ್ ಭೇಟಿ ಕೊರಿಯೆರ್.

ದೇವಲ್ಯದ ಆಡಳಿತ ಮಂಡಳಿ ಸದಸ್ಯೆರ್ ಬೊಕ್ಕ ಬಿಜೆಪಿ ಪಕ್ಷದ ಕೈತಲ್ ದ ನಾಯಕೆರ್ ಮೆರೆನ್ ಎದ್ಕೊನಿಯೆರ್.

Annamalai visits Kukke Subramanya

Subramanya-Former IPS officer, State president of Tamilnadu BJP Annamali visited Kukke Subramanya today.
He had come to participate in the Vikasa Yatra program organised by Bantwal MLA Rajesh Naik.

Vacancies in SBI – Program manager and other posts vacant ಎಸ್ ಬಿಐಡ್ ಪ್ರೋಗ್ರಾಂ ಮ್ಯಾನೇಜರ್ ಬೇಲೆ

ಪ್ರೋಗ್ರಾಂ ಮ್ಯಾನೇಜರ್ ಸೇರ್ದ್ ಸುಮಾರ್ ಬೇಲೆಗ್ ಎಸ್ ಬಿಐ ಅರ್ಜಿ ಪಾಡೊಲಿ.

ಆಸಕ್ತಿ ಇಪ್ಪುನ ಬೊಕ್ಕ ಅರ್ಹ ಅಭ್ಯರ್ಥಿಲು ಎಸ್ ಬಿಐದ ವೆಬ್ ಸೈಟ್ sbi.co.in ಡ್ ಅರ್ಜಿ ಪಾಡೊಲಿ. ಅರ್ಜಿ ಪಾಡಿಯೆರ್ ಫೆ‌‌.9 ಅಕೇರಿದ ತಾರೀಕ್. ಬಿಸಿಎ, ಬಿಎಸ್ ಸಿ, ಬಿ.ಟಿ.ಹೆಚ್ ಆದಿಪ್ಪೊಡು. ಪ್ರೋಗ್ರಾಂ ಮ್ಯಾನೇಜರ್, ಮ್ಯಾನೇಜರ್, ಕಮಾಂಡ್ ಸೆಂಟರ್ ಮ್ಯಾನೇಜರ್ ಆದ್ ಬೇಲೆ ಖಾಲಿ ಉಂಡು. ಶಾರ್ಟ್ ಲಿಸ್ಟ್, ಸಂದರ್ಶನ ಬೊಕ್ಕ ಸಿಟಿಸಿದ ಮುಖೇನ ಆಯ್ಕೆ ಮಲ್ಪೆರೆ ಆಪುಂಡು.

Vacancies in SBI – Program manager and other posts vacant

Many posts including that of program manager is vacant in SBI.

Those interested can apply on SBI website
SBI.com.in. The last date to send in applications is February 9th.

Radio Manipal to air a medley of programs ರೇಡಿಯೊ ಮಣಿಪಾಲ್ ಡ್ ವೈವಿಧ್ಯಮಯ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 mhz, ಡ್ ಒಡಿಪು ಪೂರ್ಣಪ್ರಜ್ಞ ಕಾಲೇಜ್ ದ ಹಿಂದಿ ವಿಭಾಗದ ಕಲ್ಪಾರ್ಥಿಲೆರ್ದ್ ವೈವಿಧ್ಯಮಯ ಲೇಸ್ ಜ.27 ಶುಕ್ರಾರ ಬಯ್ಯಗ್ 4.15 ಕ್ ಪ್ರಸಾರ ಆಂಡ್.

ಜ.28 ಸನಿಯಾರ ಮಧ್ಯಾಹ್ನ 12.15 ಕ್ ಮರುಪ್ರಸಾರ ಆಪುಂಡು.

Feb 4-9th: Aladangadi Sri Mahaganapati temple -Brahmakalashotsava ಫೆ.4-9: ಅಳದಂಗಡಿ ಶ್ರೀ ಮಹಾಗಣಪತಿ ದೇವಲ್ಯಡ್ ಪುನರ್ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ

ಬೊಲ್ತೇರ್: ಅಳದಂಗಡಿ ಬಡಗ ಕಾರಂದೂರುದ ಶ್ರೀ ಮಹಾಗಣಪತಿ ದೇವಲ್ಯಡ್ ಶ್ರೀ ಮಹಾಗಣಪತಿ ನವೀಕರಣ ಪುನರ್ ಪ್ರತಿಷ್ಠಾ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಫೆ.4 ರ್ದ್ 9 ಮುಟ್ಟ ನಡಪರೆ ಉಂಡು.

