Times of kudla

Chittaranjan Shetty appointed as president of DK district INTUC ದ.ಕ. ಜಿಲ್ಲಾ ಇಂಟಕ್ ಅಧ್ಯಕ್ಷೆರಾದ್ ಚಿತ್ತರಂಜನ್ ಶೆಟ್ಟಿ ನೇಮಕ

ಅಖಿಲ ಭಾರತ ಕಾಂಗ್ರೆಸ್ ಸಮಿತಿದ ಇಂಟಕ್ ವಿಭಾಗದ ಅಧ್ಯಕ್ಷೆರ್ ಡಾ.ಜಿ. ಸಂಜೀವ್ ರೆಡ್ಡಿ ಮೆರೆನ ಆದೇಶದಂಚನೆ, ರಾಷ್ಟ್ರೀಯ ಇಂಟಕ್ ವರಿಷ್ಠೆರಾಯಿನ ಎನ್.ಎಂ. ಅಡ್ಯಂತಾಯ ಮೆರೆನ ಶಿಫಾರಸ್ಸ್ ಡ್, ಕೆಪಿಸಿಸಿ ಅಧ್ಯಕ್ಷೆರ್ ಡಿ.ಕೆ. ಶಿವಕುಮಾರ್ ಬೊಕ್ಕ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷೆರ್ ಕೆ.ಹರೀಶ್ ಕುಮಾರ್ ಮೊಕ್ಲೆನ ಅನುಮತಿಡ್ ದ.ಕ. ಜಿಲ್ಲಾ ಇಂಟಕ್ ವಿಭಾಗದ ಅಧ್ಯಕ್ಷೆರಾದ್ ಚಿತ್ತರಂಜನ್ ಶೆಟ್ಟಿ ಮೆರೆನ್ ನೇಮಕ ಮಲ್ದೆರ್.

ಮೇರ್ ನೇರ್ದ್ ದುಂಬು ಬಂಟ್ವಾಳ ವಿಧಾನಸಭಾ ಕ್ಷೇತ್ರದ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ, ಜಿಲ್ಲಾ ಸೇವಾದಳದ ಕಾರ್ಯದರ್ಶಿ, ಬಂಟ್ವಾಳ ಇಂಟಕ್ ಕಾರ್ಯದರ್ಶಿ, ಜಿಲ್ಲಾ ಇಂಟಕ್ ಪ್ರಧಾನ ಕಾರ್ಯದರ್ಶಿ, ಕೆಪಿಸಿಸಿ ಸಂಯೋಜಕೆರಾದ್ ಸೇವೆ ಸಂದಾದೆರ್.

Chittaranjan Shetty appointed as president of DK district INTUC

On the order of Dr C Sanjeev Reddy president of All India Congress Samithi INTUC unit and proposed by SM Adyantaya; Chittaranjan Shetty has been appointed as president of DK district Indian National Trade Union Congress.

Kasargod: Alleged house burglar arrested ಕಾಸ್ರೋಡು: ಇಲ್ಲ್ ಲೆಗ್ ಪೊಗ್ಗುದು ಬಂಗಾರ್ ಕಂಡೊಂದು ಇತ್ತಿನ ಆರೋಪಿ ಅರೆಸ್ಟ್

ಕಾಸ್ರೋಡು: ಚಿಮೇನಿ ಪೊಲೀಸ್ ಠಾಣಾ ವ್ಯಾಪ್ತಿದ ಕಯ್ಯೂರು ಆಲಂತಟ್ಟಡ್ ಪಗೆಲ್ ಡೇ ಇಲ್ಲ್ ಲೆಗ್ ಬೀಗ ಪುಡಾತ್ ದ್ ಬಂಗಾರ್ ಬೊಕ್ಕ ಕಾಸ್ ಕಂಡೊಂದು ಇತ್ತಿನ ಕೇಸ್ ಡ್ ಆರೋಪಿನ್ ಅರೆಸ್ಟ್ ಮಲ್ದೆರ್.

