Times of kudla

An unit inaugurated in UAE for the development of the new Mariguddi in Kaup ಕಾಪು ಪೊಸ ಮಾರಿಗುಡಿ ದೇವಲ್ಯದ ಅಭಿವೃದ್ಧಿಗಾದ್ ಯುಎಇ ಘಟಕದ ಉದಿಪನ ಲೇಸ್

ದುಬೈ: ಮಸ್ತ್ ಜನ ಭಕ್ತೆರೆನ ಅಪ್ಪೆ ಪಂದೇ ಲೆಪ್ಪುನ ಕಾಪು ಶ್ರೀ ಮಾರಿಯಮ್ಮ ತನ್ನ ದೈವಿಕ ಶಕ್ತಿರ್ದ್ ದೇಶ ವಿದೇಶದ ಭಕ್ತೆರೆಗ್ ಅಭಯ ಪ್ರೇರಣೆ ಕೊರೊಂದು ಉಲ್ಲೆರ್. ನೆತ್ತಂಚನೆ ಕಾಪು ಶ್ರೀ ಪೊಸ ಮಾರಿಗುಡಿ ದೇವಲ್ಯದ ಅಭಿವೃದ್ಧಿಗಾದ್ ಯುಎಇ ಘಟಕ ಸ್ಥಾಪನೆ ಆಂಡ್. ನೆತ್ತ ಉದಿಪನ ಲೇಸ್ ಇಂಚಿಪ್ಪ ನಡತ್ಂಡ್.

ಈ ಪೊರ್ತುಡು ಕಾಪು ಶ್ರೀ ಪೊಸ ಮಾರಿಗುಡಿ ದೇವಲ್ಯದ ಅಭಿವೃದ್ಧಿ ಘಟಕದ ಕಾರ್ಯಾಧ್ಯಕ್ಷೆರ್ ವಾಸುದೇವ ಶೆಟ್ಟಿ ಮೇರ್ ಪಾತೆರ್ದ್ “ದೇಶ ವಿದೇಶಡ್ ಎನ್ನ ಮಸ್ತ್ ಭಕ್ತೆರ್ ಉಲ್ಲೆರ್. ಅಕ್ಲೆಗ್ ಎನ್ನ ಬಗ್ಗೆ ಪ್ರಚಾರ ಕೊರ್ದು ಪ್ರೇರಣೆ ಯಾನ್ ಕೊರ್ಪೆ, ಕಾಸ್ ನ್ ಬಾಯಿ ಬುಡ್ದ್ ಕೇನೊರ್ಚಿ, ರಶೀದ್ ಬೂಕ್ ದೆತೊಂದು ಪೋವೊರ್ಚಿ, ಅಕ್ಲೆಗ್ ಜೀರ್ಣೋದ್ಧಾರ ಕಜ್ಜೊದ ಬಗ್ಗೆ ಮಾಹಿತಿ ಕೊರ್ದು ಕಾಸ್ ತಿಕುಲೆಕ್ಕ ಯಾನ್ ಅಕ್ಲೆಗ್ ಪ್ರೇರಣೆ ಕೊರ್ಪೆ” ಉಂದು ಕಾಪು ಅಮ್ಮನ ಅಭಯದ ನುಡಿ ಆತ್ಂಡ್ ಪಂದ್ ಪಂಡೆರ್.

