Times of kudla

“Nenapu” Tulu video song released ಬುಡುಗಡೆ ಆತ್ಂಡ್ ದುಬೈ ಡ್ ಶೂಟಿಂಗ್ ಆಯಿನ “ನೆನಪು” ತುಳು ವಿಡಿಯೋ ಸಾಂಗ್

ವಿ ಕೆ ಫಿಲ್ಮ್ಸ್ ಅರ್ಪಣೆ ಮಲ್ಪುನ ನೆನಪು ತುಳು ವಿಡಿಯೋ ಸಾಂಗ್ ವಿ ಕೆ ಫಿಲ್ಮ್ಸ್ ಯ್ಯೂಟ್ಯೂಬ್ ಚಾನೆಲ್‌ಡ್ ಫೆ‌.11 ಕ್ ಬುಡುಗಡೆ ಆತ್ಂಡ್.

ಈ ಸಾಂಗ್ ತುಳುನಾಡ್ ಸೇರಿನಂಚನೆ ದೇಶ ವಿದೇಶಡ್ ಭಾರೀ ವೈರಲ್ ಆವೊಂದು ಉಂಡು. ಫಾರೂಕ್ ಶೇಖ್ ಬೊಕ್ಕ ಫ್ಲ್ಯಾನಿ ಡಿ’ಸೋಜ ಅಭಿನಯ ಮಲ್ತಿನ ಈ ಪದ್ಯಗ್ ತುಳುನಾಡ್ ದ ಪುಗರ್ತೆದ ಗಾಯಕೆರ್ ರಕ್ಷಣ್ ಮಾಡೂರು ಸ್ವರ ಕೊರ್ತೆರ್.‌ ಸೌಮ್ಯ ಗಿರೀಶ್ ಆಚಾರ್ಯ ನಿರ್ಮಾಣ ಮಲ್ದೆರ್. ಸಾಹಿತ್ಯನ್ ವೆಂಕಿ ಎರ್ಮಾಳ್ ಬರೆತೆರ್.‌ ಬೊಕ್ಕ ಸಮಗ್ರ ನಿರ್ವಹಣೆನ್ ಮಲ್ದೆರ್. ದುಬೈ ರಾಷ್ಟ್ರಡ್ ಶೂಟಿಂಗ್ ಆಯಿನ‌ ಈ ಪದ್ಯದ ಶೂಟಿಂಗ್ ಬೊಕ್ಕ ಸಂಕಲನನ್ ಫ್ರಾಂಕ್ಲಿನ್ ರಾಡ್ರಿಗಸ್ ಸಿದ್ಧಕಟ್ಟೆ ಮಲ್ದೆರ್.‌ ಬೊಕ್ಕ ಗುಲಾಬಿ, ಭಾಸ್ಕರ ಆಚಾರ್ಯ, ಲಕ್ಷ್ಮೀ ವೆಂಕಟೇಶ್ ಆಚಾರ್ಯ, ಶರತ್ ಪುತ್ರನ್, ರಾಯನ್ ಕಾಸ್ಟಿಲೋನ್, ಯೋಗೀಶ್ ಆಚಾರ್ಯ, ದೀಕ್ಷಿತ್ ಪೊಳಲಿ, ಅಶ್ವಿನಿ ಪೆರುವಾಯಿ ಸಹಕಾರ ಕೊರ್ತೆರ್. ಉಂದು ಬುಡುಗಡೆ ಆಯಿನ ಕೆಲವೇ ದಿನಟ್ ಐನ್ ಸಾರರ್ದ್ ಎಚ್ಚ ತೂತೆರ್. ಅತ್ತಂದೆ ಭಾರಿ ಪುದರ್ ಪಡೆವೊಂದು ಉಂಡು.‌

“Nenapu” Tulu video song released

The song brought out by VK films has been released on February 11 th in V K films youtube channel.