ಕಾಞ೦ಗಾಡ್ ರೈಲ್ವೇ ಪರಿಸರದ ಪಿ. ಎಚ್. ಆಶಿಫ್(21) ಅರೆಸ್ಟ್ ಆಯಿನ ಆರೋಪಿ. ಈ ಬಗೆಟ್ ಚಿಮೇನಿ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆದಿತ್ತ್ಂಡ್.

Enterpreneur from Bailhongal Ramesh Raju Shetty honoured in Dubai ಬೈಲಹೊಂಗಲದ ಉದ್ಯಮಿ ರಮೇಶ್ ರಾಜು ಶೆಟ್ರೆಗ್ ದುಬೈಡ್ ತಮ್ಮನ

ಯುಎಇ: ಸಾಮಾನ್ಯವಾದ್ ಜೋಕುಲು ಬೇಲೆ ತಿಕ್ ದ್ ಎಡ್ಡೆ ಮಟ್ಟಡ್ ಇಪ್ಪೊಡು ಪನ್ಪುನವು ಮಾತ ಪೊಪ್ಪ ಅಮ್ಮನ ಬಯಕೆ.

ಅನಿವಾಸಿ ಭಾರತೀಯೆರೆಗ್ ಪೊಪ್ಪ ಅಮ್ಮ ಕುಟುಂಬ ಬಂಧು ಮಿತ್ರೆರ್ನೊಟ್ಟಿಗೆ ಇಪ್ಪರೆ ಸಮಯ ತಿಕ್ಕುನೆನೇ ಕಮ್ಮಿ. ಅಂಚ ಪಂದ್ ಜೋಕುಲೆನ್ ತೂವರೆ-ಕುಲ್ಲೆರೆ ಸ್ವತಃ ಪೊಪ್ಪ ಅಮ್ಮನೇ ಪಿದತಿ ದೇಶೊಗ್ ಪೋದು ಬರ್ಪುನ ಉಂಡು. ಅಂಚಿನ ಒಂಜಿ ಪೊರ್ತುಡು ಅವಿಸ್ಮರಣೀಯ ಆಯಿನ ವಿಶಿಷ್ಟ ಲೇಸ್ ಇಂಚೊಗು ಬರ್ ದುಬೈಡ್ ನಡತ್ಂಡ್.

ಮಗಲೆನ್ ತೂವರೆ ಊರುರ್ದು ಬತ್ತಿನ ಪೊಪ್ಪ ಈ ಸಂಸಾರದ ಬೊಕ್ಕ ನಾಡ್ ದ ಪೊರ್ಲು ತೂದು ಮೈ ಮದಪುನೆತೊಟ್ಟಿಗೆ ತನ್ನ ಪೊಪ್ಪಗ್ ಗೊತ್ತಿಜ್ಜಂದಿಲೆಕ್ಕ ಬಂಧು ಮಿತ್ರೆರೆನ್ ಒಂಜಿ ಕಡೆ ಸೇರ್ಸಾದ್ ತಮ್ಮನದ ಅಟ್ಟಣೆ ಮಲ್ತಿನ ಇಸೇಸ ಲೇಸ್ ಒಂಜಿ ಇಂಚಿಪ್ಪ ನಡತ್ಂಡ್.

ಪೇಂಟೆದ ಬರ್ ದುಬೈಡ್ ಇಪ್ಪುನ ಅಶ್ವಿನಿ ಪುರಂದರ ಶೆಟ್ಟಿ ಮೇರ್ ತನ್ನ ಏಳಿಗೆಗ್ ಕಾರಣ ಆಯಿನ ಪೊಪ್ಪಗ್ ಗೊತ್ತಿಜ್ಜಂದಿಲೆಕ್ಕ ಒಂಜಿ ಗೌರವಾರ್ಪಣೆ ಮಲ್ಪುನ ಲೇಸ್ ಡ್ ಸುಮಾರ್ ಜನ ಬಂಧುಲು ಸೇರ್ದ್ ಸಾಕ್ಷಿ ಆಯೆರ್.

