Times of kudla

Feb 3rd : Bahrain Billavas celebrate 19 th annual celebration ಫೆ.3: ಬೆಹರಿನ್ ಬಿಲ್ಲವಾಸ್ ದ 19ನೇ ವರ್ಷದ ಉಚ್ಚಯ

ಬೆಹರಿನ್ ದ ಅನಿವಾಸಿ ಬಿಲ್ಲವರ ಒಕ್ಕೂಟ ಆಯಿನ ಬೆಹರಿನ್ ಬಿಲ್ಲವಾಸ್ ದ 19 ನೇ ವರ್ಷದ ಉಚ್ಚಯ ಫೆ.3 ಕ್ ಶುಕ್ರಾರ ಮನಾಮಡ್ ಇಪ್ಪುನ ಇಂಡಿಯನ್ ಕ್ಲಬ್ ದ ಔಟ್ ಡೋರ್ ಸ್ಟೇಡಿಯಂಡ್ ಗೌಜಿಡ್ ನಡಪರೆ ಉಂಡು. ‌

ಹರೀಶ್ ಪೂಜಾರಿ ಮೆರೆನ ಗುರ್ಕಾರ್ಮೆಡ್ ತುಳುನಾಡ ಉಚ್ಚಯ ದ ನಿಲೆಟ್ಟ್ ತುಳುನಾಡ್ ದ ಪೆರ್ಮೆದ ಸಾಂಸ್ಕೃತಿಕ ಲೇಸ್ ಮುಖೇನ ನಡಪರೆ ಉಂಡು. ಈ ಲೇಸ್ ಡ್ ಬಿಲ್ಲವ ಸಮುದಾಯದ ಸುಮಾರ್ 120 ಕ್ ಎಚ್ಚ ಕಲಾವಿದೆರೆನ ಮುಖೇನ ತುಳುನಾಡ್ ದ ಕಲೆ, ಸಂಸ್ಕೃತಿಲು ವೇದಿಕೆಡ್ ಬುಡುಗಡೆ ಆವರೆ ಉಂಡು. ತುಳುನಾಡ್ ದ ಗರಡಿ, ದೈವ ತಾನಲು, ಸಾಂಪ್ರದಾಯಿಕ ಬೇಸಾಯಲೆಡ್ ಉಪಯೋಗ ಮಲ್ಪುನ ಪುರಾತನ ಸೊತ್ತುಲು, ದೈನಂದಿನ ಜೀವನಡ್ ಉಪಯೋಗ ಮಲ್ತೊಂದು ಇತ್ತಿನ ಸೊತ್ತುಲೆನ ಇಸೇಸ ಆಯಿನ ಸೊತ್ತು ಪ್ರದರ್ಶನ ಈ ಲೇಸ್ ದ ಪ್ರಧಾನ ಆಕರ್ಷಣೆ ಆತ್ಂಡ್. ತುಳುನಾಡ್ ದ ಪುಗರ್ತೆದ ರಂಗಕರ್ಮಿ, ನಿರ್ದೇಶಕೆರ್ ಪರಮಾನಂದ ಸಾಲ್ಯಾನ್ ಮೆರೆನ ನಿರ್ದೇಶನಡ್ ಬಿಲ್ಲವ ಸಮುದಾಯದ 70 ಕ್ ಎಚ್ಚದ ಕಲಾವಿದೆರೆನ ಅಭಿನಯಡ್ “ಬಿರ್ದ್ ಬಿರ್ಸಾದಿಗೆದ ತುಳುನಾಡ್” ಪನ್ಪುನ ಒಂಜಿ ಗಂಟೆ ಕಾಲಾಧಿದ ನೃತ್ಯ ರೂಪಕ ಪ್ರದರ್ಶನ ಆವರೆ ಉಂಡು. ಮಲ್ಲ ಬಿನ್ನೆರಾದ್ ಸಚಿವೆರ್ ಕೋಟ ಶ್ರೀನಿವಾಸ್ ಪೂಜಾರಿ, ಪುಗರ್ತೆದ ನಟೆ ಸುಮನ್ ತಲ್ವಾರ್, ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ಡಾ|ರಾಜ್ ಶೇಖರ್ ಕೋಟ್ಯಾನ್, ಪುಗರ್ತೆದ ನ್ಯಾಯವಾದಿ ಬೊಕ್ಕ ಗೋಕರ್ಣನಾಥೇಶ್ವರ ದೇವಲ್ಯದ ಟ್ರೆಶರರ್ ಪದ್ಮರಾಜ್, ಇಂಡಿಯನ್ ಕ್ಲಬ್ ಬೆಹರಿನ್ ನೆತ್ತ ಅಧ್ಯಕ್ಷೆರ್ ಕೆ.ಎಂ. ಚೆರಿಯನ್, ಬೊಂಬೈ ಬಿಲ್ಲವ ಸಂಘದ ಅಧ್ಯಕ್ಷೆರ್ ಹರೀಶ್ ಜಿ. ಅಮೀನ್, ಒಡಿಪು ಯುವ ಬಿಲ್ಲವ ಅಧ್ಯಕ್ಷೆರ್ ಪ್ರವೀಣ್ ಪೂಜಾರಿ, ಬನ್ನಂಜೆ ಬಿಲ್ಲವ ಸೇವಾ ಸಂಘದ ಅಧ್ಯಕ್ಷೆರ್ ಬಿ. ಮಾಧವ ಪೂಜಾರಿ, ಬೊಂಬೈ ಬಿಲ್ಲವ ಸಂಘದ ಉಪಾಧ್ಯಕ್ಷೆರ್ ಸುರೇಶ್ ಕುಮಾರ್, ಉದ್ಯಮಿ ಹರೀಶ್ ಸಾಲ್ಯಾನ್ ಬರಿಯರೆ ಉಲ್ಲೆರ್.