Feb 19: Yuvavahini Bajape unit-9 th year “Padapradana” program ಫೆ.19: ಯುವವಾಹಿನಿ ಬಜಪೆ ಘಟಕದ 9 ನೇ ವರ್ಷದ ಪದಪ್ರದಾನ ಲೇಸ್

ಯುವವಾಹಿನಿ ಬಜಪೆ ಘಟಕದ 2023-24 ಸಾಲ್ ದ 9 ನೇ ವರ್ಷದ ಪೊಸ ಪದಾಧಿಕಾರಿಲೆನ ಪದಪ್ರದಾನ ಲೇಸ್ ಫೆ.19 ಐತಾರ ಮಧ್ಯಾಹ್ನ 3 ಗಂಟೆಗ್ ಬಜಪೆ ಬ್ರಹ್ಮಶ್ರೀ ನಾರಾಯಣಗುರು ಸಮುದಾಯ ಭವನಡ್ ನಡತ್ಂಡ್.

ಈ ಲೇಸ್ ನ್ ಬಜಪೆ ಏರ್ ಪೋರ್ಟ್ ಕಾರ್ ಚಾಲಕ- ಮಾಲಕೆರೆನ ವಿವಿಧೋದ್ದೇಶ ಸಹಕಾರಿ ಸಂಘದ ಅಧ್ಯಕ್ಷೆರ್ ಜಯಂತ್ ಸುವರ್ಣ ಅಂಬಾಳ್ ಉದಿಪನ ಮಲ್ಪೆರೆ ಉಲ್ಲೆರ್. ಗುರ್ಕಾರ್ಮೆನ್ ಬಜಪೆ ಯುವವಾಹಿನಿ ಘಟಕದ ಅಧ್ಯಕ್ಷೆರ್ ಉಷಾ ಶಿವಾನಂದ್ ಒಯಿಸೊನ್ವೆರ್. ಪದಪ್ರದಾನನ್ ಕುಡ್ಲ ಯುವವಾಹಿನಿ ಕೇಂದ್ರ ಸಮಿತಿದ ಅಧ್ಯಕ್ಷೆರ್ ರಾಜೇಶ್ ಬಂಟ್ವಾಳ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿ ಆಡಳಿತ ಸಮಿತಿದ ಕಾರ್ಯದರ್ಶಿ ಮೋಹನ್ ದಾಸ್ ಬಂಗೇರ ವಾಮಂಜೂರು, ಬಜಪೆ-ಕರಂಬಾರು ಬ್ರಹ್ಮಶ್ರೀ ನಾರಾಯಣ ಗುರು ಸೇವಾ ಸಂಘದ ಉಪಾಧ್ಯಕ್ಷೆರ್ ಜಗನ್ನಾಥ ಪೂಜಾರಿ ಬರಿಯೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಕುಡ್ಲ ಯುವವಾಹಿನಿ ಕೇಂದ್ರ ಸಮಿತಿದ ಸಂಘಟನಾ ಕಾರ್ಯದರ್ಶಿ ಕಿಶೋರ್ ಕುಮಾರ್ ಸುರತ್ಕಲ್, ಲೇಸ್ ದ ಸಂಚಾಲಕೆರ್ ಯೋಗೀಶ್ ಪೂಜಾರಿ ಉಲ್ಲೆರ್ ಪಂದ್ ಯುವವಾಹಿನಿ ಬಜಪೆ ಘಟಕದ ಅಧ್ಯಕ್ಷೆರ್ ಉಷಾ ಶಿವಾನಂದ್, ಕಾರ್ಯದರ್ಶಿ ನಿಶಾಲ್ ಪೂಜಾರಿ, ನಿಯೋಜಿತ ಅಧ್ಯಕ್ಷೆರ್ ಮಾಧವ ಸಾಲ್ಯಾನ್, ಕಾರ್ಯದರ್ಶಿ ದೀಕ್ಷಿತ್ ಪೂಜಾರಿ, ಸಂಚಾಲಕೆರ್ ಯೋಗೀಶ್ ಪೂಜಾರಿ, ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

” Punchada Punya Prasada” Tulu devotional song series shooting concludes “ಪುಂಚದ ಪುಣ್ಯೊ ಪುರ್ಸಾದ” ತುಳು ಭಕ್ತಿ ಸುಗಿಪುದ ಶೂಟಿಂಗ್ ಮುಗಿತಲ