ಕರಿನ 34 ವರ್ಷೊರ್ದಿಂಚ ಬೆಳಗಾವಿ ಜಿಲ್ಲೆದ ಬೈಲಹೊಂಗಲ ತಾಲೂಕ್ ಡ್ ಅಶ್ವಿನಿ ಟಿ. ಬಾರ್ ಪನ್ಪುನ ಹೋಟೆಲ್ ಉದ್ಯಮನ್ ಮಲ್ತೊಂದು ಬರೊಂದು ಇಪ್ಪುನ ರಮೇಶ್ ರಾಜು ಶೆಟ್ಟಿ ಬೊಕ್ಕ ಶಕುಂತಲಾ ರಮೇಶ್ ಶೆಟ್ಟಿ ಮೇರ್ ಇಂಚಿಪ್ಪ ಪೇಂಟೆದ ಬರ್ ದುಬೈಡ್ ಇಪ್ಪುನ ಮಗಲ್ ಅಶ್ವಿನಿ ಪುರಂದರ ಶೆಟ್ಟಿ ಬೊಕ್ಕ ಮರ್ಮಾಯೆ ಪುರಂದರ ಶೆಟ್ರ್ ಮೆರೆನ ಇಲ್ಲಡ್ ಕುಲ್ಲಿಯೆರ್.

ಈ ಪೊರ್ತುಡು ಪೊಯ್ಯೆದ ರಾಸಿದ ಪ್ರೇಕ್ಷಣೀಯ ಜಾಗೆಡ್ ತೂಯಿನ ಬೊಕ್ಕ ಸ್ವತಃ ಮಗಲ್ ಅಶ್ವಿನಿ ಮೇರ್ ದುಬೈಡ್ ಇಪ್ಪುನ ಸುಮಾರ್ ಸಹೃದಯೆರೆನ್ ಇಲ್ಲಗ್ ಲೆತ್ ದ್, ಪೊಪ್ಪಗ್ ಗೌರವ ತಮ್ಮನ ಮಲ್ತೆರ್. ಈ ಪೊರ್ತುಡು ಯುಎಇ ಬಂಟ್ಸ್ ಸಂಘದ ಅಧ್ಯಕ್ಷೆರ್, ಸಾಮಾಜಿಕ, ಧಾರ್ಮಿಕ, ಸಾಂಸ್ಕೃತಿಕ, ಸಂಘಟಕ ಸರ್ವೋತ್ತಮ ಶೆಟ್ಟಿ, ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇದ ಅಧ್ಯಕ್ಷೆರ್ ದಿನೇಶ್ ಶೆಟ್ಟಿ ಕೊಟ್ಟಿಂಜ, ಯಕ್ಷಗಾನ ಗುರು ಶೇಖರ ಶೆಟ್ಟಿಗಾರ್, ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇದ ಸದಸ್ಯೆರ್ ರವೀಂದ್ರ ಶೆಟ್ಟಿ (Toyota Al- Futtaim motors Corporate Sales Manager), ಅಕ್ಷತ ರವೀಂದ್ರ ಶೆಟ್ಟಿ, ಸಾಯಿನಾಥ್ ಶೆಟ್ಟಿ, ಪ್ರತಿಮಾ ಸಾಯಿನಾಥ್ ಶೆಟ್ಟಿ ಇತ್ತೆರ್.

