ತುಳುವೆ ಸರ್ವೋತ್ತಮಣ್ಣ ಗ್ ಪದ್ಮ ಪ್ರಶಸ್ತಿ ತಿಕ್ಕರೆಗಾದ್ ಅಭಿಯಾನ
ಊರು, ಪರ ಊರು, ಪರ ದೇಶದಕಲೆಗ್ ತನ್ನ ಕೈಟಾಯಿನ ಸೇವೆ ಮಲ್ತೊಂದು ಉಪ್ಪುನ ಅಬುಧಾಬಿದ ಸರ್ವೋತ್ತಮ ಶೆಟ್ರೆಗ್ ಈ ಸರ್ತಿದ ಪೀಪಲ್ಸ್ ಪದ್ಮ ಅವಾರ್ಡ್ ಗ್ ನಾಮ ನಿರ್ದೇಶನ ಮಲ್ಪರೆ ಐಲೇಸಾ – ದಿ ವಾಯ್ಸ್ ಆಪ್ ಓಷನ್ ಸಂಗೀತ ಸಂಸ್ಥೆ ಜಾಲತಾಣೊಡು ಅಭಿಯಾನ ಸುರು ಮಲ್ತ್ ದ್ಂಡ್. ಸರ್ವೋತ್ತಮ ಶೆಟ್ರ್ ವಿಶ್ವದ ತುಳುವೆರೆ ನಡುಟು ಭಾಷೆದ ,ಸಂಸ್ಕೃತಿದ ಬುಲೆಚ್ಚಿಲ್ ಗ್. ಬೊಕ್ಕ ಕಲಾವಿದೆರೆಗ್ ಬೆರಿಸಾಯ ಆದ್ ಉಂತುದು ಅಕಲೆನ್ ಲೋಕೊರ್ಮೆ ಪರಿಚಯ ಮಲ್ತ್ ಕೊರಿನೈಕ್ ಅಂಚನೇ ಕೋರೊನಾ ಪೊರ್ತುಡು ಊರ ಜನೊಕುಲೆಗ್ ವಿಮಾನಯಾನ ಸೌಕರ್ಯ, ವೈದ್ಯಕೀಯ ಸವಲತ್ತು ಇಂಚ ಮಾತಾ ಮಲ್ತಿನ ಎಡ್ಡೆ ಬೇಲೆಲೆನ್ ತೂಯಿನಕಲೆಗ್ ಸರ್ವೋತ್ತಮಣ್ಣೆ ಪದ್ಮಶ್ರೀ ಪ್ರಶಸ್ತಿ ಗ್ ಅರ್ಹ ವ್ಯಕ್ತಿ ಪಂಡ್ ದ್ ತೋಜಿದ್ ಬರ್ಪುಂಡು.ಅಂಚಾದ್ ಅರೆನ ಪುದರ್ ಭಾರತ ಸರ್ಕಾರೊಗು ಮಾತೆರ್ಲಾ ಸೇರ್ದ್ ತೆರಿಪಾವುನ,ಬೊಕ್ಕ ಸರಕಾರದ ಮಲ್ಲಮಾನದಿಗೆ ಅರೆಗ್ ಸಂದಾಯ್ತ ಆಪಿಲಕ್ಕ ಒತ್ತಾಯ ಮಲ್ಪುನ ನಮ್ಮ ಕರ್ತವ್ಯ ಪಂಡ್ದ್ ಐಲೇಸಾದ ಸಾರಥಿ ಶ್ರೀ ರಮೇಶ್ ಚಂದ್ರ ಮಾತಾ ತುಳುವೆರೆಡ ಬಿನ್ನಪ ಮಲ್ತೆರ್.
ಸೆಪ್ಟೆಂಬರ್ ತಿಂಗೊಲ್ದ 13-14-15 ತಾರೀಖುದಾನಿ ನಡಪುನ ಈ ನಾಮ ನಿರ್ದೇಶನ ಅಭಿಯಾನೊಗು ದೇಶದ ಪರದೇಶದ ಮಾತಾ ತುಳುವೆರ್ ಒಟ್ಟಾದ್ ಬಾರೀ ಉಮೇದ್ ಡ್ ಪ್ರತಿಕ್ರಿಯೆ ಕೊರೊಂದುಲ್ಲೆರ್. ಈ ಸಾರಿ ತುಳುನಾಡುಗೊಂಜಿ ಪದ್ಮಶ್ರೀ ತಿಕ್ಕುಲಕ್ಕ ಆವೊಡು ಪಂಡ್ದ್ ಕತಾರ್ ದ ಡಾ.ರವಿ ಶೆಟ್ಟಿ ಬಿನ್ನಪ ಮಲ್ತೆರ್.
ಬೆಹರಿನ್ ದ ಆಸ್ಟಿನ್ ಸಂತೋಷ್ ಈ ಅಭಿಯಾನದ ಗುರ್ಕಾರ್ಮೆ ವಹಿಸೊಂಡೆರ್. ವಿವೇಕ್ ಮಂಡಕರೆ ಈ ಜಾಲತಾಣದ ನಾಮ ನಿರ್ದೇಶನದ ಜಬದಾರಿ ದೆತೊಂದು ಸುಲಬೊಡು ಮಾತೆರ್ಲಾ ಪಟ್ಟೊನ್ರೆ ಕಲ್ಪಕೊರ್ದು ಸಹಕಾರ ಕೊರ್ಯೆರ್.
ಮಾತಾ ತುಳುವೆರ್ ಒಂಜಾದ್ ಸೇರ್ದ್ ನಮ್ಮ ಸರ್ವೋತ್ತಮಣ್ಣಗ್ ದೇಶದ ಮಲ್ಲ ಮಾನಾದಿಗೆ ಸಂದಾಯ ಆಪಿಲಕ್ಕ ಸರಕಾರದ ಪದ್ಮಪ್ರಶಸ್ತಿ ತಾಣೊಗು ಪೋದು ಅರೆನ ಕಾರ್ಯ ಸಾಧನೆದ ಪರಿಚಯ ಮಲ್ತ್ ಕೊರೊಡುಂದು ಐಲೇಸಾ ಅಭಿಮಾನೊಡು ವಿನಂತಿ ಮಲ್ತೊಂದುಂಡು.
ನಾಮನಿರ್ದೇಶನದ ಲಿಂಕ್ ಇಂಚ ಉಂಡು.
https://padmaawards.gov.in/
ಈ ಲಿಂಕ್ ಗ್ ಪೋದು ರಿಜಿಸ್ಟರ್ ಆದ್ ಸರ್ವೋತ್ತಮಣ್ಣನ ಪುದರ್ ನಿರ್ದೇಶನ ಮಲ್ಪೊಲಿ. ನಾಮ ನಿರ್ದೇಶನೊಗು ಸಹಾಯದ ಅಗತ್ಯ ಇತ್ತಿನಕುಲು ಐಲೇಸಾದ
ವಿವೇಕ್: 90082 42735
ಗೋಪಾಲ್: 95384 18877 ಈ ನಂಬರ್ಗ್ ಫೋನ್ ಮಲ್ತ್ ತೆರಿಯೊನೊಲಿ.