Feb 3rd: Bahrain Billavas celebrate 19 th annual celebration

The NRI Billava Association,Bharain will hold their 19 th annual program in Friday at Indian club Manama.

The program will be presided by Harish Poojary and the theme of the day will be
‘ Tulunadu ‘.It will celebrate the rich culture, heritage, customs and folk of Tulunadu.More than 120 billawa artists from the island will put up a show presenting the cultural diversity of Tulunadu.A dance drama directed by renowned director Paramanand Salian with 70 artists on the show is another attraction.

The chief guests include minister Kota Srinivas Poojary, actor SumanTalwar, Rajshekhar Kotian president of National Billava Mahamandal and many other dignitaries.

Feb 19: Dubai Sri Satyanarayan Pooja Samithi to hold a collective Sri Satyanarayan Pooja ಫೆ.19: ದುಬೈ ಶ್ರೀ ಸತ್ಯನಾರಾಯಣ ಪೂಜಾ ಸಮಿತಿದ ಮುತಾಲಿಕೆಡ್ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ

ದುಬೈದ ಶ್ರೀ ಸತ್ಯನಾರಾಯಣ ಪೂಜಾ ಸಮಿತಿದ ಮುತಾಲಿಕೆಡ್ 15 ನೇ ವರ್ಷದ ಸಾಮೂಹಿಕ ಶ್ರೀ ಸತ್ಯನಾರಾಯಣ ಪೂಜೆ ಫೆ.19 ಕ್ ದುಬೈದ ಇಂಡಿಯನ್ ಅಕಾಡೆಮಿ ಸ್ಕೂಲ್ ಡ್ ನಡಪರೆ ಉಂಡು.

ಬೊಲ್ಪುಗು ಸಂಕಲ್ಪ, ಕಲಶ ಪ್ರತಿಷ್ಠಾಪನೆ, ಪೂಜಾ ವಿಧಿ ವಿಧಾನಲು ಸುರು, ಸತ್ಯನಾರಾಯಣ ಕಥಾಸಾರ, ಮಹಾಪೂಜೆ, ಮಹಾ ಮಂಗಳಾರತಿ ಆದ್ ಪ್ರಸಾದ ಕೊರಿಯೆರೆ ಉಂಡು. ‌ಅಂಚನೆ ಶ್ರೀ ರಾಜರಾಜೇಶ್ವರಿ ಭಜನಾ ತಂಡ ದುಬೈ ಬೊಕ್ಕ ಮೊಗವೀರ್ಸ್ ಭಜನಾ ಮಂಡಳಿ ದುಬೈ ಮೊಕ್ಲೆರ್ದ್ ಭಕ್ತಿ ಸಂಗೀತ ನಡಪರೆ ಉಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ಸತ್ಯನಾರಾಯಣ ಸ್ವಾಮಿನ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

Feb 19: Dubai Sri Satyanarayan Pooja Samithi to hold a collective Sri Satyanarayan Pooja

The Satyanarayan Pooja Samithi of Dubai will organise a collective 15th annual Sri Satyanarayan Pooja on February 19th at Indian Academy School, Dubai.