ಕಾರ್ಪೋರೇಟ್ ಸೆಲ್ಸ್ ಮೇನೇಜರ್ ರವೀಂದ್ರ ಶೆಟ್ಟಿ ಪರಿಚಯ ಮಲ್ತೆರ್. ಅನ್ವಿ ರವಿ ಶೆಟ್ಟಿ ಸುರುಕು ನೃತ್ಯ ಮಲ್ಪುನ ಮುಖೇನ ಲೇಸ್ ದ ಉದಿಪನ ಮಲ್ತೆರ್. ನವೊಮಿ ಸಾಯಿನಾಥ್ ಶೆಟ್ಟಿ ಬೊಕ್ಕ ಆಶ್ವಿನಿ ಶೆಟ್ಟಿ ಮೊಕ್ಲೆರ್ದ್ ಜಾನಪದ ನೃತ್ಯ ನಡತ್ಂಡ್. ಹೋಟೆಲ್ ಉದ್ಯಮಿ ರಮೇಶ್ ರಾಜು ಶೆಟ್ಟಿ ಬೊಕ್ಕ ಶಕುಂತಲಾ ರಮೇಶ್ ಶೆಟ್ಟಿ ಮೊಕ್ಲೆನ ಪೆರಿಯ ಮಗೆ ಡಾ.ಅಕ್ಷಯ್ ಶೆಟ್ಟಿ, ಮರ್ಮಾಲ್ ಸ್ವಾತಿ ಅಕ್ಷಯ್ ಶೆಟ್ಟಿ, ಮಗಲ್ ಆಶ್ವಿನಿ ಪುರಂದರ ಶೆಟ್ಟಿ, ಮಾರ್ಮಾಯೆ ಪುರಂದರ ಶೆಟ್ಟಿ, ಪುಲ್ಲಿ ಜಯ್ ಪುರಂದರ ಶೆಟ್ಟಿ, ಎಲ್ಯ ಮಗೆ ಅಮೃತ್ ಶೆಟ್ಟಿ ನೊಟ್ಟಿಗೆ ಸಂತೃಪ್ತ ಸಂಸಾರಡ್ ಉಲ್ಲೆರ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

Bag containing 8.57 lakhs worth gold lost from a train , found!! ರೈಲ್ ಡ್ ಕಂಡ್ ದ್ ಪೋಯಿನ 8.57 ಲಕ್ಷ ಬಿಲೆತ ಬಂಗಾರ್ ಇತ್ತಿನ ಬ್ಯಾಗ್ ಪತ್ತೆ

ಕುಡ್ಲ: ಬೊಂಬೈರ್ದ್ ಕುಡ್ಲಗ್ ಬರೊಂದು ಇತ್ತಿನ ರೈಲ್ ಡ್ ಕಂಡ್ ದ್ ಪೋದು ಇತ್ತಿನ ಬಂಗಾರ್ ದ ಟ್ರಾಲಿ ಬ್ಯಾಗ್‌ ಪೇಂಟೆದ ಕುಲಶೇಖರಡ್ ರೈಲ್ ಪಟ್ಟೆದ ಕೈತಲ್ ಪತ್ತೆ ಆತ್ಂಡ್.

ಫೆ.27ಕ್ ರವೀಂದ್ರ ಎಂ.ಶೆಟ್ಟಿ (74) ಬೊಕ್ಕ ಆರೆನ ಬೊಡೆದಿ ಶಶಿಕಲಾ ಶೆಟ್ಟಿ ಮೇರ್ ಕುಡ್ಲ ರೈಲ್ ಡ್ ಬರೊಂದು ಇಪ್ಪುನಗ ಸುರತ್ಕಲ್‌ ರ್ದ್ ಕುಡ್ಲ ನಡುಟ್ಟು ಮೊಕ್ಲೆನ ಟ್ರಾಲಿ ಬ್ಯಾಗ್‌ ಕಂಡ್ ದ್ ಪೋದು ಇತ್ಂಡ್. ಈ ಬಗೆಟ್ ಕುಡ್ಲ ರೈಲ್ವೆ ಪೊಲೀಸ್‌ ಠಾಣೆಡ್ ಕೇಸ್ ದಾಖಲ್ ಆದಿತ್ತ್ಂಡ್. ಈ ಬ್ಯಾಗ್ ಡ್ 245 ಗ್ರಾಂ ತೂಕದ ವಜ್ರ ಬೊಕ್ಕ ಬಂಗಾರ್ ದ ಪದ್ದಯಿ ಸೇರಿನಂಚನೆ ಸುಮಾರ್ 8,57,500 ರೂ. ಬಿಲೆತ್ತ ಸೊತ್ತುಲು ಇತ್ಂಡ್ ಪಂದ್ ತೆರಿದ್ ಬೈದ್ಂಡ್.