ಕಾಪು ಶ್ರೀ ಪೊಸ ಮಾರಿಗುಡಿ ದೇವಲ್ಯದ ಅಭಿವೃದ್ಧಿ ಯುಎಇ ಘಟಕದ ಉದಿಪನ ಲೇಸ್ ಡ್ ನವ ದುರ್ಗೆನ ಪ್ರತೀತಿಯಾದ್ 9 ಸಮಾಜದ ಸದಸ್ಯೆರೆನ್, ಸಂಚಾಲಕೆರೆನ್ ಆಯ್ಕೆ ಮಲ್ತ್ ದ್, ಅಂತಾರಾಷ್ಟ್ರೀಯ ಮಟ್ಟಡ್ ಘಟಕಲೆನ್ ಸ್ಥಾಪನೆ ಮಲ್ಪುವ ಪಂದ್ ಕಾಪು ಅಮ್ಮನ ಅಭಯ ಆತ್ಂಡ್. ನೆತ್ತ ಲೆಕ್ಕನೇ ಕರಿನ ಶುಕ್ರಾರ ಒಮಾನ್ ಡ್ ಅಂತಾರಾಷ್ಟ್ರೀಯ ಸಮಿತಿದ ಅಧ್ಯಕ್ಷೆರಾದ್ ಸರ್ವೋತ್ತಮ ಶೆಟ್ಟಿ ಮೆರೆನ್ ಆಯ್ಕೆ ಮಲ್ತ್ ದ್ ಒಮಾನ್ ಘಟಕ ಸ್ಥಾಪನೆ ಮಲ್ಪರೆ ಆಂಡ್ ಪಂದ್ ಪಂಡೆರ್. ಬೊಕ್ಕ ಯುಎಇ ಘಟಕದ ಉದಿಪನ ಲೇಸ್ ಡ್ ನಮ ಸೇರ್ದ್, ನಿಕಲೆಡ ಅತ್ ಕೊರ್ಲೆ, ಈತ್ ಕೊರ್ಲೆ ಪಂದ್ ಕೇನುಜ, ಅಪ್ಪೆ ನಿಕಲೆಗ್ ಪ್ರೇರಣೆ ಕೊರ್ನ ಅಂಚನೆ ಕ್ಷೇತ್ರದ ಜೀರ್ಣೋದ್ಧಾರದ ಕಜ್ಜೊಗ್ ಸಕಾಯ ಮಲ್ಪುಲೆ ಪಂದ್ ಪಂಡೆರ್.

ಒಂಜಿ ಶಿಲೆಕ್ಕ್ 999 ರೂ. 9 ಶಿಲೆಕ್ಕ್ 9,999/- ,99 ಶಿಲೆಕ್ಕ್ 99,999/- , 999 ಶಿಲೆಕ್ಕ್ 9,99,999/- ಬೊಕ್ಕ 99999 ಶಿಲೆಕ್ಕ್ 99,99,999 ರೂ. ಪಂದ್ ಶಿಲೆ ಸೇವೆದ ಬಗ್ಗೆ ಮಾಹಿತಿ ಕೊರಿಯೆರ್. ಅಂಚನೆ ಜೀರ್ಣೋದ್ಧಾರ ಆವೊಂದು ಇಪ್ಪುನ ಕಾಪು ಶ್ರೀ ಪೊಸ ಮಾರಿಗುಡಿ ದೇವಲ್ಯದ ಅಭಿವೃದ್ಧಿ ಸಮಿತಿದ ಯುಎಇ ಘಟಕ ಪೇಂಟೆದ ಫಾರ್ಚೂನ್ ಪ್ಲಾಜಾದ ಬಾಂಕ್ವೆಟ್ ಚಾವಡಿಡ್ ಯುಎಇದ ನೂದೆರ್ದ್ ಎಚ್ಚ ಕಾಪು ಅಮ್ಮನ ಭಕ್ತೆರೆನ ಸಮ್ಮುಖಡ್ ನಡತ್ಂಡ್.

ಬೊಕ್ಕ ಅಂತಾರಾಷ್ಟ್ರೀಯ ಕಾಪು ಶ್ರೀ ಪೊಸ ಮಾರಿಗುಡಿ ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್ ಸರ್ವೋತ್ತಮ ಶೆಟ್ಟಿ ಮೇರ್ ಗುರ್ಕಾರ್ಮೆನ್ ಒಯಿಸೊಂದು ಪಾತೆರ್ದ್, “ಯುಎಇಡ್ ಇಪ್ಪುನ ಮಾತ ಸಮಾಜದ ಸಂಘ ಸಂಸ್ಥೆಲೆಗ್ ಈ ಜೀರ್ಣೋದ್ಧಾರದ ಮಾಹಿತಿನ್ ನಮ ಮಾತ ಕೊರೊಡು. ಬೊಕ್ಕ ಯುಎಇ ಘಟಕದ ವತಿರ್ದ್ ಎಚ್ಚ ಬಿಲೆ ಕೊರ್ದು ಅಪ್ಪೆನ ಕೃಪೆಗ್ ಪಾತ್ರರಾವೊಡು ಪಂದ್ ಪಂಡೆರ್. ಬೊಕ್ಕ ನಡತಿನ ಘಟಕ ಉದಿಪನ ಲೇಸ್ ಡ್ ಯುಎಇ ಘಟಕಗ್ 9 ಜನ ಸಂಚಾಲಕೆರೆನ್ ಆಯ್ಕೆ ಮಲ್ತೆರ್.