Along with the pooja rituals bajans will be organised by Sri Rajarajeshwari Bajana group and Mogaveer’s
Bajana mandal Dubai.

Feb 4-7: 79 th annual Shani Mahapooja and annual celebration – Kote Charitable trust ಫೆ.4-7: ಶ್ರೀ ಶನಿ ಮಹಾತ್ಮಾ ಪೂಜಾ ಸಮಿತಿ ಕೋಟೆ ಚಾರಿಟಬಲ್ ಟ್ರಸ್ಟ್ ನೆತ್ತ ಮುತಾಲಿಕೆಡ್ 79ನೇ ವರ್ಷದ ಶನಿ ಮಹಾಪೂಜೆ, ವಾರ್ಷಿಕ ಉಚ್ಚಯ

ನಾಲಾಸೋಪಾರ : ಶ್ರೀ ಶನಿ ಮಹಾತ್ಮಾ ಪೂಜಾ ಸಮಿತಿ ಕೋಟೆ ಚಾರಿಟಬಲ್ ಟ್ರಸ್ಟ್ ನೆತ್ತ ಮುತಾಲಿಕೆಡ್ 79ನೇ ವರ್ಷದ ಶನಿ ಮಹಾಪೂಜೆ ಬೊಕ್ಕ ವಾರ್ಷಿಕ ಉಚ್ಚಯ ಶ್ರೀಪ್ರಸ್ಥ 4ನೇ ಮಾರ್ಗ, ನಾಲಾಸೋಪಾರ ವಿರಾರ್ ಲಿಂಕ್ ಮಾರ್ಗದಲ್ಪ ಇಪ್ಪುನ ಮಂದಿರದ ಚಾವಡಿಡ್ ಫೆ.4 ರ್ದ್ 7 ಮುಟ್ಟ ನಡಪರೆ ಉಂಡು.

ಕೊಯ್ಯೂರು ನಂದಕುಮಾರ್ ತಂತ್ರಿಲೆನ ಮುತಾಲಿಕೆಡ್ ಧಾರ್ಮಿಕ ವಿಧಿ ನಡಪರೆ ಉಂಡು.
ಫೆ.4 ಸನಿಯಾರ ದೇವತಾ ಪ್ರಾರ್ತನೆ, ತೋರಣ ಮೂರ್ತ, ನವಕ ಪ್ರಧಾನ, (ಅಭಿಷೇಕ) ಗಣಪತಿ ಹೋಮ, ಕೊಡಿ ಏರ್ರೆ ಉಂಡು. ಬೊಕ್ಕ ಶನೀಶ್ಚರ ಮಂತ್ರ ಹೋಮ, ನಾಗದೇವ ಆಶ್ಲೇಷ ಪೂಜೆ, ಮಹಾಪೂಜೆ, ತೀರ್ಥ ಪ್ರಸಾದ ಕೊರಿಯೆರೆ, ಬೊಕ್ಕ ಶನಿಗ್ರಹಣಂತ ಪಾರಾಯಣ, ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಉಚ್ಚಯ, ರಾತ್ರೆ ಪೂಜೆ, ರಂಗಪೂಜೆ, ನಾಲ್ತ್ಯ ಚೆಂಡ್ ಆದ್ ಅನ್ನಸಂತರ್ಪಣೆ ನಡಪರೆ ಉಂಡು.
ಫೆ‌.5 ಐತಾರ ತುಡರ್ ಚೆಂಡ್, ದುರ್ಗಾ ಹೋಮ, ಮಹಾಪೂಜೆ, ತೀರ್ಥ ಪ್ರಸಾದ ಆದ್ ಅನ್ನಸಂತರ್ಪಣೆ ನಡಪರೆ ಉಂಡು. ಬೊಕ್ಕ ಉಚ್ಚಯ, ಪೂಜೆ, ಶ್ರೀ ಭೂತ ಚೆಂಡ್, ಶಯನ ಉಚ್ಚಯ, ಕವಾಟ ಬಂಧನ ಆದ್ ಅನ್ನಸಂತರ್ಪಣೆ ನಡಪರೆ ಉಂಡು. ಫೆ.6 ಸೋಮಾರ ಕವಾಟ ಉದಿಪನ, ಅಭಿಷೇಕ, ಮಹಾಪೂಜೆ, ಚೂರ್ಣ ಉಚ್ಚಯ, ಅನ್ನಸಂತರ್ಪಣೆ ನಡಪರೆ ಉಂಡು. ಬೊಕ್ಕ ಅವಭೃತ ಉಚ್ಚಯ, ದೇವೆರೆನ ದರ್ಶನ, ಕೊಡಿ ಜಾವರೆ ಉಂಡು. ಬೊಕ್ಕ ರಾತ್ರೆ ಪೂಜೆ ಆದ್ ಅನ್ನಸಂತರ್ಪಣೆ ನಡಪರೆ ಉಂಡು. ಫೆ.7 ಅಂಗಾರೆ ಸಂಪ್ರೋಕ್ಷಣೆ, ಮಂತ್ರಾಕ್ಷತೆ ನಡಪರೆ ಉಂಡು.
ಈ ಮಾತ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ಶನೀಶ್ವರ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಟ್ರಸ್ಟಿಲು, ವ್ಯವಸ್ಥಾಪಕ ಸಮಿತಿ, ಪೂಜಾ ಸಮಿತಿ, ಮಹಿಳಾ ವಿಭಾಗ ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Feb 4-7: 79 th annual Shani Mahapooja and annual celebration – Kote Charitable trust

