talapady gram panchayat

ತಲಪಾಡಿ: ಪೊಂಜೊವುಲೆಗ್ ಕಾನೂನು ತೆರಿಪಾದ್ ಕೊರ್ಪಿನ ಕಾರ್ಯಕ್ರಮ, ಗ್ರಾಮ ಸಭೆ

ತಲಪಾಡಿ: ಜಿಲ್ಲಾ ಕಾನೂನು ಸೇವೆದ ಪ್ರಾಧಿಕಾರ, ಕುಡ್ಲ ವಕೀಲೆರ್‍ನ ಸಂಘ ಬೊಕ್ಕ ತಲಪಾಡಿ ಗ್ರಾಮ ಪಂಚಾಯತ್ ಉಳ್ಳಾಲ ತಾಲೂಕ್ ಮೊಕ್ಲೆನ ಒಟ್ಟು ಸೇರಿಗೆಡ್ ಪೊಂಜೊವುಲೆಗ್ ಧರ್ಮಾರ್ಥವಾದ್ ಕಾನೂನು ತೆರಿಪಾದ್ ಕೊರ್ಪಿನ ಕಾರ್ಯಕ್ರಮ ಬೊಕ್ಕ ಮಹಿಳಾ ಗ್ರಾಮ ಸಭೆ ತಲಪಾಡಿದ ಡಾ.ಎ.ಪಿ.ಜೆ. ಅಬ್ದುಲ್ ಕಲಾಂ ಸಭಾಭವನಡ್ ನಡತ್ಂಡ್.

ಕುಡ್ಲದ ಕಾನೂನು ಸೇವೆ ಪ್ರಾಧಿಕಾರದ ಪೆರಿಯ ಸಿವಿಲ್ ನ್ಯಾಯಾಧೀಶೆರ್ ಬೊಕ್ಕ ಸದಸ್ಯ ಕಾರ್ಯದರ್ಶಿ ಶೋಭಾ ಬಿ.ಜಿ ಲೇಸ್‌ನ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್. ತಲಪಾಡಿ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಪುಷ್ಪಾವತಿ ಶೆಟ್ಟಿ ಅಧ್ಯಕ್ಷತೆ ವಹಿಸ್ ದಿತ್ತೆರ್. ಈ ಪೊರ್ತುಡು ಪ್ಯಾನೇಲ್ ವಕೀಲೆರ್ ಪ್ರಫುಲ್ಲಾ ಕುಮಾರಿ, ತಲಪಾಡಿ ಗ್ರಾಮ ಪಂಚಾಯತ್ ಉಪಾಧ್ಯ ಕ್ಷೆರ್ ಫಯಾಝ್. ಪಿ. ಹೆಚ್, ಗೀತಾ ಜಗದೀಶ್ ನಾಯ್ಕ್, ಸೌಧಾಮಿನಿ, ಕೇಶವ ಪೂಜಾರಿ ಲೇಸ್‌ಡ್ ಇತ್ತೆರ್.