Times of kudla

Atturu baila Panjurli Karnika ಅತ್ತೂರು ಬೈಲ ಪಂಜುರ್ಲಿನ ಕಾರ್ಣಿಕ

ತುಳುನಾಡ್ ದ ತುಳುವೆರ್ ಇತ್ತೆದ ಡಿಜಿಟಲ್ ಯುಗೊಟ್ಟುಲ ದಿನನಿತ್ಯದ ಬದ್ ಕ್ ಡ್‌ ತಾನ್ ನಂಬಿನ ದೈವ ದೇವೆರೆನ ಮಿತ್ತ್ ದ ನಂಬಬೊಲಿಗೆನ್ ಬುಡ್ತಿಜೆರ್. ನೆಕ್ಕ್ ಸಾಕ್ಷಿ ಯಾದ್ ಸುಮಾರ್ ಕಡೆಟ್ ದೈವೊದ ಕಾರ್ಣಿಕ ತೋಜಿದ್ ಬರೊಂದು ಉಂಡು. ಅಂಚಿನ ಕೆಲವು ಕ್ಷೇತ್ರಲೆಡ್ ಅತ್ತೂರು ಬೈಲ್ ಶ್ರೀ ಮಹಾಗಣಪತಿ ಮಂದಿರಲ ಒಂಜಿ.

ಅತ್ತೂರು ಬೈಲ್ ದ ಶ್ರೀ ಮಹಾಗಣಪತಿ ಮಂದಿರ ಮುಲ್ಕಿ ಒರ್ಂಬ ಮಾಗಣೆಗ್ ಸಂಬಂಧಪಟ್ಟಿನವು. ಮಸ್ತ್ ಕಾರ್ಣಿಕದ ಕ್ಷೇತ್ರವಾಯಿನ ಮುಲ್ಪ ಬೈಲ ಪಂಜುರ್ಲಿ ದೈವ ನೆಲೆ ಉಂತುದು ಕಾರ್ಣಿಕ ತೊಜಪಾವೊಂದು ಉಂಡು. ‌ಪ್ರತಿ ವರ್ಷೊದಂಚೆನೆ ನಡಪುನ ನೇಮಡ್ ಮಹಾಗಣಪತಿ ಮಂದಿರದ ಗಡಿ ಪ್ರಧಾನೆರಾಯಿನ ಬೈಲ್ ಉಡುಪೆರ್ ಬೊಕ್ಕ ಬೊಟ್ಟು ಉಡುಪೆರ್ ಮೊಕ್ಲೆನ್ ತನ್ನ ಕಾರ್ಣಿಕ ಶಕ್ತಿರ್ದ್ ಒಂತೆ ಪೊರ್ತು ಮತಿ ತಪ್ಪುಲೆಕ್ಕ ಮಲ್ಪುನವೇ ಮುಲ್ಪದ ಇಸೇಸ.

ಮುಲ್ಕಿ ಒರ್ಂಬ ಮಾಗಣೆಡ್ ಮಸ್ತ್ ಗುತ್ತು ಬರ್ಕೆಲು ಉಂಡು. ಅಲ್ಪ ಗಡಿ ಪ್ರಧಾನ ಸಾಮಾನ್ಯ.ಆಂಡ ಬ್ರಾಣೆರ್ನ ಸಮುದಾಯಡ್ ರಡ್ಡೇ ಗಡಿ ಉಪ್ಪುನು. ಅವು ಬೈಲ್ ಉಡುಪೆರೆಗ್ ಬೊಕ್ಕ ಬೊಟ್ಟು ಉಡುಪೆರೆಗ್ ಗಡಿ ಆಪಿನಿ. ಇತ್ತೆ ಅತ್ತೂರು ಬೈಲ್ ಮಹಾಗಣಪತಿ ಮಂದಿರದ ವೆಂಕಟರಾಜ ಉಡುಪೆರ್ ಬೈಲ್ ಉಡುಪೆರಾದ್ ಗಡಿ ಪ್ರಧಾನೆರಾತೆರ್. ಜಯರಾಮ ಉಡುಪೆರ್ ಬೊಟ್ಟು ಉಡುಪೆರಾದ್ ಗಡಿ ಪ್ರಧಾನೆರಾತೆರ್.

ನೇಮದ ಪೊರ್ತುಡು ಅತ್ತೂರು ಬೈಲ್ ಚಾವಡಿಡ್ ಬೈಲ್ ಉಡುಪೆರ್ ಬೊಕ್ಕ ಬೊಟ್ಟು ಉಡುಪೆರ್ ಕುಲ್ಲುದು ಉಪ್ಪುವೆರ್. ಚಾವಡಿದ ಎದುರುಡ್ ಕೊಡಿಯಡಿ ಇಪ್ಪುಂಡು. ಬೊಕ್ಕ ಸಂಪ್ರದಾಯದಂಚೆನೆ ಪಂಜುರ್ಲಿ ದೈವೊದ ನೇಮ ಸುರು ಆಪುಂಡು. ಸುರುಕ್ಕು ಪಂಜುರ್ಲಿ ದೈವ ಮುಗ ಪಾಡ್ದ್ ನೇಮ ಸುರು ಆದ್ ಮುಗ ದೆಪ್ಪುನ ಮುಟ್ಟ ಸುರುತ ಪಂತೆ ಮುಗಿವುಂಡು.