ಈ ಲೇಸ್ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ ವೀರೇಂದ್ರ ಹೆಗ್ಗಡೆ ಮೆರೆನ ಮಾರ್ಗದರ್ಶನಡ್ ಕೆ.ಅನಂತಪದ್ಮನಾಭ ಉಪಾಧ್ಯಾಯ ಮೆರೆನ ಮುತಾಲಿಕೆಡ್, ನಡಪರೆ ಉಂಡು. ಬೊಕ್ಕ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ನಡಪುಂಡು. ಈ ಮಾತ ಲೇಸ್ ಗ್ಲಾ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಡಾ. ಶಶಿಧರ ಡೋಂಗ್ರೆ, ಗೌರವಾಧ್ಯಕ್ಷೆರ್ ತಿಮ್ಮಣ್ಣರಸೆರಾಯಿನ ಡಾ. ಪದ್ಮಪ್ರಸಾದ ಅಜಿಲೆರ್, ಪ್ರಧಾನ ಕಾರ್ಯದರ್ಶಿ ಪಿ.ಹೆಚ್. ನಿತ್ಯಾನಂದ ಶೆಟ್ಟಿ ನೊಚ್ಚ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಶಾಸಕೆರ್ ಹರೀಶ್ ಪೂಂಜ, ಕಾರ್ಯಾಧ್ಯಕ್ಷೆರ್ ಸದಾನಂದ ಪೂಜಾರಿ ಉಂಗಿಲಬೈಲ್, ಸ್ವಾಗತ ಸಮಿತಿದ ಅಧ್ಯಕ್ಷೆರ್ ಶಿವಪ್ರಸಾದ್ ಅಜಿಲೆರ್, ಪ್ರಧಾನ ಕಾರ್ಯದರ್ಶಿ ಸಂತೋಷ್ ಕುಮಾರ್ ಕಾಪಿನಡ್ಕ, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಗಂಗಾಧರ ಮಿತ್ತಮಾರು, ಪ್ರಧಾನ ಅರ್ಚಕೆರ್ ಎ. ಸೋಮನಾಥ ಮಯ್ಯ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Man commits suicide after dousing himself with petrol inside a car ಸಚ್ಚರಿಪೇಟೆ ಕುದ್ರೋಟ್ಟು: ಕಾರ್ ದ ಉಲಯಿ ಪೆಟ್ರೋಲ್ ಮೈತ್ ದ್ ಆತ್ಮಹತ್ಯೆ ಮಲ್ತೊನ್ನ ಜನ

ಕಾರ್ಲ: ಕಾರ್ ದ ಉಲಯಿ ಪೆಟ್ರೋಲ್ ಮೈತ್ ದ್ ಒಂಜಿ ಜನ ಆತ್ಮಹತ್ಯೆ ಮಲ್ತೊನ್ನ ಘಟನೆ ಕಾರ್ಲ ತಾಲೂಕ್ ದ ಮುಂಡ್ಕೂರು ಗ್ರಾಮದ ಸಚ್ಚರಿಪೇಟೆ ಕುದ್ರುಟ್ಟುಡ್ ಬುಧಾರ ರಾತ್ರೆ ನಡತ್ಂಡ್.

ಮುಂಡ್ಕೂರು ಗ್ರಾಮದ ಸಚ್ಚರೀ ಪೇಟೆ ಕುದ್ರುಟ್ಟು ನಿವಾಸಿ ಕೃಷ್ಣ ಸಫಲಿಗ (46) ಆತ್ಮಹತ್ಯೆ ಮಲ್ತೊನ್ನ ಜನ. ಕಾರ್ ಡ್ರೈವರ್ ಆದ್ ಬೆನೊಂದು ಇತ್ತಿನ ಮೇರ್ ಕೋಡೆ ರಾತ್ರೆ ಮೆಗ್ಯನ ಇಲ್ಲಲ್ ಮದಿರೆಂಗಿ ಲೇಸ್ ಮುಗಿತ್ ದ್ ಪಿರ ಪೋನಗ ತನ್ನ ಕಾರ್ ದೊಲಯಿ ಕುಲ್ಲುದು ಪೆಟ್ರೋಲ್ ಮೈತ್ ದ್ ತೂ ಪೊತ್ತಾದ್ ಆತ್ಮಹತ್ಯೆ ಮಲ್ತೊಂದೆರ್. ಈ ಘಟನೆದ ಜಾಗೆಗ್ ಕಾರ್ಲ ಪೊಲೀಸೆರ್ ಬತ್ತ್ ದ್ ತನಿಖೆ ಮಲ್ದೆರ್.

