Times of kudla

Close associate of MLA Bharat Shetty; panchayat member from Ganjimutt Sandeep commits suicide ಶಾಸಕೆರ್ ಭರತ್ ಶೆಟ್ರೆನ ಆಪ್ತೆ, ಗಂಜಿಮಠ ಮೊಗರು ವಾರ್ಡ್ ದ ಪಂಚಾಯತ್ ಸದಸ್ಯೆ ಬಲ್ಲ್ ಪಾಡೊಂದು ಜೀವ ಬುಡಿಯೆರ್

ಕುಡ್ಲ : ಶಾಸಕೆರ್ ಭರತ್ ಶೆಟ್ರೆನ ಆಪ್ತೆರಾದಿತ್ತಿನ ಗಂಜಿಮಠ ವ್ಯಾಪ್ತಿದ ಮೊಗರು ಪಂಚಾಯತ್ ಸದಸ್ಯೆರ್, ನೀರ್ ಮಾರ್ಗಡ್ ಸೇವಾಕೇಂದ್ರ ನಡಪಾವೊಂದು ಇತ್ತ್ ದ್, ಊರುದಕ್ಲೆಡ ಎಡ್ಡೆ ಒಡನಾಟೊಡು ಇತ್ತ್ ದ್ ರೇಷನ್ ಕಾರ್ಡ್ ಇಂಚಿನ ಸರ್ಕಾರದ ಸವಲತ್ತ್ ಲೆನ್ ಕುದ್ದು ಜನಕ್ಲೆಗ್ ಎತ್ತಾದ್, ಜನಕ್ಲೆನ ಪುಗರ್ತೆಗ್ ಪಾತ್ರರಾದಿತ್ತಿನ ಸರಳ ಜೀವಿ, ಅಂಚೆನೆ ತೆಲಿಕೆ ಮೋನೆದ ಸಂದೀಪ್ ಮೇರ್ ಬುಧಾರ ಬಯ್ಯಗ್ “ಎನನ್ ಮಾಪು ಮಲ್ಪುಲೆ” ಪಂಡ್ ದ್ ವಾಟ್ಸ್ ಆಫ್ ಸ್ಟೇಟಸ್ ಪಾಡ್ದ್ ಬಲ್ಲ್ ದೆತೊನ್ನ ಘಟನೆ ಕುಡ್ಲದ ನೀರ್ ಮಾರ್ಗಡ್ ನಡತ್ಂಡ್.

ಮೂಜಿ ಜನ ಜೋಕ್ಲೆನೆಟ್ಟ್ ಕಡೆತ್ತಾರಾಯಿನ ಸಂದೀಪ್ ಮದಿಮೆ ಆದ್ ಇಜ್ಜಂಡ್. ಡೆತ್ ನೋಟ್ ಡ್ ಸಾಲ ಉಂಡು ಪಂದ್ ಬರೆದ್ ಇತ್ತ್ಂಡಲ ಜನಕುಲು ಈ ಇಸಯನ್ ನಂಬೊಂದು ಇಜ್ಜೆರ್. ಬೇತೆ ದಾದಂಡಲ ಬೇಜಾರ್ ದ ಸಂಗತಿ ಇಪ್ಪು. ಆಂಡ ಎಲ್ಯ ಸಾಲಗ್ ಪೂರ ಸುಸೈಡ್ ಮಲ್ಪುನಂಚಿತ್ತಿನ ವ್ಯಕ್ತಿ ಆರ್ ಅತ್ತ್. ಏಪಲ ಊರುದಕ್ಲೆಗ್ ಉಪಕಾರ ಮಲ್ತೊಂದು ಇಪ್ಪುನ ಜನ ಸುಸೈಡ್ ಮಲ್ಪುನ ಪಂಡ ಒಂಜಿ ಭಾರೀ ಸೋಜ್ಯದ ಸಂಗತಿ ಪಂದ್ ಜನ ಪನೊಂದು ಉಲ್ಲೆರ್. ಮೂಜಿ ಜನ ಆಂಜೋವ್ ನಕ್ಲೆಡ್ ಅಕೇರಿದಾರಾದಿತ್ತಿನ ಸಂದೀಪ್ ಊರುಡು ಪೂರ ಭಾರೀ ಪುಗರ್ತೆ ಪಡೆದಿತ್ತಿನಾರ್ .

Heart operation on a fetus inside the womb!! ಬಂಜಿಡ್ ಇತ್ತಿನ ಬಾಲೆಗ್ ಹಾರ್ಟ್ ಆಪರೇಷನ್!