Nursing student from Brahmavara missing ಬ್ರಹ್ಮಾವರಡ್ ನರ್ಸಿಂಗ್ ಕಲ್ತೊಂದು ಇತ್ತಿನ ಪೊಣ್ಣು ನಾಪತ್ತೆ

ಒಡಿಪು: ಬ್ರಹ್ಮಾವರಡ್ ನರ್ಸಿಂಗ್ ಕಲ್ತೊಂದು ಇತ್ತಿನ ಕುಂದಾಪುರ ತಾಲೂಕ್ ಕೆರಾಡಿ ಗ್ರಾಮದ ಪೊಣ್ಣು ಒರ್ತಿ ನಾಪತ್ತೆ ಆಯಿನ ಘಟನೆ ನಡತ್ಂಡ್.

ಭೂಮಿಕಾ (18) ನಾಪತ್ತೆ ಆಯಿನ ಪೊಣ್ಣು. ಫೆಬ್ರವರಿ 26ಕ್ ಕೆರಾಡಿದ ತನ್ನ ಇಲ್ಲಲ್ ರ್ದ್ ಟೈಲರ್‌ ಅಂಗಡಿಗ್ ಪೋದು ಬರ್ಪೆ ಪಂದ್ ಪೋಯಿನಾರ್ ವಾಪಸ್ ಇಲ್ಲಡೇ ಬರಂದೆ ನಾಪತ್ತೆ ಆತೆರ್. 5 ಅಡಿ ಎತ್ತರ, ಗೋಧಿ ಮೈಬಣ್ಣ, ಕೋಲ್ ಮೋನೆದ ಮೇರ್ ಕನ್ನಡ ಪಾತೆರುವೆರ್. ಮೆರೆನ ಬಗ್ಗೆ ಪೊಲಬು ತಿಕ್ಕ್ಂಡ ಕೊಲ್ಲೂರ್ ಪೊಲೀಸ್‌ ಠಾಣೆ ದೂ.ಸಂ.(08254) 258233, 9480805460 , ಬೈಂದೂರ್ ವೃತ್ತ ನಿರೀಕ್ಷಕರ ಕಚೇರಿ (08254) 251031, 9480805434ನ್ ಸಂಪರ್ಕ ಮಲ್ಪೊಡು ಪಂದ್ ಠಾಣಾಧಿಕಾರಿಲು ತೆರಿಪಾದೆರ್.

Nursing student from Brahmavart missing

Udupi: Bumika (18) from Kundapura, studying nursing at Brahmavar is reported missing from February 26 th.
She is 5 feet tall with a wheatish complexion and lean frame.
Any information of her whereabouts please inform police on the number:
08254 258233,9480805460

March 6 th – 12 th: Annual festival and Rathotsava at Dailabail Kshetra, Kallamundkur ಮಾ.6-12: ಕಲ್ಲಮುಂಡ್ಕೂರ್ ದೈಲಬೆಟ್ಟು ಕ್ಷೇತ್ರಡ್ ವರ್ಷಾಧಿದ ಉಚ್ಚಯ, ತೇರ್ ಉಚ್ಚಯ

ಬಾನಂಗಡಿ: ಕಲ್ಲಮುಂಡ್ಕೂರ್ ದೈಲಬೆಟ್ಟು ಶ್ರೀ ಕ್ಷೇತ್ರಡ್ ವರ್ಷಾಧಿದ ಉಚ್ಚಯ ಬೊಕ್ಕ ತೇರ್ ಉಚ್ಚಯ ಮಾ.6-12 ಮುಟ್ಟ ನಡಪರೆ ಉಂಡು.