Nalasopara: Sri Shani Mahatmay Pooja Samithi; Kote Charitable trust will organise the 79 th annual Shani Mahapooja and annual celebration at Nalasopara from the 4 th of February to 7th.

The rituals will be under the guidance of Koiyuer Nanda Kumar Tanthri .

Feb 4-11: Premier show of the movie ‘Pili’ in Abudhabi ಫೆ.4-11: ದುಬೈ, ಅಬುದಾಭಿಡ್ “ಪಿಲಿ” ಪಿಕ್ಚರ್ ದ ಪ್ರೀಮಿಯರ್‌ ಶೋ

ದುಬೈ: ಎನ್ಎನ್ಎಮ್ ಪ್ರೊಡಕ್ಷನ್ಸ್ ದಡಿಟ್ ತಯಾರ್ ಆಯಿನ ದುಬೈದ ಭರತ್ ರಾಮ್ ರೈ ನಿರ್ಮಾಣದ, ಆತ್ಮಾನಂದ ರೈ ಸಹ ನಿರ್ಮಾಣದ ಪಿಲಿ ಪಿಕ್ಚರ್ ದ ಪ್ರೀಮಿಯರ್‌ ಪ್ರದರ್ಶನ ದುಬೈದ ದೇರಾದ ಗ್ಯಾಲರಿದ ಸಿನಿಮಾ ಹಯಾತ್ ರೀಜೆನ್ಸ್ ಡ್ ಫೆ.4 ರಾತ್ರೆ 7.30 ಕ್ ಬೊಕ್ಕ ಫೆ.11 ಕ್ 8 ಗಂಟೆಗ್ ಅಬುಧಾಬಿಡ್ ಪ್ರದರ್ಶನ ಆಪುಂಡು.