ದಯಾ ಕ್ರಿಯೇಷನ್ಸ್ ಅರ್ಪಣೆ ಮಲ್ಪುನ “ಪುಂಚದ ಪುಣ್ಯೊ ಪುರ್ಸಾದ” ಪನ್ಪಿನ ಶ್ರೀ ಕಾಳಿಕಾಂಬ ಅಂಜನೇಯ ದೇವಲ್ಯ ಕುಕ್ಕಾಜೆ ಕ್ಷೇತ್ರದ ತುಳು ಭಕ್ತಿ ಸುಗಿಪು ಪದ್ಯದ ಶೂಟಿಂಗ್ ಮುಗಿಂಡ್.

ಈ ಪದ್ಯದ ಶೂಟಿಂಗ್ ದ ಉದಿಪನನ್ ಕುಕ್ಕಾಜೆ ಶ್ರೀ ಕಾಳಿಕಾಂಬ ಅಂಜನೇಯ ದೇವಲ್ಯದ ಧರ್ಮದರ್ಶಿಲು ಶ್ರೀಕೃಷ್ಣ ಗುರೂಜಿ ಮಲ್ತೆರ್. ನೆತ್ತ ಶೂಟಿಂಗ್ ಕುಕ್ಕಾಜೆ ಕ್ಷೇತ್ರಡ್ ಬೊಕ್ಕ ಪಿದಯಿ ಚಾವಡಿಡ್ ನಡತ್ಂಡ್‌. ನೆತ್ತ ಸಾಹಿತ್ಯನ್ ತುಳು ಕನ್ನಡ ಕಬಿ, ಸಾಹಿತಿ, ವಿಮರ್ಶಕೆರ್, ತುಳು ಸಾಹಿತ್ಯ ರತ್ನ, ರಾಜ್ಯ ಪ್ರಶಸ್ತಿ ಪುರಸ್ಕೃತೆರ್ ಕೆ.ಮಹೇಂದ್ರನಾಥ್ ಸಾಲೆತ್ತೂರ್ ಬರೆತೆರ್. ಸಂಗೀತನ್ ಪುರನ್ ಶೆಟ್ಟಿಗಾರ್ ಕೊರ್ತೆರ್. ಈ ಪೊರ್ತುಡು ರವಿ ಎಸ್ ಎಂ ಕುಕ್ಕಾಜೆ, ದಯಾನಂದ ಅಮೀನ್ ಬಾಯಾರ್, ಗಾಯಕಿ ಸಿಂಚನ ಗೌಡ, ಸುದರ್ಶನ್ ಟಿ ಬೊಕ್ಕ ಕೂಟದ ಸದಸ್ಯೆರ್ ಸತ್ಯಪ್ರಸಾದ್ ಕುಕ್ಕಾಜೆ, ದೇವಿಪ್ರಸಾದ್ ಕುಕ್ಕಾಜೆ ಬೊಕ್ಕ ತನುಷ್ ಪೆರುವಾಯಿ ಇತ್ತೆರ್.

Cine star R Madavan’s son Vedant wins five gold medals in ” Khelo India” ಚಿತ್ರನಟೆ ಮಾಧವನ್ ಮಗೆ ವೇದಾಂತ್ ಗ್ ಖೇಲೋ ಇಂಡಿಯಾಡ್‌ 5 ಬಂಗಾರ್ ದ ಪದಕ

ಬೊಂಬೈ: ತಮಿಳ್ ಚಿತ್ರನಟೆ ಆರ್ ಮಾಧವನ್ ನ ಮಗೆ ಈಜು ಪಟು ಆಯಿನ ವೇದಾಂತ್ ಮೇರ್ ಖೇಲೋ ಇಂಡಿಯಾ ಯಂಗ್ ಪಂತೊಡು 5 ಬಂಗಾರ್ ಬೊಕ್ಕ ರಡ್ಡ್ ಬೊಳ್ಳಿದ ಪದಕನ್ ಗೆಂದ್ ದೆರ್.