ಡೆಲ್ಲಿ ಏಮ್ಸ್ ವೈದ್ಯೆರ್ ಅಪ್ಪೆ ಗರ್ಭಡ್ ಇಪ್ಪುನ ಬಾಲೆದ ಹೃದಯದ ಶಸ್ತ್ರಚಿಕಿತ್ಸೆನ್ ಯಶಸ್ವಿಯಾದ್ ಮಲ್ತೆರ್.

28 ವರ್ಷೊದ ಅಪ್ಪೆನ ಭ್ರೂಣಡ್ ಇತ್ತಿನ ಬಾಲೆದ ಹೃದಯದ ಸ್ಥಿತಿ ಆರೋಗ್ಯವಾದ್ ಇಜ್ಜಂಡ್. ಈ ಹಿನ್ನೆಲೆಡ್ ತಜ್ಞೆರೆನ ಕೂಟ ಅಲ್ಟ್ರಾಸೌಂಡ್ ತಂತ್ರಜ್ಞಾನದ ಮುಖೇನ ಆಪರೇಷನ್ ಮಲ್ದೆರ್. ಈ ಪ್ರಕ್ರಿಯೆನ್ ಬಲೂನ್ ಡಿಲೇಷನ್ ಪಂದ್ ಲೆಪ್ಪುವೆರ್. ಬಲೂನ್ ಕ್ಯಾತಿಟರ್ ಮುಖೇನ ನೆತ್ತೆರ್ ಪರಿಚಲನೆಗ್ ಅಡ್ಡಿ ಆಯಿನ ಕವಾಟ ದೆತ್ತ್ ದ್ ಶಸ್ತ್ರಚಿಕಿತ್ಸೆ ಮಲ್ದೆರ್. ಅಪ್ಪೆ ಬೊಕ್ಕ ಭ್ರೂಣದ ಆರೋಗ್ಯ ಸ್ಥಿರ ಆತ್ಂಡ್. ‌

Heart operation on a fetus inside the womb!!

Doctors at AIIMS New Delhi have successfully conducted heart surgery on a fetus inside the mother’s womb !!

Doctors detected abnormalities in the fetus of a 28 year old woman through a ultrasound. The procedure is called Balloon Delation . Mother and the fetus are fine now.

Amazon to launch 3000 internet satellites to space in 2024 3 ಸಾರ ಉಪಗ್ರಹನ್ ಉಡಾವಣೆ ಮಲ್ಪರೆ ಉಂಡು ಅಮೆಜಾನ್

ಇ-ಕಾಮರ್ಸ್ ಮಹಾ ಮಲ್ಲ ಕಂಪೆನಿ ಅಮೆಜಾನ್ , ಎಲಾನ್ ಮಸ್ಕ್ ಮೆರೆನ ಸ್ಪೇಸ್ ಎಕ್ಸ್ ಗ್ ಸ್ಪರ್ಧೆ ಕೊರ್ಪಿಲೆಕ್ಕ ಇಂಟರ್ನೆಟ್ ಉಪಗ್ರಹ ಉಡಾವಣೆ ಮಲ್ಪರೆ ತಯಾರಾತ್ಂಡ್.

2024 ಕ್ಕ್ ಸುರುತ್ತ ಪಂತದ ಅಡಿಟ್ಟ್ ಕೆಲವು ಉಪಗ್ರಹಲೆನ್ ಉಡಾವಣೆ ಮಲ್ಪುವ ಪಂದ್ ಕಂಪೆನಿ ತೆರಿಪಾದ್ಂಡ್.

2026 ತ್ತ ಪೊರ್ತುಡು 3,236 ಉಪಗ್ರಹಲು ಉಡಾವಣೆ ಮಲ್ಪುವ. ಎಂಕುಲು ದಿನಕ್ಕ್ 3 ರ್ದ್ 5 ಉಪಗ್ರಹನ್ ರಚನೆ ಮಲ್ಪೆರೆ ಯೋಜನೆ ಮಲ್ದ ಪಂದ್ ಪಂತ್ಂಡ್.

ಮಸ್ಕ್ ಅಧೀನದ ಸ್ಪೇಸ್ ಎಕ್ಸ್ ಡ್ ಇತ್ತೆ ಸುಮಾರ್ 4 ಸಾರ ಉಪಗ್ರಹ ಉಂಡು.

Amazon to launch 3000 internet satellites to space in 2024

E commerce giant Amazon in view to vie with Elon Musk’s Space X in broadband connectivity will launch internet satellites into space.