ಈ ಪಿಕ್ಚರ್ ಡ್ ನಾಯಕೆಯಾದ್ ಭರತ್ ಭಂಡಾರಿ ಬೊಕ್ಕ ನಾಯಕಿಯಾದ್ ಸ್ವಾತಿ ಶೆಟ್ಟಿ ಅಭಿನಯ ಮಲ್ದೆರ್. ನೆಕ್ಕ್ ಪಿಲಿಬೈಲ್ ಯಮುನಕ್ಕ ಪಿಕ್ಚರ್ ದ ಮಯೂರ್ ಆರ್ ಶೆಟ್ಟಿ ನಿರ್ದೇಶನ ಮಲ್ದೆರ್. ತುಳುನಾಡ್ ದ ಮಾತ ಪುಗರ್ತೆದ ಹಾಸ್ಯ ಕಲಾವಿದೆರ್ ಈ ಪಿಕ್ಚರ್ ಡ್ ಅಭಿನಯ ಮಲ್ದೆರ್. ವಿಜಯಕುಮಾರ್ ಕೊಡಿಯಾಲ್ ಬೈಲ್ ಪ್ರಮುಖ ಪಾತ್ರಡ್ ಅಭಿನಯ ಮಲ್ದೆರ್. ಈ ಪಿಕ್ಚರ್ ದ ಪ್ರೀಮಿಯರ್‌ ಪ್ರದರ್ಶನನ್ ಓವರ್ಸೀಸ್ ಗಲ್ಫ್ ಮೂವೀಸ್ ತಂಡ ಮಲ್ತೊಂದುಂಡು. ನೆತ್ತ ಟಿಕೆಟ್ ಗಾದ್ ಈ ನಂಬರ್ ಗ್ ತೆರಿಪಾವೊಲಿ ಪಂದ್ ಪಿಕ್ಚರ್ ದ ನಿರ್ಮಾಪಕೆರ್ ಮಾಧ್ಯಮ ಪ್ರಕಟಣೆಡ್ ತೆರಿಪಾದೆರ್.
ಗೋಕುಲ್:0582538652,
ಮಂಜುನಾಥ್: 0557220264,
ಸಚಿನ್ ಭಂಡಾರಿ:0509436639

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

Feb 4-11: Premier show of the movie ‘Pili’ in Abudhabi

Dubai: The premier show of the movie
‘Pili’ provided by Bharatram Rai under
N N M Productions will be held on February 4-11 th at Abudhabi.

Feb 1-3: Sri Atmaram Bajana Mandira,Kanakamajal- Golden celebration of annual Bajana program ಫೆ.1-3: ಕನಕಮಜಲು ಶ್ರೀ ಆತ್ಮಾರಾಮ ಭಜನಾ ಮಂದಿರ (ರಿ.)ದ ಸುವರ್ಣ ಸಂಭ್ರಮ ಭಜನೆ ಉಚ್ಚಯ

ಸುಳ್ಯ: ಕನಕಮಜಲು ಶ್ರೀ ಆತ್ಮಾರಾಮ ಭಜನಾ ಮಂದಿರ (ರಿ.) ನೆತ್ತ ಸುವರ್ಣ ಸಂಭ್ರಮ ಭಜನೆ ಉಚ್ಚಯ, ಅಖಂಡ ಭಜನಾ ಮಂಗಳ ಉಚ್ಚಯ ಫೆ.1 ರ್ದ್ 3 ಮುಟ್ಟ ನಡಪರೆ ಉಂಡು.

ಈ ಭಜನಾ ಮಂಗಳ ಉಚ್ಚಯಗ್ ಬತ್ತ್ ದ್, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಸುವರ್ಣ ಸಂಭ್ರಮ ಭಜನೆ ಉಚ್ಚಯ ಸಮಿತಿದ ಅಧ್ಯಕ್ಷೆರ್, ಸದಸ್ಯೆರ್, ಆಡಳಿತ ಮಂಡಳಿದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್, ಕನಕಮಜಲು ಶ್ರೀ ಆತ್ಮಾರಾಮ ಭಜನಾ ಮಂದಿರ (ರಿ.) ನೆತ್ತ ಊರುದ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

Udyavara Mada – Mass marriage ceremony invitation released ಉದ್ಯಾವರ ಮಾಡ : ಸಾಮೂಹಿಕ ಮದಿಮೆ ಲೇಸ್ ದ ಲೆಪ್ಪೋಲೆ ಬುಡುಗಡೆ

ಉದ್ಯಾವರ ಮಾಡ : ಸಾಮೂಹಿಕ ಮದಿಮೆ ಲೇಸ್ ದ ಲೆಪ್ಪೋಲೆ ಬುಡುಗಡೆ ಲೇಸ್ ಕೋಡೆ ಬಯ್ಯಗ್ (ಜ.31) ಕೊಡುಗೈ ದಾನಿ ಹೇರಂಭ ಇಂಡಸ್ಟ್ರೀಸ್ ದ ಡೈರೆಕ್ಟರ್ ಸದಾಶಿವ ಶೆಟ್ಟಿ ಮೆರೆನ ಇಲ್ಲಲ್ ಸರಳವಾದ್ ನಡತ್ಂಡ್.