ಅವೆರ್ದ್ ಬೊಕ್ಕ ದೈವದ ಕಲಾವಿದೆ ತಾಸೆ ವಾದ್ಯ ಬ್ಯಾಂಡ್‌ಗ್ ನಲಿಪುವೆರ್. ದುಂಬರಿಯೊಂದು ದೈವ ಕಲಾವಿದಗ್ ಆವೇಶ ಹೆಚ್ಚಾಪುಂಡು. ಈ ಪೊರ್ತುಡು ಚಾವಡಿಡ್ ಬೈಲ್ ಬೊಕ್ಕ ಬೊಟ್ಟು ಉಡುಪೆರ್ ಭಕ್ತಿಡ್ ಮಂತ್ರ ಉಚ್ಚಾರಣೆ ಮಲ್ತೊಂದು ಕುಲ್ಲುದು ಇಪ್ಪುವೆರ್. ಪಂಜುರ್ಲಿ ದೈವಗ್ ಆವೇಶ ಹೆಚ್ಚಾವೊಂದು ದುಂಬರಿದ್ ಉಡುಪೆರ್ ರಡ್ಡ್ ಜನ ಕುಲ್ದಿನ ಚಾವಡಿದಡೆ ಕಡ್ಸಲೆನ್ ಬೀಜುವೆರ್. ಆತಾನಗ ಬೈಲ್ ಉಡುಪೆರ್ ಆಕರ್ಷಣೆ ಆದ್ ದಿಡಿಕ್ಕನೆ ಪಿರ ಮಗ್ ರ್ದ್ ಬೂರ್ದು ಮತಿ ತಪ್ಪುವೆರ್. ಪಂಜುರ್ಲಿ ನನೊಂಜಿ ಸರ್ತಿ ಉಂದುವೇ ರೀತಿ ಮಲ್ಪುನಗ ಬೊಟ್ಟು ಉಡುಪೆರ್ ಲ ಉಂದುವೇ ರೀತಿ ಮತಿ ತತ್ತ್ ದ್ ಬೂರುವೆರ್. ಸುಮಾರ್ 5 ನಿಮಿಷ ಮುಟ್ಟ ಅಕ್ಲೆಗ್ ಮತಿ ಪೋದಿಪ್ಪುಂಡು. ಅವೆರ್ದ್ ಬೊಕ್ಕ ಮುಕಾಲ್ದಿಯಲ್ಲೆನ ಬಿನ್ನಯೊದಂಚೆನೆ ಪಂಜುರ್ಲಿ ದೈವ ರಡ್ಡ್ ಜನ ಉಡುಪೆರೆನ್ಲ ಯಥಾಸ್ಥಿತಿಗ್ ಬರ್ಪುಲೆಕ್ಕ ಮಲ್ಪುವೆರ್. ಅಡೆಗ್ ಬೊಕ್ಕೊಂಜಿ ಪಂತೆದ ನಲಿಕೆ ಮುಗಿವುಂಡು.

ಇಂಚ ಬೈಲ ಪಂಜುರ್ಲಿಗ್ ವರ್ಷೊಗೊರ ಕಾಲಾಧಿದ ಕೋಲ ಅತ್ತಾಂದೆ ಪರಕೆದ ಕೋಲಲ ನಡಪುಂಡು. ಅವು ಬೊಟ್ಟು ಉಡುಪೆರ್ನ ಇಲ್ಲಡ್ ನಡಪುಂಡು. ಅಂಚ ತುಳುಮಣ್ಣ್ ಡ್ ಕೃಷಿ ಪ್ರಧಾನವಾಯಿನ ಬೈಲ್ ಬೊಕ್ಕ ಬೊಟ್ಟು ಪನ್ಪಿನ ಕಲ್ಪನೆದ ಪ್ರತೀಕವಾದ್ ದೈವೊಲು ನಿಲೆ ಉಂತುದಿನೆಕ್ಕ್ ಈ ಜಾಗೆ ಸಾಕ್ಷಿಯಾದುಂಡು.
✍️ ಯಶೋಧರ ಕೋಟ್ಯಾನ್

Atturu Baila Panjurli Karnika

With the digital age and the stressful lifestyle people are forgetting their customs and culture. The hectic life in far off places in search of employment deprives one of the richness of one’s roots .
But in some cases the divinity is so extra ordinary that one is pulled back to things out of the fathom of commen man.