ಈ ಪೊಲಬುನ್ ಸಾಮಾಜಿಕ ಜಾಲ ತಾಣಡ್ ಮಾಧವನ್ ಪಾಡ್ದೆರ್.‌ ಅವ್ವತ್ತಂದೆ ಮಗಕ್ ಎಡ್ಡೆ ತರಬೇತಿ ಕೊರಿಯೆರೆ ಮಾಧವನ್ ಕುಟುಂಬದೊಟ್ಟಿಗೆ ದುಬೈಗ್ ಶಿಫ್ಟ್ ಆದಿತ್ತೆರ್.

Cine star R Madavan’s son Vedant wins five gold medals in ” Khelo India”

Mumbai: R Madavan’s son Vedant is a swimming champion and has won five gold medals in “Khelo India Young” compititions. He has also won two silver medals. R Madavan has shared the news in his social media handle.

Fire in Palace Grounds, Bangalore – Three cars burnt down ಬೆಂಗ್ಲೂರ್ ಅರಮನೆತ್ತ ಮೈದಾನಡ್ ತೂ: ಮೂಜಿ ಕಾರ್ ಭಸ್ಮ

ಬೆಂಗ್ಲೂರ್ ದ ಅರಮನೆ ಮೈದಾನಡ್ ತೂ ಪೊತ್ತ್ ದ್ 3 ಕಾರ್ ಭಸ್ಮ ಆಯಿನ ಘಟನೆ ಐತಾರ ನಡತ್ಂಡ್.

ಐತಾರ ಮಧ್ಯಾಹ್ನ ಅರಮನೆ ಮೈದಾನದ ಕೈತಲ್ ಇಪ್ಪುನ ಪಾರ್ಕಿಂಗ್ ಜಾಗೆಡ್ ತೂ ಪೊತ್ತ್ ದ್ಂಡ್ ಪಂದ್ ಅಗ್ನಿಶಾಮಕ ಬೊಕ್ಕ ತುರ್ತು ಸೇವೆ ಇಲಾಖೆದ ಅಧಿಕಾರಿಲು ತೆರಿಪಾದೆರ್. ಇಚಾರ ತೆರಿನ ಕೂಡ್ಲೆ ಜಾಗೆಗ್ ಬತ್ತಿನ ಅಗ್ನಿಶಾಮಕ ದಳತ ಸಿಬ್ಬಂದಿಲು ತೂ ತೆಕ್ಕಾದೆರ್. ಉಂದು ಸದಾಶಿವನಗರ ಸಂಚಾರ ಪೊಲೀಸ್ ಠಾಣೆದ ವ್ಯಾಪ್ತಿಡ್ ನಡತ್ಂಡ್.

February 18-24: Brahmakalash Abisheka at Sri Somanatheswara temple ,Kambettu, Mijar ಫೆ.18-24: ಮಿಜಾರು ಮಾಗಣೆ ಕಾಂಬೆಟ್ಟು ಶ್ರೀ ಸೋಮನಾಥೇಶ್ವರ ಗ್ರಾಮ ದೇವಲ್ಯಡ್ ಅಷ್ಟಬಂಧ ಲೇಪನ ಬೊಕ್ಕ ಬ್ರಹ್ಮಕಲಶಾಭಿಷೇಕ ಉಚ್ಚಯ

ಕುಡ್ಲ: ಮಿಜಾರು ಮಾಗಣೆ ಕಾಂಬೆಟ್ಟು ಶ್ರೀ ಸೋಮನಾಥೇಶ್ವರ ಗ್ರಾಮ ದೇವಲ್ಯಡ್ ಅಷ್ಟಬಂಧ ಲೇಪನ ಬೊಕ್ಕ ಬ್ರಹ್ಮಕಲಶಾಭಿಷೇಕ ಉಚ್ಚಯ ಫೆ.18-24 ಮುಟ್ಟ ನಡಪರೆ ಉಂಡು.