ಸಂಸ್ಥೆದ ಪೂಜ್ಯನೀಯ ಗುರುಕುಲಾಯಿನ ರಾಜ ಬೆಲ್ಚಪ್ಪಾಡೆರ್ ಸದಾಶಿವ ಶೆಟ್ಟಿ ಮೆರೆಗ್ ಶಾಲ್ ಪಾಡ್ದ್ ತಮ್ಮನ ಮಲ್ತೆರ್. ಬೊಕ್ಕ ಲೀಲಾವತಿ ಅಮ್ಮ ಮೆರೆಗ್ ಪ್ರೇಮಲತಾ ರಾಜ ಬೆಲ್ಚಪ್ಪಾಡ ಮೇರ್ ಶಾಲ್ ಪಾಡ್ದ್ ತಮ್ಮನ ಮಲ್ತೆರ್.

ಈ ಪೊರ್ತುಡು ಸಂಸ್ಥೆದ ಪ್ರಧಾನ ಕಾರ್ಯದರ್ಶಿ ಜಯರಾಜ ಶೆಟ್ಟಿ, ಕಾರ್ಯದರ್ಶಿಲಾಯಿನ ತುಳಸಿದಾಸ್ ಮಂಜೇಶ್ವರ ಬೊಕ್ಕ ಯೋಗಿತ ಅಶೋಕ ಉದ್ಯಾವರ ಮಾಡ ಇತ್ತೆರ್.

Mass marriage celebration on February 9th – under the patronage of philanthropist Sadashiv Shetty Kanyana ಫೆ.9: ಕೊಡುಗೈ ದಾನಿ ಸದಾಶಿವ ಶೆಟ್ಟಿ ಕನ್ಯಾನ ಮೆರೆನ ಮುತಾಲಿಕೆಡ್ ಸಾಮೂಹಿಕ ಮದಿಮೆ

ಶ್ರೀ ರಾಜ ಬೆಲ್ಚಪ್ಪಾಡ ಸೇವಾ ಟ್ರಸ್ಟ್ (ರಿ) ಉದ್ಯಾವರ ಮಾಡ ಮಂಜೇಶ್ವರ ನೆತ್ತ ಕೊಡುಗೈ ದಾನಿ, ಹೇರಂಭ ಇಂಡಸ್ಟ್ರೀಸ್ ಡೈರೆಕ್ಟರ್, ಧಾರ್ಮಿಕ ಕ್ಷೇತ್ರಗ್ ಕಾರ್ಯಕಲ್ಪ ಕೊರ್ಪುನ ಧರ್ಮಾತೃ, ಪೊಸ ಮಂದಿರಲೆನ ನಿರ್ಮಾತೃ ಸದಾಶಿವ ಶೆಟ್ಟಿ ಕನ್ಯಾನ ಕುಳೂರು ಮೆರೆನ ಮುತಾಲಿಕೆಡ್ ಸುರುತ ಸರ್ತಿ ಮಂಜೇಶ್ವರದ ಚಿಗುರುಪಾದೆ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ವಠಾರಡ್ ಫೆ.9 ಗುರುವಾರ ಸಾಮೂಹಿಕ ಮದಿಮೆ ಲೇಸ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಮದಿಮಾಯೆ ಮದಿಮಾಲೆಗ್ ಆಶೀರ್ವಾದ ಮಲ್ಪೊಡು ಪಂದ್ ಶ್ರೀ ರಾಜ ಬೆಲ್ಚಪ್ಪಾಡ ಸೇವಾ ಟ್ರಸ್ಟ್ (ರಿ) ಉದ್ಯಾವರ ಮಾಡ ಮಂಜೇಶ್ವರ ಮೊಕುಲು ಲೆಪ್ಪೋಲೆಡ್ ತೆರಿಪಾದೆರ್.

Mass marriage celebration on February 9th – under the patronage of philanthropist Sadashiv Shetty Kanyana

Sri Raja Balchapada Seva Trust (R) lead by philanthropist, enterpreneur, director of Heramba industries Sadashiv Shetty Kanyana will conduct free mass marriage ceremony on February 9th, at the premises of Sri Mahalingeshwara temple, Manjeshwara.

The invitation release function of the same was held on January 31st.