It plans to launch 3, 236 Internet satellites by 2026. Musk’s Space X have about 4000 satellites under it .

March 20th: Congress leader Rahul Gandhi to visit the state ಮಾ.20: ಕಾಂಗ್ರೆಸ್ ನಾಯಕೆ ರಾಹುಲ್‌ ಗಾಂಧಿ ರಾಜ್ಯಗ್ ಭೇಟಿ

ಕಾಂಗ್ರೆಸ್ ನಾಯಕೆ ರಾಹುಲ್‌ ಗಾಂಧಿ ಮಾ.20ಕ್ಕ್ ನಡಪರೆ ಇಪ್ಪುನ ಯುವಧ್ವನಿ ಸಮಾವೇಶ ಬೊಕ್ಕ rally ಡ್ ಪಾಲ್ ಪಡೆಯೆರೆ ಉಲ್ಲೆರ್.

ಭಾರತ್ ಜೋಡೋ ಯಾತ್ರೆ ಬೊಕ್ಕ ರಾಜ್ಯಗ್ ಸುರುತ ಸರ್ತಿ ಬರೊಂದು ಇಪ್ಪುನ ಮೇರ್ ಈ ಸಮಾವೇಶಡ್ ಗ್ಯಾರಂಟಿ ನಂ.4 ಘೋಷಣೆ ಮಲ್ಪುನ ಸಾಧ್ಯತೆ ಉಂಡು. ನಾಲ್ ನೇ ಗ್ಯಾರಂಟಿಡ್ ಜವನೆರೆಗ್ ಉದ್ಯೋಗ ಭಾಗ್ಯ ಕೊರ್ಪುನ ಭರವಸೆ ಕೊರಿಯೆರೆ ಚಿಂತನೆ ನಡಪಾದೆರ್.

March 20th: Congress leader Rahul Gandhi to visit the state

He will participate in the Yuvadwani Samavesh and rally. He is expected to announce Guarantee no 4 which is said to be about providing employment to the youth .

Bollywood actor Sameer Khakhar no more ಬಾಲಿವುಡ್ ನಟೆ ಸಮೀರ್ ಖಖರ್ ನನ ನೆಂಪು ಮಾತ್ರ

ನಟೆ ಸಮೀರ್ ಖಖರ್ (71) ಬಹು ಅಂಗಾಂಗ ಬೇನೆಡ್ ತೀರ್ ಪೋಯೆರ್.

ಮೇರ್ ಕೋಡೆ ಉಸುಲ್ ದ ತೊಂದರೆರ್ದ್ ಬೊಂಬೈದ ಬೊರಿವಲಿದ ಎಂಎಂ ಆಸ್ವತ್ರೆಗ್ ದಾಖಲ್ ಆದಿತ್ತೆರ್. ಆಂಡ ಮುಲ್ಪ ಚಿಕಿತ್ಸೆ ಫಲಕಾರಿ ಅವಂದೆ ಬೊಲ್ಪುಗು 4:30 ಕ್ಕ್ ತೀರ್ ಪೋಯೆರ್. 38 ವರ್ಷೊದ ವೃತ್ತಿ ಜೀವನಡ್ ಮೇರ್ ಸುಮಾರ್ ಟಿವಿ ಸಂಚಿಕೆಡ್ ಬೊಕ್ಕ ಪಿಕ್ಚರ್ ಡ್ ನಟನೆ ಮಲ್ತ್ ದ್ ಪುದರ್ ಪಡೆತೆರ್. ನುಕ್ಕಡ್, ಮನೋರಾಜನ್, ಸರ್ಕಸ್, ನಯಾ ನುಕ್ಕಡ್, ಶ್ರೀಮಾನ್ ಶ್ರೀಮತಿಡ್ ನಟನೆ ಮಲ್ದೆರ್.

Bollywood actor Sameer Khakhar no more

Actor Sameer Khakhar (71) expired today due to multi organ failure. In a career spanning 38 years he has worked in numerous TV serials and films. Some of his well liked serials include Nukkad, Circus, Manoranjan Sriman Srimathi amongst others.

A woman smuggling one crore worth gold arrested 1 ಕೋಟಿ ರೂ.ದ ಬಂಗಾರ್ ನ್ ಕಲ್ವ ತಾದಿಡ್ ಕೊನೊಂದಿತ್ತಿನ ಪೊಂಜೋವ್ ಅರೆಸ್ಟ್

ಒಡಿಪು: 1 ಕೋಟಿ ರೂ. ಬಿಲೆತ ಬಂಗಾರ್ ನ್ ಕಲ್ವ ತಾದಿಡ್ ಕೊನೊಂದು ಇತ್ತಿನ 32 ವರ್ಷೊದ ಪೊಂಜೋವ್ ನ್ ಕರಿಪುರ ಇಮಾನ ನಿಲ್ದಾಣಡ್ ಕಸ್ಟಮ್ಸ್ ಅಧಿಕಾರಿಲು ಅರೆಸ್ಟ್ ಮಲ್ದೆರ್.