Attur Bailu Mahaganapati temple is nestled in a small hamlet near Mulki.The temple is in the home of the Udupa family who are well known around Tulunadu .The chief seniors of the family are known as Bailu Udupa and Bottu Udupa who perform temple related rituals here.

The ” Panjurli” boota of the Attur Baila family is one of the most powerful Bootas of Tulunadu.
During the annual Boota Kola held in the of the Attur Bailu home , the Panjurli demonstrates its power by knocking back the brothers from their seat and making them unconscious for some time.Later with certain rituals and recitation the Panjurli revives them.

Thus the beauty of Tulunadu,it’s divinity, customs and rituals with the primarily agriculture based economy is beautifully depicted in this age old tradition.

Emergency meeting of BJP Yuva Morcha,Mulki, Moodbidri Mandala ಬಿಜೆಪಿ ಯುವ ಮೋರ್ಚಾ ಮುಲ್ಕಿ ಬೆದ್ರ ಮಂಡಲದ ತುರ್ತು ಸಭೆ

ದಕ್ಷಿಣ ಕನ್ನಡ ಜಿಲ್ಲಾ ಯುವ ಮೋರ್ಚಾದ ಕೂಟ ಮುಲ್ಕಿ ಬೆದ್ರ ಮಂಡಲ ಯುವ ಮೋರ್ಚಾದ ತುರ್ತು ಸಭೆ ವಿದ್ಯಾಗಿರಿತ್ತ ಪಕ್ಷದ ಕಚೇರಿಡ್ ನಡತ್ಂಡ್.

ಈ ಪೊರ್ತುಡು ಮುಲ್ಕಿ ಬೆದ್ರ ಮಂಡಲದ ಅಧ್ಯಕ್ಷೆರ್ ಸುನಿಲ್ ಆಳ್ವ, ಅಶ್ವಥ್ ಪಣಪಿಲ ಪ್ರಧಾನ ಕಾರ್ಯದರ್ಶಿ ಗೋಪಾಲ್ ಶೆಟ್ಟಿಗಾರ್, ಕೇಶವ್ ಕರ್ಕೆರ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಕಸ್ತೂರಿ ಪಂಜ, ಜಿಲ್ಲಾ ಉಪಾಧ್ಯಕ್ಷೆರ್ ಬೊಕ್ಕ ಜಿಲ್ಲಾ ಯುವ ಮೋರ್ಚಾ ಪ್ರಭಾರಿ ಈಶ್ವರ್ ಕಟೀಲ್, ಅಧ್ಯಕ್ಷೆರ್ ಗುರುದತ್ ನಾಯ್ಕ್,‌ ಪ್ರಧಾನ ಕಾರ್ಯದರ್ಶಿ ಸುದರ್ಶನ್ ಬಜ, ಸೂರಜ್ ಜೈನ್ ಮಾರ್ನಾಡ್, ಕಾರ್ಯದರ್ಶಿ ಮಂಡಲ ಮೋರ್ಚಾದ ಪ್ರಭಾರಿ ಸುಜಿಲ್ ಶೆಟ್ಟಿ, ಮಂಡಲದ ಪದಾಧಿಕಾರಿಲು, ಸದಸ್ಯೆರ್ ಬೊಕ್ಕ ಮಹಾಶಕ್ತಿ ಕೇಂದ್ರದ ಅಧ್ಯಕ್ಷೆರ್ ಬೊಕ್ಕ ಕಾರ್ಯದರ್ಶಿ ಇತ್ತೆರ್.

Emergency meeting of BJP Yuva Morcha,Mulki, Moodbidri Mandala

An emergency meeting was called by the Yuva Morcha BJP, Mulki Moodbidri unit at Vidyagiri at the party office that was well attended by members.

Kadaba: Elephant attack- people show resent ಆನೆ ದೊಂಕುದು ರಡ್ಡ್ ಜನ ಸೈತಿನ ಕೇಸ್ : ಬೆಚ್ಚ ಆತೆರ್ ಜನಕುಲು

ಕಡಬ: ಕಡಬ ತಾಲೂಕ್‌ದ ರೆಂಜಿಲಾಡಿ ಗ್ರಾಮದ ರಡ್ಡ್ ಜನ ಆನೆ ದೊಂಕುದು ತೀರ್ ಪೋಯಿನ ನಿಲೆಟ್ ಅರಣ್ಯ ಇಲಾಖೆದ ವಿರುದ್ಧ ಬೆಚ್ಚ ಆಯಿನ ಅಲ್ಪದ ಜನಕುಲು ಭಾರೀ ಸ್ವರ ಲಕ್ಕಾದೆರ್.