ಪ್ರತಿದಿನಲ ಬೇತೆ ಬೇತೆ ವೈದಿಕ, ಧಾರ್ಮಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಅರ್ಚಕೆರ್, ಮೊಕ್ತೇಸರೆರ್ ಬೊಕ್ಕ ಆಡಳಿತ ಮಂಡಳಿದ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

1400 vacancies in BSF BSF ಡ್ 1400 ಬೇಲೆ ಖಾಲಿ ಉಂಡು

ಗಡಿ ಭದ್ರತಾ ಪಡೆಟ್ ಖಾಲಿ ಇಪ್ಪುನ 1400 ಬೇಲೆಗ್ ಅರ್ಜಿ ಸಂದಾವೊಲಿ.

ನೆಕ್ಕ್ 10 ನೇ ಬೊಕ್ಕ ಪಿಯುಸಿದ ಅಭ್ಯರ್ಥಿಲು ಆನ್ ಲೈನ್ ಡ್ ಅರ್ಜಿ ಪಾಡೊಲಿ. 18-23 ವರ್ಷದೊಲಯಿದ ಅಭ್ಯರ್ಥಿಲು ಅರ್ಜಿ ಸಂದಾವೊಲಿ. 21,700 ರ್ದ್ 69100 ರೂ. ಸಂಬಳ ಉಂಡು. bsf.gov.in ಗ್ ಭೇಟಿ ಕೊರ್ದು ಅರ್ಜಿ ಸಂದಾವೊಲಿ.

1400 vacancies in BSF

Applications are invited from candidates to 1,400 posts in the Border Security Force.
For more details log on to:
bsf.gov.in

March 4 th – 12 th : Annual Jatra and Rathotsava at Shri Durga parameshwari temple, Iruvail ಮಾ.4-12: ಇರುವೈಲ್ ದುರ್ಗಾಪರಮೇಶ್ವರೀ ದೇವಲ್ಯಡ್ ವರ್ಷಾಧಿದ ಜಾತ್ರೆ, ತೇರ್ ಉಚ್ಚಯ

ಇರುವೈಲ್ ಶ್ರೀ ದುರ್ಗಾಪರಮೇಶ್ವರೀ ಅಮ್ಮನ ಸನ್ನಿಧಿಡ್ ವರ್ಷಾಧಿದ ಜಾತ್ರೆ, ತೇರ್ ಉಚ್ಚಯ ಮಾ.4-12 ಮುಟ್ಟ ನಡಪರೆ ಉಂಡು.

ಮಾ.7 ಅಂಗಾರೆ ಕೊಡಿ ಏರುಂಡು, ಬೊಕ್ಕ ಉಚ್ಚಯ ಬಲಿ, ಕಂಚಿಲಾಲೆ ನಡಪರೆ ಉಂಡು. ಮಾ.8 ಬುಧಾರ ಆದಿಜಾಗೆಡ್ ಕಟ್ಟೆಪೂಜೆ, ಕೆರೆ ತುಡರ್ ಉಚ್ಚಯ ನಡಪರೆ ಉಂಡು. ಮಾ.9 ಗುರುವಾರ ನಡುಬಲಿ ಉಚ್ಚಯ, ಮಾ.10 ಸುಕ್ರಾರ ತೇರ್ ಒಯಿಪರೆ ಉಂಡು. ಮಾ.11 ಸನಿಯಾರ ತುಲಾಭಾರ ಸೇವೆ, ಅನ್ನಸಂತರ್ಪಣೆ, ಮಾಡ್ಲಾಯಿ ದೈವ ದೇವೆರೆನ ಭೇಟಿ, ಕೊಡಿ ಜಾವರೆ ಉಂಡು. ಮಾ.12 ಐತಾರ ಹೊಸಮರಾಯ ದೈವೊದ ನೇಮ ನಡಪರೆ ಉಂಡು. ಇರುವೈಲ್ ಶ್ರೀ ಕ್ಷೇತ್ರದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Social worker Sandeep Suvarna Chitrapu honoured ಸಮಾಜಸೇವಕೆರ್ ಸಂದೀಪ್ ಸುವರ್ಣ ಚಿತ್ರಾಪು ಮೆರೆಗ್ ಮಾನಾದಿಗೆ