ಕೋಝಿಕ್ಕೋಡ್ ನರಿಕ್ಕುನ್ನಿಯ ಕಂದನ್‌ಪ್ಲಕ್ಕಿಲ್‌ದ ಅಸ್ಮಾಬೀವಿ (32) ಅರೆಸ್ಟ್ ಆಯಿನ ಆರೋಪಿ. ಈ ಪೊಂಜೋವ್ ಡ ಇತ್ತಿನ 2031 ಗ್ರಾಂ ತೂಕದ ರಡ್ಡ್ ಬಂಗಾರ್ ದ ಪೇಸ್ಟ್‌ಲೆನ್ ವಶಕ್ಕ್ ಪಡೆತೆರ್. ನೆಟ್ಟ್ 99.68 ಲಕ್ಷ ಬಿಲೆತ 24 ಕ್ಯಾರೆಟ್ ಶುದ್ಧತೆದ 1.769 ಕೆಜಿ ಬಂಗಾರ್ ಇತ್ಂಡ್ ಪಂದ್ ತೆರಿದ್ ಬೈದ್ಂಡ್.

A woman smuggling one crore worth gold arrested

A 32 year old woman Asmabiwi was caught smuggling 2031 grams of gold worth a crore rupees and was arrested by the customs at Calicut airport.

A branch of Rickshaw drivers – owners Sowharda Sahakari Sangha to be opened at Karkala ಕಾರ್ಲಡ್ ಸುರು ಆವರೆ ಉಂಡು ಒಡಿಪು ರಿಕ್ಷಾ ಚಾಲಕ- ಮಾಲಕೆರೆನ ಸೌಹಾರ್ದ ಸಹಕಾರಿ ಸಂಘದ ಶಾಖೆ

ಒಡಿಪು ಗುಂಡಿಬೈಲ್ ಸ್ವಾತಿ ರೆಸಿಡೆನ್ಸಿಡ್ ಸುರುವಾತಿನ ಒಡಿಪು ರಿಕ್ಷಾ ಚಾಲಕ- ಮಾಲಕೆರೆನ ಸೌಹಾರ್ದ ಸಹಕಾರಿ ಸಂಘದ ಕಾರ್ಲ ಶಾಖೆ, ಕಾರ್ಲದ ತೆಳ್ಳಾರ್ ಮಾರ್ಗಡ್ ಇಪ್ಪುನ ಕೃಷ್ಣ ಬಿಲ್ಡಿಂಗ್‌ ಡ್ ಆಯಿನಾತ್ ಬೇಗಡೇ ಓಪನ್ ಆವೊಂದು ಉಂಡು.

2022 ಟ್ಟ್ ಒಡಿಪುಡ್ ಸುರು ಆಯಿನ ಸಂಘದ ಸುರುತ ಶಾಖೆ ಇತ್ತೆ ಕಾರ್ಲಡ್ ಸುರು ಆವರೆ ಉಂಡು.

March 23 rd: Chatur Pavitra Nagamandala at Kukkundoor Bhatrakodi Nagabana ಮಾ.23: ಕುಕ್ಕುಂದೂರು ಭಟ್ರಕೋಡಿ ನಾಗಬನಟ್ಟ್ ಚತುರ್ ಪವಿತ್ರ ನಾಗಮಂಡಲ ಉಚ್ಚಯ

ಕಾರ್ಲ ತಾಲೂಕ್ ದ ಕುಕ್ಕುಂದೂರು ಗ್ರಾಮದ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಕೈತಲ್ ಇಪ್ಪುನ ಭಟ್ರಕೋಡಿ ನಾಗಬನಟ್ಟ್ ಚತುರ್ ಪವಿತ್ರ ನಾಗಮಂಡಲ ಉಚ್ಚಯ ಸೇವೆ ಮಾ.23 ಗುರುವಾರ ನಡಪರೆ ಉಂಡು.