ಆನೆ ಗಡಿಗಡಿ ಉಪದ್ರ ಕೊರ್ಪಿನ ಬಗೆಟ್ಟ್ ಈ ಪಿರವು ಮಲ್ದಿತ್ತಿನ ವಿಡಿಯೋನ್ ಕಡಬ ಪೊಲೀಸೆರ್ ಡಿಲೀಟ್ ಮಲ್ತ್‌ದಿತ್ತಿನ ಬಗೆಟ್ ಒಂತೆ ಚರ್ಚೆ ಆದ್ ಬೆಚ್ಚದ ಪಾತೆರನ್ ಪಾತೆರ್ದೆರ್. ಇನಿ ಕಾಂಡೆ ಆನೆದ ಪೆಟ್ಟ್ ಗ್ ರಂಜಿತಾ ಬೊಕ್ಕ ರಮೇಶ್ ರೈ ಪನ್ಪಿನಾರ್ ತೀರ್ ಪೋತೆರ್. ಜಾಗೆಗ್ ಸಚಿವೆರ್, ಜಿಲ್ಲಾಧಿಕಾರಿಲು ಬರಂದೆ ಅಕ್ಲೆನ ಪುನ ದೆಪ್ಪುಜ ಪಂದ್ ಜನಕುಲು ಸ್ವರ ಲಕ್ಕಾದೆರ್.

Kadaba: Elephant attack- people show resent

Kadaba: In the incident relating to the death of two persons in an elephant attack at Renjiladi village people have voiced resent with the forest department.
They had previously brought to notice with the forest department of the elephant menace in the area but no action had been taken.
Heated arguments were held between the people and the police.
Ranjitha (21) and Ramesh Rai (55) were killed in an elephant attack.

Manglore: BJP state in charge Arun Singh hospitalised ಬಿಜೆಪಿ ರಾಜ್ಯ ಉಸ್ತುವಾರಿ ಅರುಣ್ ಸಿಂಗ್ ಗ್ ತಿಗಲೆ ಬೇನೆ

ಕುಡ್ಲ: ಬಿಜೆಪಿ ರಾಜ್ಯ ಉಸ್ತುವಾರಿ ಅರುಣ್ ಸಿಂಗ್ ಮೇರೆಗ್ ಇನಿ ಕಾಂಡೆ ತಿಗಲೆ ಬೇನೆ ತೋಜಿದ್ ಬತ್ತಿತ್ತ್‌ದ್, ಕುಡ್ಲದ ಎ.ಜೆ ಆಸ್ಪತ್ರೆಗ್ ದಾಖಲಾತೆರ್.

ತಿಗಲೆ ಬೇನೆ ಆತಿನ ಮೇರೆಗ್ ಒವ್ವೇ ರೀತಿದ ತೊಂದರೆ ಇಜ್ಜಿ ಪಂದ್ ವೈದ್ಯೆರ್ ತೆರಿಪಾದೆರ್. ಇಂಚಾದ್ ಆರ್ ಆಸ್ಪತ್ರೆರ್ದ್ ಅಪಗನೇ ಪಿರ ಪೋತೆರ್. ಒಡಿಪುಡು ನಡಪುನ ಜಿಲ್ಲಾ ಮಟ್ಟದ ಬೂತ್ ಸಮಿತಿದ ಕಾರ್ಯಕರ್ತೆರ್‍ನ ಸಮಾವೇಶಡ್ ಪಾಲ್ ಪಡೆಯರೆ ಆರ್ ಬತ್ತಿತ್ತೆರ್. ಕೋಡೆ ದಿಲ್ಲಿರ್ದ್ ಇಮಾನದ ಮುಕೇನ ಕುಡ್ಲಗ್ ಬತ್ತಿತ್ತೆರ್. ಇನಿ ಕಾಂಡೆ ಒಡಿಪುಗು ಪೋಪಿನ ಪೊರ್ತುಡು ತಿಗಲೆ ಬೇನೆ ಆತ್ಂಡ್.

Manglore: BJP state in charge Arun Singh hospitalised

Mangalore: BJP state in charge Arun Singh was admitted to a hospital in Manglore after he complained of uneasiness this morning.
He is doing fine now said sources from the hospital.

ಫೆ.21-28: ಸಚ್ಚೇರಿಪೇಟೆ ಶ್ರೀ ಮಹಾಮ್ಮಾಯೀ ಸಾಂಸ್ಕೃತಿಕ ಸೇವಾ ಸಮಿತಿದ ಮುತಾಲಿಕೆಡ್ ಸಾಂಸ್ಕೃತಿಕ ಲೇಸ್

ಸಚ್ಚೇರಿಪೇಟೆ ಶ್ರೀ ಮಹಾಮ್ಮಾಯೀ ಸಾಂಸ್ಕೃತಿಕ ಸೇವಾ ಸಮಿತಿದ ಮುತಾಲಿಕೆಡ್ ಮುಂಡ್ಕೂರು ಕಜೆ ಶ್ರೀ ಮಹಮ್ಮಾಯೀ ಅಮ್ಮನ ವರ್ಷದ ಮಾರಿಪೂಜೆದ ಲೆಕ್ಕೊಡು ಸಾಂಸ್ಕೃತಿಕ ಲೇಸ್ ಫೆ.21-28 ಮುಟ್ಟ ನಡಪರೆ ಉಂಡು.