ಅಧ್ಯಕ್ಷೆರಾದ್ ಫಾರ್ಚೂನ್ ಗ್ರೂಪ್ ಆಫ್ ಸಂಸ್ಥೆದ ಅಧ್ಯಕ್ಷೆರ್ ಪ್ರವೀಣ್ ಕುಮಾರ್ ಶೆಟ್ಟಿ ವಕ್ವಾಡಿ, ಸಂಚಾಲಕೆರಾದ್ ಆಕ್ಮೆ ಬಿಲ್ಡಿಂಗ್ ಬೊಕ್ಕ ಮೆಟೀರಿಯಲ್ಸ್ ಸಂಸ್ಥೆದ ಅಧ್ಯಕ್ಷೆರಾದ್ ಹರೀಶ್ ಶೇರಿಗಾರ್, ದುಬೈ ಸೋರ್ಸ್ ದ ಹರೀಶ್ ಬಂಗೇರ, ಬಿಲ್ಲವಾಸ್ ದುಬೈದ ಸತೀಶ್ ಪೂಜಾರಿ, ಸುಧಾಕರ ರಾವ್ ಪೇಜಾವರ, ದಿನೇಶ್ ಶೆಟ್ಟಿ ಕೊಟಿಂಜ, ರಘುರಾಮ ಶೆಟ್ಟಿಗಾರ್, ರಾಮಚಂದ್ರ ಹೆಗ್ಡೆ, ಬಾಲಕೃಷ್ಣ ಸಾಲಿಯಾನ್ ನ್ ಆಯ್ಕೆ ಮಲ್ತೆರ್. ಬೊಕ್ಕ ಯುಎಇ ಘಟಕನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್. ಯುಎಇ ಘಟಕದ ಅಧ್ಯಕ್ಷೆರಾಯಿನ ಪ್ರವೀಣ್ ಕುಮಾರ್ ಶೆಟ್ಟಿ ಪಾತೆರ್ದ್, ಎನ್ನ ಊರು ಕುಂದಾಪುರ ಆಂಡಲ ಎನ್ನ ಬೊಡೆದಿ ಬ್ರಹ್ಮಾವರದಾರ್, ಕಾಪುದ ಅಮ್ಮಗ್ ಮಾತೆರ್ಲಾ ಜೋಕುಲೆಗ್ ಸಮಾನ. ಕಾಪುದ ಅಮ್ಮಗ್ ಊರು ಮುಖ್ಯ ಅತ್ತ್, ಅಮ್ಮನ ಎದುರು ಭಕ್ತಿ ಮುಖ್ಯ ಪಂದ್ ಪಂಡೆರ್.

