#SonuSoodFoundation

ಉಳ್ಳಾಲೋಗು ಬತ್ತಿನ ಸೋನು ಸೂದ್ ಕಡಪಾಯಿನ ಆಮ್ಲಜನಕ ಘಟಕ ಯಂತ್ರ

ಉಳ್ಳಾಲ ಆ.20 : ನಟೆ ಸೋನು ಸೂದ್ ಫೌಂಡೇಷನ್ ಉಳ್ಳಾಲ ಭಾಗೊಡು ಕೊಡುಗೆಯಾದು ನೀಡ್ದಿನ ಆಮ್ಲಜನಕ ಘಟಕ ಯಂತ್ರೋನು ಉಳ್ಳಾಲ ಸಮುದಾಯ ಆರೋಗ್ಯ ಕೇಂದ್ರಗು ಬತ್ತುಂಡು. ಇಂದೆನು ಜಿಲ್ಲಾಡಳಿತ ಯೆದ್ಕೊಂಡುಂದು.

ಯಂತ್ರೋನು ಬರಮಲ್ತಿನ ಜಿಲ್ಲಾಧಿಕಾರಿ ಡಾ.ಕೆ.ವಿ ರಾಜೇಂದ್ರ ಪಾತೆರ್ದು, ಸೋನು ಸೂದ್ ಫೌಂಡೇಷನ್ ಜಿಲ್ಲೆಗು ಕೊರ‍್ತಿನ ಸುರುತ ಯೋಜನೆಡ್ದು ಜನಕುಲೆಗ್ ಮಸ್ತು ಅನುಕೂಲ ಆತುಂಡು. ಉಳ್ಳಾಲದ ಜನಕುಲೆಗ್ ದುಂಬುದ ದಿನೊಟ್ಟು ಆಮ್ಲಜನಕ ಪಿದಾಯಿಡ್ದು ಕನಪುನ ಬೇಲೆ ಇಪ್ಪುಜಿ.

ನೆಟ್ಟು 30 ರಡ್ದು 40 ಸಿಲಿಂಡರ್ ಆಮ್ಲಜನಕ ಉತ್ಪಾದನೆ ಆಪುಂಡು ಪಂದು ಪಂಡೆರ್. ಈ ಫೌಂಡೇಷನ್ ನಮ್ಮ ಜಿಲ್ಲೆಗು ಕೊರ‍್ಪುನ ಸುರುತ ಕಾರ್ಯ ಇಂದಾತುoಡು. ದುಂಬುದ ದಿನೊಟ್ಟು ಉಳ್ಳಾಲೊಡೆ ಆಮ್ಲಜನಕ ಉತ್ಪಾದನೆ ಆಪುಂಡು. ಜಿಲ್ಲಾಡಳಿತದ ವತಿರ‍್ದು ಸೋನು ಸೂದ್ ಗು ಸೊಲ್ಮೆಲು ಪಂದು ಪಂಡೆರ್.