ಎಡಪದವು ನಡುಮನೆ ಗಣೇಶ ತಂತ್ರಿಲೆನ ಮುತಾಲಿಕೆಡ್, ವೆಂಕಟೇಶ ತಂತ್ರಿಲೆನ ದುಂಬತ್ತಿಗೆಡ್, ಬೊಕ್ಕ ಅರ್ಚಕೆರ್ ಶ್ರೀನಿವಾಸ ಭಟ್ ಮೆರೆನ ಪೌರೋಹಿತ್ಯಡ್ ವೈದಿಕ ವಿಧಿವಿಧಾನ ನಡಪರೆ ಉಂಡು. ಬೊಕ್ಕ ಪ್ರತಿದಿನಲ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಮಾತೆರ್ಲಾ ಬತ್ತ್ ದ್ ಶ್ರೀ ಸೋಮನಾಥೇಶ್ವರ ದೇವೆರೆನ ಕೃಪೆಗೆ ಪಾತ್ರರಾವೊಡು ಪಂದ್ ಅಧ್ಯಕ್ಷೆರ್ ಡಾ.‌ಎಂ ಮೋಹನ ಆಳ್ವ ಮಿಜಾರುಗುತ್ತು, ಆಡಳಿತ ಮೊಕ್ತೇಸರೆರ್ ಅಶೋಕ ಶೆಟ್ಟಿ ಕಾಂಬೆಟ್ಟು, ಆಡಳಿತ ಮಂಡಳಿ, ಜೀರ್ಣೋದ್ಧಾರ ಸಮಿತಿ, ಬ್ರಹ್ಮಕಲಶ ಉಚ್ಚಯ ಸಮಿತಿ,‌ ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Beltangady: Kothiraj climbs the 1,700 feet Gadaikallu in just two hours ಬೊಲ್ತೇರ್: ರಡ್ಡೇ ಗಂಟೆಡ್ 1700 ಅಡಿ ಎತ್ತರದ ಗಡಾಯಿಕಲ್ಲ್ ಬಡ್ತಿನ ಕೋತಿರಾಜ್

ಬೊಲ್ತೇರ್: ಕೋತಿ ರಾಜ್ ಯಾನೆ ದಿ ಮಂಕಿ ಮ್ಯಾನ್ ಪಂದೇ ಪುದರ್ ಪಡೆಯಿನ ಜ್ಯೋತಿರಾಜ್ ಮೇರ್ ಐತಾರ ರಡ್ಡೇ ಗಂಟೆಡ್ 1700 ಅಡಿ ಎತ್ತರದ ಗಡಾಯಿಕಲ್ಲ್ ನ್ ಸುರುತ ಸರ್ತಿ ಬರ್ತ್ ದ್ ದಾಖಲೆ ಮಲ್ದೆರ್.

ಐತಾರ ಬೊಲ್ಪುಗು ಬೊಲ್ತೇರ್ ತಾಲೂಕುದ ಚಂದ್ಕೂರು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಪೂಜೆ ಸಂದಾದ್ ಬೊಕ್ಕ ದೇವಲ್ಯದ ಬಡಕಾಯಿ ಮೆಯಿರ್ದ್ 9.50 ಗು ತಾರಾಯಿ ಹಾಕ್ ದ್ ಬರ್ತಿಯೆರೆ ಸುರು ಮಲ್ತೆರ್.‌ ಸುಮಾರ್ 11.50 ತ್ತ ಪೊರ್ತುಗು ಗಡಾಯಿಕಲ್ಲ್ ದ ಕೊಡಿಕ್ ಬರ್ತ್ ದ್ ಕನ್ನಡ ನಾಡ್ ದ ಬಾವುಟನ್ ರಾಪಾದೆರ್. ಮೆರೆನ ಕೂಟದೊಟ್ಟಿಗೆ ಕುದುರೆಮುಖ ವನ್ಯಜೀವಿ ವಿಭಾಗದ ಆರ್.ಎಫ್.ಒ. ಸ್ವಾತಿ, ಅರಣ್ಯರಕ್ಷಕೆರ್ ಕಿರಣ್ ಪಾಟೀಲ ಇತ್ತೆರ್.