ಉದ್ಯಮಿಲಾಯಿನ ಸುಂದರ ಶೆಟ್ಟಿ, ಪ್ರೇಮ್ ನಾಥ್ ಶೆಟ್ಟಿ, ಸುಜತ್ ಶೆಟ್ಟಿ ಪಾತೆರ್ದ್ ಘಟಕಗ್ ಎಡ್ಡೆಪ್ಪು ಬಯಕಿಯೆರ್. ಚಾವಡಿಡ್ ಊರುರ್ದ್ ಬತ್ತಿನ ಬಿನ್ನೆರಾಯಿನ ಬೊಂಬೈ ಘಟಕದ ಅಧ್ಯಕ್ಷೆರ್ ಸುಧಾಕರ ಹೆಗ್ಡೆ, ಹಣಕಾಸು ಸಂಸ್ಥೆದ ಮುಖ್ಯಸ್ಥೆರ್ ಉದಯ ಸುಂದರ ಶೆಟ್ಟಿ, ಮನೋಹರ ಸುಂದರ ಶೆಟ್ಟಿ, ರತ್ನಾಕರ ಶೆಟ್ಟಿ ಮೊಕುಲು ಮಾತ ಪೊಸ ಘಟಕದ ಸದಸ್ಯೆರೆಗ್ ಅಭಿನಂದನೆ ಸಂದಾದ್ ಎಡ್ಡೆಪ್ಪು ಬಯಕಿಯೆರ್. ಬೊಕ್ಕ ಕಾಪು ಮಾರಿಯಮ್ಮನ ಭಾವಚಿತ್ರೊಗು 9 ಜನ ಸುಮಂಗಲಿಯೆರ್ 9 ತುಡರ್ ಅರ್ಲಾದ್ ಮಂಗಳಾರತಿ ಮಲ್ತೆರ್. ಕು.ಸನ್ನಿಧಿ ವಿಶ್ವನಾಥ ಶೆಟ್ಟಿ ಪ್ರಾರ್ತನೆ ಮಲ್ತೆರ್. ಸರ್ವೋತ್ತಮ ಶೆಟ್ಟಿ ಎದ್ಕೊನಿಯೆರ್. ಬಿ.ಕೆ. ಗಣೇಶ್ ರೈ ಲೇಸ್ ದ ಸುಧಾರಿಕೆ ಮಲ್ತ್ ದ್ ಸೊಲ್ಮೆ ಸಂದಾಯೆರ್. ಅಕೇರಿಗ್ ಅನ್ನದಾನ, ಮಹಾಪ್ರಸಾದದೊಟ್ಟಿಗೆ ಲೇಸ್ ಮುಗಿಂಡ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

Well known singer of the south Vani Jairam no more ಪುಗರ್ತೆದ ಗಾಯಕಿ ವಾಣಿ ಜಯರಾಮ್ ನನ ನೆಂಪು ಮಾತ್ರ

ಪುಗರ್ತೆದ ಗಾಯಕಿ ವಾಣಿ ಜಯರಾಮ್ (78) ಸನಿಯಾರದಾನಿ ದೇವೆರೆ ಪಾದೊ ಸೇರಿಯೆರ್.

1974 ಟ್ ಸುಮಂಗಲಿ ಪಿಕ್ಚರ್ ದ ಮುಖೇನ ಸುರುತ ಸರ್ತಿ ಗಾಯಕಿಯಾದ್ ಬತ್ತಿನ ಮೇರ್ ಬೇತೆ ಬೇತೆ ಭಾಷೆಲೆಡ್ 10000 ರ್ದ್ ಲ ಎಚ್ಚ ಪದ್ಯನ್ ಪಂಡ್ ದ್ ಅಭಿಮಾನಿಲೆನ ಉಡಲ್ ಡ್ ಇಸೇಸ ತಾನ ಪಡೆತೆರ್. ಕನ್ನಡಡ್ “ಹೋದೆಯಾ ದೂರ ಓ ಜೊತೆಗಾರ, ದಾರಿ ಕಾಣದಾಗಿದೆ ರಾಘವೇಂದ್ರನೆ, ಇಂಚ 1000 ರ್ದ್ ಎಚ್ಚ ಪದ್ಯನ್ ಪಂತೆರ್. ಅಂಚನೆ ಮೂಜಿ ಸರ್ತಿ ರಾಷ್ಟ್ರ ಪ್ರಶಸ್ತಿನ್ ಪಡೆತೆರ್.

Well known singer of the south Vani Jairam no more

Singer Vani Jairam (78) is no more
She came into filmin 1974 by singing for the movie Sumangali and then went on to sing more than 10000 songs in most languages of South India. She has fans all over India and her Kannada songs like “Hodaya doora oh jothegara”, “Dari kanadagiday Ragavendranay ” and a host of others are evergreen. She is the winner of national awards three times.

Manglore: Fire mishap in a garage ಕುಡ್ಲ: ಗ್ಯಾರೇಜ್ ಡ್ ತೂ..!!

ಕುಡ್ಲ ಪೇಂಟೆದ ಜಪ್ಪಿನಮೊಗೆರ್ ದ ಗ್ಯಾರೇಜ್ ಒಂಜೆಟ್ಟ್ ಶುಕ್ರಾರ ರಾತ್ರೆ ತೂ ಪೊತ್ತ್ ದ್ ಕೆಲವು ಗಾಡಿಲು ಭಸ್ಮ ಆತ್ಂಡ್.