ಫೆ.21 ಅಂಗಾರೆ ಬಯ್ಯಗ್ ಪ್ರಸನ್ನ ಶೆಟ್ಟಿ ಸಾರಥ್ಯಡ್ ಚೈತನ್ಯ ಕಲಾವಿದೆರ್ ಬೈಲೂರು ಮೊಕ್ಲೆರ್ದ್ ವಾರ್ಡ್ ನಂಬರ್-2 ತುಳು ನಾಟಕ ನಡಪರೆ ಉಂಡು. ಫೆ.22 ಬುಧಾರ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯ ಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ನಾಗವೃಜ ಕ್ಷೇತ್ರ ಪಾವಂಜೆ ಮೊಕ್ಲೆರ್ದ್ ಕೃಷ್ಣಲೀಲೆ ಕಂಸವಧೆ ಚೂಡಾಮಣಿ ಆಟ ನಡಪರೆ ಉಂಡು. ಫೆ.23 ಗುರುವಾರ ಶಾರದ ಆರ್ಟ್ಸ್ ಕಲಾವಿದೆರ್ ಮಂಜೇಶ್ವರ ಕಲಾವಿದೆರ್ದ್ ತುಳುನಾಡ ದೀಪಕ್ ರೈ ಪಾಣಾಜೆ ಅಭಿನಯದ ನಿತ್ಯೆ ಬನ್ನಗ ತುಳು ನಾಟಕ ನಡಪರೆ ಉಂಡು. ‌ಫೆ.24 ಸುಕ್ರಾರ ಥಂಡರ್ ಗೈಸ್ ಬಜಪೆ ಮೊಕ್ಲೆರ್ದ್ ನೃತ್ಯ ವೈವಿಧ್ಯ ನಡಪರೆ ಉಂಡು. ಫೆ.25 ಸನಿಯಾರ ಬಯ್ಯಗ್ ಸಚ್ಚೇರಿಪೇಟೆದ ಶ್ರೀ ಮಹಾಮ್ಮಾಯೀ ಅಮ್ಮನ ಅಶ್ವತ್ಥಕಟ್ಟೆಡ್ 19ನೇ ವರ್ಷದ ಸಾರ್ವಜನಿಕ ಶ್ರೀ ಶನೈಶ್ವರ ಪೂಜೆ ಆದ್ ರಾತ್ರೆ ಅನ್ನಸಂತರ್ಪಣೆ ನಡಪರೆ ಉಂಡು. ಈ ಲೇಸ್ ಮುಂಡ್ಕೂರು ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಪ್ರಧಾನ ಅರ್ಚಕೆರಾಯಿನ ರಾಮದಾಸ ಆಚಾರ್ಯ ಮೆರೆನ ಉಪಸ್ಥಿತಿಡ್ ನಡಪರೆ ಉಂಡು. ಕೆ. ಕೃಷ್ಣಮೂರ್ತಿ ಆಚಾರ್ಯ ಕಿನ್ನಿಮುಲ್ಕಿ ಒಡಿಪು ಸಾರಥ್ಯಡ್ ಶ್ರೀ ಕೃಷ್ಣ ಕಲಾವಿದೆರ್ ಒಡಿಪು ಮೊಕ್ಲೆರ್ದ್ ಆ ಇಲ್ಲಡ್ ತುಳು ನಾಟಕ ನಡಪರೆ ಉಂಡು. ‌ಫೆ.26 ಐತಾರ ಬೊಳ್ಳಿ ಬೊಲ್ಪು ಕಲಾವಿದೆರ್ ಸಚ್ಚೇರಿಪೇಟೆ ಮೊಕ್ಕೆರ್ದ್, ರಮೇಶ್ ಆಚಾರ್ಯ ನೂರಲ್ ಬೆಟ್ಟು ರಚನೆ ಮಲ್ತಿನ ಶರತ್ ಶೆಟ್ಟಿ ಸಚ್ಚೇರಿಪೇಟೆ ನಿರ್ದೇಶನದ ಗಳಿಗೆದುಲಾಯಿ ತುಳು ನಾಟಕ ನಡಪರೆ ಉಂಡು. ಫೆ.27 ಸೋಮಾರ ಯಕ್ಷಗಾನ ತಾಳಮದ್ದಳೆ ಶ್ರೀ ಶನೈಶ್ವರ ಮಹಾತ್ಮೆ ನಡಪರೆ ಉಂಡು. ಫೆ.28 ಅಂಗಾರೆ ಬಯ್ಯಗ್ ಕ್ಷೇತ್ರರ್ದ್ ಸಚ್ಚೇರಿಪೇಟೆದ ಅಶ್ವತ್ಥ ಕಟ್ಟೆಗ್ ಶ್ರೀ ಮಹಾಮ್ಮಾಯೀ ಅಮ್ಮನ ಶೋಭಾಯಾತ್ರೆ ಬರಿಯೆರೆ ಉಂಡು. ಬೊಕ್ಕ ಸ್ವರಾಧ್ಯ ಮ್ಯೂಸಿಕಲ್ ಮೊಕ್ಲೆರ್ದ್ ಸಂಗೀತ ರಸಮಂಜರಿ, ಕೈತಲ್ ದ ಪ್ರತಿಭೆಲೆರ್ದ್ ನೃತ್ಯ ವೈವಿಧ್ಯ, ಸ್ವಾತಿ ಕೃಷ್ಣಾನಂದ ಭಟ್ ಬೊಕ್ಕ ಶ್ರುತಿಪ್ರಿಯಾ ಮಂಡ್ಯ ಕೂಟದಕ್ಲೆರ್ದ್ ನಾಟ್ಯಾಂಜಲಿ ನಡಪರೆ ಉಂಡು. ಬೊಕ್ಕ ಪೊಸ್ರಾಲು ಶ್ರೀ ಮಹಾಲಿಂಗೇಶ್ವರ ಯಕ್ಷಗಾನ ಕಲಾಮಂಡಳಿ ಸಚ್ಚೇರಿಪೇಟೆ ಮೊಕ್ಲೆರ್ದ್ ಯಕ್ಷಗಾನ ಬಯಲಾಟ ಅತೀ ನೂತನ ಪ್ರಸಂಗ ನಡಪರೆ ಉಂಡು. ಈ ಮಾತ ಲೇಸ್ ಗ್ ಮಾತೆರ್ಲಾ ಎಚ್ಚ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ಸಚ್ಚೇರಿಪೇಟೆ ಶ್ರೀ ಮಹಾಮ್ಮಾಯೀ ಸಾಂಸ್ಕೃತಿಕ ಸೇವಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್, ಸಚ್ಚೇರಿಪೇಟೆ ಸಾರ್ವಜನಿಕ ಶ್ರೀ ಶನೈಶ್ವರ ಪೂಜಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