Beltangady: Kothiraj climbs the 1,700 feet Gadaikallu in just two hours

Monkey man Kothiraj alies Jyothi Raj has been able to scale the 1,700 feet Gadaikallu in just two hours on Sunday.
He started at 9.50 a.m after offering prayers at Sri Durgaparameshwari temple at Chandukoor and reached the top around 11.50 a m and hoisted the Karnataka flag on top of the summit.

Turkey Earth quake- 34,000 dead ಟರ್ಕಿ ಭೂಕಂಪ: ತೀರ್ ಪೋಯಿನಕುಲು 34 ಸಾರ ಜನ

ಇಸ್ತಾಂಬುಲ್: ಕರಿನ ಸೋಮಾರ ನಡತಿನ ಭೂಕಂಪಡ್ ತೀರ್ ಪೋಯಿನಕ್ಲೆನ ಸಂಖ್ಯೆ ಇತ್ತೆ 34 ಸಾರಗ್ ಏರ್ ದ್ಂಡ್.

ಕಟ್ವಾಣದ ಅಡಿಟ್ಟ್ ನನ ಕೆಲವು ಜನ ತಿಕೊಂದೆರ್ ಪಂದ್ ತೆರಿದ್ ಬೈದ್ಂಡ್. ಭೂಕಂಪರ್ದ್ ಬೊಕ್ಕ ಟರ್ಕಿಡ್ ತೆನಸ್ ದ ತೊಂದರೆ ಆವೊಂದು ಉಂಡು. ಅತ್ತಂದೆ ಭಯೋತ್ಪಾದಕೆರೆನ ಪೋಡಿಗೆರ್ದ್ ರಕ್ಷಣೆಗ್ ಬತ್ತಿನ ಇಸ್ರೇಲ್ ಪಡೆ ಟರ್ಕಿರ್ದ್ ಸ್ವದೇಶಗ್ ಪೋಯೆರೆ ತೀರ್ಮಾನ ಮಲ್ದ್ಂಡ್. ಬಂಡುಕೋರೆರೆನ ನಿಯಂತ್ರಣಡ್ ಇಪ್ಪುನ ಪ್ರದೇಶಡ್ ರಕ್ಷಣಾ ಕಾರ್ಯಾಚರಣೆಗ್ ಅಡ್ಡಿ ಮಲ್ತೊಂದು ಉಂಡು ಪಂದ್ ಇಸ್ರೇಲ್ ಪಂತ್ಂಡ್.

Turkey Earth quake- 34,000 dead

Istanbul: A week after the devastating earthquake in Turkey, the number of deaths has risen to 34,000.
Still rescue operations are on to bring out those trapped under the building debris.There is shortage of food and fear of terrorist attack has forced rescue forces from Israel to head back to their homeland.

2.60 crore worth diamond confiscated at Mangalore airport..!! ಕುಡ್ಲ ಇಮಾನ ನಿಲ್ದಾಣಡ್ 2.60 ಕೋಟಿ ರೂ. ಬಿಲೆತ್ತ ವಜ್ರ ವಶಕ್ಕ್..!!

ಕುಡ್ಲ: ಭಾರತರ್ದ್‌ ದುಬೈಗ್ ಇಮಾನಡ್ ಕಲ್ವ ತಾದಿಡ್ ಕೊನೊಂದು ಇತ್ತಿನ 2.60 ಕೋಟಿ ರೂ. ಬಿಲೆತ್ತ ವಜ್ರನ್ ಬೊಕ್ಕ ಕೊನೊಂದು ಇತ್ತಿನ ರಡ್ಡ್ ಜನನ್ ಕುಡ್ಲ ಇಮಾನ ನಿಲ್ದಾಣಡ್ ಭಾರತದ ಕಂದಾಯ ಗುಪ್ತಚರ ನಿರ್ದೇಶನಾಲಯದ ಅಧಿಕಾರಿಲು ಪತ್ ದೆರ್.