A woman killed in a collusion between a car and lorry ಕಾರ್ ಬೊಕ್ಕ ಲಾರಿ ಗುದ್ದುದು ತೀರ್ ಪೋಯಿನ ಪೊಂಜೋವ್

ಗುಂಡ್ಲುಪೇಟೆ: ಕಾರ್ ಬೊಕ್ಕ ಲಾರಿ ಗುದ್ದುದು ಪೊಂಜೋವ್ ಒರ್ತಿ ಜಾಗೆಡೇ ತೀರ್ ಪೋಯಿನ ಘಟನೆ ಪಟ್ಟಣದ ಹೊರ ವಲಯದ ಸೆಲ್ ಪೆಟ್ರೋಲ್ ಬಂಕ್ ದ ಕೈತಲ್ ಶುಕ್ರಾರ ನಡತ್ಂಡ್.

ನಂಜನಗೂಡು ತಾಲೂಕ್ ದ ಸಿದ್ದನಯ್ಯನಹುಂಡಿ ಗ್ರಾಮದ ಸಂಮೃದ್ದಿ(22) ತೀರ್ ಪೋಯಿನಾರ್. ಮೆರೆನ ಕಂಡನಿ ಬೆಂಗ್ಲೂರ್ ಮೂಲದ ನಾಗೇಂದ್ರ(30) ಮೆರೆನ ಸ್ಥಿತಿ ಮಸ್ತ್ ಗಂಭೀರ ಉಂಡು.‌ ಪೆಟ್ಟಾಯಿನ ಮೆರೆನ್ ಮೈಸೂರ್ ದ ಆಸ್ಪತ್ರೆಗ್ ಲೆತೊಂದು ಪೋಯೆರ್. ಈ ಬಗೆಟ್ ಗುಂಡ್ಲುಪೇಟೆ ಠಾಣೆದ ಪೊಲೀಸೆರ್ ಜಾಗೆಗ್ ಬತ್ತ್ ದ್ ಕೇಸ್ ದಾಖಲ್ ಮಲ್ದೆರ್.

6800 fake marks cards of 15 universities found 15 ವಿವಿಡ್ 6800 ಮಕಲಿ ಮಾರ್ಕ್ಸ್ ಕಾರ್ಡ್ ಪತ್ತೆ

ನಕಲಿ ಮಾರ್ಕ್ಸ್ ಕಾರ್ಡ್ ಜಾಲದ ಮಿತ್ತ್ ದಾಳಿ ಮಲ್ತಿನ ಸಿಸಿಬಿ ಪೊಲೀಸೆರ್ ಒರಿಯನ್ ವಶಕ್ಕ್ ಪಡೆತೆರ್.

ಸರಿಯಾಯಿನ ಮಾಹಿತಿದ ಮಿತ್ತ್ ಬೆಂಗ್ಲೂರ್ ದ 5 ಸಂಸ್ಥೆಲೆನ ಮಿತ್ತ್ ಪೊಲೀಸೆರ್ ದಾಳಿ ನಡಪಾದೆರ್. 15 ವಿವಿಲು ಬೊಕ್ಕ ಬೋರ್ಡ್ ಲೆನ ಕಲ್ವ ಅಂಕಪಟ್ಟಿ ಪತ್ತೆ ಆತ್ಂಡ್. ಬೊಕ್ಕ ಪರಿಶೀಲನೆದ ಪೊರ್ತುಡು ಸುಮಾರ್ 6800 ಕಲ್ವ ಮಾರ್ಕ್ಸ್ ಕಾರ್ಡ್ ಪತ್ತೆ ಆತ್ಂಡ್.

Santro Ravi takes ill and is hospitalized ಸ್ಯಾಂಟ್ರೋ ರವಿ ಹುಷಾರ್ ದಾಂತೆ ಆಸ್ಪತ್ರೆಗ್ ದಾಖಲ್

ಬೆಂಗ್ಲೂರ್: ರಾಜಕಾರಣಿಲು ಬೊಕ್ಕ ಉನ್ನತ ಅಧಿಕಾರಿಲೆನೊಟ್ಟಿಗೆ ಸಂಬಂಧ ಇಪ್ಪುನ ಸ್ಯಾಂಟ್ರೋ ಹುಷಾರ್ ದಾಂತೆ ಆಸ್ವತ್ರೆಗ್ ದಾಖಲ್ ಆತೆರ್.

ನಿದ್ರೆ ಮಾತ್ರೆ ಎಚ್ಚ ಪರ್ನೆರ್ದಾವೆರ ಈ ರೀತಿ ಆರೋಗ್ಯಡ್ ಎಚ್ಚಿಕಮ್ಮಿ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್. ವಿಕ್ಟೋರಿಯಾ ಆಸ್ಪತ್ರೆಗ್ ಸೇರ್ಸಾದೆರ್. ಇತ್ತೆ ಚಿಕಿತ್ಸೆ ನಡತೊಂದು ಉಂಡು.

Bantara Sangha Kuwait, new office bearers for 2023 selected ಬಂಟರ ಸಂಘ ಕುವೈಟ್ ದ 2023 ನೇ ಸಾಲ್ ದ ಪೊಸ ಪದುಕೆರ್ನ ಆಯ್ಕೆ

ಕುವೈಟ್: ಬಂಟರ ಸಂಘ ಕುವೈಟ್ ದ 2023 ನೇ ಸಾಲ್ ದ ಪೊಸ ಸಾರಥಿಲೆನ ಆಯ್ಕೆ ಇಂಚಿಪ್ಪ ನಗರದ ಇಂಡಿಯನ್ ಸ್ಕೂಲ್ ಆಫ್ ಎಕ್ಸಲೆನ್ಸ್ ಸಾಲ್ಮಿಯಾಡ್ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ದೊಟ್ಟಿಗೆ ನಡತ್ಂಡ್.