ಘಟನೆದ ಜಾಗೆಗ್ ಅಗ್ನಿ ಶಾಮಕ ದಳತ್ತ ಸಿಬ್ಬಂದಿಲು ಬತ್ತ್ ದ್ ತೂ ತೆಕ್ಕಾದೆರ್.

Person from Puttur injured in an bike accident in Hunsur ಹುಣಸೂರುಡು ಬೈಕ್ ಗುದ್ದುದು ಪುತ್ತೂರ್ ದ ಜವನೆರೆಗ್ ಪೆಟ್ಟ್..!!

ಪುತ್ತೂರ್ ದ ಆರ್.ಟಿ.ಓ ನೊಂದಣಿ ಇಪ್ಪುನ KA21 EC-4500 ನಂಬರ್ ದ Tz ಬೈಕ್ ಹುಣಸೂರುದ ಕೈತಲ್ ಗುದ್ದುದು ಪುತ್ತೂರ್ ದ ಜವನೆರೆಗ್ ಪೆಟ್ಟ್ ಆಯಿನ ಘಟನೆ ನಡತ್ಂಡ್.

ಈ ಘಟನೆದ ಜಾಗೆಡ್ ತಿಕ್ಕಿನ ಆಧಾರ್ ಕಾರ್ಡ್ ತೂದು ಒರಿಯನ್ ಪುತ್ತೂರ್ ರೆಂಜಲಾಡಿದ ಸಾಬಿತ್ ಪಂದ್ ತೆರಿದ್ ಬೈದ್ಂಡ್. ಪೆಟ್ಟಾಯಿನ ರಡ್ಡ್ ಜನನ್ಲಾ ಎಚ್ಚದ ಚಿಕಿತ್ಸೆಗಾದ್ ಕುಡ್ಲದ ಆಸ್ಪತ್ರೆಗ್ ದಾಖಲ್ ಮಲ್ದೆರ್.

Story telling by Katherine Rodriguez in Radio ರೇಡಿಯೊ ಮಣಿಪಾಲ್ ಡ್ ಕ್ಯಾಥರಿನ್ ರೋಡ್ರಿಗಸ್ ಮೆರೆರ್ದ್ ಕಥೆ

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಕನ್ನಡ ಸಾಹಿತ್ಯ ಪರಿಷತ್ ಒಡಿಪು ಜಿಲ್ಲೆ ಬೊಕ್ಕ ತಾಲೂಕ್ ಘಟಕದ ಒಟ್ಟುಸೇರಿಗೆಡ್ ಕಥೆ ಕೇಳೋಣ ಸರಣಿ ಲೇಸ್ ದ 40ನೇ ಸಂಚಿಕೆ ಫೆ.4 ಸನಿಯಾರ ಬಯ್ಯಗ್ 4.30ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಪೆರಿಯ ಸಾಹಿತಿ, ರಂಗಕರ್ಮಿ ಕ್ಯಾಥರಿನ್ ರೊಡ್ರಿಗಸ್ ಕಟಪಾಡಿ ಪಾಲ್ ಪಡೆಯೆರೆ ಉಲ್ಲೆರ್. ಉಂದು ಫೆ.5 ಕ್ ಮಧ್ಯಾಹ್ನ 12.30ಕ್ ಮರುಪ್ರಸಾರ ಆಪುಂಡು.

Story telling by Katherine Rodriguez in Radio

Manipal: Radio Manipal 90,4Mhz: In the “Kathe Kelona ” series brought out by the Udupi district Kannada Sahitya Parishad and taluk unit the 40 th episode will be aired on February 4 th from 4.30 p.m.

Senior litterateur Kathrine Rodriguez Kathpadi will participate. It will be aired again on February 5 th at12.30 noon.