ರೆಂಜಾಳ ಗುರುರಾಜ ಉಪಾಧ್ಯಾಯ ಆಚಾರ್ಯ ಮೆರೆನ ಮುತಾಲಿಕೆಡ್ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಕಲ್ಲಂಗಳ ಬಿ. ಎಸ್ ರಾಮಚಂದ್ರ ಕುಂಜಿತ್ತಾಯ ನಾಗಪ್ರಾತಿಯಾದ್, ಕೃಷ್ಣ ಪ್ರಸಾದ್ ವೈದ್ಯ ಬೊಕ್ಕ ಕೂಟ ಮುದ್ದೂರು ನಾಗಕನ್ನಿಕೆಯಾದ್, ಬಾಲಕೃಷ್ಣ ವೈದ್ಯ ಬೊಕ್ಕ ನಟರಾಜ ವೈದ್ಯೆರೆನ ಸಹಕಾರಡ್ ಈ ನಾಗಮಂಡಲ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ನಾಗದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಕುಕ್ಕುಂದೂರು ಭಟ್ರಕೋಡಿ ಕುಟುಂಬಸ್ಥೆರ್, ಕೆ. ಗೋವಿಂದ ಭಟ್ ಬೊಕ್ಕ ಸಹೋದರೆರ್, ಜೋಕುಲು, ವಾಣಿ, ರಾಜ ಭಟ್ ಬೊಕ್ಕ ಜೋಕುಲು ಲೆಪ್ಪೋಲೆಡ್ ತೆರಿಪಾದೆರ್.

Big sale at Panchami Parva Home Studio, Karkala from March 17 th – 25 th ಕಾರ್ಲದ ಪಂಚಮಿ ಪರ್ವ ಹೋಮ್ ಸ್ಟುಡಿಯೋಡ್ ಬಿಗ್ ಸೇಲ್

ಕಾರ್ಲದ ಜೋಡುರಸ್ತೆ ಎದುರುದ ಹೋಟೆಲ್ ಉಷಾದಲ್ಪ ಇಪ್ಪುನ ಪಂಚಮಿ ಪರ್ವ ಹೋಮ್ ಸ್ಟುಡಿಯೋಡ್ ಬಿಗ್ ಸೇಲ್ ಆಫರ್ ಮಾ.17-25 ಮುಟ್ಟ ನಡಪರೆ ಉಂಡು.

ಮುಲ್ಪ ಇಸೇಸ ರಿಯಾಯಿತಿ ಬೊಕ್ಕ ಆಕರ್ಷಕ ಉಡುಗಿರೆದೊಟ್ಟಿಗೆ ಸೊತ್ತುಲೆನ್ ದೆತೊನೊಲಿ. ಅತ್ತಂದೆ ಎಕ್ಸ್ ಚೇಂಜ್ ಆಫರ್, ಕ್ಯಾಷ್ ಬ್ಯಾಕ್ ಆಫರ್ ಉಂಡು. ಅಂಚನೆ ಕಂತ್ ಡ್ ಲ ಸೊತ್ತುಲೆನ್ ದೆತೊನೊಲಿ. ಬೊಕ್ಕ ಇಲ್ಲಡೆಗ್ ಫ್ರೀ ಡೆಲಿವರಿ ವ್ಯವಸ್ಥೆಲ ಮಲ್ತ್ ದೆರ್.

Two persons who sent threats to PM Modi on the social media arrested ಮೋದಿಗ್ ಬೆದರಿಕೆ ಪಾಡಿನ ರಡ್ಡ್ ಜನ ಅರೆಸ್ಟ್

ಪ್ರಧಾನಿ ನರೇಂದ್ರ ಮೋದಿಗ್ ಸಾಮಾಜಿಕ ಜಾಲತಾಣಡ್ ಬೆದರಿಕೆ ಪಾಡ್ದಿನ ರಡ್ಡ್ ಜನನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.

ಬೆದರಿಕೆದ ಇಸಯನ್ ಗಂಭೀರವಾದ್ ದೆತ್ತೊನ್ನ ಗುಜರಾತ್ ಪೊಲೀಸೆರ್ ಸುಮಾರ್ ಜಾಗೆಡ್ ದಾಳಿ ಮಲ್ತ್ ದ್ ನಡುರಾತ್ರೆ ಛತ್ತರ್ ಪುರಡ್ ರಡ್ಡ್ ಜವನೆರೆನ್ ಅರೆಸ್ಟ್ ಮಲ್ದೆರ್. ಇತ್ತೆ ಆರೋಪಿಲೆನ ವಿಚಾರಣೆ ನಡತೊಂದು ಉಂಡು.

Two persons who sent threats to PM Modi on the social media arrested

The Gujrat police took the issue seriously and conducted raids on many places. Based on this two persons were arrested and are being interrogated.