February 27th: The 28th annual program of Matru Friends , Bellarpadi(R) ಫೆ.27:ಮಾತೃ ಫ್ರೆಂಡ್ಸ್ ಬೆಳ್ಳರ್ಪಾಡಿ (ರಿ.) ನೆತ್ತ 28 ನೇ ವರ್ಷದ ಉಚ್ಚಯ

ಒಡಿಪು: ಮಾತೃ ಫ್ರೆಂಡ್ಸ್ ಬೆಳ್ಳರ್ಪಾಡಿ (ರಿ.) ನೆತ್ತ 28 ನೇ ವರ್ಷದ ಉಚ್ಚಯ ಫೆ.27 ಸೋಮಾರ ಬಯ್ಯಗ್ 6:30 ಕ್ ಬೆಳ್ಳರ್ಪಾಡಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಮೈದಾನಡ್ ನಡಪರೆ ಉಂಡು.

ಸುರುಕು ಪ್ರಾರ್ತನೆ, ಬೊಕ್ಕ ನೃತ್ಯ ಲೇಸ್ ನಡಪರೆ ಉಂಡು. ಅವೆರ್ದ್ ಬೊಕ್ಕ ಸಭಾ ಲೇಸ್ ನಡಪುಂಡು. ಈ ಲೇಸ್ ಡ್ ಕೇಮಾರು ಮಠತ ಶ್ರೀ ಈಶವಿಠಲದಾಸ ಸ್ವಾಮೀಜಿ ಆಶೀರ್ವಚನ ಕೊರಿಯೆರೆ ಉಲ್ಲೆರ್. ಸಭಾಧ್ಯಕ್ಷತೆನ್ ಮಾಜಿ ಸಚಿವೆರ್ ವಿನಯ್ ಕುಮಾರ್ ಸೊರಕೆ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಮುನಿಯಾಲು ಉದಯ ಕೃಷ್ಣಯ್ಯ ಶೆಟ್ಟಿ ಚಾರಿಟೇಬಲ್ ಟ್ರಸ್ಟ್ ದ ಅಧ್ಯಕ್ಷೆರ್ ಮುನಿಯಾಲು ಉದಯ ಕುಮಾರ್ ಶೆಟ್ಟಿ, ಉದ್ಯಮಿ, ಪ್ರವೀಣ್ ಪೂಜಾರಿ, ಸಂತೋಷ್ ಕುಲಾಲ್ ಪಕ್ಕಾಲ್, ಚರಣ್ ವಿಠಲ್ ಕುದಿ, ದೀಪಕ್ ಕೋಟ್ಯಾನ್, ಶಶಿಧರ್ ಜತ್ತನ್, ಹಿರಿಯಡ್ಕ ಠಾಣಾಧಿಕಾರಿ ಅನಿಲ್, ಪೆರ್ಡೂರು ಬಂಟರ ಸಂಘದ ಅಧ್ಯಕ್ಷೆರ್ ಶಾಂತರಾಮ ಸೂಡ, ಕುಕ್ಕೆಹಳ್ಳಿ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಸುಧಾಕರ ಶೆಟ್ಟಿ ತಂಗಣ, ಕಿರಣ್ ಕುಮಾರ್ ಹೆಗ್ಡೆ, ಹಿಂದೂ ಜನಸೇವಾ ಟ್ರಸ್ಟ್ ದ ಅಧ್ಯಕ್ಷೆರ್ ಶಿವಕುಮಾರ್ ಕರ್ಜೆ, ಬೆಳ್ಳರ್ಪಾಡಿ ಸಮಗ್ರ ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಶಿವರಾಮ ಶೆಟ್ಟಿ, ಬೆಳ್ಳರ್ಪಾಡಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಮುಖ್ಯೋಪಾಧ್ಯಾಯೆರ್ ಸುರೇಶ್ ನಾಯ್ಕ್, ಒಡಿಪು ಜಿಲ್ಲೆದ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಶಬರೀಶ್ ಸುವರ್ಣ ಬರಿಯೆರೆ ಉಲ್ಲೆರ್ ಪಂದ್ ಅಧ್ಯಕ್ಷೆರ್ ಅಜೇಯ ಕುಲಾಲ್, ಪ್ರಧಾನ ಕಾರ್ಯದರ್ಶಿ ರಘುರಾಮ ಪ್ರಭು, ಕೋಶಾಧಿಕಾರಿ ದಯೇಶ್ ಭಂಡಾರಿ ಲೆಪ್ಪೋಲೆಡ್ ತೆರಿಪಾದೆರ್. ‌

ಫೆ.19: ತಲಪಾಡಿ ರಾಮ ಮಂದಿರಡ್ ಸ್ವರ್ಗೀಯ ಜ್ಯೋತಿಷ್ಯ್ ಶ್ರದ್ಧಾಂಜಲಿ ಪುಷ್ಪಾರ್ಚನ ಲೇಸ್

ಹಿಂದೂ ಜಾಗರಣ ವೇದಿಕೆ ತಲಪಾಡಿ ಘಟಕ ಬೊಕ್ಕ ಜೋ ಟೀಮ್ ತಲಪಾಡಿ ನೆತ್ತ ಒಟ್ಟುಸೇರಿಗೆಡ್ ಸ್ವರ್ಗೀಯ ಜ್ಯೋತಿಷ್ಯ್ ಶದ್ಧಾಂಜಲಿ ಅಂಚೆನೆ ಪುಷ್ಪಾರ್ಚನೆ ಲೇಸ್ ಫೆ.19 (ಎಲ್ಲೆ) ಬೊಲ್ಪುಗು 8:30 ಕ್ ತಲಪಾಡಿ ರಾಮ ಮಂದಿರಡ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಎಚ್ಚದ ಸಂಖ್ಯೆಡ್ ಪಾಲ್ ಪಡೆವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

12 cheetahs brought down to Madhya Pradesh from South Africa ದಕ್ಷಿಣ ಆಫ್ರಿಕಾರ್ದ್ ಮಧ್ಯಪ್ರದೇಶಗ್ ಬತ್ತ್ಂಡ್ 12 ಚೀತಾ

ಗ್ವಾಲಿಯರ್: ದಕ್ಷಿಣ ಆಫ್ರಿಕಾರ್ದ್ 12 ಚೀತಾಲೆನ್ ವಾಯುಪಡೆತ್ತ ವಿಮಾನ ಮಧ್ಯಪ್ರದೇಶಗ್ ಕನದ್ಂಡ್.

ನೆಟ್ಟ್ ಏಳ್ ಆಣ್ ಬೊಕ್ಕ ಐನ್ ಪೊಣ್ಣು ಚೀತಾ ಉಂಡು. ಉಂದು ಮಧ್ಯಪ್ರದೇಶದ ಕುನೊ ರಾಷ್ಟ್ರೀಯ ಉದ್ಯಾನವನಡ್ ಕೆಲವು ದಿನ ಕ್ವಾರಂಟೈನ್ ಡ್ ಇಪ್ಪುಂಡು. ನೆರ್ದ್ ದುಂಬು ನಮೀಬಿಯಾರ್ದ್ ಎಡ್ಮ ಚೀತಾಲೆನ್ ಕನದ್ಂಡ್.