Radio Manipal to air Puranamrutha – ” Pouranika Patra Jeevana Sutra” series ರೇಡಿಯೊ ಮಣಿಪಾಲ್ ಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಪುರಾಣಾಮೃತ- ಪೌರಾಣಿಕ ಪಾತ್ರ ಜೀವನ ಸೂತ್ರ ಸರಣಿ ಲೇಸ್ ದ 81 ನೇ ಸಂಚಿಕೆ ಫೆ.4 ಸನಿಯಾರ ಬಯ್ಯಗ್ 4.15ಕ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಉಪನ್ಯಾಸೆಕೆರ್ ಮುಂಡಾಜೆ ಕುಮಾರೇಶ್ವರ ಭಟ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಫೆ.5 ಕ್ ಮಧ್ಯಾಹ್ನ 12.15ಕ್ ಮರುಪ್ರಸಾರ ಆಪುಂಡು.

Radio Manipal to air Puranamrutha –
” Pouranika Patra Jeevana Sutra” series

Manipal: Radio Manipal 90.4 MHz – Puranamrutha –
” Pouranika Patra Jeevana Sutra” series The 81 st episode will be aired at 4.15p.m on Saturday, Feb 4 th.

M Kumareswara Bhat lecturer, will talk in this program which will be aired again on February 5 th at 12.15 noon.

Mangalore: 46 th Cantonment ward- foundation laid for barrier wall ಕುಡ್ಲ: 46ನೇ ಕಂಟೋನ್ಮೆಂಟ್‌ ವಾರ್ಡ್‌ ದ ತಡೆಗೋಡೆ ಕಟ್ಟುನ ಬೇಲೆಗ್ ಕೆಸರ್ ಕಲ್ಲ್ ಪಾಡುನ ಲೇಸ್

ಕುಡ್ಲ: 46ನೇ ಕಂಟೋನ್ಮೆಂಟ್‌ ವಾರ್ಡ್‌ ದ ವೈದ್ಯನಾಥ ನಗರದ ರಾಜ ಕಾಲುವೆದ ತಡೆಗೋಡೆ ಕಟ್ಟುನ ಬೇಲೆಗ್ ಶಾಸಕೆರ್ ಡಿ. ವೇದವ್ಯಾಸ ಕಾಮತ್‌ ಕೆಸರ್ ಕಲ್ಲ್ ಪಾಡಿಯೆರ್.

ಬೊಕ್ಕ ಮೇರ್ ಪಾತೆರ್ದ್, ಬೂರ್ದಿನ ತಡೆಗೋಡೆದ ಬೇಲೆಗ್ ಲ ಮಹಾನಗರ ಪಾಲಿಕೆ ಯೋಜನೆನ್ ತಯಾರ್ ಮಲ್ದ್ಂಡ್. ಅತ್ತಂದೆ ಉಂದುವೇ ಸುರುತ ಸರ್ತಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೇರ್ ಕುಡ್ಲ ಪೇಂಟೆದ ಅಭಿವೃದ್ಧಿಗ್ ಎಲ್ಯ ನೀರಾವರಿ ಇಲಾಖೆರ್ದ್ 100 ಕೋಟಿ ರೂ. ಅನುದಾನನ್ ಬುಡುಗಡೆ ಮಲ್ತೆರ್. ಅಂಚಾದ್ ಇತ್ತೆ ಆ ಬೇಲೆಗ್ ಕೆಸರ್ ಕಲ್ಲ್ ಪಾಡಿಲೆಕ ಆಂಡ್ ಪಂದ್ ಪಂಡೆರ್. ಅವ್ವತ್ತಂದೆ ಬರ್ಸದ ಪೊರ್ತುಡು ಪೇಂಟೆದ ನಿವಾಸಿಲೆಗ್ ಬೊಕ್ಕ ಸಾರ್ವಜನಿಕೆರೆಗ್ ತೊಂದರೆ ಅವಂದಿಲೆಕ್ಕ ತೂವೂನರೆ, ಈ ಬೇಲೆನ್ ಆಪುಂಡು ಪಂದ್ ಪಂಡೆರ್. ಈ ಪೊರ್ತುಡು ಉಪಮೇಯರ್ ಪೂರ್ಣಿಮಾ, ಸ್ಥಾಯಿ ಸಮಿತಿದ ಅಧ್ಯಕ್ಷೆರ್ ಶಕಿಲಾ ಕಾವಾ, ಮಾಜಿ ಮೇಯರ್ ಬೊಕ್ಕ ಕೈತಲ್ ದ ಕಾರ್ಪೋರೇಟರ್ ದಿವಾಕರ್ ಪಾಂಡೇಶ್ವರ, ಮುಖಂಡೆರ್ ಲಲ್ಲೇಶ್ ಅತ್ತಾವರ, ನಿತಿನ್ ಕಾಮತ್, ಅಮರ್ ಪಾಂಡೇಶ್ವರ, ಉಮೇಶ್ ರಾವ್, ಮಾಲತಿ ಶೆಟ್ಟಿ, ಸೌಭಾಗ್ಯ, ಕೀರ್ತಿ ಅತ್ತಾವರ, ಚಂದ್ರಹಾಸ್, ರಿತೇಶ್, ಹಿತೇಶ್ ಅತ್ತಾವರ, ಕೈತಲ್ ದಕುಲು ಬೊಕ್ಕ ಪಕ್ಷದ ಮುಖಂಡೆರ್ ಇತ್ತೆರ್.

