ಮೇ 8: ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಪೊಸ ಶಿಲಾಮಯ ಮಹಾದ್ವಾರ ಸಮರ್ಪಣಾ ಲೇಸ್
ತಲಪಾಡಿ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ರಾಷ್ಟ್ರೀಯ ಹೆದ್ದಾರಿ 66ರ್ದ್ ಸಂಪರ್ಕಡ್ ಇಪ್ಪುನ ದೇವಿಪುರ ಮಾರ್ಗಡ್ ಶ್ರೀ ರಾಮ ಭಜನಾ ಮಂದಿರದ ಕೈತಲ್ ಶ್ರೀ ದೇವಿಗ್ ನಿರ್ಮಾಣ ಮಲ್ತಿನ ಪೊಸ ಶಿಲಾಮಯ ಮಹಾದ್ವಾರ ಸಮರ್ಪಣಾ ಲೇಸ್ ಮೇ 8 ತಾರೀಕ್ ಐತಾರದಾನಿ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಕಾರ್ಯಕ್ರಮದ ಒರೊಟ್ಟು ನಡಪರೆ ಉಂಡು.
ಮೇ 6 ಸುಕ್ರಾರದಾನಿ ಕಾಂಡೆ 9 ಗಂಟೆಗ್ ಶ್ರೀ ದೇವಿಗ್ ಚಂಡಿಕಾ ಯಾಗ, ಮಧ್ಯಾಹ್ನ 12.30ಗ್ ಮಹಾಪೂಜೆ, ನುಪ್ಪು ಸೇವೆ ನಡಪರೆ ಉಂಡು.
ಮೇ 8 ತಾರೀಕ್ ಐತಾರದಾನಿ ಪೊಸ ಮಹಾದ್ವಾರದ ಕೈತಲ್ ಕಾಂಡೆ 9 ಗಂಟೆಗ್ ಮಹಾದ್ವಾರದ ಕಲಶಾಭಿಷೇಕ, ಬಯ್ಯಗ್ 5.30ಗ್ ಶಿಲಾಮಯ ಮಹಾದ್ವಾರ ಸಮರ್ಪಣೆ, ಬಯ್ಯಗ್ 6 ಗಂಟೆಗ್ ಧಾರ್ಮಿಕ ಸಭಾ ಕಾರ್ಯಕ್ರಮ, ರಾತ್ರಿ ಗಂಟೆ 8 ಗ್ ನುಪ್ಪುಸೇವೆ, 8.30 ಗ್ ನಾಟ್ಯನಿಲಯ ಶ್ರೀ ಬಾಲಕೃಷ್ಣ ಮಂಜೇಶ್ವರ ಮುಕ್ಲೆನ ನೃತ್ಯ ಕೂಟರ್ದ್ ನೃತ್ಯಾಭಿಷೇಕಂ ಪನ್ಪಿನ ನೃತ್ಯ ವೈಭವ ಕಾರ್ಯಕ್ರಮ ನಡಪರೆ ಉಂಡು. ರಾತ್ರಿ 10 ಗಂಟೆಗ್ ಶಾರದಾ ಕಲಾ ಆರ್ಟ್ಸ್ ಮಂಜೇಶ್ವರ ಮುಕುಲ್ ನಡಪಾದ್ ಕೊರ್ಪಿನ ಇತ್ತ್ ನಾತ್ ದಿನ ಪನ್ಪಿನ ತುಳು ಹಾಸ್ಯಮಯ ನಾಟಕ ನಡಪರೆ ಉಂಡು.