12 cheetahs brought down to Madhya Pradesh from South Africa

Gwalior: 12 cheetahs were brought down to Madhya Pradesh from South Africa in an Airforce Aircraft. They were released into the Kuno wildlife sanctuary in Madhya Pradesh.

Padmashree awardee singer Pandit Vijaya Kumar no more ಪದ್ಮಶ್ರೀ ಪುರಸ್ಕೃತೆರ್ ಗಾಯಕೆ ಪಂಡಿತ್ ವಿಜಯ್ ಕುಮಾರ್ ನನ ನೆಂಪು ಮಾತ್ರ

ಪದ್ಮಶ್ರೀ ಪುರಸ್ಕೃತೆರ್ ಪುಗರ್ತೆದ ಶಾಸ್ತ್ರೀಯ ಸಂಗೀತ ಗಾಯಕೆ ಪಂಡಿತ್ ವಿಜಯ್ ಕುಮಾರ್ ಕಿಚ್ಲು (93) ಕೋಲ್ಕತ್ತಾದ ಆಸ್ಪತ್ರೆಡ್ ತೀರ್ ಪೋಯೆರ್.

ಮೆರೆನ ಉಸುಲ್ ದ ತೊಂದರೆ ಉಂಡು ಪಂದ್ ಆಸ್ಪತ್ರೆಗ್ ಲೆತೊಂದು ಬೈದೆರ್. ಈ ಪೊರ್ತುಡು ತಿಗಲೆ ಬೇನೆಡ್ ತೀರ್ ಪೋತೆರ್ ಪಂದ್ ವೈದ್ಯೆರ್ ತೆರಿಪಾದೆರ್. 1930 ಟ್ ಪುಟ್ಟಿನ ಮೇರ್ ಸಹೋದರೆ ರವಿ ಕಿಚ್ಲುನೊಟ್ಟಿಗೆ ಸಂಗೀತ ಕಚೇರಿ ಕೊರೊಂದು ಇತ್ತೆರ್. ITC ಸಂಗೀತ ಸಂಶೋಧನಾ ಅಕಾಡೆಮಿದ ಸಂಸ್ಥಾಪಕೆರಾಯಿನ ಕಿಚ್ಲುಗ್ 2018 ಟ್ ಪದ್ಮಶ್ರೀ ಪ್ರಶಸ್ತಿ ಬೈದ್ಂಡ್.

Padmashree awardee singer Pandit Vijaya Kumar no more

Padmashree awardee Classical music singer Pandit Vijaya Kumar Kichula (93) died in Kolkata today.He was the founder of ITC Music research akademi and was awarded the Padma award in 2018.

Bulgaria: 18 dead bodies found in a truck ಬಲ್ಗೇರಿಯಾ: ಟ್ರಕ್ ಡ್ 18 ಪುನ ಪತ್ತೆ!

ಬಲ್ಗೇರಿಯಾ ರಾಜಬೂಡು ಸೋಫಿಯಾರ್ದ್ ಪಿದಯಿದ ಜಾಗೆಡ್ 18 ವಲಸೆ ಕಾರ್ಮಿಕೆರ್ನ ಪುನ ಇತ್ತಿನ ಟ್ರಕ್ ನ್ ಅಧಿಕಾರಿಲು ಪತ್ತೆ ಮಲ್ದೆರ್.

ಈ ಟ್ರಕ್ ಡ್ ಇತ್ತಿನ 40 ಜನಟ್ 18 ಜನ ತೆನಸ್, ಆಮ್ಲಜನಕ ಇಜ್ಜಂದೆ ಪ್ರಾಣ ಕಳೆವೊಂದೆರ್ ಪಂದ್ ಅಧಿಕಾರಿಲು ತೆರಿಪಾದೆರ್. ಒರಿನಕ್ಲೆನ ಸ್ಥಿತಿ ಮಸ್ತ್ ಗಂಭೀರ ಆತ್ಂಡ್. ಮೊಕುಲು ಮಾತ ಅಫ್ಘಾನಿಸ್ತಾನರ್ದ್ ವಲಸೆ ಬತ್ತಿನ ಕಾರ್ಮಿಕೆರ್ ಪಂದ್ ಕೈತಲ್ ದ ಮಾಧ್ಯಮ ತೆರಿಪಾದ್ಂಡ್.

Bulgaria: 18 dead bodies found in a truck

Bulgaria: In the outskirts of capital city of Bulgaria, Sophia official traced a truck with dead bodies of 18 migrant workers.More than 40 persons were in the truck and were migrant workers from Afghanistan.The condition of others is also not stable said sources.