Radio Manipal – community series ನೀರ್ ಹಾಳಾಪಿನೆಂಚ ?ರೇಡಿಯೊ ಮಣಿಪಾಲ್ ಡ್ ಪೊಲಬು ಕೊರ್ಪಿನ ಕಜ್ಜ

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಜ.30 ಸನಿಯಾರ ಬಯ್ಯಗ್ 6 ಗಂಟೆಗ್ ನೀರ್ ಮಾಲಿನ್ಯಗ್ ಕಾರಣದ ಬಗೆಟ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಅಲೆವೂರು ಬೊಕ್ಕ ಬೊಮ್ಮರಬೆಟ್ಟು ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ದಯಾನಂದ ಬೆಣ್ಣೂರ್ ಪಾಲ್ ಪಡೆಯೆರೆ ಉಲ್ಲೆರ್. ಜ.31 ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

Radio Manipal – community series

Manipal: Radio Manipal 90.4Mhz;
Drinking water and sanitation department Bangalore –will air under its program titled ” Shudda Jala,Swatcha Nela Arogyavagirali jeeva sankula” a talk on causes of Water pollution on January 30th at 6 p.m.

Dayananda Bennur of Alayur and Bomarabettu gram panchayat will participate in the program.It will be again be aired on January 31st at 2 after noon.

January 30 to February 4th: Arala Jatra ಜ.30-ಫೆ.4: ಅರ್ಲದ ಜಾತ್ರೆ

ಅರಳ-ಕೊಯಿಲ ಶ್ರೀ ಗರುಡ ಮಹಾಕಾಳಿ ದೇವಲ್ಯಡ್ ಅರ್ಲದ ಜಾತ್ರೆ ಜ.30 ರ್ದ್ ಫೆ.4 ಮುಟ್ಟ ನಡಪರೆ ಉಂಡು.

ಈ ಲೇಸ್ ಡ್ ಮಾತೆರ್ಲಾ ಬತ್ತ್ ದ್ ದೈವ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

Kadaba: Sandalwood smuggler arrested ಕಡಬ: ಗಂಧ ಕಂಡ್ ದ್ ಕೊನೊಂದು ಇತ್ತಿನ ಆರೋಪಿ ಪತ್ತೆ

ಕಡಬ: ಗಂಧ ಕಂಡ್ ದ್ ಕೊನೊಂದು ಇತ್ತಿನ ಕೇಸ್ ಡ್ ದೆಂಗ್ ದ್ ಕುಲ್ಲುದು ಇತ್ತಿನ ಆರೋಪಿನ್ ಕಡಬ ಪೊಲೀಸೆರ್ ಸೋಮವಾರಪೇಟೆಡ್ ಪತ್ತೆ ಮಲ್ತ್ ದ್ ಅರೆಸ್ಟ್ ಮಲ್ದೆರ್.

ಉಮರಬ್ಬ ಅರೆಸ್ಟ್ ಆಯಿನ ಆರೋಪಿ ಆತೆರ್. ಈ ಜನ ಕರಿನ 40 ವರ್ಷೋರ್ದಿಂಚ ಪೊಲೀಸೆರೆನ ಕೈಕ್ ತಿಕ್ಕಂದೆ ದೆಂಗ್ ದ್ ಕುಲ್ಲುದು ಇತ್ತೆರ್. ಮೆರೆನ ಮಿತ್ತ್ ಕಡಬ ಪೊಲೀಸ್ ಠಾಣೆ ಡ್ ಕೆಲವು ಕೇಸ್ ದಾಖಲ್ ಆತ್ಂಡ್. ಕೇಸ್ ದ ಎಲ್ ಪಿ ಸಿ ವಾರೆಂಟ್ ಬಗೆಟ್ ಪೊಲೀಸೆರ್ ನಾಡ್ ದ್ ಅರೆಸ್ಟ್ ಮಲ್ದೆರ್. ಆರೋಪಿಗ್ ನ್ಯಾಯಾಲಯ 15 ದಿನ ನ್ಯಾಯಾಂಗ ಬಂಧನಡ್ ದೀತ್ಂಡ್. ಈ ಜನತ ಮಿತ್ತ್ ತುಮಕೂರು ಬೊಕ್ಕ ಮೈಸೂರ್ ಜಿಲ್ಲೆದ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.