ದುಬೈಗ್ ಪೋವೊಂದಿತ್ತಿನ ಭಟ್ಕಳದ ಅನಾಸ್ ಬೊಕ್ಕ ಅಮ್ಮರ್ ಅಕ್ಲೆನ ಶೂ ಬೊಕ್ಕ ಬ್ಯಾಗ್ ದ ಅಡಿಟ್ ಸಂಸಯ ಬರಂದಿಲೆಕ ದೆಂಗಾದ್ ದೀದ್ ಕೊನೊಂದು ಇತ್ತೆರ್. ಈ ವಜ್ರನ್ ಮೊಕುಲು ಬೊಂಬೈರ್ದ್ ಕನದೆರ್ ಪಂದ್ ತೆರಿದ್ ಬೈದ್ಂಡ್.

2.60 crore worth diamond confiscated at Mangalore airport..!!

Mangalore: Two persons were arrested at the Mangalore international airport by the Directorate of Revenue intelligence when trying to smuggle diamonds from India to Dubai .The arrested have been identified as Anas and Amar from Bhatkal.

PM Modi inaugurated Aero India-2023 ಏರೋ ಇಂಡಿಯಾ- 2023 ನ್ ಉದಿಪನ ಮಲ್ತಿನ ಪ್ರಧಾನಿ ಮೋದಿ

ಬೆಂಗ್ಲೂರ್: ಪುಗರ್ತೆದ ಏರೋ ಇಂಡಿಯಾ-2023 ನ್ ಪ್ರಧಾನಿ ನರೇಂದ್ರ ಮೋದಿ ಇನಿ ಉದಿಪನ ಮಲ್ತೆರ್.‌

ಉಂದು 14ನೇ ವರ್ಷದ ವೈಮಾನಿಕ ಪ್ರದರ್ಶನ ಆತ್ಂಡ್.‌ ಯಲಹಂಕ ವಾಯು ನಿಲೆಟ್ ಈ ಪುಗರ್ತೆದ ಏರ್ ಶೋ ಅಟ್ಟಣೆ ಆತ್ಂಡ್. ಬೊಕ್ಕ ಮೋದಿ ಪಾತೆರ್ದ್, ರಕ್ಷಣಾ ಕ್ಷೇತ್ರಡ್ ಭಾರತ ಸಾಧನೆ ಮಲ್ತಿನ ಪ್ರಗತಿದ ಬಗೆಟ್ ತೆರಿಪಾಯೆರ್. ಜಗತ್ತ್ ದ 75 ರಾಷ್ಟ್ರಲೆಡ್ ಭಾರತ ರಕ್ಷಣಾ ಸೊತ್ತುಲೆನ್ ರಫ್ತು ಮಲ್ತೊಂದು ಉಂಡು ಪಂದ್ ಪಂಡೆರ್. ನೆರ್ದ್ ದುಂಬು ರಕ್ಷಣಾ ಸೊತ್ತುಲೆನ್ ದೆತೊನೊಂದು ಇತ್ಂಡ್ ಪಂದ್ ಪಂಡೆರ್. ಅತ್ತಂದೆ ಐನ್ ದಿನತ ಏರ್ ಶೋಡ್ 75,000 ಕೋಟಿ ರೂ. ದಾತ್‌ ವಾಣಿಜ್ಯ ವೈವಾಟ್ ನಿರೀಕ್ಷೆ ಮಲ್ದ್ಂಡ್.‌ 97 ದೇಶದ ಪ್ರತಿನಿಧಿನಕುಲು ಈ ಏರ್ ಶೋಡ್ ಪಾಲ್ ಪಡೆಯೆರೆ ಉಲ್ಲೆರ್. 251 ಒಪ್ಪಂದಗ್ ದಸ್ಕತ್ತ್ ಪಾಡುನ ಸಾಧ್ಯತೆ ಉಂಡು.

PM Modi inaugurated Aero India-2023

Bangalore: The much awaited Aero India- 2023 was inaugurated by PM Narendra Modi today.
This is the 14 th edition of the event is being held at Yelahanka Air Base in Bangalore.
Speaking after inaugurating the event he said the event will showcase our unlimited potential in defence.He also spoke of India’s achievement in Defence related issues.India intends to export Defence equipment to 75 countries the world over.Moreover the five day Air show is expected to bring in a revenue of 75,000 crores.Represtatives from 97 countries are participating in the event.More than 251 deals are to be finalized.