Mangalore: 46 th Cantonment ward- foundation laid for barrier wall

Mangalore: The foundation was laid by MLA Vedavyas Kamath at 46 Contonment ward Vaidyanath Nagar for a barrier wall .

Mangalore: Customs officials confiscate smuggled gold ಕುಡ್ಲ: ಕಲ್ವ ತಾದಿಡ್ ಕೊನೊಂದು ಇತ್ತಿನ ಬಂಗಾರ್ ನ್ ನಾಡ್ ಪತ್ತಿನ ಕಸ್ಟಮ್ಸ್ ಅಧಿಕಾರಿಲು

ಕುಡ್ಲ: ದುಬೈರ್ದ್ ಕುಡ್ಲಗ್ ಇಮಾನಡ್ ಕಲ್ವ ತಾದಿಡ್ ಕೊನೊಂದು ಇತ್ತಿನ ಬಂಗಾರ್ ನ್ ಕುಡ್ಲ ಇಮಾನ ನಿಲ್ದಾಣಡ್ ಕಸ್ಟಮ್ಸ್ ಅಧಿಕಾರಿಲು ಪತ್ತೆ ಮಲ್ತ್ ದೆರ್.

ಜನವರಿ 19 ರ್ದ್ 31 ಮುಟ್ಟ ಕುಡ್ಲ ಇಮಾನ ನಿಲ್ದಾಣಡ್ 24 ಕ್ಯಾರೆಟ್ ಶುದ್ದತೆದ 1617.0 ಗ್ರಾಂ ಬಂಗಾರ್ ನ್ ಕಲ್ವ ತಾದಿಡ್ ಕೊನೊಂದು ಇತ್ತಿನೆನ್ ನಾಡ್ ಪತ್ತ್ ದೆರ್. ನೆತ್ತ ಬಿಲೆ 90,34,970 ಲಕ್ಷ ರೂ. ಪಂದ್ ಅಂದಾಜ್ ಮಲ್ತ್ ದೆರ್.

Mangalore: Customs officials confiscate smuggled gold

Mangalore: Customs officials at the Mangalore international Airport confiscated gold smuggled in from Dubai.

About 1617 grams of pure gold worth 90,34,970 rupees was confiscated by the customs between January 19th to 31st.

You tuber and stand up comedian Arpith arrested in a hit and run case ಹಿಟ್ & ರನ್ ಕೇಸ್ ಡ್ ತುಳು ಸ್ಟ್ಯಾಂಡ್ ಆಫ್ ಕಾಮಿಡಿ ಯೂಟ್ಯೂಬರ್ ಅರ್ಪಿತ್ ಅರೆಸ್ಟ್

ಮುಲ್ಕಿ ಕೈತಲ್ ದ ಪಡುಪಣಂಬೂರು ಪೆಟ್ರೋಲ್ ಬಂಕ್ ದ ಕೈತಲ್ ನಡತಿನ ಹಿಟ್ ಆಂಡ್ ರನ್ ಕೇಸ್ ದ ಬಗೆಟ್ ತುಳು ಸ್ಟ್ಯಾಂಡ್ ಆಫ್ ಕಾಮಿಡಿಯನ್ ಅರ್ಪಿತ್ ಮೆರೆನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.