ಬಂಟರ ಸಂಘ ಕುವೈಟ್ ದ ಮಾಜಿ ಅಧ್ಯಕ್ಷೆರ್ ಬೊಕ್ಕ ವ್ಯವಸ್ಥಾಪನಾ ಸಮಿತಿದ ಪದಾಧಿಕಾರಿಲು ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್. ಸಂಘದ ಪೊಸ ಅಧ್ಯಕ್ಷೆರಾದ್ ಸತೀಶ್ಚಂದ್ರ ಶೆಟ್ಟಿ ನಕ್ರೆ, ಉಪಾಧ್ಯಕ್ಷೆರಾದ್ ಶೋಧನ್ ಶೆಟ್ಟಿ, ಪ್ರಧಾನ ಕಾರ್ಯದರ್ಶಿಯಾದ್ ವಿಶ್ವನಾಥ್ ಶೆಟ್ಟಿ, ಕೋಶಾಧಿಕಾರಿಯಾದ್ ಸಂದೇಶ್ ಶೆಟ್ಟಿ, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಮನೋಜ್ ಶೆಟ್ಟಿ ಕಿನ್ನಿಗೋಳಿ, ಸಾರ್ವಜನಿಕ ಸಂಪರ್ಕಾಧಿಕಾರಿಯಾದ್ ದೀಪ್ತಿ ಪ್ರಶಾಂತ್ ಶೆಟ್ಟಿ ಬೊಕ್ಕ ಕ್ರೀಡಾ ಕಾರ್ಯದರ್ಶಿಯಾದ್ ದುಷ್ಯಂತ್ ಶೆಟ್ಟಿ ಆಯ್ಕೆ ಆಯೆರ್. ನಿರ್ಗಮಿತ ಅಧ್ಯಕ್ಷೆರಾಯಿನ ಗುರುಪ್ರಸಾದ್ ಹೆಗ್ಡೆ ಮೇರ್ ಆರೋಗ್ಯ, ಶಿಕ್ಷಣ, ಮದಿಮೆ ನೆರವು ಯೋಜನೆದಡಿಟ್ ನಿರ್ಗತಿಕೆರೆಗ್ ಸೇವೆ ಸಂದಾಯಿನ ತಂಡ ಬೊಕ್ಕ ತಂಡದ ಸದಸ್ಯೆರೆಗ್ ಸೊಲ್ಮೆ ಸಂದಾಯೆರ್. ನಿಯೋಜಿತ ಚುನಾವಣಾ ಅಧಿಕಾರಿ ಸನತ್ ಕುಮಾರ್ ಶೆಟ್ಟಿ ಮೇರ್ 2023ನೇ ಸಾಲ್ ದ ಸಂಘದ ಸಮಿತಿದ ನಾಮನಿರ್ದೇಶನದ ಬಗೆಟ್ ಮಾಹಿತಿ ಕೊರಿಯೆರ್. ಮಾಜಿ ಕ್ರೀಡಾ ಕಾರ್ಯದರ್ಶಿ ಪ್ರಕಾಶ್ ಶೆಟ್ಟಿ ಪ್ರಾಸ್ತಾವಿಕ ಭಾಷಣ ಮಲ್ತೆರ್. ಮಾಜಿ ಕೋಶಾಧಿಕಾರಿ ರವಿರಾಜ್ ಶೆಟ್ಟಿ 2022 ನೇ ಸಾಲ್ ದ ಲೆಕ್ಕ ಪತ್ರ ಒದಿಯೆರ್. ಬೊಕ್ಕ ಸ್ವಾತಿ ಶೆಟ್ಟಿ, ರೋಶನಿ ಶೆಟ್ಟಿ, ಸುಷ್ಮಾ ದಿನೇಶ್ ಶೆಟ್ಟಿ, ಸಾನ್ವಿ ಶೆಟ್ಟಿ, ಸ್ತುತಿ ಸುಕೇಶ್ ಶೆಟ್ಟಿ, ಮೃದಿನಿ ಶೆಟ್ಟಿ ಮೊಕ್ಲೆರ್ದ್ ಸಮೂಹ ಬೊಕ್ಕ ಏಕವ್ಯಕ್ತಿ ನೃತ್ಯ ಲೇಸ್ ನಡತ್ಂಡ್. ಶೃತಿ ರೈ ಪಕ್ಕಳ ಬರೆದ್ ನಿರ್ದೇಶನ ಮಲ್ತಿ‌ನ ಸಂಗೀತದ “ಬಂಟಾಟಿಕೆ” ಬೊಕ್ಕ ಮನೋಜ್ ಕುಮಾರ್ ಶೆಟ್ಟಿ ಬರೆದ್ ನಿರ್ದೇಶನ “ಕುಸಲ್ ದ ಎಸಲ್” ಹಾಸ್ಯ ನಾಟಕ ಆಂಡ್. ಅತ್ತಂದೆ ಮೊಘಲ್ ತಂದೂರಿ ರೆಸ್ಟೋರೆಂಟ್‌ ರ್ದ್ ಸಾಂಪ್ರದಾಯಿಕ ವನಸ್ ಬೊಕ್ಕ ರಾಫೆಲ್ ಡ್ರಾದೊಟ್ಟಿಗೆ ಲೇಸ್ ಮುಗಿಂಡ್. ಬೇತೆ ಬೇತೆ ಪಂತೊಡು ಗೆಂದಿನಕ್ಲೆಗ್ ಇನಾಮುನ್ ಕೊರಿಯೆರ್. ಆಶೀತ್ ಎಚ್. ಶೆಟ್ಟಿ ಲೇಸ್ ದ ಸುಧಾರಿಕೆ ಮಲ್ತೆರ್. ಪ್ರೇಮ ಶೆಟ್ಟಿ ಸೊಲ್ಮೆ ಸಂದಾಯೆರ್.

ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

Bantara Sangha Kuwait, new office bearers for 2023 selected

Kuwait: The new office bearers for Bantara Sangha, Kuwait for the year 2023 was selected at a program at the Indian School of Excellence. Various cultural items were presented at the program.

Satish Chandra Shetty Nakre is the new president, Shodan Shetty is the Vice President, Vishwanath Shetty is the chief secretary, Sandesh Shetty is treasurer,Manoj Shetty is the cultural secretary,public relations officer is Deeptha Prashant Shetty and Dushyant Shetty is Sports secretary.

The cultural programme included dances, drama and musical show.Prize were given to winners in various activities organised by the association.