ಮುಲ್ಕಿ: ಡಾ. ಹರಿಶ್ಚಂದ್ರ ಪಿ.ಸಾಲ್ಯಾನ್ ಸಂಪಾದಕತ್ವದ ಹೊಸ ಅಂಗಣ ಪತ್ರಿಕೆದ 91ನೇ ಸಂಚಿ ಅಂಚೆನೆ ವಿಶೇಷ ಸಂಚಿ ಬುಡುಗಡೆ ಬೊಕ್ಕ
ಸಮಾಜ ಸೇವಕೆರ್ ಸಂದೀಪ್ ಸುವರ್ಣ ಚಿತ್ರಾಪು ಮೆರೆಗ್ “ತಿಂಗಳ ಬೆಳಕು” ಮಾನಾದಿಗೆ ಬುಧಾರ ಸ್ವಾಗತ್ ಹೋಟೆಲ್ ದ ಚಾವಡಿಡ್ ನಡತ್ಂಡ್.

ಲೇಸ್ ದ ಅಧ್ಯಕ್ಷತೆ ಒಯಿಸೊಂದು ಪಾತೆರಿನ ಹೊಸ ಅಂಗಣದ ಪತ್ರಿಕೆದ ಗೌರವಾಧ್ಯಕ್ಷೆರ್ , ಧರ್ಮದರ್ಶಿ ಡಾ.ಹರಿಕೃಷ್ಣ ಪುನರೂರು, ನಮ ಏಪಲ ಸಮಾಜ ಸೇವೆ ಮಲ್ಪುನಕ್ಲೆಗ್ ಗೌರವ ಕೊರೊಡು.ದಾಯೆ ಪಂಡ ಸಮಾಜಸೇವೆ ದೇವೆರ್ನ ಸೇವೆ ಪಂದ್ ಆರ್ ಪಂಡೆರ್.

ಲೇಸ್ ಡ್ ಬಿನ್ನೆರಾದ್ ಎಚ್ ಡಿಎಫ್ ಸಿ ಬ್ಯಾಂಕ್ ಮ್ಯಾನೇಜರ್ ರವಿ, ಮುಲ್ಕಿ ನಗರಪಂಚಾಯತ್ ಮಾಜಿ ಅಧ್ಯಕ್ಷೆರ್ ಪಾಂಡು ಕಾರ್ನಾಡ್, ಸುರಭಿ ಎಲೆಕ್ಟ್ರಾನಿಕ್ಸ್ ದ ಜಾನ್ ಕ್ವಾಡ್ರಸ್ , ಜಯಪಾಲ್ ಶೆಟ್ಟಿ ಐಕಳ, ಮೊಕುಲು ಮಾತ ಇತ್ತೆರ್. ವಾಸು ಪೂಜಾರಿ ಚಿತ್ರಾಪು ದೇವೆರೆನ್ ಸುಗಿತೆರ್ .ಡಾ.ಹರಿಶ್ಚಂದ್ರ ಸಾಲ್ಯಾನ್ ಬಿನ್ನೆರೆನ್ ಎದ್ಕೊಂಡೆರ್.ವೈ.ಎನ್.ಸಾಲ್ಯಾನ್ ಮಾನಾದಿಗೆದ ಓಲೆ ಓದುದು ಕಡೆಕ್ಕ್ ಸೊಲ್ಮೆ ಸಂದಾಯೆರ್. ರವಿಚಂದ್ರ ಸಭೆ ಸುಧಾರಿಕೆ ಮಲ್ತೆರ್.

Social worker Sandeep Suvarna Chitrapu honoured

Mulki: Social worker Sandeep Suvarna Chitrapu was honoured at the ” Tingala Belaku” program organised to release the 91 st edition of ” Hosa Angana” magazine edited by Dr Harish Chandra Salian.