ಮಧ್ಯಪ್ರದೇಶದ ಇಂದೋರ್‌ರ್ದ್ ಕೇರಳದಂಚಿ ಪೊವೊಂದು ಇತ್ತಿನ ಲಾರಿ ಪಡುಪಣಂಬೂರುದ ಕೈತಲ್ ಟಯರ್ ಪಂಚರ್ ಆದಿತ್ತ್ಂಡ್. ಲಾರಿಡ್ ಇತ್ತಿನ ಮಧ್ಯಪ್ರದೇಶದ ನಿವಾಸಿಲಾಯಿನ ಬಬುಲು(23), ಆಚಲ್ ಸಿಂಗ್ (30) ಬೊಕ್ಕ ಕೇರಳ ನಿವಾಸಿ ಅನೀಶ್(42) ಮೊಕುಲು ತೀರ್ತ್ ಜತ್ತ್ ದ್ ಮಾರ್ಗದ ಬರಿಟ್ಟ್ ಟಯರ್ ದೆತ್ತ್ ದ್ ಸರಿ ಮಲ್ತೊಂದು ಇತ್ತೆರ್.‌ ಈ ಪೊರ್ತುಡು ಒಡಿಪು ಕಡೆರ್ದ್ ಕುಡ್ಲದಂಚಿ ಬರೊಂದು ಇತ್ತಿನ ಕಾರ್ ಮೊಕ್ಲೆಗ್ ಗುದ್ದುಂಡು. ಈ ಘಟನೆ ರಡ್ಡ್ ಜನ ತೀರ್ ಪೋತೆರ್. ಇತ್ತೆ ಕುಡ್ಲದ ಉತ್ತರ ಟ್ರಾಫಿಕ್ ಪೊಲೀಸೆರ್ ಕಾರ್ ಸಮೇತ ಆರೋಪಿನ್ ಅರೆಸ್ಟ್ ಮಲ್ದೆರ್ ಪಂದ್ ಮಾಹಿತಿ ಉಂಡು.

You tuber and stand up comedian Arpith arrested in a hit and run case

Arpith has been arrested in connection with a hit and run case at Padupanambur in Mulki.

12 new satellites discovered around Jupiter ಗುರು ಗ್ರಹದ ಸುತ್ತ 12 ಪೊಸ ಉಪಗ್ರಹ ಪತ್ತೆ

ಸೌರಮಂಡಲದ ಮಲ್ಲ ಗ್ರಹ ಗುರುತ ಸುತ್ತ 12 ಪೊಸ ಉಪಗ್ರಹಲು ಸುತ್ತೊಂದು ಇಪ್ಪುನೆನ್ ಖಗೋಳ ವಿಜ್ಞಾನಿಲು ಪತ್ತೆ ಮಲ್ದೆರ್.

ನೆತ್ತೊಟ್ಟಿಗೆ ಗುರು ಗ್ರಹದ ಸುತ್ತ ಇಪ್ಪುನ ಉಪಗ್ರಹಲೆನ ಸಂಖ್ಯೆ 90 ಗ್ ಏರ್ ದ್ಂಡ್. ಉಂಗುರದ ಶನಿ ಸುತ್ತ 83 ಉಪಗ್ರಹ ಸುತ್ತೊಂದು ಉಂಡು. ವಾಷಿಂಗ್ಟನ್‌ ದ ಕಾರ್ನೆಗೀ ಇನ್ ಸ್ಟಿಟ್ಯೂಷನ್ ಫಾರ್ ಸೈನ್ಸ್ ದ ಸ್ಕಾಟ್ ಶೆಪರ್ಡ್ ನಡಪಾಯಿನ ಅಧ್ಯಯನರ್ದ್ ಈ ಉಪಗ್ರಹ ಪತ್ತೆ ಆತ್ಂಡ್. ಗುರು ಗ್ರಹದ ಸುರುತ ಉಪಗ್ರಹನ್ ಗೆಲಿಲಿಯೋ ಪತ್ತೆ ಮಲ್ದೆರ್.

12 new satellites discovered around Jupiter

The biggest planet on the solar system , Jupiter has 12 more moons as was discovered recently.

This has increased the moons rotating around Jupiter to 90.Saturn has 83 satellites. The first sattilite around Jupiter was discovered by Galileo.