” Gadinada Dwani” State Journalism award to Vijay Kumar Hebbarbail ವಿಜಯಕುಮಾರ್ ಹೆಬ್ಬಾರಬೈಲು ಮೆರೆಗ್ “ಗಡಿನಾಡ ಧ್ವನಿ” ಮಾಧ್ಯಮ ರಾಜ್ಯ ಪ್ರಶಸ್ತಿ

ಪುತ್ತೂರು : “ಪೂವರಿ” ತಿಂಗೊಲ್ದ ತುಳು ಪತ್ರಿಕೆದ ಸಂಪೊಲಿಗೆದಾರ್, ಕವಿ ವಿಜಯಕುಮಾರ್ ಭಂಡಾರಿ ಹೆಬ್ಬಾರಬೈಲು ಮೆರೆಗ್ 6ನೇ ಕರ್ನಾಟಕ ಗಡಿನಾಡ ಸಮ್ಮೇಳನ – 2023ತ್ತ “ಗಡಿನಾಡ ಧ್ವನಿ ಮಾಧ್ಯಮ ರಾಜ್ಯ ಪ್ರಶಸ್ತಿ”ನ್ ಒಡ್ಯ ಸರಕಾರಿ ಶಾಲಾ ವಠಾರಡ್ ನಡತಿನ ಲೇಸ್ ಡ್ ಪ್ರದಾನ ಮಲ್ದೆರ್.

ತುಳುನಾಡ್ ಡ್ ಕರಿನ ಎಂಟು ವರ್ಷರ್ದ್ ಸುದ್ದಿಡ್ ಉಪ್ಪುನ ತಿಂಗೊಲ್ದ ತುಳು ಪತ್ರಿಕೆ “ಪೂವರಿ” ಇಂಚೊಗು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಒಡಿಯೂರು ತುಳು ಸಾಹಿತ್ಯ ಸಮ್ಮೇಳನದ ಪ್ರಶಸ್ತಿ ಸೇರ್ದ್ ಕೆಲವು ಪ್ರಶಸ್ತಿ ಪಡೆದ್ಂಡ್. ಗಡಿನಾಡ ಶ್ರೇಯೋಭಿವೃದ್ಧಿ ಟ್ರಸ್ಟ್ (ರಿ.), ಗಡಿನಾಡ ಧ್ವನಿ ಪತ್ರಿಕೆ ಬೊಕ್ಕ ಹಾಗೂ ಸಂಘ ಸಂಸ್ಥೆಲೆನ ಒಟ್ಟುಸೇರಿಗೆಡ್ ನಡತಿನ ಲೇಸ್ ಡ್ ಸಮ್ಮೇಳನಾಧ್ಯಕ್ಷೆರ್ ಮಲಾರ್ ಜಯರಾಮ ರೈ, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಮಿತ್ರಂಪಾಡಿ ಜಯರಾಮ ರೈ ಅಬುಧಾಬಿ, ಸಮ್ಮೇಳನದ ರೂವಾರಿ ಡಾ. ಎಸ್. ಅಬೂಬಕ್ಕರ್ ಆರ್ಲಪದವು, ಕಸಾಪ ಪುತ್ತೂರು ತಾಲೂಕು ಅಧ್ಯಕ್ಷ ಉಮೇಶ್ ನಾಯಕ್, ಡಾ. ಹರ್ಷ ರೈ ಮಾಡಾವು ,ಕೆ. ಈಶ್ಯರ ಭಟ್ ಕಡಂದೇಲು ಸೇರ್ದ್ ಗಣ್ಯೆರ್ ಇತ್ತೆರ್.

” Gadinada Dwani” State Journalism award to Vijay Kumar Hebbarbail

Puttur: Poet and Editor of the monthly magazine
” Poovari ” Vijay Kumar Bandary Hebbarbail has been awarded with
” Gadinada Dwani Madyama Rajya Prasasthi” at the 6 th Karnataka Gadinada Sammelan 2023.